Актёр Хайрулла Саъдиев Ўзбекистон Киноарбоблари ижодий уюшмаси раисининг маслаҳатчиси этиб тайинланди. У «5-студия» билан меҳнат фаолиятини давом эттиради.
Март ойидан бошлаб «Бухоро-Хива-Бухоро» йўналиши бўйича тезюрар поезд қатнови бошланади. Сафар беш соат давом этади.
Фуқароларнинг шикоятларидан сўнг Recruit consulting work хусусий бандлик агентлиги лицензиясининг амал қилиши вақтинча тўхталди. Агентлик 10 кун муддатда фуқаролар олдида мажбуриятини бажариши лозим.
Томск областида юз берган ёнғинда вафот этган ўн биринчи жасад шахси ўрнатилди. Бирламчи таҳлил маълумотига кўра, у Ўзбекистон фуқароси бўлган.
Дам олиш кунлари ҳавонинг совуқ бўлиши кутилмоқда, айрим жойларда ёғингарчиликлар бўлиши мумкин. Ҳарорат кундузи 0…+5, кечаси — −5…0 даражагача пасаяди.
Президент Шавкат Мирзиёев 2020 йилга Илм-маърифат ва рақамли иқтисодиётни ривожлантириш йили, деб ном беришни таклиф қилди.
Ўзбекистон Transparency International халқаро ташкилотининг коррупцияни қабул қилиш рейтингида 5 поғона юқорилаб, 153-ўринни эгаллади.
2018 йил октябридан бошлаб Ўзбекистон 3323 нафар ўз фуқароси — Россиянинг чет эл фуқароларини вақтинча сақлаш марказларидаги меҳнат муҳожирларининг ватанга қайтишига ёрдам берди.
Соғлиқни сақлаш вазирлиги ва Санитария-эпидемиологик осойишталик агентлиги Хитойдаги коронавирус бўйича эпидемик вазиятдан хавотирланишга асос йўқлигини таъкидлади. Мутасаддилар коронавирусга қарши профилактик ишлар режасини маълум қилди.
ТИВнинг хабар беришича, Уханда 30 дан ортиқ Ўзбекистон фуқаролари бўлиши мумкин. Хитойдаги элчихона улар билан боғланиш учун ижтимоий тармоқларда гуруҳ очди.
Андижонда уй-жой можароси туфайли 30 ёшли фуқаро ўзига ўт қўйган. Унинг опаси журналистга воқеани қисман тушунтирган. Мажбурий ижро бюроси ҳолат юзасидан расмий изоҳ берди.
Хусусий Human бандлик агентлиги фаолиятидан азият чеккан фуқаролар Ташқи меҳнат миграцияси агентлиги кўмагида чет элга ишга юборилмоқда. Ҳозирда 35 киши Болгарияда ишламоқда, улар сафига яна беш киши қўшилади.
Ўзбекистон ва Беларусь ўртасида таълимга оид ва ўқишга оид ҳужжатларни ўзаро тан олиш тўғрисида битим «Халқаро шартномани тасдиқлаш тўғрисида"ги қарор билан тасдиқланди.
Қозоғистоннинг Ақтобе вилояти Ирғиз тумани ҳудудида Самара-Чимкент трассасида содир бўлган ЙТҲда Ўзбекистон фуқароси вафот этди.
Ўзбекистон The Economist Intelligence Unit ташкилотининг Демократия рейтингида 167 та давлат орасида 157-ўринни банд этган ҳолда «авторитар режимлар» рўйхатида қолди.
Президент томонидан имзоланган қонун билан 10 га яқин қонун ҳужжатларига ўзгартиш ва қўшимчалар киритилди.
11−20 январь кунлари Ўзбекистонда 141 та ЙТҲ қайд этилди, 25 киши ҳалок бўлди, 148 киши жароҳатланди.
2020/2021 ўқув йилидан бошлаб Тошкентда Герцен номидаги Россия давлат педагогика университети филиали иш бошлайди. Талабалар мактабгача таълим, коррекцион педагогика ва психология йўналишлари бўйича ўқитилади.
Ўзбекистонда хизмат кўрсатган артист Аида Юнусова 72 ёшида вафот этди.
Томск вилоятидаги ёнғин оқибатида ҳалок бўлган тўққиз нафар Ўзбекистон фуқаросининг шахси аниқланди, яна бир қурбоннинг шахси аниқланмоқда. Фавқулодда вазиятлар вазирлиги вафот этганларнинг исм-шарифларини эълон қилди.
Қўшимча имкониятларга эга булиш учун сайтда рўйхатдан ўтинг