Жамият
«Нархларнинг кўтарилиши етарли эмас». Шерзод Ходжаев — энергетика соҳасини ислоҳ қилиш тўғрисида
«Бугунги нархлар билан биз фаолият самарадорлигини ошириш орқали саноатнинг айрим муаммоларини ҳал қилишимиз мумкин. Аммо 25 йилдан бери мерос бўлиб қолган муаммоларни ҳал қила олмаймиз, — дея таъкидлади энергетика вазири ўринбосари Шерзод Ходжаев. Унинг қўшимча қилишича, шунчаки нархларни оширишнинг ўзи етарли эмас. Ишлайдиган бозор қоидалари керак. Шу билан бирга, давлат аҳоли учун тариф сиёсатини сақлаб туриши керак.
Вояга етмаган қизга тегажоғлик қилган эркакка 10 сутка маъмурий қамоқ жазоси берилди
Тошкент шаҳар ИИББ Юнусобод туманидаги уй олдида 17 ёшли қизга тегажоғлик қилган эркак қўлга олингани ҳақида хабар берди. У майда безориликда айбланиб, 10 суткага маъмурий қамоққа олиниб, жаримага тортилди. Жабрланувчи ички ишлар бўлими унинг аризасини биринчи мурожаатда қабул қилмаганидан шикоят қилди.
2020 йилдан ҳозирги кунгача ис газидан заҳарланиш оқибатида 366 киши вафот этди
2020 йилдан бошлаб 2022 йилнинг ўтган даври мобайнида ис газидан заҳарланиш билан боғлиқ 428 та ҳолат содир бўлган. Натижада 366 нафар фуқаро вафот этган ва 307 киши турли даражада жароҳат олган. Сенаторлар ўтказилаётган профилактик тадбирлар етарли даражада ўз самарасини бермаётганини танқид қилди.
Январдаги «блэкаут» сабабли истеъмолчиларга 5,7 млрд сўм қайтарилди
25−27 январь кунлари бутун Ўзбекистонда кузатилган энерготизимдаги узилишлар оқибатида «Тошиссиққуввати» корхонаси аҳолига белгиланган нормада иссиқлик энергияси етказиб бермаганлиги аниқланди. Истеъмолчилар ҳуқуқларини ҳимоя қилиш агентлиги Тошкент бўйича 4,5 млрд сўм, 9 та ҳудуд бўйича эса 1,222 млрд сўм маблағни истеъмолчиларга қайтаришга эришди.
Қирғизистон билан Ўзбекистонни боғловчи ерости туннели топилди
Қирғизистон хавфсизлик кучлари томонидан Ўзбекистон билан чегарада 270 метрлик туннель аниқланди. Унинг ёрдамида икки мамлакатга бемалол ўтиш мумкинлиги, туннелни қазиганликда гумон қилинаётган шахс эса руҳий касалликлар шифохонасида эканлиги айтилмоқда.
Чирчиқда мактаб ўқувчилари кекса эркакни калтаклашди
Чирчиқда икки нафар мактаб ўқувчиси 58 ёшли эркакни сабабсиз калтаклади. Тергов ҳаракатлари бошланган. ИИБ вакиллари ушбу ўқувчилар истиқомат қиладиган маҳаллада бўлиб, ота-оналар ва аҳоли билан суҳбатлашди.
Абдулазиз Камилов Саудия ТИВ раҳбари билан мулоқот қилди
Абдулазиз Камилов Саудия Арабистони ташқи ишлар вазири Фейсал бин Фархан бин Абдулла билан мулоқот қилди. Саудия томони Камиловни Ўзбекистон президентининг махсус вакили деб қайд этган ва суҳбат чоғида сўнгги минтақавий ҳамда халқаро ўзгаришлар муҳокама қилинган.
Сирдарёдаги ЙТҲда беш киши ҳалок бўлди
Ховос туманида Lacetti ва Nexia автомобилларининг тўқнашуви оқибатида 5 киши, жумладан, кичик ёшдаги болалар ҳалок бўлди. Бир киши жароҳатланди.
Самарқандда 713 туп гиёҳвандлик ўсимлигини етиштираётган шахслар ушланди
Пастдарғом туманида 3 нафар шахс 4 сотих ер майдонида 610 туп марихуанани, Пайариқ туманида эса фуқаро ўз уйида 103 туп кўкнори гиёҳванд ўсимлигини парваришлаб келаётгани аниқланди. Уларга нисбатан жиноят иши қўзғатилди.
23 май куни Ўзбекистонда содир бўлган энг муҳим хабарлар дайжести
Ўзбекистонда маймун чечаги қайд этилмаганини айтган Нурмат Отабеков, республикада жорий қилинадиган спортчиларни тайёрлашнинг янги тизими, қорнида салфетка қолиб кетган 26 ёшли андижонлик аёл, Олтинкўл туманига ҳоким бўлган ҳоким ёрдамчиси, реконструкция қилинадиган Қарши аэропорти ва бошқалар — «Газета.uz»нинг 23 майдаги энг муҳим хабарлари дайжестида.
Бекободдаги ЙТҲда икки киши ҳалок бўлди, уч киши жароҳатланди
Бекободда «ВАЗ-2104» ва «Cobalt» автомашиналари тўқнашиб, икки киши (улардан бири 2022 йилда туғилган) вафот этди, учтаси касалхонага ётқизилди.
Абат Файзуллаев Ўзбекистоннинг Венгриядаги элчиси этиб тайинланди
Ўзбекистоннинг Австриядаги элчиси Абат Файзуллаев ўриндошлик асосида мамлакатнинг Венгриядаги дипломатик ваколатхонасини ҳам бошқаради.
Андижонда шифокорлар 26 ёшли аёл қорнида салфеткани унутиб қолдирди
Асака туманида туғруқхона шифокорлари 26 ёшли аёлнинг қорнида салфеткани унутиб қолдиргани орадан 10 ой ўтиб маълум бўлди. Туман ҳокимлиги салфетка жарроҳлик амалиёти билан олиб ташлангани ва беморнинг саломатлиги бўйича шикояти йўқлигини маълум қилди. Тармоқларда тарқалган видео эса бошқа шифокорларга ўрнак бўлиши учун суратга олингани ва номаълум шахс томонидан тарқатиб юборилгани айтилмоқда.
Тошкент шаҳри ва вилоятида катта миқдорда туркман манатини сотишга уринишди
Ҳуқуқни ҳимоя қилиш органлари Тошкент шаҳри ва вилоятида 290 минг туркман манатини сотишга уринган тўрт нафар шахсни қўлга олди.
Ўзбекистонда маймун чечаги қайд этилмади — Нурмат Отабеков
Санитария-эпидемиологик осойишталик хизмати раҳбари ўринбосари Нурмат Отабеков 14 та давлатда тарқалган маймун чечаги инфекцияси Ўзбекистонда қайд этилмаганини маълум қилди. Айни пайтда ЖССТ тавсияларидан келиб чиқиб ушбу инфекциянинг мамлакатга кириб келмаслиги учун зарур чоралар кўрилмоқда. Унинг ишонтиришича, бундай ҳолатда касаллик оммавий эпидемия тарзида тарқалиб кетмайди.
Ҳафта давомида илиқ ва қуруқ об-ҳаво бўлиши кутилмоқда
Ҳафта давомида Ўзбекистон бўйлаб об-ҳаво кам булутли ва илиқ бўлади. Сешанбадан кунлар яна исий бошлайди, ҳарорат +37 даражагача кўтарилади. Жума куни эса айрим жойларда қисқа ёмғир ёғади. Ҳафтанинг иккинчи ярмидан шамол кучайиб, айрим жойларда чанг-тўзон кузатилиши мумкин.
«23:00 дан кейин юриш мумкин эмас». Самарқандда туристларга нисбатан электрошокер қўллашди
Самарқанд ИИБ ходимлари бир нафар қозоғистонлик ва икки нафар маҳаллий туристга нисбатан электрошокер қўллаган ҳолда мажбуран бўлимга олиб боришди. Видеоларда ходимлар шаҳарда «Хавфсиз тун» тадбири олиб борилаётгани ва соат 23:00 дан кейин кўчада юриш мумкин эмаслиги ҳамда уларга «режа» қўйилганини таъкидлашган. ИИВ «ходимлар хизмат вазифаси ва махсус-техник воситаларни қўллаш ваколатини суиистеъмол қилганини» маълум қилди.
Самарқанд ва Наманганда ички ишлар ходимлари фуқароларни қасддан айбдор қилишга урингани айтилмоқда
Самарқанд ва Наманган вилоятларида ички ишлар ходимлари фуқароларни қасддан айбдор қилишга урингани айтилмоқда, бунинг исботи эса видео лавҳаларда акс этган. Самарқандда ички ишлар ходими аёл кишини прокуратура биносидан чиқаришга уринаётганида ўз қўли билан хизмат кийимидаги погонини юлиб ташлаган, бунинг учун эса суд аёлни айбдор деб топган. «Эзгулик» жамияти тергов ва суд иши қонунга зид олиб борилганини айтмоқда. Намангандаги ҳолатда эса ЙПХ ходими ҳайдовчи билан тортишиб, унга боши билан зарба берган, инспекторга нисбатан хизмат текшируви тайинланди.
Сергели билан боғловчи янги йўлдаги деворларнинг айримлари қулаб тушди
Май ойи бошида очилган Сергели туманини Тошкент маркази билан боғловчи янги йўлдаги айрим деворлар кучли шамол оқибатида қулаб тушди. Ҳокимият пудратчи деворларни мустаҳкам ўрнатмагани ва у ҳозирда деворларни қайта таъмирлаётганини маълум қилди.
Ўзбек-қирғиз чегарасидаги аварияда 9 киши ҳалок бўлди
Ўзбек-қирғиз чегарасида йирик ЙТҲ содир бўлди. Бульдозер ортилган автотрейлер ҳайдовчиси чегара ўтказиш пунктида турган 12 та автомобилга бориб урилди. ИИВ 9 киши ҳалок бўлганини маълум қилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг