Жамият
Президент дориларни электрон рецепт асосида бериш ва 300 та клиник протоколни янгилаш бўйича топшириқ берди
Президент мутасаддиларга 300 та клиник протокол ва стандартларни халқаро мезонларга мослаштириш бўйича топшириқ берди. Шунингдек, «Электрон поликлиника», «Электрон шифохона» ва «Электрон тиббий карта» тизимини ишга тушириш, дориларни электрон рецепт асосида беришни йўлга қўйиш вазифасини топширди.
Хоразмда 81 туп дарахт кесган фермер хўжалиги раҳбарига жиноят иши қўзғатилди
Гурлан туманида фермер хўжалиги раҳбари 81 туп биологик соғлом туронғил дарахтини ноқонуний кесгани аниқланди. Бунинг оқибатида табиатга 618,1 млн сўмлик зарар этказилган. Хўжалик раҳбарига жиноят иши очилди.
«Биз „Док-1 Макс“ иши бўйича ҳамкорликка тайёрмиз». Болалар омбудсмани — жабрланган ва вафот этган болаларнинг ота-оналарига компенсация тўлаш ҳақида
Болалар омбудсмани Сурайё Раҳмонова «Док-1 Макс» сиропи ишида ота-оналар билан ҳамкорлик қилишга тайёрлигини билдирди. Ундан фойдаланиш оқибатида Ўзбекистонда камида 69 бола ҳалок бўлганди.
Жаҳонгир Ортиқхўжаев баъзи журналистларни «УЖЖ» деб атаб, «сал пастроққа тушишни» сўради
Собиқ ҳоким Жаҳонгир Ортиқхўжаев журналист ва блогерларни танқид қилиб, айримларини УЖЖ — «уюшган жиноий журналистлар» деб атади. У улардан «сал пастроққа тушишни» ва ўзларини «бутун жамоатчилик» деб ҳисобламасликни сўради. Унинг сўзларига кўра, улар хорижий ОАВ билан рақобатга дош бера олмайди.
5 февраль куни эълон қилинган энг муҳим янгиликлар дайжести
KPI бўйича ишлайдиган вазирлар, озодликка чиққан Отабек Сатторий, ўзбекистонлик мигрантларни ишга чақираётган Исроил, дорилар сотуви билан боғлиқ «ўйинлар» ҳақида гапирган президент ва бошқалар — «Газета.uz»нинг кунлик дайжестида.
«Жинсий тарбиядан олабўжи ясамаслик керак» — болалар омбудсмани
Ўзбекистонда жинсий тарбия «боланинг тарбияси ва ахлоқий фазилатларига қандайдир тарзда таҳдид солади», деган фикр кенг тарқалган, деди болалар омбудсмани Сурайё Раҳмонова Alter Ego лойиҳасига берган интервьюсида. «Ундан олабўжи ясамаслик керак. Маърифат таҳдид солиши мумкин эмас», — деди у.
Президент Париждаги Олимпия ўйинларида якка курашдан бошқа спорт турларидан ҳам медаллар кутмоқда
Шавкат Мирзиёев Парижда бўладиган Олимпия ва Паралимпия ўйинларига қаттиқ тайёргарлик кўришни тайинлади. «Бу йилги ютуқларни Токиодаги каби фақат якка кураш спорт турлари ҳисобидан қўлга киритамиз, деган фикр мутлақо нотўғри. Натижа тарихда энг яхшиси бўлиши учун ҳозирдан чора кўриш керак», деди у.
Блогер Отабек Сатторий қамоқдан озод этилди
2021 йилнинг майида 6,5 йилга қамалган сурхондарёлик блогер Отабек Сатторий суд ажрими билан қамоқдан озод этилди. Унга белгиланган жазо ахлоқ тузатиш иши жазосига алмаштирилиб, иш ҳақининг 20 фоизини давлат даромади фойдасига ундирилиши белгиланди.
Ерости метро бекатларидаги эски эскалаторларни алмаштириш ишлари бошланди
10 февралдан 20 мартгача Тошкент метросининг «Халқлар дўстлиги» бекатидаги «Tashkent city» мажмуасига олиб чиқувчи вестибюль ёпиқ бўлади. Бу вақтда муддатини ўтаб бўлган эскалатор янгисига алмаштирилади.
Техникумларда ҳам «кредит тизими» бўлади. У олийгоҳларда тан олинади
Янги ўқув йилидан коллеж-техникумнинг 1−2 курсида таълим тизими ва уни баҳолаш олийгоҳлар билан тенглашади. Техникумларда ҳам олийгоҳларда тан олинадиган «кредит тизими» яратилади. 2 йил етарли «кредит» тўплаганлар «2+2» ёки «2+3» дастури асосида ОТМнинг 2 ёки 3-курсларида таълимни давом эттиради.
Президент: Бюджетдан маблағ ажратилса-да, онкологик беморлар дориларни 10 баробар қиммат сотиб олишга мажбур
Президент онкологик беморларга дорилар вақтида етиб бормаслигига сабаб бўлаётган «ўйинлар»ни танқид қилди. «Эндокринология, кардиология, шошилинч хизматда ҳам бундай фактлар етарли», — деди у. Давлат раҳбари, шунингдек, дориларнинг яширин айланмасига етарли чора кўрилмаётгани ҳақида ҳам гапирди.
Ўзбекистоннинг 6 та вилоятида бир ҳафта давомида қор кўчиши хавфи эълон қилинди
6−12 февраль кунлари кутилаётган ёғингарчилик ҳамда ҳароратнинг ўзгариши сабабли 6 та вилоятнинг тоғли ҳудудларида қор кўчиши хавфи эълон қилинди. 7−8 февраль кунлари эса Қамчиқ довонида қор ёғиши, вақти-вақти билан кучли ёғингарчилик ва туман кузатилиши, кўринувчанлик 50 метргача пасайиши мумкин.
Ҳар бир она ва бола ўлими «фавқулодда ҳолат» деб баҳоланади — Шавкат Мирзиёев
Президент оналар ва гўдаклар ўлимига тўхталиб, «Ҳар бир она ва бола ўлими „фавқулодда ҳолат“ деб баҳоланади ва сўров шунга яраша бўлади», — деди. Мирзиёевнинг ўтган йилги сайловолди дастурида 2030 йилгача бундай ўлимларни камида 2 баробарга қисқартириш режа қилинганди.
«ДХШ асосида боғча очганларнинг 1,5 мингдан зиёди ноқонуний ҳаракатлар содир этган» — Мактабгача таълим агентлиги
Ўзбекистонда 1,5 мингдан зиёд нодавлат мактабгача таълим ташкилотида давлат бюджетини ўзлаштириш ҳолатлари аниқланди. Айрим тадбиркорлар бунда махсус дастурий ёки аппарат воситаларидан фойдаланган. Ушбу ҳолатлар бўйича маълумотлар ҳуқуқни муҳофаза қилувчи органларга тақдим этилди.
Онкология бўйича ҳар бир эрта аниқланган ҳолат учун тиббиёт бригадаларига мукофот жорий қилинади
Ўзбекистонда онкология бўйича ҳар бир эрта аниқланган ҳолат учун тиббиёт бригадаларига мукофот бериш жорий қилинади. Бу тажриба 1 майдан Қашқадарёда бошланади ва келгуси йилдан бошқа ҳудудларда йўлга қўйилади.
Билимни баҳолаш агентлиги абитуриентларни имтиҳон қилиш билан чекланмоқда — президент
Шавкат Мирзиёев ДТМ Билим ва малакаларни баҳолаш агентлиги сифатида қайта ташкил этилса-да, ҳалигача абитуриентларни имтиҳон қилиш билан чекланаётганини айтди. Эндиликда профессионал ва олий таълимда касбий кўникмаларни белгилаш ва уларни баҳолашнинг янги тизими жорий қилинади.
Ўзбекистонда вояга етмаганлар 2023 йилда 3,5 мингта жиноят содир этди
2023 йилда Ўзбекистонда вояга етмаганлар томонидан 3500 та жиноятчилик қайд этилди. Уларнинг 2280 таси мактаб ўқувчилари ҳисобига тўғри келди. Президент мактабларда болаларни ватанпарварлик руҳида тарбиялаш орқали уларнинг «жиноятга қарши иммунитетини» шакллантириш тизимини яратиш муҳимлигини айтди.
Мактаблардаги инспектор-психологлар штати Ички ишлар вазирлигидан Миллий гвардия тизимига ўтказилади
Мактаблардаги инспектор-психологлар штати Ички ишлар вазирлигидан Миллий гвардия тизимига ўтказилади. Яқинда уларга қатор қонунбузарликларни содир этганларга нисбатан жазо қўллаш ваколати берилганди.
Президент ижтимоий соҳа вазирлари билан йиллик шартномалар тузиш ва улар учун KPI белгилашни топширди
Шавкат Мирзиёев бош вазирга ижтимоий соҳа вазирлари, шунингдек, уларнинг ўринбосарлари ва ҳоким ўринбосарлари билан бир йиллик шартномалар тузиш, улар учун KPI белгилаш бўйича топшириқ берди. Соғлиқни сақлаш, таълим ва фан соҳаларидаги аҳвол танқид қилинди.
Президент таълим тизимидаги камчиликларни санаб ўтди
Шавкат Мирзиёев профессионал таълимда масъул идоралар кўпайгани учун ривожланиш бўлмаётганини таъкидлади. «Талабалар учун олийгоҳларда мустақил ишлашга муҳит яхши эмас, айрим ректорларда ташаббус, интилиш, фидойилик етишмаяпти». Баъзи чекка қишлоқларда эса болалар боғчаларга тўлиқ қамраб олинмаган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг