Жамият
Тошкентда «Тунги велосайр» фестивали ўтказилади
Тошкентда чоршанба куни кечқурун тунги «Тунги велосайр» фестивали бўлиб ўтади. Сайр Маҳтумқули ва Мирзо Улуғбек кўчалари кесишмасидан бошланиб, «Янги Ўзбекистон» боғигача давом этади. Барча велоспорт ишқибозлари иштирок этиши мумкин.
Президент Шавкат Мирзиёев БМТ Бош Ассамблеяси 76-сессиясида нутқ сўзлади
Президент Шавкат Мирзиёев БМТ Бош Ассамблеяси 76-сессияси умумий мунозараларининг биринчи кунида видеомурожаат билан сўзга чиқди. Давлат раҳбари халқаро ҳамжамиятга минтақа ва глобал кун тартибидаги долзарб масалалар, БМТнинг замонавий таҳдид ва хатарларга қарши биргаликда чора кўришдаги роли юзасидан ўз нуқтаи назарини тақдим этди ҳамда қатор таклиф ва ташаббусларни илгари сурди.
21 сентябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг Қорақалпоғистонда сайловчилар билан учрашуви, Жаҳонгир Ортиқхўжаевнинг Тошкентнинг учта тумани ҳокимига «ҳайфсан» бериши, болаларни полиомелитга қарши оммавий эмлаш бошланиши — «Газета.uz»нинг 21 сентябрдаги энг муҳим хабарлари дайжестида.
Қишлоқ хўжалиги вазирлиги узум кўчатларини етказиб бериш бўйича тендер якунларини ўрганади
1 млн дона узум кўчатини етказиб бериш бўйича 9,9 млрд сўмлик тендер якунлари Қишлоқ хўжалиги вазирлиги комиссияси томонидан ўрганилади. «Газета.uz» савдоларда қишлоқ хўжалиги вазири ўринбосарининг ўғлига тегишли компания ғолиб бўлгани ҳақида ёзганди.
Қашқадарёда болаларни полга ўтқазиб дарс ўтган ўқитувчиларга ҳайфсан берилди
Қашқадарё вилоятининг Яккабоғ туманидаги мактабнинг икки ўқитувчисига болаларни полда ўтқазиб дарс ўтгани учун ҳайфсан берилди. Вилоят прокуратураси ўқитувчиларнинг жиҳозланган хоналарда дарс ўтиш имконияти бўла туриб, мактаб маъмурияти камчиликларини бўрттириб кўрсатиш мақсадида шу ишга қўл урганини маълум қилди. Мактаб раҳбариятига нисбатан ҳам интизомий жавобгарлик тўғрисида иш қўзғатилди.
«Бизда ситиларга ружу қўйилиб, соғлиқ учун фойдали манбалардан воз кечилмоқда» — «Адолат» номзоди
«Адолат» партиясидан президентликка номзод Баҳром Абдуҳалимов шаҳарларда «сити» қуришга ружу қўйилганлигини танқид қилди. Партия раҳбари ҳаводаги чангга қарши курашишда фойда бериши мумкин бўлган сунъий кўллар республикада бирин-кетин йўқ қилинаётганлигини таассуф билан қайд этган.
Тошкент шаҳар ИИББ бошлиғига янги ўринбосар тайинланди
Тошкент шаҳар ИИББ бошлиғининг ўринбосари — ИИББ ҳузуридаги тергов бошқармаси бошлиғи вазифасини бажарувчиси лавозимига Дилмурод Мирсодиқов тайинланди.
Келгуси йилда Қорақалпоғистонда 1−4 синф ўқувчилари учун бепул тушлик берилади — президент
Шавкат Мирзиёев Қорақалпоғистонда сайловчилар билан учрашувда келгуси йилдан бошлаб 1−4 бошланғич синф ўқувчилари учун бепул тушлик бериш йўлга қўйилишини таъкидлади.
Шавкат Мирзиёев Қорақалпоғистонда келгуси 5 йилда иш ўринлари қандай яратилиши бўйича маълумот берди
Президент Шавкат Мирзиёев Қорақалпоғистонда сайловчилар билан учрашувда 6 минг нафар ишсиз аҳоли учун, ихчам иссиқхоналар қуриб берилишини маълум қилди. Аҳоли томорқаларининг сув таъминотини яхшилаш орқали, 12 минг фуқаронинг бандлиги таъминланади.
ДХХ Тошкент ва Фарғона вилоятларида фирибгарлик ҳолатларига чек қўйди
Паркент туманида яшовчи шахс фермер хўжалиги раҳбарига банкдан 3 млрд сўм кредит ажратилишини айтиб, ундан кредит миқдорининг 10 фоизини беришини сўради. Шунингдек, Фарғона вилоятида мансабдор шахс қум барханларидан лицензиясиз фойдаланишига рухсат бериш учун 5,6 минг доллар олган вақтида ушланди.
Болаларни полиомелитга қарши эмлаш бошланди
20 сентябрдан бошлаб Ўзбекистонда болаларни полиомелитга қарши оммавий эмлаш бошланди. Бу Тожикистон ва Афғонистон полиомелит ҳолатлари аниқланганлиги билан боғлиқ. Мамлакат ҳудудларига 1,2 миллион доза вакциналар етказиб берилди.
Жиззах ва Самарқандда прокурорлар пора билан қўлга тушди
Жиззах вилоятидаги туман прокурори жиноят ишига алоқадор шахсни камоққа олмаслик учун 2 минг доллар сўраган. Самарқанд вилоятидаги туман прокурорларидан бирининг ўринбосари судланувчига тайинланган жазони оғирроқ жазо турига ўзгартиришга ҳаракат қилиб, биринчи енгилроқ жазони ўз кучида қолдириш учун 10 минг доллар талаб қилган. ДХХ бошқа шунга ўхшаш коррупция ҳолатлари ҳақида ҳам хабар берди.
Ўзбекистонда биринчи марта АИ-98 маркали бензин ишлаб чиқарилди
Ўзбекистон тарихида илк бор Бухоро нефтни қайта ишлаш заводи томонидан АИ-98 маркали бензин ишлаб чиқарилди. 380 тонна ҳажмдаги бензиннинг физик-кимёвий хусусиятлари стандартга биноан муваффақиятли синовдан ўтказилган.
Шавкат Мирзиёев Қорақалпоғистонга жўнаб кетди
Шавкат Мирзиёев сайловчилар билан учрашиш мақсадида Қорақалпоғистон Республикасига жўнаб кетди.
Ўзбекистонда юрак ва ўпка трансплантацияси йўлга қўйилади — Сенат
Ўзбекистонда келажакда буйрак кўчириб ўтказиш амалиётини йилига 250 тага етказиш, жигар трансплантациясини эса 50 тага етказиш режалаштирилган, маълум қилди Сенат матбуот хизмати. Шунингдек, юрак трансплантациясини жорий этиш ва йилига 50 та амалиёт ҳамда ўпка трансплантациясини йўлга қўйиш кўзда тутилмоқда.
Поезд жўнаб кетди. Электричкаларда кимлар юради ва нега йўловчилар ундан қониқишмаяпти?
Шаҳар атрофидаги темир йўл алоқаси — йирик шаҳарлар транспорт тизимини ривожлантиришнинг истиқболли йўналиши ҳисобланади, лекин Тошкент электропоездлари йўловчилари кўрсатилаётган хизматлардан қониқиш ҳосил қилаётгани йўқ. «Газета.uz» фотомухбири Евгений Сорочин улардан бунинг сабабини сўраб кўрди.
Қишлоқ хўжалиги вазири ўринбосари ўғлининг компанияси 9,9 млрд сўмлик тендерда ғолиб бўлди
1 млн дона узум кўчатларини етказиб бериш бўйича 9,95 млрд сўмлик тендерда қишлоқ хўжалиги вазири ўринбосари, Қишлоқ хўжалигида миллий билим ва инновациялар маркази (буюртмачи) раҳбари Алишер Тўраевнинг ўғлига тегишли компания ғолиб бўлди.
«Мароқанд нефть базаси»да нефть маҳсулотлари ўғриланиб, ноқонуний сотиб юборилган
«Мароқанд нефть базаси»да нефть маҳсулотларининг ўғриланиб, ноқонуний сотиб юборилгани аниқланди, дея хабар қилди «Ўзбекнафтгаз». Жумладан, нефть базасида 23,3 млрд сўмлик 3219 тонна автобензин биржа савдолари орқали сотиб олинмасдан, истеъмолчиларга жўнатиб юборилган. Бундан ташқари, айрим ходимлар ёқилғи сиғимларининг калибровка жадвалларини ўзгартирилиб, захираларни яширган, ҳайдовчилар эса механиклар билан келишиб, бензинни ҳисобдан чиқаришган. 11 ходим ишдан бўшатилди, жиноий иш қўзғатилди.
20 сентябрь куни Ўзбекистонда содир бўлган энг муҳим хабарлар дайжести
Президентликка номзодларнинг сайловолди кампанияси бошланиши, Республика махсус комиссиясининг қарорлари, ЙТҲ оқибатида журналистнинг ҳалок бўлиши — «Газета.uz»нинг 20 сентябрдаги энг муҳим хабарлари дайжестида.
Техпаспортларни топшириш ишлари давом этмоқда — Тошкент ИИББ
Тошкент ИИББ ЙҲХБ бўлинмаларида автомототранспорт воситасини давлат рўйхатидан ўтказганлик тўғрисида гувоҳнома бериш ишлари қайта тикланди. Техпаспортларни алмаштириш бўйича мурожаатлар сонининг ортиб кетгани уларни беришда муаммоларни келтириб чиқаргани айтилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг