Жамият
Самарқанд давлат тиббиёт университетининг Жиззах филиали ташкил этилади
Самарқанд давлат тиббиёт университетининг Жиззах филиали ташкил этилади. 2023/2024 ўқув йилидан Жиззах давлат педагогика университетининг айрим таълим йўналишларидаги талабаларига ўқишини ушбу филиалда давом эттиришга рухсат берилади.
Бухородаги савдо мажмуасида ёнғин содир бўлди
Ғиждувон туманидаги савдо мажмуасида ёнғин келиб чиқди. 8 та қутқарув экипажи 2,5 соат давомида ёнғинни ўчирди. Ҳодиса оқибатида мажмуанинг 250 квадрат метр майдони ёнди.
Тошкент — Термиз ва Тошкент — Урганч йўналишида қўшимча поезд қатновлари йўлга қўйилади
Қишки таътил кунлари узайтирилиши муносабати билан 16−20 январь кунлари Тошкент — Термиз — Тошкент ва Тошкент — Урганч — Тошкент йўналишида қўшимча поезд қатновлари йўлга қўйилади.
Тошкент ҳокими шаҳар хизматлари совуқ кунларда қандай ишлаши бўйича кўрсатмалар берди
Тошкент ҳокими шаҳар хизматларининг аномал совуқ кунлардаги фаолиятига бағишланган йиғилиш ўтказди. У асосий фаолиятдан чалғитадиган мажлислар ўтказишни тақиқлади. Кўчалар зудлик билан қордан тозаланади. Жамоат транспортидан фойдаланиш учун қулай шарт-шароитлар яратилиши керак.
6 январь куни Ўзбекистонда содир бўлган энг муҳим хабарлар дайжести
Хотини ва 5 ойлик боласини ўлдириб, ўзини осган эркак, зоопарк ходимини тишлаб ўлдирган айиқ, лаборатория синовидан тўлиқ ўтмаган «Док-1 Макс» ва «Амбронол», Қозоғистондаги январь воқеаларида қатнашган ўзбекистонликлар, аномал совуқда уйдан ишлаш таклифи ва бошқалар — «Газета.uz»нинг кун дайжестида.
Ётоқхонага таътил тугашидан олдин келган талабаларга шароит яратилади
Олий таълим, фан ва инновациялар вазирлиги қишки таътил узайтирилишидан олдин ОТМ ётоқхоналарига келган талабаларга узайтирилган таътилни ота-оналари билан ўтказишни тавсия қилди. Қайтишга имконияти бўлмаганларга эса ётоқхонада шароит яратилиши мумкинлиги айтилди.
«19,5 млрд сўмга 5 та давлат қўриқхонасининг бошқарув тизими яхшиланади» — Табиат ресурслари вазирлиги
2023 йилда Табиат ресурслари вазирлигига қарашли 5 та қўриқхонанинг бошқарув тизими яхшиланади. Бу ишлар учун давлат бюджетидан 19,5 млрд сўм ажратилмоқда. «Мазкур маблағга фотоқопқонлар, дронлар, камералар сотиб олинади, илмий салоҳият ва лабораториялар кучайтирилади», — деди вазирлик вакили.
Сурхондарёдаги ЙТҲ оқибатида 1 ёшли бола ва унинг онаси вафот этди
Узун туманида «ВАЗ 21011» автомобили «КамАЗ» билан тўқнашди. Ҳодиса оқибатида йўловчи аёл ва унинг 2022 йил туғилган боласи вафот этди.
Жиззахдаги колониядан қочган 2 маҳкум Қирғизистон билан чегарада қўлга олинди
Зафаробод туманидаги 30-сон жазони ижро этиш манзил-колониясидан қочган икки маҳкум бир кундан кейин Андижон вилоятининг чегара ҳудудларидан бирида ушланиб, вақтинча сақлаш ҳибсхонасига жойлаштирилди.
Наманган ва Андижон аэропортлари вақтинча ёпилди
Қуюқ туман туфайли кўришнинг ёмонлашиши Наманган ва Андижон аэропортлари фаолиятини чеклаб қўйди. Рейслар ўзгартирилган йўналиш бўйича амалга оширилмоқда.
«Юксалиш» ҳаракати аномал совуқда масофавий ишлашга ўтишга чақирди
«Юксалиш» ҳаракати давлат ва хусусий сектордаги иш берувчиларни аномал совуқ кунларда, агар ходимларнинг иш жойида бўлишига эҳтиёж бўлмаса, уйдан ишлашига рухсат беришга, жамоат транспортининг узлуксиз ҳаракатини таъминлашга чақирди.
Ўзбекистонда беморлар шифохоналарда ўртача 6 кун даволанмоқда
Давлат статистика қўмитаси маълумотларига кўра, 2022 йилнинг 1 январь ҳолатига Ўзбекистонда беморларнинг стационар даволаш муассасаларида ўртача даволаниш давомийлиги 6 кунни ташкил этди.
«Док-1 Макс» ва «Амбронол» дорилари белгиланган тартибда лаборатория синовидан ўтмаган — ДХХ
«Дори воситаларини стандартлаштириш илмий маркази» масъуллари «Док-1 Макс» ва «Амборонол» дориларини тартиб бўйича лаборатория синовидан ўтказмагани аниқланди. Оқибатда сифатсиз дори сотувга чиққан. Ҳозирда «Quramax Mediсal» ва илмий марказнинг жами 4 ходими гумонланувчи сифатида ҳибсга олинди.
Тошкентда мижоз талашган маклер ҳамкасбини жароҳатлади
Чилонзор туманида мижоз талашган маклер ҳамкасбини номаълум жисм билан жароҳатлади. Оқибатда жабрланувчи қорин олди девори санчилиб кесилган жароҳати, талоқ ва буйрак шикастланиши билан шифохонага мурожаат қилган.
Қорақалпоғистонда Cobalt ва Nexia-2 тўқнашуви оқибатида бир киши вафот этди
Кегейли туманида Cobalt ва Nexia-2 иштирокида йўл-транспорт ҳодисаси сабаб ҳайдовчилардан бири вафот этди. Икки киши шифохонага ётқизилди.
Пойтахт ИИББ: «Фатзорб» оздирувчи дорисида кучли таъсир қилувчи модда аниқланди
Тошкент шаҳар ИИББ пойтахтда 252 дона «Фатзорб» дорисини сотаётганларни ушлади. Оздирувчи маҳсулот дея сотилаётган дори таркибида «Сибутрамин» кучли таъсир қилувчи модда борлиги аниқланди.
Дам олиш кунлари илиқ ҳаво кузатилади
Ўзбекистонда келаси ҳафта кутилаётган совуқ олдидан дам олиш кунларида ҳаво нисбатан илиқ бўлади. Мамлакатнинг аксарият ҳудудларида ёмғир ёғади. Баъзи жойларда шамол кучаяди.
Самарқандда эркак хотини ва 5 ойлик боласини ўлдириб, ўзини осди
Оқдарё туманида эркак хотинини қайчи билан уриб, бешикда ётган 5 ойлик боласини эса бўғиб ўлдирди. Сўнгра ўзини осиб, жонига қасд қилди. Ҳодисага оилавий келишмовчилик сабаб бўлгани айтилмоқда.
Андижонда айиқ зоопарк ходимини тишлаб ўлдирди
Андижон вилоятидаги ҳайвонот боғида ёввойи айиқ боғ ходимига ташланиб, бўйин қисмидан тишлаб олди. Оқибатда ходим оғир тан жароҳати олиб, ҳодиса жойида вафот этди.
Фарғонада мактаб ўқувчилари Gentra’ни ёқиб юборди
Тармоқларда мактаб ўқувчилари гугурт ёрдамида Gentra автомобилининг олд қисмини ёқиб юборгани тасвирланган видео тарқалди. Фарғона вилояти ИИБ ҳолат бўйича вояга етмаганларнинг ота-оналарига маъмурий ҳужжатлар расмийлаштирилганини маълум қилди. Машинага етказилган моддий зарар қопланди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг