Жамият
Болаларнинг дам олишини ва соғломлаштирилишини ташкил этиш департаменти очилади
Касаба уюшмалари федерациясида болаларни соғломлаштиришга кўмаклашувчи жамғарма ва департамент очилади. Уюшма аъзоларининг фарзандлари дам олиши учун харажатларнинг 600 минг сўми шу жамғармадан қопланади. Маҳаллий бюджетнинг прогноздан ортган қисмидан 10 фоизи ҳар чоракда жамғармага ўтказилади.
Яшнободда 16 та дарахт ноқонуний кесиб ташланди, етказилган зарар 3,5 млрд сўмга баҳоланмоқда
Тошкентда Assalom Havo турар жой мажмуаси қурилиши режалаштирилган майдонда 16 та дарахт ноқонуний кесиб ташланган. Объект қурувчиси сифатида Yangi Zamon Bino компанияси кўрсатилган, унинг ҳаммуассисларидан бири — «Ўзбекистон темир йўллари»дир. Етказилган зарар 3,5 млрд сўмга баҳоланмоқда.
Ўзбекистонда ковид юқтирганлар сони кескин ошди
Жума куни Ўзбекистонда коронавирус инфекциясини юқтириб олиш билан боғлиқ 92 та ҳолат қайд этилди, ушбу ҳолатларининг 71 таси Тошкент шаҳрида рўйхатга олинган. Бир кун аввал 69 кишининг коронавирусга қарши топширган тести мусбат натижани берганди.
Нима тайёрлаймиз: Балиқдан таомлар
Фольгада пиширилган балиқ, рангдор гулмоҳи балиғидан стейк, балиқли котлетлар, помидор ва тунец балиғидан тайёрланган паста, тунец балиғидан салат ва бошқалар — Zira.uz ноодатий таомларни хуш кўрувчилар учун балиқдан тайёрланган таомлар рецептлари рўйхатини тақдим этади.
Salam Air илк бор Уммондан Наманганга авиақатновларни йўлга қўйди
18 ноябрь куни Salam Air авиакомпанияси Маскат-Наманган-Маскат йўналиши бўйича янги парвозлар қатновини йўлга қўйди. Жума куни компаниянинг А-320 русумли самолёти Намангандан Маскат шаҳрига 184 нафар йўловчини олиб кетди.
Ўзбекистон фуқароси Москвада қиз болани ўлдирганликда гумон қилинмоқда
Россиянинг Тамбов вилоятида қиз болани ўлдирганликда гумон қилиниб 25 ёшли Ўзбекистон фуқароси қўлга олинди. Қизнинг пичоқланган жасади Москвада топилган. Бир кун олдин жабрланувчи полицияга қўнғироқ қилиб, таъқиб этилаётгани ҳақида хабар берган.
Ўзбекистон Европа билан космик алоқа тизимларини жойлаштириш бўйича ҳамкорлик қилишга тайёр
Ўзбекистон Марказий Осиё мамлакатлари кўмагида рақамли тармоқлар, жумладан, сув ости ва ер усти оптик толали кабеллар ҳамда ҳимояланган космик алоқа тизимларини ўрнатиш бўйича Европа билан ҳамкорлик қилишга тайёр, дея маълум қилди ташқи ишлар вазири Владимир Норов.
2019 — 2021 йилларда 464 та спорт муассасасида давлатга 27 млрд сўмлик зарар етказилгани аниқланди
Бош прокуратура охирги 3 йилда 464 та спорт муассасасида давлат бюджетидан ажратилган 27 млрд сўм маблағ талон-торож қилинганини қайд этди. Шундан 10 млрд сўми ундирилиб, 431 нафар шахснинг бузилган ҳуқуқи тикланди. Ҳолатлар бўйича 66 та жиноят иши қўзғатилди.
Самарқандда қайнонаси билан урушиб қолган аёл уч боласи билан бирга ўзини сувга ташлади
Самарқанд туманида 26 ёшли аёл қайнонасига «аччиқ қилиб», ўзи ва болаларини сувга ташлади. Оқибатда болаларнинг икки нафари ҳалок бўлган. Воқеадан сўнг вилоят ИИБ бошлиғи иштирокида ўтказилган йиғилишда «маҳалла мутасаддиларининг фаолияти қониқарсиз» деб баҳоланган.
Қурилишнинг барча жараёнлари рақамлаштирилади
Президент қарори билан 2023 йил 1 январга қадар қурилиш объектларини рўйхатга олишдан бошлаб, фойдаланишга қабул қилишгача бўлган барча жараёнлар рақамлаштирилади. «Шаффоф қурилиш» миллий ахборот тизимининг мобил иловаси яратилади.
Сенатда свет ва газ муаммоси кўтарилди: Давлат дастурида электр энергиясига доир банд бажарилмаган
Сенатор Маҳмуд Парпиевга кўра, Давлат дастурининг энергетика соҳасида рақобат муҳитини ривожлантиришга доир банди бажарилмаган, бу эса Ўзбекистондаги газ ва электр таъминоти билан боғлиқ аҳволга таъсир қилмоқда. Энергетика вазирлиги муаммони ҳал этиш учун қилинаётган ишлар ҳақида маълумот берди.
Икки кунлик чақалоғини $35 минг эвазига сотмоқчи бўлган аёл 5 йилга қамалди
Тошкент шаҳар Бектемир туман судида янги туғилган чақалоғини $35 минг эвазига сотмоқчи бўлган аёлга ҳукм ўқилди. Маълум бўлишича, судланувчи боласини 15 йиллик танишига бермоқчи бўлган. У Жиноят кодексинин тегишли моддалари билан айбдор деб топилиб, 5 йилга озодликдан маҳрум этилди.
Самарқандда фуқарони АҚШга юбориш эвазига $40 минг талаб қилган шахслар ушланди
ДХХ фуқарони АҚШга юборишни ваъда қилиб, ундан 40 минг доллар талаб қилган шахсларни гумонланувчи сифатида қўлга олди.
Uzbekistan Airways талабаларга 50% чегирма тақдим этади
Қишки таътил муносабати билан олий таълим муассасаларида таҳсил олаётган талабаларга 22 декабрдан 10 январгача Uzbekistan Airways томонидан чегирма тақдим этилади. Бунинг учун улардан талабалик гувоҳномаси, ўқиш жойидан маълумотнома ва паспорт ёки ID-карта сўралади.
Навоийда Lacetti икки пиёдани уриб кетди
Навоий шаҳрида Lacetti икки нафар пиёдани уриб юборди. Жабрланувчилар шифохонага ётқизилди.
Шанба куни ёмғир ёғади, якшанба ёғингарчиликсиз ўтади
Шанба куни Ўзбекистоннинг аксарият ҳудудларида ёмғир ёғиб, туман тушиши, 15−20 м/с гача шамол бўлиши мумкин. Якшанба куни ёғингарчиликсиз об-ҳаво кутилмоқда, ҳаво ҳарорати кечаси +3…+8, кундузи +10…+15 даража бўлади.
Ўзбекистонда ўзини-ўзи энергия билан тўлиқ таъминлайдиган хонадон қурилди
Тошкент вилоятининг Нурафшон шаҳрида ўзини-ўзи қайта тикланувчи энергия манбалари орқали энергия ресурслари билан тўлиқ таъминлайдиган хонадон барпо этилди. Унга 15 кВт қувватга тенг қуёш панеллари ўрнатилган.
«Қамчиқ» довонида юк автомобили ёниб кетди
Поп тумани ҳудудидан ўтган А-373 Тошкент — Ўш автомобиль йўлида Volvo юк автомобилида ёнғин юзага келди. Ҳодиса оқибатида жароҳат олган фуқаролар йўқ.
Мўйноқда XII-XIV асрларга тегишли маданий мерос объекти топилди
Ҳоким ота Сулаймон Боқирғоний зиёратгоҳи ҳудудида XII-XIV асрларга тегишли маданий мерос объекти аниқланди. У Хоразмшоҳлар ва Олтин Ўрда даврига хослиги, яъни Сулаймон Боқирғоний яшаган давр ва ундан кейинги даврларга тўғри келиши тахмин қилинмоқда.
Самарқандда «Тинчлик дарахти» монументи очилди
Самарқандда француз ҳайкалтароши, ЮНEСКОнинг Маданий дипломатия бўйича махсус элчиси Ҳедва Сирнинг «Тинчлик дарахти» монументи очилди. Маросимда унинг ўзи ҳам иштирок этди. Худди шундай ёдгорлик яна 20 га яқин мамлакатда ўрнатилган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг