Жамият
Тошкентдаги ҳар бир маҳаллага 10 млрд сўмдан ажратилади — Шавкат Мирзиёев
Президентликка номзод Шавкат Мирзиёев Тошкент ҳокимлиги қошида 575 та маҳаллани ривожлантириш жамғармаси ташкил этилиб, ҳар бир маҳаллага 10 млрд сўмдан (жами қарийб 600 млн доллар) ажратилишини таъкидлади. Унинг сўзларига кўра, маҳаллаларни обод қилиш учун 2 млрд сўм ажратиш амалиёти «ўз самарасини берган».
Декабрда Фарғонада тест режимида 12 та электромобиль ишлаб чиқарилади
Фарғона вилоятида декабрь ойида «Central Asia Motors» корхонасида 4 та енгил ва 8 та юк электромобиллари тест режимида ишлаб чиқарилади. Корхона тўла қуввати билан ишга тушгач, йилига 10 минг электромобиль ишлаб чиқариши кутилмоқда. Ишлаб чиқарилган маҳсулотнинг 40 фоизи экспорт қилинади.
Суғурта полисини олмаганлик учун жарима миқдори 2 бараварга камайтирилмоқда
Депутатлар паспорт тизими қоидаларини бузиш, ноқонуний валюта айирбошлаш, йўловчиларни лицензиясиз ташиш ва суғурта полисини олмаганлик учун жарималарни бир неча бараварга камайтириш тўғрисидаги қонун лойиҳасини маъқуллади.
«Ўткан кунлар» таржимони Марк Риз ваъда қилинган гонорар 5 ойдан бери тўланмаётганини маълум қилди
Абдулла Қодирийнинг «Ўткан кунлар» романини инглиз тилига таржима қилган Марк Риз Ўзбекистон томони беш ойдан бери президент номидан ваъда қилинган пул мукофотини тўламаётганини маълум қилди. У, шунингдек, Ўзбекистоннинг чет элдаги элчихоналари учун роман таржимасининг 1000 нусхасини сотиб олишга ваъда берилганини, бу ҳам бажарилмаётганини таъкидлади. Давлат тилини ривожлантириш бошқармаси вакили «масала кун тартибида», деб изоҳ берди.
Автоблогер Бобур Ғаниев YouTube-каналидаги фаолиятини тўхтатишга қарор қилди
Автоблогер Бобур Ғаниев ҳуқуқ -тартибот идоралари ходимларини ҳақорат қилгани ва уларнинг талабларини бажармагани учун 15 кунга қамалганидан сўнг YouTube-каналидаги фаолиятини тўхтатишга қарор қилди. У ўз қарорини тадбиркорлик билан шуғулланиши ва канални сақлаб туришга улгурмаслиги билан изоҳлади. Видеомурожаат пайтида у қўлга олинаётганда ва ҳибсдалигида эгнида бўлган устки кийимини ёқиб юборди.
Мактабларда инклюзив таълимни ривожлантириш тўғрисидаги низом тасдиқланди
Ҳукумат Ўзбекистонда алоҳида таълимга муҳтож бўлган болалар учун инклюзив таълимни ривожлантиришга қаратилган ҳужжатларни тасдиқлади. Жумладан, умумтаълим мактабларида алоҳида таълимга муҳтож бўлган болалар учун бошланғич таянч коррекцион синфларни очиш тартиблари белгиланди.
18 октябрь куни Ўзбекистонда содир бўлган энг муҳим хабарлар дайжести
Президентнинг ўз белгиси ва штандарти бўлиши, янги имзоланган қарор ва фармонлар, президент сайлови тарихида бўлиб ўтиши режалаштирилаётган биринчи теледебат — «Газета.uz»нинг 18 октябрдаги энг муҳим хабарлари дайжестида.
Кўп квартирали уйнинг ертўласидан фойдаланиш тартиби белгиланди
Кўп квартирали уйнинг ертўласидан фойдаланиш тартиби тўғрисидаги низом тасдиқланди. Ертўладад дўконлар, киоскалар, дўкончалар ва бошқа фаолият турларини амалга ошириш мумкин. Ертўлалар фақат квартира эгаларининг розилиги билан ажратилади.
Тошкентда 10 кун ичида тез ёрдамга бемор болалар бўйича 13,8 мингта чақириқ келиб тушган
10 кун оралиғида пойтахт тез ёрдам хизматига бемор болалар бўйича келиб тушган чақириқлар сони 13 минг 820 тага етди. Октябрь ойида болалар бўйича шаҳар тез ёрдамга бўлаётган кунлик мурожаатлар ўртача 1300−1500 тани ташкил қилмоқда.
Паркент тумани тиббиёт бирлашмаси мансабдорлари 1,5 млрд сўмни ўзлаштирди
Паркент тумани тиббиёт бирлашмаси мансабдорлари 1,5 млрд сўм маблағни талон-торож қилгани айтилмоқда. Уларга «қамоқ» ва «уй қамоғи» эҳтиёт чоралари қўлланилган. Прокуратура жиноят ишини судга оширди.
АҚШ Ўзбекистонга 526,5 минг доза Pfizer вакцинасини юборди
АҚШ ҳукумати Ўзбекистонга 526 500 доза Pfizer/BioNTech вакцинасини етказиб берди. Ой охиригача мамлакатга ушбу вакцинадан яна 274,5 минг доза олиб келинади.
Сут маҳсулотларини ишлаб чиқарувчи Lactalis компанияси Ўзбекистон бозорини эгалламоқда
Lactalis барча турдаги сут маҳсулотларини сотишни ва Ўзбекистон бозорида сут ишлаб чиқарувчи етакчи компанияларидан бирига айланишни режалаштирмоқда.
Ҳафта охирида ҳаво кескин совуқлашади
Пайшанба куни Ўзбекистонда об-ҳаво совуқлашиб, +18 даража илиқ бўлиши, дам олиш кунлари эса кундузи +13 даражача тушиши кутилмоқда. Баъзи ҳудудларда ёғингарчилик кутилмоқда, тоғли ҳудудларда эса қор ёғиб, баъзи жойларда кучли бўлади. Бундан ташқари, шамол тезлиги кучайиши, айрим вилоятларда туман тушиши ҳам мумкин.
Сўх аэропорти тез кунларда фойдаланишга топширилади
Фарғона вилояти ҳокими Сўх туманида қурилиш ишлари якунланаётган янги аэропортни бориб кўрди. 7 гектар майдонда жойлашган аэродром лойиҳаси аввалига 12 млрд сўмга баҳоланган эди, қурилиш якуни бўйича бюджетдан 6,8 млрд сўм ажратилгани айтилмоқда.
Ўзбекистон ҳудудларида қанча аҳоли яшайди?
1 октябрь ҳолатига кўра, Самарқанд вилоятида 4 млн 8 минг 843 киши яшаб келмоқда. Шунингдек, Фарғона вилоятида 3,8 млн киши, Қашқадарё вилоятида 3,3 киши истиқомат қилади. Тошкент шаҳрида 2,8 млн киши доимий яшамоқда.
6 та метро бекати атрофида автотураргоҳлар қурилади
2022 йил 1 октябргача Тошкент шаҳрига кириб келувчи йўловчи транспортлар учун 6 та метро бекати атрофида автотураргоҳлар ташкил этилади. Шунингдек, кейинги йилнинг 1 июлига қадар 7 та метро бекатида транспорт ўтиш боғламалари ташкиллаштирилади.
Самарқандда боғчадан гўштни ўғирламоқчи бўлган шахсларга жиноят иши қўзғатилди
Самарқанд вилояти Пахтачи туманидаги боғчада ошпаз ва хўжалик ишлари мудири гўшт ўғирлаётганда ушланди. Улар бу ишни директорнинг топшириғи билан қилганини айтмоқда. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Миллий эстрада санъати институти ташкил этилади
Президент қарори билан Ўзбекистон давлат консерваторияси ҳузуридаги Ботир Зокиров номидаги Миллий эстрада санъати институти ташкил этилади. Келгуси ўқув йилидан бошлаб ОТМда бастакор, санъатшунос ва овоз режиссёрлари тайёрланади.
Hair Boss лазерли эпиляция учун белгиланган нархдаги Benefit карталарини чиқарди
Hair Boss студияси Benefit қизил карточкаси хизматларини таклиф қилади. Ушбу карта белгиланган ва бир йил давомида ўзгармайдиган нархда учта зонани лазерли эпиляция қилиш имкониятини беради.
COVID-19га қарши курашиш ва вакциналар сотиб олиш учун қўшимча 1,3 трлн сўм ажратилди
Парламент комиссияси йиғилишида коронавирус пандемиясига қарши курашиш ва вакциналар сотиб олиш учун қўшимча 1,3 трлн сўм ажратилгани қайд этилди. 2021 йилда бу мақсадлар учун давлат бюджетида 3 трлн сўм захира шакллантирилган эди, лекин ушбу маблағ сарфлаб бўлинган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг