Жамият
Беш йилдан буён қидирувда бўлган эркак Туркиядан Ўзбекистонга депорт қилинди
Фирибгарликда айбланиб 5 йилдан буён қидирувда бўлган эркак Туркиядан Ўзбекистонга депортация қилинди. Унинг ҳаракатларидан жабр кўрган фуқаролардан Истанбулдаги бош консулхонага ёки ИИВга мурожаат қилишлари сўралди.
Жиззахда Nexia ва Lacetti тўқнашувида икки киши ҳалок бўлди
Жиззах вилояти Шароф Рашидов туманида қувиб ўтиш қоидаларини бузиб, тескари йўналишга чиқиб кетган Nexia қаршисидан келаётган Lacetti билан тўқнашди. Оқибатда Nexia ҳайдовчиси ва йўловчиси ҳалок бўлди.
Фарғонада соғлиғи ёмонлашган Lacetti ҳайдовчиси ЙТҲ содир этди ва ҳалок бўлди
Фарғона вилояти Ўзбекистон туманида 61 ёшли ҳайдовчи соғлиғи ёмонлашгани сабабли бошқарувни йўқотиб, қаршисидан келаётган кичик юк машинаси билан тўқнашди. У оғир жароҳатлар билан воқеа жойида ҳалок бўлди.
«Вагнер» ХҲК сафида хизмат қилган ўзбекистонлик ёлланишда айбланди. Тафсилотлар
Ўзбекистон фуқароси «Вагнер» хусусий ҳарбий компанияси билан шартнома тузиб, Украина, Россия ва Беларусда хизмат қилди. У «Артемовскни озод қилганлик учун» медалини олди ва Евгений Пригожиннинг «адолат марши»да қатнашди. Тошкент суди унинг озодлигини 4 йилга чеклади.
11 сентябрь куни эълон қилинган энг муҳим янгиликлар дайжести
Ўзбекистонда ишлаш учун келган АҚШлик ўқитувчилар, «яқин кунларда» бошланадиган Бойсун конини жиловлаш ишлари, 20 йилдан сўнг яна самолётларни қабул қилаётган Шаҳрисабз аэропорти, камбағалликни қисқартириш бўйича умуммиллий ҳаракат ва бошқалар — «Газета.uz»нинг кунлик дайжестида.
Бойсун газ конидаги аварияга нима сабаб бўлган бўлиши мумкин?
Сурхондарёдаги «М-25» газ кони қудуғидаги авария олдидан хизматлардан кўрсатмалар бўлган ва бурғилаш эритмасида газ топилган, деб хабар берди вазиятдан хабардор бўлган «Газета.uz» манбаси. Нефть-газ соҳасидаги яна бир манбанинг айтишича, ҳодисада фақат ишчиларни айбдор қилиш керак эмас.
Камбағалликни қисқартириш масалалари билан шуғулланувчи комиссия тузилади
Ўзбекистонда бош вазир ўринбосари бошчилигида камбағалликни қисқартириш масалалари билан шуғулланувчи комиссия тузилади. У туманлардаги раҳбарлар фаолиятига баҳо беради ва ҳар ой президентга ахборот киритади. Комиссиянинг вилоят ва туман бўлимларига ҳокимлар бошчилик қилади.
ОТМларга киришда «бюджет» баллининг 80 фоизини тўплаган камбағал оила фарзандларига қўшимча грант ажратилади
Энди камбағал оилаларда камида 1 нафар олий маълумотли киши бўлиши учун шароит яратилади. Бунинг учун, хусусан, ОТМларга киришда грант баллининг 80 фоизини тўплаган камбағал оила фарзандларига қўшимча грант ажратилади. Ўзлаштириш кўрсаткичи 80 фоиздан баландлар эса фоизсиз таълим кредити олади.
Тошкент масжидларидаги 18 нафар имом ва ноиб ишдан олинди
Йил бошидан бери Тошкент шаҳри масжидларидаги фаолиятида хато ва камчиликларга йўл қўйган, меҳнат мажбуриятларини етарли даражада бажармаган 8 нафар имом-хатиб ва 10 нафар имом ноиби вазифасидан озод этилди. Яна 4 нафар имом ва ноибга ҳайфсан қўлланди.
Қуёш панели ўрнатишга мажбурлашни мутлақо ёқламаймиз — Энерговазирлик
Энерговазирлик тадбиркорлар қуёш панеллари ўрнатишга мажбурланаётгани, бу ишни қилмаганлар эса электрдан узиш билан қўрқитилаётгани ҳақидаги хабарларга жавобан «қуёш панели ўрнатишга мажбурлаш йўқ»лигини айтди. ЎзЛиДеП эса ҳолатлар тасдиқланса, вазирлик ва идораларга депутатлик сўровлари юбормоқчи.
Шаҳрисабз аэропорти 20 йилдан сўнг қайта иш бошлади
2003 йилда ёпилган Шаҳрисабз маҳаллий аэропорти фуқаро авиацияси парвозлари учун ўз фаолиятини тиклади. Тошкентдан L410 русумли самолётдаги илк парвоз 1 соат 30 дақиқада етиб борди. Аэродром ҳозирда тўрт турдаги самолёт ва барча турдаги вертолётларни сиғдира олади.
Ўзбекистондаги 14 минг раҳбарнинг ҳар бирига 5 тадан шароити энг оғир оила бириктирилади
Раҳбарлар камбағал оилалар хонадонига кириб, шароитни ўз кўзи билан кўрсагина натижа бўлади, деди президент. Энди вилоятдаги 2 минг ва тумандаги 12 минг раҳбарнинг ҳар бирига 5 тадан шароити энг оғир оила бириктирилиши маълум қилинди.
«Бойсундаги конни жиловлаш ишлари яқин кунларда амалга оширилади» — ФВВ вакили
ФВВ вакили Самандар Ҳикматуллаев Бойсундаги водород сульфид чиққан «Мустақилликнинг 25 йиллиги» газ конини жиловлаш ишлари яқин кунларда амалга оширилишини билдирди. У газдан оммавий заҳарланиш ҳолатлари йўқлиги, аммо одамлар орасида енгил заҳарланиш ҳолатлари учраётганини тан олди.
2024 йилнинг 7 ойида салкам 765 мингта янги иш ўрни ҳисоботларга қўшиб ёзилган
Бош прокуратура январь-июль ойларида 764 723 та янги иш ўрни ҳисоботларга қўшиб ёзилганини маълум қилди. Шунингдек, иш ҳақи ва нафақа пуллари бўйича 4,2 млрд сўм талон-торож қилингани аниқланиб, 52 та жиноят иши қўзғатилди.
«„Олтин“ елкадаги тоғни ағдаради. Менда шу тоғ қолиб кетди». Париж Паралимпиадаси совриндори Гулжаной Наимова ҳикояси
Унинг таэквондочи бўлишига оиласи қарши эди. Акалари: «Сенга тўғри келмайди», деб уни авайламоқчи бўлган. Чунки у чап қўл плексити билан дунёга келган. Аммо у ўз билганидан қолмади ва якунда икки карра Паралимпия совриндорига айланди. «Ирода» лойиҳасида — паратаэквондочи Гулжаной Наимова ҳикояси.
«Ўқимаган миллат кучли бўлмайди». Қозоқбой Йўлдошевнинг шахсий кутубхонасидан репортаж
«Газета.uz» китобхонликни тарғиб қилувчи «Кутубхона» лойиҳасини давом эттиради. Бу галги меҳмон — адабиётшунос олим, педагогика фанлари доктори, профессор Қозоқбой Йўлдошев. «Миллатнинг ҳозирги аҳволига кутубхоналар керак эмас, деган ўй бор. Лекин… ўқимаган миллат кучли бўлмайди», дейди у.
Ўзбекистондаги мактаб ва университетларда ишлаш учун АҚШдан яна 20 нафар ўқитувчи келди
Америкалик 20 нафар ўқитувчи Ўзбекистонга 10 та ҳудуддаги мактаб ва университетда инглиз тилидан дарс бериш учун келди. Мамлакатда 2019 йилдан буён 98 нафар америкалик инглиз тили ўқитувчиси 21 та давлат мактаби ва 30 дан ортиқ университетда ишламоқда.
Термиз шаҳри ва туманидаги газ «заправка»ларга газ етказиб бериш вақтинча тўхтатилди
Термиз шаҳри ва Термиз туманида жойлашган автомобилларга газ тўлдириш компрессор шохобчаларига газ етказиб бериш вақтинча тўхтатилди. Бунга газ қувурида ўрнатилган газ босимини назорат қилувчи қурилмадаги носозлик сабаб экани маълум қилинди.
Ҳайдовчиси 363 марта қоида бузган ва 240 млн сўм қарз бўлган Spark аукционда сотилади
Тошкент шаҳрида Spark ҳайдовчиси 363 марта йўл ҳаракати қоидаларини бузган ва унинг жарима суммаси 240 млн сўмдан ошиб кетган. МИБ автомобилни сотишга уриниш чоғида хатловга олди. У қарз қопланиши учун аукцион савдоларига чиқарилади.
Президент давлат тиббий суғуртасини жорий этиш тўғрисидаги қарорни имзолади
Шавкат Мирзиёевнинг давлат тиббий суғуртаси механизмларини жорий этиш тўғрисидаги қарори қабул қилинди. Тизим 1 октябрдан бошлаб Тошкент шаҳри ва Сирдарё вилоятида, 2025 йил 1 январдан Қорақалпоғистон Республикасида жорий этиш режалаштирилаётганди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг