Жамият
Нима тайёрлаймиз: лимонли пишириқлар
Лимон пўсти солиб пиширилган кекслар, лимонли тўртбурчак, лимонли печенье, пирог ва кекслар, жем билан пиширилган лимонли печеньелар — Zira.uz лимондан тайёрланадиган пишириқлар рецептлари рўйхатини тақдим этади.
Олий таълим вазирлиги ОТМлардаги назорат тестлари билан боғлиқ ҳолатни масъулиятсизлик дея баҳолади
Ижтимоий тармоқларда Андижон давлат тиббиёт институти ва Фарғона давлат университетида қишки семестрни якунлашга мўлжалланган имтиҳон саволларида камчилик ва хатолар акс этган суратлар тарқалди. АДТИ ушбу хатоликларни тан олиб, «талабалардан узр сўради». ФарДУ эса хабарлар фейк эканлигини айтмоқда. Олий таълим вазирлиги «Газета.uz»га берган изоҳида мазкур ҳолатларни «ОТМларнинг масъулиятсизлиги сифатида баҳолади».
28 январь куни Ўзбекистонда содир бўлган энг муҳим хабарлар дайжести
Мактаб таълимидаги муаммоларни танқид қилган президент, кичик қизалоқни айиқлар вольерига ташлаб юборган аёл, бюджетдан 100 млрд сўм ажратилган 1hls платформаси, Фарғонада қуриладиган Ўзбекистондаги илк экошаҳар, Ўзбекистондан хорижга кўчиб кетган 20 мингдан ортиқ фуқаро ва бошқалар — «Газета.uz» нинг 28 январдаги энг муҳим хабарлари дайжестида.
Сўров: 81 фоиз ёшлар коррупцион ҳолатлар ҳақида хабар беришга тайёр
Антикоррупция агентлиги ва U-Report биргаликда 7 ёшдан 35 ёшгача бўлган 18 мингдан ортиқ фуқаролар орасида коррупцияга оид сўров ўтказди. Респондентларнинг 51 фоизи коррупциянинг моҳиятини тўғри тушунади, 46 фоизи эса порахўрликка салбий муносабатда. Сўровнинг 81 фоиз қатнашчиси коррупцион ҳолатлар ҳақида хабар беришга тайёрлигини маълум қилган. Қолаверса, ёшлар уларни пора беришдан тўхтатадиган 4 та асосий сабабни ҳам келтирган.
Тошкент ҳайвонот боғида аёл киши қиз болани айиқлар вольерига ташлаб юборди (янгиланди)
Тошкент ҳайвонот боғида аёл киши кичик қизалоқни 5 метр баландликдан айиқлар вольерига ташлаб юборди. Бола фақат тушиш натижасида жароҳат олди. Аёлнинг қилмиши сабаблари ўрганилмоқда. Ҳолат юзасидан қасддан одам ўлдиришга суиқасд қилиш моддаси билан жиноят иши қўзғатилиб, аёл ҳибсга олинган.
Пайшанба куни вакцина олмагани учун 202 нафар ходим вақтинча ишдан четлатилди
27 январь куни Тошкент шаҳрида 302 та тадбиркорлик субъекти ва 15 та бюджет ташкилотида ходимларнинг эмланганлиги бўйича текширув ўтказилди. Натижада 202 нафар ҳодим эмланмагани учун вақтинчалик ишдан четлатилди, 196 та ташкилот раҳбарига огоҳлантириш берилди.
Ўзбекистонда ҳар тўртинчи аёл баъзи ҳолларда зўравонликка дуч келган, 7 фоиз аёл учун эса бу одатий ҳол
«Маҳалла ва оила» илмий-тадқиқот институти 6 та ҳудудда яшовчи 800 нафар хотин-қиз ўртасида сўровнома ўтказди. Унинг натижаларига кўра, аёлларнинг 60 фоизга яқини турмуш ҳаётида зўравонликка дуч келмаганини қайд этган бўлса, қолган 40 фоизи камситиш ва зуғум ўтказилаётганини баён қилган. Ҳар тўртинчи аёл баъзи ҳолларда зўравонликка дуч келишини, 7 фоиз аёл эса бу одатий ҳол эканлигини таъкидлаган.
Наманганда собиқ участкавойга 7 та модда бўйича айблов эълон қилинди
Наманганда суд ИИБ раҳбариятининг ноқонуний хатти-ҳаракатлари ҳақида маълум қилган собиқ профилактика инспектори Сардорбек Отабоевга нисбатан жиноят ишини кўриб чиқишни бошлади. У Жиноят кодексининг 7 моддаси, жумладан, фирибгарлик, мансаб ваколатини суиистеъмол қилиш ва бошқалар бўйича айбланмоқда. Судланувчи айбловларни рад этмоқда.
Ўзбекистон бўйлаб свет, газ ва ичимлик суви тўлиқ тикланди
Энергетика вазирлиги Ўзбекистоннинг барча ҳудудларида электр энергияси таъминоти тўлиқ тикланганини хабар берди. «Ҳудудгазтаъминот» ва «Ўзсувтаъминот» ҳам табиий газ ҳамда ичимлик суви истъемолчиларга аввалгидек етказиб берилаётганини маълум қилди.
«Соғлом турмуш тарзи» платформаси учун бюджетдан 100 млрд сўм ажратилади
Президент қарорига асосан «Соғлом турмуш тарзи» платформасидан фойдаланувчиларни рағбатлантириш мақсадида давлат бюджетидан 100 млрд сўм ажратилади. Бундан ташқари, ҳар йили туман ва шаҳарлардаги намунали маҳаллаларда замонавий фитнес кўчалари ташкил этилади.
Эндокрин касалликлар мавжуд оилаларга патронаж ҳамшираси бириктирилади
Президент қарорига асосан эндокрин касалликлар мавжуд оилаларга махсус тайёргарликдан ўтган патронаж ҳамшираси бириктирилади. Ҳар йили камида бир марта 40 ёшдан ошган аҳоли қандли диабет учун мақсадли скринингдан ўтказилади. Қолаверса, 25 ёшдан ошган беморларга инсулин, метформин ва бошқа дори воситалари бепул берилади.
Beeline мобил абонентларида вақтинча интернет ишламай қолди
Жума куни Beeline мобил алоқа оператори абонентларида интернет хизмати вақтинча ишламай қолди. «Ўзкомназорат» бунга дастурий таъминотдаги носозлик сабаб бўлганини маълум қилди.
Эндиликда 18 ёшдан 40 ёшгача бўлган аҳолининг саломатлик профили баҳоланади
Президент қарорига мувофиқ, ҳар йили бир маротаба 18 ёшдан 40 ёшгача бўлган аҳолининг овқатланиши, тамакига қарамлилиги, тана вазни, артериал босими, қондаги қанд ва холестерин даражасига қараб, уларнинг саломатлик профили баҳоланади. 40 ёшдан ошганлар йилига камида бир марта скрининг текширувларидан ўтказилади. Юрак-қон томир касалликлари бор 200 мингдан ортиқ аҳолига эса эналаприл дори воситаси бепул берилади.
COVID-19: Қарийб 1200 кишида вирус аниқланди
Пайшанба куни 1186 киши топширган тест таҳлилларида коронавирус инфекцияси аниқланди. 3 нафар бемор эса касаллик асоратлари оқибатида вафот этди. Қолаверса, 216 кишида пневмония қайд этилди.
Ўзбекистондаги илк экошаҳар Фарғонада қурилади
«Янги Ўзбекистон» массивлари туркумига кирувчи илк экошаҳар Фарғона вилояти марказида 300 гектар майдонда бунёд этилади. Вилоят ҳокими Хайрулло Бозоров биринчи босқичда 80 та кўп қаватли уй қуриш режалаштирилгани, экошаҳар икки йилда фойдаланишга топширилишини таъкидлади.
27 январь куни Ўзбекистонда содир бўлган энг муҳим хабарлар дайжести
Блэкаут вақтида яроқсиз бўлиб қолмаган вакциналар, иситиш тизими ишламаган кунлар учун чегириб ташланадиган тўлов, Самарқандда 5 йилда лой йўл қолмаслигини айтган Эркинжон Турдимов, Хоразмда чиқиндихонадан мурдаси топилган чақалоқ, шаҳарлараро йўлларда ишлай бошлаган АГТКШлар, қонунийлаштирилган авиаспоттинг ва бошқалар — «Газета.uz» нинг 27 январдаги энг муҳим хабарлари дайжестида.
25 кун ичида Ўзбекистонда 28 киши ис газидан вафот этди
2022 йилнинг илк 25 кунида Ўзбекистонда ис гази билан боғлиқ 16 та ҳолат қайд этилган, бунинг оқибатида эса 9 киши заҳарланган ва 28 киши вафот этган. Бахтсиз ҳодисаларга асосан қўлбола ясалган печлардан фойдаланиш, дудбўронларни нотўғри ўрнатиш, ҳаво алмашмайдиган хоналарда кўмир ва ўтин ёқиш сабаб бўлган.
Блогер Фозилходжа Арифходжаев 7,5 йилга қамалди
Суд диний блогер Фозилходжа Арифходжаевни жамоат хавфсизлиги ва тартибига таҳдид соладиган материалларни тайёрлаш, сақлаш, тарқатиш ёки намойиш этишда айбли деб топиб, уни 7,5 йилга озодликдан маҳрум этди. У ўтган йили диний блогер Аброр Мухтор Алий билан бўлган можародан сўнг ҳибсга олинганди. Судланувчининг адвокати айбловни рад этиб, суд жараёни тафсилотларини сўзлаб берди.
Ҳарбий тавсиянома учун имтиҳон — фото
25 январдан бошлаб республика миқёсида муддатли ҳарбий хизматчилар ОТМларга киришда имтиёз берадиган тавсияномалар учун тест синовларидан ўтмоқда. Тошкент гарнизонидаги харбий қисм ва муассалаларда ҳизмат қилаётган ҳарбийларнинг имтиҳон жараёни — «Газета.uz» мухбири Мадина Аъзам фоторепортажида.
«Электр энергияси ўчган вақтда бирорта ҳам вакцина яроқсиз ҳолга келмаган» — СЭС
Санитария-эпидемиологик хизмати «Газета.uz»га изоҳ беришича, 25 январь куни кузатилган электр таъминотидаги узилишлар пайтида ҳудудлардаги вакциналарни сақлаш омборлари ва вакциналар мавжуд поликлиникалар электр токи билан узлуксиз таъминланган. «Электр энергияси ўчиши натижасида биронта ҳам вакцина яроқсиз ҳолга келмаган», — дейди СЭС матбуот котиби Муҳаммаджон Бозоров.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг