Жамият
29 май куни Tashkent Opera Fest’нинг тантанали ёпилиши маросими бўлиб ўтади
29 май куни «Янги Ўзбекистон» боғида 20 кун давомида Тошкент аҳлини шод қилиб келаётган Tashkent Opera Fest байрамининг тантанали ёпилиш маросими бўлиб ўтади.
Сенат мажлиси яна жонли эфирда узатилиши режалаштирилмоқда
28 май куни Олий Мажлиси Сенатининг 26-ялпи мажлиси юқори палатанинг ижтимоий тармоқлардаги саҳифалари орқали тўғридан-тўғри ёритилади. Аввалроқ Сенатнинг 25-ялпи мажлиси бошланганидан деярли 8 дақиқа ўтиб, ҳеч қандай сабабларсиз Uzreport TV телеканалида ҳам, телеканалнинг YouTube-саҳифасида ҳам тўхтатилган эди.
«Ўзбекконцерт»га янги директор тайинланди
Давлат филармонияси директори ўринбосари Даврон Шералиев «Ўзбекконцерт» директори этиб тайинланди.
Янги газ ҳисоблагичларини сентябргача ўрнатиб бўлиш режалаштирилган
Ўзбекистонда истеъмолчилар учун «ақлли» газ ҳисоблагичларини ўрнатиш сентябрь ойига қадар якунланиши режалаштирилган. Дастлаб буни 2021 йил 1 августгача бажариш режалаштирилган эди, муддатлар бир неча бор ортга сурилди. Хусусий уйларнинг 97,7 фоизида ҳисоблагичлар ўрнатилган, квартираларнинг атиги 53 фоизга қамраб олинган.
Жиззахда селдан талофат кўрган оилаларга уй-жой қуриш бошланди
Жиззах вилоятининг Фориш туманида селдан талофат кўрган оилалар учун янги уй-жойлар қуриш ишлари бошланди. Оилалар учун ер майдонлари ажратилиб, 20 та замонавий уй-жойлар бунёд этилади. 100 га яқин уй-жойларда реконструкция ишлари олиб борилади.
Фото: Намангандаги халқаро гуллар фестивали қандай ўтди?
Ўзбекистоннинг гуллар пойтахти сифатида танилган Наманганда 5 июнга қадар халқаро гуллар фестивали бўлиб ўтади. 61 йиллик байрам муносабати билан Бобур номидаги истироҳат боғига 2 млн туп гул экилади. Бу йил ёмғирлар билан ўтган фестивалнинг очилишида «Газета.uz» фотомухбири Мадина Аъзам ҳам иштирок этди.
Пастдарғомда 2000 туп марихуана етиштирган шахслар қўлга олинди
Самарқанд вилоятининг Пастдарғом туманидаги цемент сақлаш омборхонасида 2000 туп марихуана ўстирганликда гумон қилинган 3 нафар фуқаро қўлга олинди. Улар қўлга тушмаслик учун омборхонага ўт қўйиб юборишган.
Ҳоким бир вақтнинг ўзида маҳаллий кенгаш раиси бўлиши нотўғри — Содиқ Сафоев
Сенат раисининг биринчи ўринбосари Содиқ Сафоев ҳокимларнинг бир вақтнинг ўзида ҳам ижро ҳокимияти, ҳам вакиллик ҳокимияти раҳбари бўлиши нотўғрилигини таъкидлади. «Бу масалани Конституция билан ечиб қўйиш керак», деди у. Унинг таъкидлашича, амалдаги Конституция билан барча кутилган ўзгаришларни амалга оширишнинг имкони йўқ.
Афросиёб археологик объекти яқинида кавланган чуқурдан эски сопол буюм ва қабристон қолдиқлари топилди
Самарқандда Афросиёб археологик объекти яқинида ободонлаштириш иншооти қуриш учун ер кавлангани аниқланди. Кавланган чуқурдан ўрта асрларга оид сопол буюм қолдиқлари, ғишт ва қабристон қолдиқлари топилган.
Россияда пилот лойиҳа доирасида ишга жойлаштириладиган ўзбекистонлик мигрантлар сонига чекловни олиб ташлаш режалаштирилмоқда
Россия Меҳнат вазирлиги хорижликларни ишга жойлаштириш бўйича пилот лойиҳаси доирасида Ўзбекистондан Россияга келиши мумкин бўлган мигрантлар сонига чекловни олиб ташлашни таклиф қилмоқда. Ҳозирда ушбу чекловга кўра, пилот лойиҳа доирасида 10 минг нафар ўзбекистонлик Россияга ишлаш учун бора олади.
Ўзбекистон фонд бозори иштирокчилари учун «Инвесторлар жанги 2.0» танлови ўтказилади
«Инвесторлар жанги 2.0» танловида инвестицион портфели энг катта ўсишни кўрсатганлар ғолиб бўлишади. Аризалар 6 июнь кунигача қабул қилинади якунланади.
Фото: Мактабларда сўнгги қўнғироқ чалинди
25 май куни Ўзбекистон мактабларида 390 минг нафар 11-синфни битирган ўқувчилар учун сўнгги қўнғироқ чалинди. «Газета.uz» пойтахт мактабларидаги тадбирлардан фоторепортаж тайёрлади.
«Ўзбекистон ҳақидаги тасаввурларим хато бўлганлигидан ҳурсандман» — Россиялик релокантнинг илк таассуротлари
Март ойида Тошкентга кўчиб келган россиялик йигит нега Ўзбекистонга кўчиб келгани ва бу ерда қандай афзалликлар ҳамда камчиликлар борлиги ҳақида, шунингдек, Тошкентда яшаш давомидаги кузатувлари тўғрисида ҳикоя қилди.
Фарғона вилоят ХТБ деразадан сакраган ўқувчи воқеасига изоҳ берди
Фарғона вилоят ХТБ ўқитувчи ўқувчига бақириб, юзига урганидан кейин қиз деразадан сакраб тушгани акс этган видеога изоҳ берди. Маълум қилинишича, синф биринчи қаватда жойлашган, қиз бунгача ҳам дарс тугашига 5 дақиқа қолганида синфни дераза орқали тарк этган.
2022 йил битирувчиларига мурожаат
Вазирлар, депутат, ЮНИСЕФ ваколатхонаси раҳбари, IT-Парк директори, Inkuzart ҳамда фаол жамоатчилик вакиллари 2021−2022 ўқув йили битирувчиларига ўз маслаҳатлари ва тилакларини билдиришди.
24 май куни Ўзбекистонда содир бўлган энг муҳим хабарлар дайжести
Россия президенти билан гаплашган Шавкат Мирзиёев, фавқулодда вазиятлар бўйича Қозоғистон билан ҳамкорлик қиладиган Ўзбекистон, Самарқандда очилган энг йирик 2-қуёш фотоэлектр станцияси, Қозоғистон ТИВнинг Самарқандда туристлар билан бўлган ҳолатга муносабати, тенгдошини машинада босиб кетган наманганлик мактаб ўқувчиси, Ўзбекистонни Қирғизистон билан боғловчи ерости туннели топилгани ва бошқалар — «Газета.uz»нинг 24 майдаги энг муҳим хабарлари дайжестида.
Насрулла Бабаев Бекобод шаҳрига ҳоким бўлди
Қурилиш вазири ўринбосари лавозимида фаолият юритган Насрулла Бабаев Бекобод шаҳри ҳокими этиб тайинланди.
Ўзбекистонда «Маданий мерос ва ижод платформаси» ишга туширилади
Туризм ва маданий мерос вазирлиги ҳамда ЮНEСКОнинг Ўзбекистондаги ваколатхонаси «Маданий мерос ва ижод платформаси» ни ишга туширади. Барча амалга оширилаётган маданий дастурлар ва лойиҳалар харитага киритилади, бу эса умумий манзарани кўра олиш, эълон қилинган сиёсат ва стратегиялар доирасида мувофиқлаштирилган ҳолда ишлаш имконини беради.
Қозоғистон ТИВ Самарқандда туристлар билан содир бўлган ҳолатга муносабат билдирди
Қозоғистон ТИВ расмий вакили Айбек Смадияров Самарқандда ички ишлар ходимлари туристларга нисбатан электрошокер қўллаган ҳолат юзасидан муносабат билдирди. «Ўзбекистонда жамиятнинг ўзи ҳуқуқ-тартибот идоралари ходимларининг ҳаракатларини қораламоқда… Биз бунга аралашмасликка ҳаракат қилаяпмиз ва фақат фуқароларимиз ҳимоясига тегишли қисмини кузатиб бораяпмиз», — деди у.
Наманганда 7-синф ўқувчиси автомобилда тенгдошини босиб кетди
Наманган вилояти Косонсой туманида 7-синф ўқувчиси «Ваз-2106» русумли автомобилни ноқонуний бошқараётиб, йўл четида кетаётган 14 ёшли пиёдани босиб кетди. Бу охирги уч сутка ичида Ўзбекистон йўлларида ЙТҲ оқибатида содир бўлган саккизинчи ўлим ҳолатидир.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг