Жамият
Ўзбекистонда дам олиш кунлари совуқ антициклон таъсири сақланиб туради
Ўзбекистонда дам олиш кунлари совуқ антициклон таъсири сақланиб туради. Ҳаво ҳарорати кечалари −2…−7 даража, кундуз кунлари 0…+5 даража атрофида бўлади. Республиканинг барча ҳудудларида кучсиз шамол бўлиши кутилмоқда.
Талабаларга поезд чипталарини сотиб олиш учун 50% чегирма эълон қилинди
«Ўзбекистон темир йўллари» компанияси 22 декабрдан 10 январгача давлат ОТМларида ўқийдиган талабалар учун маҳаллий йўналишдаги поездларга 50% чегирма эълон қилди. Уларни темирйўл кассаларидан ёки railway.uz сайтидан харид қилиш мумкин.
Ўзбекистонда ҳайдовчилар наркотестер орқали текширувдан ўтказилиши мумкин
Ҳукуматнинг ЙПХ ходимларининг махсус мосламалардан фойдаланиши тартиби бўйича қарор лойиҳаси муҳокамага қўйилди. Ҳужжат билан ҳайдовчиларининг гиёҳвандлик воситалари ва психотроп моддалар таъсиридан маст ҳолатда эканлигини аниқлашда наркотестер техник воситасидан фойдаланиш йўлга қўйилиши мумкин.
Бухорода давлатга 2,5 млрд сўм зарар етказган майнинг ферма аниқланди
ДХХ ва Бухоро вилояти ИИБ ходимлари томонидан Ромитан туманида 456 дона майнинг қурилмаларини ўрнатган ферма аниқлади. Электр энергиясидан ноқонуний фойдаланиш оқибатида ферма давлатга 2 млрд 530 млн сўм миқдорида зарар етказгани маълум бўлди.
Ўзбекистонга яна 2,3 млн доза Pfizer вакцинаси келтирилди
Ўзбекистон бир ҳафта ичида Pfizer вакцинасининг 3-партиясини қабул қилиб олди. Жума куни 2,3 млн доза вакцина келтирилди. Аввалроқ, мазкур вакцинанинг қарийб 143 минг ҳамда 550 минг дозаси етиб келганди.
Ўзбекистон номоддий маданий меросининг яна иккита элементи ЮНЕСКО рўйхатига киритилди
Ўзбекистон номоддий маданий меросининг яна иккита элементи — ипакчилик ва Хўжа Насриддин латифалари ЮНЕСКО рўйхатига киритилди. Улар ташкилотга Озарбайжон, Эрон, Туркманистон, Тожикистон, Туркманистон ва Туркия билан ҳамкорликда Ўзбекистон томонидан тақдим этилди.
Тажимуратов Оринбаев ва Камалов судга чақирилишини сўради
Нукус воқеалари бўйича асосий гумондор Даулетмурат Тажимуратов Қорақалпоғистон Жўқорғи Кенгесининг амалдаги ва собиқ раҳбарларини судга чақирилишини сўраб мурожаат қилди. Шунингдек, у қайси академия одамларни отишни ўргатишини сўради.
1 декабрь куни Ўзбекистонда содир бўлган энг муҳим хабарлар дайжести
Нукус воқеалари тафсилотлари: кўрсатув берган Даулетмурат Тажимуратов, фарзандларидан айрилган одамлардан кечирим сўраган Лолагул Каллиханова, 10 ойда ИИВда вафот этган 25 ходим, ўзини осган 12 ёшли қиз, ошаётган ковид статистикаси, декабрь об-ҳавоси ва бошқалар — «Газета.uz»нинг кун дайжестида.
AKFA Medline тиббиёт маркази 5 йиллигини нишонламоқда
Қисқа муддат ичида етакчилардан бирига айланган AKFA Medline 5 йил давомида қандай ютуқларга эришганлиги ҳақида сўзлаб берди.
Видео: Нукус воқеалари бўйича Даулетмурат Тажимуратов кўрсатув берди
Нукус воқеалари бўйича суднинг тўртинчи кунида асосий айбланувчи Даулетмурат Тажимуратов кўрсатув берди. «Газета.uz» Youtube`да жонли эфирга намойиш қилди.
Шавкат Мирзиёев ХХР раисига таъзия йўллади
Ўзбекистон президенти Шавкат Мирзиёев Хитой Халқ Республикаси раиси Си Цзиньпинга мамлакатнинг собиқ халқ раиси Цзян Цзэминнинг вафоти муносабати билан мактуб йўллаб, марҳумнинг оила аъзолари ва яқинларига чуқур ҳамдардлик билдирди.
Ўзбекистон ИИВ раҳбари унинг истеъфоси талаб қилинганидан хабардор экани маълум бўлди
Публицист ва блогер Шокир Шарипов ИИВ раҳбари Пўлат Бобожонов истеъфосини талаб қилиб, 22 ноябрь куни пойтахтдаги Гагарин ҳайкали олдида бир кишилик пикет уюштирганди. Вазирлик матбуот котиби Шоҳрух Ғиёсов пикет бўйича вазирга «аниқ ахборот» берилганини маълум қилди.
«Фарзандларидан айрилган одамлардан кечирим сўрайман» — Лолагул Каллиханова
Бухоро вилоят судида бўлиб ўтаётган Нукус воқеалари бўйича суднинг иккинчи кунида Лолагул Каллиханова кўрсатма берди. «Жўқорғи Кенгес халқ билан бироз маслаҳат қилганида, бундай нарсалар бўлмасди», деди у. Каллиханова ўша ҳодисалар вақтида ҳалок бўлганларнинг яқинларидан кечирим сўради.
Прокурорнинг фаоллиги йўқлиги сабаб, судьялар савол-жавобга кириб кетишга мажбур бўляпти — Олий суд раиси
Олий суд раиси Бахтиёр Исломов айрим суд процессларида ҳақиқий тортишувчанлик принципи ҳозир таъминланмаётганини танқид қилди. Бунга айрим прокурорлар охирги вақтларда суд жараёнига ҳеч қанақа тайёргарликсиз келиб, ўша ердан ўқиб [бераётгани], фақат адвокат гапираётганини сабаб қилиб келтирди.
Тошкент шаҳри ва вилоятида психотроп моддалар савдоси билан шуғулланган етти нафар шахс қамалди
ДХХ кучли таъсир қилувчи дори воситаларини ноқонуний равишда сотаётган шахсларни қўлга олди. Уларга нисбатан суд томонидан 3 йилдан 8 йилгача озодликдан маҳрум қилиш жазоси тайинланди.
Тошкентда иссиқ сув ёки иситиш билан боғлиқ муаммоларда қаерга мурожаат қилиш керак?
Veolia Energy Tashkent пойтахт аҳолисига иссиқ сув ёки иситиш билан боғлиқ муаммоларда қаерга мурожаат қилиш кераклиги борасида йўриқнома тақдим этди.
Тошкентда 55 нафар фуқарони хорижга сотиб юборган корхона раҳбари 8 йилга қамалди
Тошкентда хусусий бандлик фирмаси 100 га яқин фуқарони хорижда ишга жойлаштиришга ваъда бериб, алдов йўли билан уларнинг 55 нафарини сотиб юборган. Жиноят ишлари бўйича Мирзо-Улуғбек туман суди корхона раҳбарига 8 йил 1 ой, қолган 2 нафар ходимга 8 йил озодликдан маҳрум қилиш жазосини тайинлади.
Тошкентдаги Шимолий темир йўл вокзали олдида жойлашган ер ости туннелининг бир томони 15 кунга ёпилади
Миробод тумани Шимолий темир йўл вокзали олдида жойлашган ер ости туннелининг бир томони 1 декабрдан 15 декабрга қадар ёпилади.
«10 ойда 25 нафар ходим вафот этган» — ИИВ
АОКАда Ички ишлар вазирлиги мансабдорлари иштирокида матбуот анжумани бўлиб ўтди. Тадбирда маълум қилинишича, 2022 йилнинг 10 ойида 25 нафар ходим: 9 нафари йўл-транспорт ҳодисаси оқибатида, 16 нафари хизмат вазифасини бажариш вақтида вафот этган.
Тошкентда 12 ёшли мактаб ўқувчиси ўзини осиб қўйди
Тошкент шаҳри Мирзо Улуғбек туманида 7-синф ўқувчи қиз яшаш ҳовлисидаги дарахтга осилган ҳолда топилди. Бунга нима сабаб бўлгани ҳозирча номаълум. Ҳолат юзасидан туман прокуратураси томонидан терговга қадар текширув олиб борилмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг