Жамият
Ногиронлиги бўлган шахсларнинг ер участкаларини сотиб олиш харажатларини давлат қоплаб беради
Сенаторлар маъқуллаган қонунга мувофиқ, ногиронлиги бўлган шахсларнинг ер участкаларини сотиб олиш харажатлари давлат томонидан қоплаб берилади. Адлия вазири имконияти чекланганлар 2−3 млн нафардан кўпроқлиги, шу боис харажатларни қоплаб бериш тартиби бўйича алоҳида низом ишлаб чиқилишини маълум қилди. «Ҳар бир ногиронлиги бўлган шахсга компенсация беришнинг имкони бўлмайди», — деди Русланбек Давлетов.
Сенат ер участкаларини жамоат эҳтиёжлари учун компенсация эвазига олиб қўйиш бўйича қонунни маъқуллади
Сенаторлар ер участкалари жамоат эҳтиёжлари учун компенсация эвазига олиб қўйилиши тўғрисидаги қонунни маъқуллади. «Снос»га тушган ҳудудда жойлашган ерга 15 йил давомида ҳалол, ошкора ва узлуксиз эгалик қилиб келган шахслар солиқлар тўлаб келгани тасдиқланса, мулк қийматининг ўрни қопланади.
Шота Руставели ҳайкали атрофидаги хиёбон реконструкция қилинади
Пойтахт ҳокими Жаҳонгир Ортиқхўжаев Грузиянинг Ўзбекистондаги элчиси Зураб Абдушелишвили билан учрашувда Шота Руставели ҳайкали атрофидаги хиёбонни реконструкция қилишга келишиб олди. Ҳозирда унинг лойиҳаси ишлаб чиқилмоқда. Шунингдек, Грузия бош вазирининг Ўзбекистонга ташрифи кутилаётгани ҳам маълум қилинди.
Нима тайёрлаймиз: турли хил сомсалар
«Пармуда», «трио», дангаса сомса, туркча сомса, кабоб-сомса, мини-сомсалар, чўпчаларга териб пиширилган гўштли ва кўкатли сомса — Zira.uz 8 хил сомсани тайёрлаш рецептлари рўйхатини тақдим этади.
27 май куни Ўзбекистонда содир бўлган энг муҳим хабарлар дайжести
ОТМларда чет тилидан ўтказиладиган ижодий имтиҳон шартлари, «Ўзбекнефтгаз» АИ-80 бензини нархини оширгани, энг кўп Андижондан тушаётган коррупция бўйича мурожаатлар, июлдан ишга тушиши кутилаётган «Рақамли мобил паспорт», дам олиш кунларидаги ёғингарчилик ва бошқалар — «Газета.uz»нинг 27 майдаги энг муҳим хабарлари дайжестида.
«Ўзбекистон миллий электр тармоқлари» раҳбарига биринчи ўринбосар тайинланди
Абдумалик Назиров «Ўзбекистон миллий электр тармоқлари» бошқаруви раисининг биринчи ўринбосари этиб тайинланди. Бунга қадар у Энергетика вазирлигида бошқарма бошлиғи бўлиб ишлаган.
Тошкентда арзон бензин олиб бериш эвазига тадбиркорнинг 1,4 млрд сўмини ўзлаштирган шахслар аниқланди
Мирзо Улуғбек туманида арзон нархда АИ-80 маркали бензин олиб беришни ваъда қилган бир нечта шахслар тадбиркорнинг 1,4 млрд сўмини ўзлаштиргани аниқланди. Ҳолат юзасидан тергов ҳаракатлари олиб борилмоқда.
Самарқанддаги 12 қаватли бинони бузиш бўйича хулоса берилди — Қурилиш вазирлиги
Қурилиш вазирлиги тармоқларда видеоси тарқалган Самарқанд вилоятидаги 12 қаватли бино ноқонуний қурилганини маълум қилди. Бино эгаси Қурилишда назорат инспекцияси томонидан бир неча марта огоҳлантирилган, бироқ 2012 йилдан бери қурилиш ишлари давом эттирилган. «Ўзоғирсаноатлойиҳа» бинонинг сейсмик ҳолати талабларга жавоб бермаслиги, колонналарнинг айрим жойлари дарз кетганини тасдиқлади. Бинони бузиб ташлаш бўйича хулоса берилди, иш судда кўриб чиқилади.
Замонавий Ўзбекистон ҳудудида қандай динозаврлар яшаган?
Динозаврлар Ер юзида тахминан 233 миллион йил муқаддам пайдо бўлган. Ернинг турли қисмларида, жумладан, замонавий Ўзбекистон ҳудудида ҳам кўплаб динозаврлар қолдиқлари топилган. Ўзбекистон Миллий университети Геология кафедраси мудири Абдулла Қўшоқов «Газетa.uz»га динозаврлар қолдиқлари сақланиб қолиши учун уларнинг идеал ўлим ҳолати, Ўзбекистонда улар топилган ҳудудлар, мамлакатимизда палеонтология фанининг бугунги ҳолати ҳақида сўзлаб берди.
Тошкентга 700 кг истеъмолга яроқсиз гўшт олиб келинаётгани аниқланди
Қашқадарёнинг Қарши шаҳри ва Чироқчи туманидан 3 та автомобилда пойтахтга сифатсиз гўшт маҳсулотлари олиб келинаётгани маълум бўлди. Шаҳар ветеринария бошқармаси 700 кг гўшт оғир касалликларга чалингани учун сўйилган ҳайвонларга тегишли эканлигини аниқлади. Гўштларни олиб келаётган ҳайдовчиларга нисбатан маъмурий баённома тузилди.
«Рақамли мобил паспорт» хизмати июлдан жорий қилиниши мумкин
Июль ойидан бошлаб Тошкентда тажриба тариқасида «рақамли мобил паспорт»ни жорий қилиш таклиф этилди. Паспортдан ташқари яна 8 та ҳужжатларни электрон тарзда мобил илова орқали тақдим этиш мумкин бўлади. Давлат хизматлари, банк, авиа ва темирйўл кассалари, меҳмонхоналар ва бошқа ташкилотлар ушбу ҳужжатларни қоғоз шаклида талаб қилишни тўхтатади. Мобил иловадаги электрон ҳужжатлар қоғоз ҳужжатга тенглаштирилади.
Тошкентда ҳайдовчилардан машиналарини дарахт остида қолдирмаслик сўралди
ИИВ Йўл ҳаракати хавфсизлиги хизмати Ўзбекистон аҳолисидан автомобилларни дарахт ёки кучли шамолга чидамсиз воситалар яқинида қолдирмасликни сўради. ФВВ эса кучли шамол вақтида амал қилиш зарур бўлган хавфсизлик чораларини эслатиб ўтди. Ўзгидромет маълумотига кўра, шамол тезлиги 18−23 м/с гача кучайиши кутилмоқда.
Коррупция бўйича энг кўп шикоят Андижон вилоятидан тушаётгани маълум қилинди
Президент виртуал қабулхонаси ва Халқ қабулхоналарига аҳолиси коррупция бўйича энг кўп мурожаат қиладиган ҳудудлар ичида Андижон 1-ўринни эгаллади, дея маълум қилди Антикоррупция агентлиги. 2021 йилда ўзлаштириш, мансаб ваколатини суиистеъмол қилиш, пора олиш каби жиноятларни содир этганларнинг 4 нафарини вилоят ҳокимлиги, 18 нафарини туман ва шаҳар ҳокимликлари ходимлари ташкил қилган.
«Ўзбекнефтгаз» АИ-80 бензини нархини оширди
Декабрдан бери илк бор «Ўзбекнефтгаз» компаниясига қарашли ёқилғи қуйиш шохобчаларида АИ-80 бензини нархи 6800 сўмгача (4,3%) кўтарилди. Компания буни импорт қилинаётган 30 фоиз нефт маҳсулотларининг жаҳон бозорларидаги нархи ошгани билан изоҳлади. Бироқ, бунга қадар «Ўзбекнефтгаз» вакиллари АИ-80 бензини маҳаллий хом ашёдан ишлаб чиқарилишини айтганди.
ОТМларда чет тилидан ўтказиладиган ижодий имтиҳон формати ва тест намуналари эълон қилинди
Жорий йилдан бошлаб 6 та ОТМга кириш учун чет тилидан ижодий имтиҳон бўлиб ўтади. Унда абитуриентларнинг хориж тили фанидан тинглаб тушуниш, ўқиш, ёзиш ва гапириш компетенциялари баҳоланади. ДТМ 2 соат 45 дақиқа вақт ажратиладиган мазкур имтиҳоннинг формати ва қоидаларини эълон қилди.
Урганч аэропортида раҳбарият ўзгарди
Урганч халқаро аэропорти директори Руслан Агабуллаев эгаллаб турган лавозимидан озод этилди. У бу лавозимда бир йилдан камроқ вақт ишлади. Uzbekistan Airports раисининг биринчи ўринбосари Жавлонбек Умархўжаев директор вазифасини бажарувчи этиб тайинланди.
Дам олиш кунлари ёмғир ёғади ва ҳаво салқин бўлади
Жума куни Волга бўйи ҳудудларидан нам ва салқин ҳаво массалари кириб келиши натижасида дам олиш кунлари барча ҳудудлар совуқ антициклон таъсири остида бўлади. Ҳаво ҳарорати +21…+26 даражадан юқори бўлмайди, шамол тезлиги 18−23 м/с гача кучайиши кутилмоқда. Айрим жойларда ёмғир ёғади ва тоғли ҳудудларда сел-сув тошқини кузатилиши мумкин.
Тошкентда KIA ҳайдовчиси уриб юборган пиёда шифохонада вафот этди
Сешанба куни Тошкент шаҳрида KIA ҳайдовчиси 25 ёшли пиёдани уриб кетди, у шифохонада жон берди. Чоршанба куни эса Самарқандда Cobalt йўлдан ўтаётган 16 ёшли болани уриб, тахминан 20 метрга учириб юборди. Бола турли тан жароҳатлари билан шифохонага ётқизилди.
АҚШ Қорақалпоғистонга $3 млнлик гуманитар ёрдам юборди
АҚШнинг Project CURE хайрия ташкилоти Қорақалпоғистонга тиббий асбоб-ускуналардан иборат 3 млн долларлик гуманитар ёрдам юборди. Тўртта контейнернинг ҳар бирида УЗИ ускуналари, ИВЛ, кислород концентраторлари, рентген сканерлари, янги туғилган чақалоқлар учун инкубаторлар, дефибрилляторлар ва бошқалар мавжуд. Ускуналар тахминан июнь ойида етиб келиши ва 24 та тиббиёт муассасасига тақдим этилиши кутилмоқда.
Карантин остидаги маҳсулотлар бўйича қоидаларни бузганларни Ўсимликлар карантини ва ҳимояси агентлиги назорат қилади
Ўсимликлар карантини ва ҳимояси агентлиги карантин остидаги ўсимлик маҳсулотларини олиб кириш ва чиқиш қоидаларини ҳамда фитосанитария талабларини бузганларни маъмурий жавобгарликка тортади. Шунингдек, кимёвий воситаларни сотиш учун лицензия беради.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг