Жамият
7 ноябрь куни эълон қилинган энг муҳим янгиликлар дайжести
ЖСТга аъзо бўлишдаги тўсиқларга тўхталган президент махсус вакили, пропан нархи ошишига қарши чеклов, боқилиши тақиқланган ёввойи ҳайвонлар рўйхати, цемент заводларига имтиёз сабаб бюджетга келиб тушмаган маблағлар ва бошқалар — «Газета.uz»нинг кунлик дайжестида.
Чақириққача бошланғич тайёргарлик ўқитувчиси сифатида Қуролли Кучлар захирасидаги ҳарбийлар жалб қилинади
Энди чақириққача бошланғич тайёргарлик ўқитувчиси штати Мудофаа вазирлигига ўтади. Бу вазифага Қуролли Кучлар захирасидаги ҳарбийлар ишга қабул қилинади. Шунингдек, мусиқа фани ўқитувчиларининг билим даражаси ва касбий маҳорати баҳоланиб, малака ошириш тизими йўлга қўйилади.
Самарқандда ҳар йили сузиш бўйича Silk Water халқаро турнири ўтказилади
️2025 йилдан бошлаб ҳар йили синхрон сузиш бўйича Тошкент шаҳрида «Сув париси», сузиш бўйича эса Самарқанд вилоятида Silk Water халқаро турнирлари ўтказилади. 2026 йилдан эса тажриба тариқасида Тошкент шаҳри ва Сирдарё вилоятидаги маҳаллаларда 6×15 метр ўлчамли сузиш ҳавзалари барпо этилади.
Фарғонада 4 киши овқатдан заҳарланди
Фарғона вилояти Ўзбекистон туманида 4 киши кафеда тайёрланган овқатдан заҳарланиб, касалхонага ётқизилди. Ҳолат Санепидқўмита ходимлари томонидан назоратга олинган.
МИБ мансабдор шахслари 202,9 млрд сўмлик ижро ишларини асоссиз равишда тугатгани аниқланди
Мажбурий ижро бюросининг Шайхонтоҳур туман бўлими мансабдор шахслари 202,9 млрд сўмлик 200 та ижро ишини қонунчилик талабларига зид равишда асоссиз тугатгани аниқланди. Тошкент шаҳар прокуратураси томонидан уларга нисбатан жиноят иши қўзғатилди.
Хоразмдаги кийим дўконларида чиққан ёнғин 1 соатда ўчирилди
Пайшанба куни Урганч туманининг Гурлан кўчасидаги кийим дўконларида ёнғин чиқди. 8 та ёнғин-қутқарув экипажи воқеа жойига етиб бориб, 1 соат ичида алангани ўчирди. Ҳодиса оқибатида ҳеч ким жароҳат олмади.
Ўзбекистонда фуқаролар сақлаши тақиқланган ёввойи ҳайвонлар рўйхати тасдиқланди
Вазирлар Маҳкамаси қарори билан фуқаролар сақлаши тақиқланган ёввойи ҳайвонлар рўйхати тасдиқланди. Шунингдек, давлат ва кўчма циркларда (шапито) ёввойи ҳайвонларни сақлаш ва улардан цирк томошалари учун фойдаланиш тақиқланди.
Маърифий фаолиятни амалга ошириш тартибини бузганлик учун жавобгарлик белгиланди
Президент томонидан имзоланган қонун билан маърифий фаолиятни амалга ошириш тартибини бузганлик учун жавобгарлик белгиланмоқда. Ҳужжат уч ой ўтгач кучга киради.
Қўқон шаҳрида террорчилик ташкилотини қўллаб-қувватлашда айбланган 11 киши қамалди
Қўқон шаҳрида «Тавҳид ва жиҳод катибаси» халқаро террористик ташкилотини қўллаб-қувватлашда айбдор деб топилган 11 киши 6 йилдан 12 йилгача озодликдан маҳрум этилди.
Тегишли ҳуқуқи йўқ шахсларнинг халқ табобати билан шуғулланишига жавобгарлик белгиланди
Президент халқ табобати соҳасида ишлаш ҳуқуқи йўқ шахслар томонидан ташхис қўйиш ва даволаш хизматларини кўрсатганлик учун маъмурий жавобгарлик белгилайдиган қонунни имзолади. Бундан ташқари, халқ табобатида рухсат этилмаган усуллардан фойдаланган ҳолда бундай хизматларни реклама қилиш тақиқланди.
«Тахтақорача» довонида Cobalt’ни тош босиб қолди. Салондаги уч киши ҳалок бўлди
Самарқанд ва Қашқадарё вилоятларини боғловчи М-39 автомобиль йўлида Cobalt машинасини тоғдан сирпаниб тушган катта тош босиб қолди. Оқибатда салондаги 3 киши ҳалок бўлди.
Ўзбекистон ёш теннисчилари Elite халқаро теннис академиясида
Ўзбекистон теннис федерацияси ва «Ўзмиллийбанк» АЖнинг ҳамкорлиги туфайли Ўзбекистоннинг истиқболли ёш теннисчилари Сербияда ўқув-машғулотларида қатнашиш имкониятига эга бўлди.
Октябрь ойида ҳарорат экстремал қийматлардан узоқ бўлди — Ўзгидромет
Ўзгидромет ҳисоботига кўра, бу йилги октябрь ҳарорат бўйича ўртача кўп йиллик қийматларга яқин, экстремал қийматлардан узоқ бўлди. Ёмғир одатдагидан тез-тез ёққани туфайли ой жуда ёмғирли ўтди. Октябрнинг иккинчи ярмидан Ўзбекистонга ҳақиқий куз кириб келди, дея билдирмоқда синоптиклар.
Noventiq бош директори компаниянинг 20 йиллик тажрибаси ва Noventiq бренди остидаги янги даври ҳақида сўзлади
Noventiq Uzbekistan бош директори Олег Мишагин компаниянинг бозордаги 20 йиллик тажрибаси, Softline брендининг Noventiq’га ўзгариши ва компания Ўзбекистонда бизнесга қандай ёрдам бераётгани ҳақида сўзлаб берди.
Асака тумани Экология бўлими ходими 20 минг доллар олишда гумонланмоқда
Ҳуқуқни муҳофаза қилувчи идоралар вакиллари Қорақалпоғистон, Хоразм ва Андижонда коррупциявий жиноятларда гумонланган қатор мансабдорларни қўлга олди. Бир ҳолатда Асака тумани Экология бўлими бош инспектори фуқародан 20 минг доллар олаётганида ушланди.
Суд Сардор Кариевнинг оиласи яшаётган уй хатланишини ёқлади
Тошкент туманлараро маъмурий суди «Док-1 Макс» ишида айбдор деб топилган Сардор Кариевнинг уч нафар фарзанди ва аёли яшаб турган уйни хатлаш масаласини қўллаб-қувватлади.
Тошкентда 2 номаълум шахс автобусда салонни аёл ва эркаклар учун ажратиш ҳақида постер ёпиштирди (видео)
Тошкентдаги автобусда «аёллар — олдинда, эркаклар — орқада» ёзувли постер пайдо бўлди. «Тошшаҳартрансхизмат» уни 2 йигит ёпиштириб, ҳолатни видеога ҳам олгани акс этган камера ёзувларини эълон қилди. Бу каби постер аввалроқ Самарқандда автобусда ҳам учраганди.
Рақобат қўмитаси монополияга қарши орган розилигисиз давлат иштирокидаги корхона ташкил этилган 4 та ҳолатни аниқлади
Рақобат қўмитаси Андижон вилоятининг Олтинкўл туман ҳокимлиги, Тошкент вилоятининг айрим саноат зонасини бошқариш дирeкцияси ва Кинематографияни ривожлантириш марказини давлат иштирокидаги корхоналарни ташкил этишда монополиядан олдиндан розилик олмаганини аниқлади. Уларга тегишли кўрсатма берилди.
Тошкент вилоятида лайк учун отасини урмоқчи бўлган йигит 15 суткага қамалди
Чирчиқ шаҳрида 100 мингта лайк учун отасини уришга тайёрлигини айтиб видео олган йигит 15 суткага қамалди.
Энди фақат шу соҳада олий маълумотга эга бўлган шахслар психологик ёрдам кўрсатиши мумкин бўлади
Ўзбекистонда энди фақат психология йўналиши бўйича олий маълумотга эга бўлган шахсларгина психологик ёрдам кўрсатиши мумкин. Психологик ёрдамни бундай ҳуқуққа эга бўлмаган шахс томонидан кўрсатиш маъмурий жавобгарликка сабаб бўлади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг