«Тошкент халқа автомобиль йўлларидан фойдаланиш участка бошқармаси» унитар корхонаси буюртмачилигида ўтган 3,2 млрд сўмлик давлат харидида қонунбузилиш ҳолатлари аниқланди. Харид натижалари комиссия иштирокисиз, бошқа шахс томонидан уларнинг электрон рақамли имзолари орқали баҳоланиб, имзоланган.
Қўштепа туманида 65 ёшли қайнота оилавий жанжал туфайли келинини ўлдириб қўйди. Суд эркакни 13 йил 2 ойга озодликдан маҳрум қилди.
Ўзбекистонда балиқ овлашни тартибга солувчи қарор лойиҳаси муҳокамага қўйилди. Унда браконьерликка қарши курашиш, ноқонуний ов оқибатида етказилган зарарни ҳисоблаш, тақиқланган ов қуролларини йўқ қилиш тартиблари мавжуд. 2022 йилда ноқонуний балиқ овлаш бўйича 1119 та ҳуқуқбузарлик аниқланган.
Президент қарори билан «Ташаббусли бюджет» лойиҳаси учун раҳбарларнинг мажбурий овоз йиғиш бўйича ходимларга топшириқ беришлари тақиқланади. Бундай ҳолат мажбурий меҳнатга жалб қилиш сифатида баҳоланади. Лойиҳа доирасида овоз тўплаш ва ғолибларни аниқлаш механизми танқидий кўриб чиқилади.
«Ташаббусли бюджет»да ғолиб бўлмаган 1309 та лойиҳа учун яна 1,3 трлн сўм пул, мартда қарийб 1,5 млрд долларга ошган олтин-валюта захиралари, кунлар +37 даражагача исиши, пора билан ушланган туман ҳокими ўринбосари, ишдан кетган Нурафшон шаҳри ҳокими ва бошқалар — «Газета.uz»нинг кун дайжестида.
Ижтимоий тармоқларда мактабгача таълим муассасаларидан бирида тарбияланувчилар Конституция тарғиботига жалб қилингани акс этган видеоёзув тарқалди. Мактабгача таълим агентлиги барча ҳудуд вакилларига огоҳлантириш ҳамда бундай ҳолатларнинг олдини олиш бўйича тавсиялар берилганини маълум қилди.
Ўзбекистонда 10 апрелдан 10 майгача «Тоза ҳаво» ойлиги бўлиб ўтади. Бу давр мобайнида 79 та ЙПХда кўрик нуқталари, марказий кўчаларда эса кўчма постлар ташкил этилиб, автомобиллар чиқараётган зарарли газлар миқдори кўрикдан ўтказилади.
Президент топшириғига кўра, «Ташаббусли бюджет» жараёнларининг 2023 йил 1-мавсумида иштирок этиб, ҳар бири 2 мингдан ортиқ овоз тўплаган, лекин ғолиб деб топилмаган 1309 та лойиҳани амалга ошириш учун қўшимча 1,3 трлн сўм маблағ ажратилади.
Ўзбекистонда халқ ёки давлатнинг миллиардлаб пулини ўғирлаганлар фирибгарлик айби билан 5−6 йилга қамалиб, муддатининг учдан бирини ўтаяпти ва озодликка чиқиб, «яширган пулини» сарфлашда давом этмоқда, деди сенатор Шуҳрат Чуллиев. Янги тузатишларга кўра, улар энди «қўнғироқдан қўнғироққача ўтиради».
Ўзгидромет 12−14 апрель кунлари мамлакатнинг қатор ҳудудларида шамол 25−28 м/с гача кучайиши ва чанг-тўзон кузатилиши мумкинлигидан огоҳлантирди.
Кузда Тошкент шаҳрида «Ўзбекистонликлар бутунжаҳон форуми» ўтказилади ва хориждаги энг фаол ватандошлар тақдирланади. Қолаверса, хориждаги ватандошлар орасида ўзбек тилини кенг тарғиб қилиш мақсадида махсус онлайн машғулотлар ташкил этиш ҳам режалаштирилмоқда.
Тошкент шаҳар ИИББ тез ёрдам диспетчерини ҳақоратлаб, унга таҳдид қилган шахсга нисбатан маъмурий баённома тузилганини маълум қилди. Эркак онасига аёл шифокор жўнатилишини талаб қилган, бўш аёл шифокорлар бригадаси бўлмагани сабабли эркак шифокорлар юборилганди.
Май ойидан бошлаб Asialuxe Travel Чехияга саёҳатни, шунингдек, Франция, Германия, Австрия ва Италияга ташриф буюриш имконини берувчи ҳафталик дастурини эълон қилди.
Қамчиқ довонида хандаққа тушиб кетган Lаcetti автомобили махсус қутқарув ходимлари томонидан чиқариб олинди. Ҳодиса оқибатида 2 киши жароҳат олди.
Узун туманида ЙПХ инспектори фуқародан 800 доллар олаётганда ушлангани айтилмоқда. Ходим ҳайдовчига машинасининг ойналарини рухсатномасиз қорайтириб олган учун ҳужжат расмийлаштирмасликни ваъда қилган. Ҳолат бўйича жиноят иши қўзғатилди.
Сешанба куни Эрон ҳудудларидан жуда илиқ ва қуруқ ҳаво массаси кириб келади. Ҳафта давомида асосан ёғингарчиликсиз об-ҳаво бўлиши кутилмоқда ва ҳарорат +37 даражагача кўтарилади. Бироқ тоғолди ва тоғли ҳудудларда вақти-вақти билан ёмғир ёғади.
Андижон вилояти Избоскан тумани ҳокими ўринбосари 8 сотих ерни ноқонуний равишда олиб беришга уринганликда гумонланмоқда. У бунинг эвазига 5,3 млн сўм олганида қўлга тушди.
Тошкент шаҳри ҳокими в.б. Шавкат Умурзоқов пойтахтни сув босишига нималар сабаб бўлаётгани ҳақида гапирди. Унинг сўзларига кўра, бунда қисман одамларнинг ўзи айбдор. «Ўзимиздан ҳам айб қидирайлик, 20−30 фоиз дренажларни фуқаролар уй қуриш жараёнида ёпиб юборган», — дейди ҳоким.
Маҳаллаларга туман ва шаҳар маҳаллий кенгашларида кўриб чиқиш учун таклиф киритиш, кун тартибини ишлаб чиқиш ва муҳокама қилишда қатнашиш ҳуқуқи берилади. 2327 та маҳалла учун эса янги бино қуриб берилади. Сентябрда «Маҳалла институтининг жамият ҳаётида тутган ўрни» халқаро форуми ўтказилади.
2023 йилда аҳоли ва тадбиркорларнинг мавжуд муаммоларини «хонадонбай» ўрганиш бўйича сўровномалар ўтказилади. Қолаверса, дафтарларга киритилган аҳолига кўрсатилган ёрдам ҳақидаги маълумотлар ягона ахборот тизимига киритилади. Ҳар бир маҳалланинг электрон харитаси ишлаб чиқилади.
Қўшимча имкониятларга эга булиш учун сайтда рўйхатдан ўтинг