Жамият
Улуғбек Азамов АОКА директорининг ўринбосари этиб тайинланди
Туризм ва спорт вазирининг биринчи ўринбосари лавозимида ишлаб келган Улуғбек Азамов АОКА директорининг ўринбосари этиб тайинланди.
9 май куни салюти «Янги Ўзбекистон» боғида ташкил этилади (янгиланди)
9 май куни кечқурун Тошкентдаги «Янги Ўзбекистон» боғида «Хотира ва қадрлаш куни»га бағишланган байрам салюти ташкил этилади.
Гўшт ва ўсимлик ёғи импортига нол даражали ҚҚС ставкаси муддати узайтирилди
Бир қатор озиқ-овқат маҳсулотлари, жумладан, гўшт, ўсимлик ёғи ва картошкани олиб кириш ва сотишда қўшилган қиймат солиғининг нол ставкаси муддати 2022 йил охиригача узайтирилди. Шунингдек, Мўйноқ туманидаги маҳаллий саноат, қишлоқ хўжалиги ва хизматлар соҳаларидаги тадбиркорлар 2031 йилгача айрим солиқларни 1 фоизда тўлайди.
Дам олиш кунлари қуруқ ва жуда илиқ об-ҳаво кузатилади
Дам олиш кунлари Ўзбекистоннинг катта қисмида қуруқ ва жуда илиқ об-ҳаво бўлиши, ҳаво ҳарорати +30…+35 даражагача кўтарилиши кутилмоқда. 9 май куни Қорақалпоғистон, Хоразм, Бухоро ва Навоийда ёмғир ёғади. 10 майда эса республика бўйлаб кучли жала қуйиши мумкин, ҳарорат эса +23…+28 даражагача пасаяди.
Марказий банк президент расми туширилган тангаларни чиқармаганлигини маълум қилди
Марказий банк президент Шавкат Мирзиёев шахсига бағишланган қимматбаҳо металлардан тайёрланган тангалар ёки банкнотларни муомалага чиқармаганлигини маълум қилди.
Ўзбекистон чегарачилари 3 қирғизистонликка ўқ узгани айтилмоқда
Ўзбекистон чегарачилари Қирғизистоннинг уч фуқаросига қарши қурол ишлатгани айтилмоқда. Қирғизистон чегара хизмати фуқароларнинг барчаси олган жароҳатидан вафот этганини маълум қилди. Икки давлат вакиллари вазиятга ойдинлик киритиш учун учрашган. Воқеа юзасидан тергов давом этмоқда.
Фарғона водийсига 6 май кунига белгиланган поездлар қатнови ҳам бекор қилинди
«Ўзбекистон темир йўллари» Қамчиқ довонида содир бўлган сел оқибатида кетма-кет иккинчи кун Фарғона водийсига ҳаракатланувчи поездлар қатнови тўхтатилганини маълум қилди. 6 майга мўлжалланган чипталар пули йўловчиларга 100 фоиз қайтариб берилади.
Ногиронлиги бўлган шахсларнинг солиққа тортилмайдиган даромадлари миқдори оширилди
Солиқ кодексига киритилган қўшимча ва ўзгартишларга биноан ногиронлиги бўлган шахсларнинг солиққа тортилмайдиган даромадлари миқдори оширилди. Шунингдек, солиқ имтиёзи берилган айрим солиқ тўловчилари мазкур солиқларни 1 фоизи миқдорида тўлайди. Янги барпо этилаётган боғлар, токзорлар ва тутзорлар эгаллаган ерларни ер солиғидан озод қилиш муддати узайтирилди.
Маданий мерос ёдгорликларини муҳофаза қилиш бўйича ишонч телефони ишга тушди
Ўзбекистонда маданий мерос ёдгорликларига нисбатан содир этилаётган ноқонуний хатти-ҳаракатлар ёки уларга етиши мумкин бўлган хавф-хатарлар ҳақида хабар бериш учун ишонч телефони ишга туширилди.
Гематологик ва онкологик касалликларга чалинган болалар учун махсус мактаб ташкил этилди
Болалар гематологияси, онкологияси ва клиник иммунологияси марказида даволанаётган болалар учун «Меҳрли мактаб» давлат таълим муассасаси ташкил этилди. Муассасада 2 ёшдан 7 ёшгача бўлган болалар учун мактабгача таълим ҳамда 1−11-синфлар учун умумий ўрта таълим берилади.
Мактаблар, Меҳрибонлик уйлари ва интернатларда овқатланиш аутсорсингга топширилиши мумкин
ХТВ мактаблар, мактаб-интернатлари ва Меҳрибонлик уйларида овқатланишни аутсорсингга топшириш бўйича ҳукумат қарори лойиҳасини ишлаб чиқди. Аутсорсинг компаниялари фойдаланадиган мактаб ўқувчиларининг кунлик рационал овқатланиш нормалари ССВ томонидан тасдиқланади.
5 май куни Ўзбекистонда содир бўлган энг муҳим хабарлар дайжести
Кучли ёмғир туфайли сув остида қолган Тошкент кўчалари, пойтахт аэропортида багаж бўлинмаси ишини эфирга узатиш бошлангани, Спортчи Элбек Раҳимовнинг ўлими бўйича ўқилган суд ҳукми, Осиё ва Параосиё ўйинлари ғолибларига бериладиган мукофот, маданий мерос объектига айлантириладиган Чорсудаги 7 гумбаз ва бошқалар — 5 майдаги энг муҳим хабарлари дайжестида.
Спортчи Элбек Раҳимовнинг ўлими билан боғлиқ иш бўйича судланувчиларга ҳукм ўқилди
Қаршида спортчи Элбек Раҳимовнинг ўлими билан боғлиқ жиноят иши бўйича суд ҳукми ўқилди. 26 нафар айбланувчи орасида уч нафар вояга етмаган бола ва уч нафар ички ишлар органлари ходими ҳам бор. Улардан 19 нафари 3 йилдан 20 йилгача муддатга озодликдан маҳрум этилди. Айбланувчилар моддий ва маънавий зарарни ҳам қоплашлари шарт.
Тошкент аэропортида багаж бўлинмаси ишини эфирга узатиш бошланди
«Тошкент» халқаро аэропортига етиб келган йўловчилар ўз юкларини энди камералар орқали кузатишлари мумкин. Бу юкчиларни интизомга чақириши ва кутиш вақтини қисқартиришга хизмат қилиши керак. Илгари йўловчилар чамадонларнинг шикастлангани ҳақида кўп шикоят қилишарди.
«Бу Тошкентнинг бренди». Чорсудаги 7 та кичик гумбаз ҳам маданий мерос объектлари рўйхатига киритилади
Маданий мерос агентлиги Чорсу бозоридаги марказий гумбазга ҳамоҳанг тарзда қурилган 7 та кичик гумбаз давлат муҳофазасига олинганини маълум қилди. Агентлик раҳбарининг биринчи ўринбосари Турсунали Кузиевнинг сўзларига кўра, гумбазлар Тошкентнинг юзи ҳисобланади. Илмий эксперт кенгаши аъзоси Зафар Ҳакимовнинг фикрича, Эски-Жува маконини археологик ёдгорлик сифатида сақлаб қолиш керак. Агентлик Чорсу бозорини Эски шаҳарнинг тарихий ҳудуди сифатида рўйхатга олишни режалаштираяпти.
Nest One осмонўпар биноси қурилиш майдончасида ёнғин содир бўлди
Tashkent Сity`даги Nest One осмонўпар биноси қурилиш майдончасида содир бўлган ёнғин ўчирилди, жабрланганлар йўқ.
Осиё ва Параосиё ўйинлари ғолиблари ва уларнинг мураббийлари рағбатлантирилади
Осиё ва Параосиё ўйинларида ғолиб бўлган спортчилар, уларни тайёрлаган мураббийлар ва бошқа мутахассислар қўшимча равишда пул мукофотлари билан рағбатлантирилади.
Андижонга Хитойдан 14 та автобус келтирилди
Андижонга Хитойдан кондиционер ва кузатув камерали 14 та янги автобус келтирилди. Улар 70 йўловчини ташиш имконига эга.
Ихтисослаштирилган мактабларга ўқувчиларни қабул қилиш тартиби белгиланди
Ҳукумат қарори билан Президент таълим муассасалари агентлиги тизимидаги ихтисослаштирилган мактабларга ўқувчиларни қабул қилиш тартиби белгиланди. Унга кўра, имтиҳонлар аниқ ва табиий фанлар, инглиз тили ҳамда мантиқий фикрлаш бўйича ўтказилади.
Ўзбекистонда 9 май кунига сиёсий тус бермаслик сўралди
«Юксалиш» ҳаракати Ўзбекистонда 9 май санасини сиёсий тус бермасдан, вазмин ҳамда жамият қадриятларидан келиб чиққан ҳолда нишонлашни сўради. Ҳаракат ушбу сана жамият учун тинчликнинг қадрига етиш куни сифатида қадриятга айланиб қолганини эслатиб ўтди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг