Жамият
Magic City`даги фотографлар жанжали пичоқбозлик билан якунланди
Magic City боғида икки фотосуратчи ўртасида содир бўлган жанжал вақтида улардан бири иккинчисига пичоқ ўқталди. Жабрланувчига ёрдам кўрсатилди, унинг аҳволи қониқарли эканлиги айтилмоқда. Гумондорга нисбатан маъмурий баённома тузилди.
«Менга нисбатан таҳдидлар бошланди» — ўзбекистонлик йўловчилар муаммосини ёритган ўшлик журналист
Қирғизистоннинг Ўш вилоятида маҳаллий такси ҳайдовчиларининг Ўзбекистон фуқароларига нисбатан қўпол муносабати ва бир неча баробар юқори йўл ҳақи олиши каби муаммоларни ёритган ўшлик журналист Шоҳрух Соипов «Газета.uz» га ўзига нисбатан таҳдидлар бўлаётганини маълум қилди.
Фарғонада яшовчи шахсдан 13 кгга яқин наркотик модда мусодара қилинди
Фарғона вилоятининг Учкўприк туманида яшовчи фуқаро ўз ҳовлисида 17 туп «марихуана» етиштирганликда гумонланмоқда. Унинг хонадонида салкам 13 кг «наша» ва «кўкнори» борлиги аниқланди.
Сирдарёдан Тожикистон орқали Қўқонга борадиган автобус йўлга қўйилади
Тез кунларда «Гулистон — Қўқон» йўналишида Тожикистон орқали ҳаракатланувчи янги автобуслар қатнови йўлга қўйилади. Йўл ҳақи 50 минг сўм атрофида бўлади, йўловчилардан хорижга чиқиш паспортини олиш талаб этилади. Йўловчиларни Тожикистон ҳудудида тушириш ва олиш тақиқланади.
«2026 йилгача Ўзбекистонда қандай ҳолат бўлади?», деган иккиланишлар ҳам бўлди — Алишер Саъдуллаев
Алишер Саъдуллаев 2026 йилда 46-Бутунжаҳон шахмат олимпиадасини Ўзбекистонда ўтказиш қарорига эришиш осон кечмаганини маълум қилди. FIDE Бош Ассамблеясида жаҳондаги вазиятдан келиб чиқиб, виза, мамлакатга кириб-чиқиш ва бошқа масалаларда кўплаб саволлар берилган.
«Зарафшон» миллий табиат боғи Экоқўмита тизимига ўтказилди
Ўрмон хўжалиги давлат қўмитаси таркибида бўлган «Зарафшон» миллий табиат боғи Давлат экология қўмитаси тизимига ўтказилди. Мутасадди идора томонидан боғ бўйича низом ишлаб чиқиш ва уни давлат рўйхатидан ўтказиш жараёни 3 ой ичида амалга оширилади.
Фото, Видео: Тошкент шахмат олимпиадаси чемпионларини қандай кутиб олди?
Ҳиндистоннинг Ченнай шаҳрида ўтказилган 44-Бутунжаҳон шахмат олимпиадаси ғолиблари Тошкент аэропортида кутиб олинди. Чемпионларга 600 млн сўмдан пул мукофоти ва Equinox автомобили топширилди.
«Табиат ҳимоячиси» кўкрак нишони таъсис этилди
Ҳукумат қарорига кўра, «Табиат ҳимоячиси» кўкрак нишони таъсис этилди. У билан экология ва атроф муҳитни муҳофаза қилиш, табиатни асрашда салмоқли натижаларни қўлга киритганлар тақдирланади. Уларга БҲМнинг 4 баравари — 1,2 млн сўм пул мукофоти ҳам берилади.
Тошкент туманларидан биридаги газ ҳидига меъёридан ортиқча одорант қўшилгани сабаб бўлган
Тошкентнинг Мирзо Улуғбек тумани аҳолиси чоршанба куни эрталабдан квартиралар, уйлар, подъездлар, офис бинолари ва газ тақсимлаш пунктларида кучли газ ҳиди келаётганидан шикоят қилишди. Туман ҳокимлиги бунга табиий газга меъёридан ортиқча одорант қўшиб юборилгани сабаб бўлганини маълум қилди.
10 август куни Ўзбекистонда содир бўлган энг муҳим хабарлар дайжести
Биринчи тест куни натижалари, қон донорларига имтиёзлар, «бугунги Тошкент 1994 йилги Дубайдан зўр», Asalhoney`нинг ўлдирилиши тафсилотлари, ишдан бўшатилган Олий суд раиси, ўзини ёқиб юборган ФНҚИЗ ходимаси вафот этгани, қудуқларни бурғилашга мораторий ва бошқалар — «Газета.uz» да кун дайжести.
Қўриқхоналардаги фотоқопқонларга тушган айиқ, тўнғиз ва шоқол тасвирлари эълон қилинди
Давлат экология қўмитаси Зомин ва Қизилқум қўриқхоналаридаги фотоқопқонларга тушиб қолган айиқ, тўнғизва шоқол тасвирларини намойиш қилди.
Президент 44-шахмат Олимпиадаси ғолиб ва иштирокчиларини мукофотлади
Президент фармони билан бутунжаҳон шахмат олимпиадаси совриндорлари «Ўзбекистон ифтихори» фахрий унвони билан, аёллар терма жамоаси аъзолари эса «Келажак бунёдкори» медали билан тақдирланди.
Тошкентда қурилаётган яна бир бинода ёнғин чиқди
Тошкентнинг Бешағоч кўчасида қурилаётган беш қаватли бинода ёнғин содир бўлди. Аланга тахминан бир соат ичида ўчирилди.
Орадан 3,5 йил ўтиб ИИО ходимлари яна метрога киришда хизмат қилишни бошлади. Сабаблар
ИИО ходимлари 3,5 йилдан сўнг Тошкент метросига кираверишда яна пайдо бўлди. Метрополитен қўриқлаш бошқармаси бошлиғининг биринчи ўринбосари Анвар Ҳасанов аввалроқ уларни техник воситалар билан алмаштириш режалаштирилган бўлса-да, ходимларнинг ташқи кириш жойларига қайтиши сабабларини тушунтирди.
Қозоғистондан Ўзбекистонга 300 тоннага яқин АИ-95 бензинини ноқонуний олиб киришга ҳаракат қилинди
Қозоғистонда бошқа юк ниқоби остида мамлакатдан Ўзбекистонга 280 тонна АИ-95 бензинини олиб чиқишга уринишнинг олди олинди. Хориж компанияси фойдасига республикадан жами 45 млн долларлик 50 минг тонна маҳсулот экспорт қилиш режалаштирилган бўлган.
Россияга исириқ олиб киришга уринган Ўзбекистон фуқароси умрбод қамоқ жазосига ҳукм қилиниши мумкин
Новороссийск божхоначилари Ўзбекистондан келган контейнердан Россияда гиёҳвандлик моддаси ҳисобланган бир тоннадан ортиқ исириқни аниқлади. Бу ҳақда билмаган юборувчи умрбод қамоқ жазоси ва миллион рублгача жаримага тортилиши мумкин.
«Бугунги Тошкент 1994 йилги Дубайдан зўр» — Жаҳонгир Ортиқхўжаев
Тошкент ҳокими пойтахтни Дубайдек сайёҳлар учун жозибадор масканга айлантиришни орзу қилишини айтди. Бироқ, у инфратузилманинг жадал ривожланиши шароитида яшил майдонларни сақлаб қолиш ҳақидаги саволга тадбир мавзуси туризмни ривожлантириш эканлигини рўкач қилиб, жавоб бермади.
Сурхондарёда ўзбек-тожик ўқув машғулотлари якунланди
Ўзбекистон ва Тожикистон ҳарбийлари Сурхондарёдаги ўқувда режага кўра, чегарани бузиб кирмоқчи бўлган шартли душман тўдаларини муваффақиятли йўқ қилди.
Қудуқларни бурғилашга мораторий эълон қилиниши мумкин
Ер ости чучук сувларига қудуқ бурғилаш ва сувдан махсус фойдаланиш учун рухсатнома беришга мораторий қўллаш таклиф этилмоқда. Ҳозирда марказий ичимлик сувларининг 67 фоизи ер ости сувлари ҳисобидан таъминланса-да, айрим ҳудудларда уларнинг сатҳи ўртача меъёрдан 5 метр ва ундан ортиққа пасайган.
Ўзини ёқиб юборган ФНҚИЗ ходимаси вафот этди
Фарғона НҚИЗнинг собиқ ходими Санобархон Ҳайдарова корхонага кириш жойида ўзини устига бензин қуйиб, ёқиб юборганди. У 10 август куни эрталаб шифохонада вафот этди. Завод аёлнинг вояга етган фарзандларининг таълим харажатларини қоплаш ва зарурат бўлса, ишга жойлашишда ёрдам беришини маълум қилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг