Жамият
Тўрақўрғон ИЭСга табиий газ етказиб бериш қайта тикланди
Чоршанба куни магистрал газ қувурига шикаст етказилиши оқибатида Наманган вилоятидаги Тўрақўрғон иссиқлик электр станцияси фаолияти фавқулодда тўхтатилганди. «Ўзтрансгаз»нинг маълум қилишича, носозлик махсус бригада томонидан бартараф этилиб, Тўрақўрғон ИЭСга табиий газ етказиб бериш қайта тикланди.
Ҳукумат мактаблар яқинида газланган ва энергетик ичимликлар сотишни чеклашни таклиф қилмоқда
Ҳукумат мактабларга 500 метрга яқин ҳудудларда шакарли, газланган ва энергетик ичимликлар ҳамда тез тайёрланадиган таомлар савдосини тақиқлашни таклиф этмоқда. Ҳужжат билан 2022 йил якунига қадар умумтаълим ва чекка ҳудудлардаги мактабларни автобуслар билан таъминлаш режалаштирилмоқда.
Бухорода 18 ёшли қиз янги туғилган чақалоғини ҳожатхонага тушириб юборгани аниқланди
Бухоронинг Ғиждувон туманида 18 ёшли қиз янги туғилган чақалоғини ҳожатхонага тушириб юбориши оқибатида унинг ўлимига сабабчи бўлгани аниқланди. Суд онанинг қилган ишидан пушаймонлиги, ёшлигини инобатга олиб, унга бир йил муддатга озодликни чеклаш жазосини тайинлади.
Меҳнат қонунчилигини бузган 6 мингга яқин мансабдор жаримага тортилди — Меҳнат вазирлиги
Йил бошидан бери 14 мингдан ортиқ ташкилот ва корхоналарда ўрганишлар ўтказилиб, 41 150 та қонунбузилиш ҳолатлари аниқланди. Шунга кўра, 5935 нафар мансабдор 12 млрд 57 млн сўмлик жаримага тортилди. Қонунбузарликлар кўпроқ — Қашқадарё, Самарқанд, Наманган, Тошкент ва Фарғона вилоятларида учрамоқда.
Жиззахда 3 ёшли қизалоқ қариндоши калтаклаши оқибатида вафот этди
Жиззах вилоятининг Пахтакор туманида 3 ёшли қизалоқ қариндоши томонидан калтаклаши оқибатида вафот этди. Прокуратура жиноят иши қўзғатди, гумонланувчи аёл ҳибсга олинди.
Оилавий болалар уйидаги тарбияланувчиларнинг яшаш харажатлари бюджетдан қоплаб берилади
Ҳукумат қарори билан болаларни оилаларга тарбияга олиш тартиби белгиланди. Унга кўра, туғилганидан бошлаб 18 ёшгача бўлган болалар оилавий тарбиялашга берилиши мумкин. Тарбияловчи ота-оналарга ҳар бир боланинг яшаш харажатлари учун ойига 1,5 млн сўмдан 2,1 млн сўмгача пул берилади.
Тўрақўрғон ИЭСда фавқулодда ўчиш содир бўлди
Магистрал газ қувурига шикаст етказилгани оқибатида Наманган вилоятидаги Тўрақўрғон иссиқлик электр станцияси фаолияти фавқулодда тўхтатилди, деб хабар берди Энергетика вазирлиги. Айрим ҳудудларда электр таъминотида қисқа муддатли узилишлар кузатилиши мумкин.
$50 минг пора билан қўлга тушган прокуратура терговчисига ҳукм ўқилди
Май ойида Учтепа туман прокуратураси терговчиси 50 минг доллар пора билан ушланган эди. Яшнобод туман суди гумонланувчини айбдор деб топиб, 13 йилга озодликдан маҳрум қилиш жазоси тайинлади.
Qarshi Leather бир неча бор қонунбузарликлари учун огоҳлантирилган — Қашқадарё Экология бошқармаси
Қашқадарё вилояти Экология бошқармаси Qarshi Leather заводи экологияни ифлослантиргани учун бир неча бор огоҳлантирилгани, март ойида фаолиятини тўхтатганини маълум қилди. Аввалроқ атрофга бадбўй ҳид таратаётган ушбу завод олдида фуқаро ўзини ёқиб юборган эди.
Навоий кўчасининг бир қисми таъмир ишлари учун ёпилади
Тошкентдаги Навоий кўчасининг Хадра майдонидан Чорсу майдонигача бўлган қисми 17 августдан таъмир ишлари учун ёпилади.
Тошкентда ободонлаштириш ишчиси Spark уриб юбориши оқибатида ҳалок бўлди
Тошкент ҳайвонот боғи олдидаги кўчада Spark ҳайдовчиси йўл четида турган шаҳар ободонлаштириш бошқармаси ишчисини уриб юборди. Ҳодиса оқибатида пиёда воқеа жойида вафот этди.
ДСҚ раиси шахмат олимпиадаси ғолибининг отасига навбатдаги унвонни топширди
Давлат солиқ қўмитаси раиси Шерзод Кудбиев шахмат олимпиадаси ғолиби Нодирбек Якуббаевнинг отаси, солиқ хизмати ходими Муродбек Искандаровга навбатдаги унвонни топширди. Шунингдек, чемпионнинг ота-онасига «Хумсон» санаторийсига йўлланма ҳамда қимматбаҳо эсдалик совғалари берилган.
Магистратурада ўқиётган хотин-қизларнинг контракт тўловларини қоплаб бериш тартиби белгиланди
Магистратурада тўлов-шартнома асосида ўқиётган хотин-қизларнинг контракт суммасини Давлат бюджетидан қоплаб бериш тартиби тасдиқланди. Бунинг учун талабгорлар 15 сентябрга қадар ўзлари таълим оладиган муассаса ректори номига ариза билан мурожаат этишлари талаб қилинади.
«Фориш» полигонида Халқаро армия ўйинлари старт олди
15 август куни Жиззах вилоятида Халқаро армия ўйинлари доирасида Ўзбекистон мезбонлик қилаётган «Дала ошхонаси» ва «Қуролсоз уста» мусобақалари бошланди. Унда дунёнинг 37 давлатидан жами 257 жамоа қатнашмоқда. Ўйинлар Россия Мудофаа вазирлиги томонидан ташкил этилган.
Тошкентда Интерпол бюроси халқаро қидирувдаги Туркия фуқаросини ушлади
Тошкент аэропортида Интерполнинг Ўзбекистондаги бюроси ходимлари халқаро қидирувда бўлган фуқарони туркиялик ҳамкасбларига топширди. У муҳрларга қасддан зарар етказиш ва наркотик моддаларнинг ноқонуний айланиши билан боғлиқ ҳуқуқбузарлик учун қидирувда бўлган.
Андижонда икки банк ходими 111 млн сўмни ўзлаштирганлиги маълум бўлди
Андижоннинг Булоқбоши туманидаги «Халқ банки» ходимлари томонидан банкоматга жойланиши керак бўлган 111 млн сўм ўзлаштирилганлиги аниқланди. Текширув давомида етказилган зарар тўлиқ қопланган.
Қаршида фуқаро ўзини ёқиб юборишга уринди
Прокуратура Қаршидаги чарм заводи яқинида содир бўлган воқеани ўрганмоқда. Бу ерда аҳоли касалликларни келтириб чиқараётган ҳид ва ҳавонинг ифлосланишидан шикоят қилиб йиғилишганди. Фуқаролардан бири завод раҳбарияти таҳдид қилганини айтиб, ўзини ёқиб юборди.
РФ Афғонистондан Ўзбекистон ва Тожикистонга олиб қочилган ҳарбий самолётларнинг Украинага ўтиб қолишидан хавфсирамоқда
Россия президентининг Афғонистон бўйича махсус вакили Замир Кабулов: «Афғонистонлик қўмондонлар ва ҳарбий хизматчилар қочиб кетган пайтда Ўзбекистон ва Тожикистон ҳудудида қолган ҳарбий вертолёт ва самолётлар Украинага ўтиб қолмаслиги биз учун муҳим», дея баёнот берди.
Барча таълим ташкилотларида ўқиш 5 сентябрдан бошланади
Ўзбекистонликлар мустақилликнинг 31 йиллигини нишонлаш арафасида иш ҳафтасидан қатъий назар кетма-кет 4 кун — 1 сентябрдан 4 сентябрга қадар дам олишади. Шунга кўра, барча таълим ташкилотларида ўқиш жараёнлари 5 сентябрь — душанба кунидан бошланади.
Салом Самадов Қашқадарё вилоятига прокурор бўлди
Тошкент вилояти прокурори лавозимида ишлаб келган Салом Самадов Қашқадарё вилояти прокурори этиб тайинланди. У аввал ҳам мазкур лавозимда фаолият олиб борган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг