Жамият
31 май куни Ўзбекистонда содир бўлган энг муҳим хабарлар дайжести
Январь-апрель ойларида Ўзбекистондаги қурилишлар суммаси, президентнинг Сурхондарёга ташриф режаси, Сенатнинг қонунларга ўзгартиришлар киритишни маъқуллаши, ЙТҲларда ҳалок бўлганлар сони ошиши — «Газета.uz»нинг 31 майдаги энг муҳим хабарлари дайжестида.
Тошкентда Lacetti уриб юборган пиёда вафот этди
Тошкент шаҳрининг Янгиҳаёт туманида 55 ёшли пиёдани Lacetti автомобили уриб юбориши оқибатида, пиёда тан жароҳатлари олиб, шифохонада вафот этган.
31 майдан чет элга кетадиган талабалар ва ОАВ ходимлари коронавирусга қарши эмланади
31 май кунидан бошлаб чет элга ўқишга кетадиган талабалар, ОАВ ходимлари, блогерлар ҳамда ёзувчилар COVID-19 га қарши эмланадиган фуқаролар рўйхатига кирди.
ЙТҲларда ҳалок бўлган болалар сони 64,5 фоизга ошган
4 ой давомида болалар иштирокидаги ЙТҲ сони 25,3, уларда ҳалок бўлган болалар сони 64,5 фоизга ошган.
Сенат ҳайвонларга шафқатсиз муносабат учун жиноий жавобгарлик жорий этилишини маъқуллади
Сенаторлар Жиноят кодексига ҳайвонларга шафқатсиз муносабат ҳақидаги моддани киритишни маъқулладилар. Қийноқ жониворларнинг майиб бўлиши ёки ўлимига олиб келса, БҲМнинг 25 дан 50 бараваригача жарима, жамоат ёки ахлоқ тузатиш ишлари, шунингдек, 6 ойгача муддатга озодликни чеклаш ёки қамоқ жазолари қўлланилади.
Texnopark пресс-формалар ишлаб чиқариладиган корхонаси ҳақида сўзлаб берди
Texnopark заводидаги пресс-формалар хорижий ускуналарда ишлаб чиқарилади, бу эса ишлаб чиқариш вақтини тезлаштиради. Буюртма берувчилар жараённи кузатишлари мумкин.
Ҳафта давомида ҳаво +40 даражагача исиши кутилмоқда
Ўзбекистонда қуруқ ва иссиқ об-ҳаво ҳафта охиригача давом этади. Июнь ойининг бошида баъзи жойларда шамол кучайиши мумкин.
Сенат фуқаролик олишни соддалаштириш тўғрисидаги қонунни маъқуллади
Сенат Ўзбекистон фуқаролиги тўғрисидаги қонунга ўзгартишлар киритишни маъқуллади. 2005 йилгача Ўзбекистонга келган фуқаролиги бўлмаганлар ва камида 15 йил мамлакат ҳудудида яшаган шахслар Ўзбекистон фуқаролигини олишлари мумкин.
Самарқандда 9-синф ўқувчиси шериклари билан мактаб директори ўринбосарини калтаклади
Тойлоқ туманидаги мактаблардан бирида 9-синф ўқувчиси шериклари билан мактаб директор ўринбосарини калтаклади. Ҳолат юзасидан жиноят иши қўзғатилди.
Aндижонда кетмон билан уриб ўлдирилган аёлнинг қотили келини эмаслиги маълум қилинди
Бош прокуратура Aндижонда кетмон билан уриб ўлдирилган аёлни собиқ келини эмас, балки у билан турмуш қурган эркак ўлдирганлигини маълум қилди. Ҳозирда у қўлга олинган ва ҳолат юзасидан жиноий иш қўзғатилган.
Андижонда келин ўз қайнонасини жойнамоз устида кетмон билан чопиб ўлдиргани айтилмоқда
Андижонда келин ўз қайнонасини жойнамоз устида кетмон билан чопиб ўлдирганлиги ҳолати бўйича жиноят иши қўзғатилди.
Сенат қурол-яроғ муомаласи соҳасида янги жавобгарлик чораларини рад этди
Сенаторлар қурол ва унинг ўқ-дорилари муомаласи билан боғлиқ янги жавобгарлик чораларини кўзда тутган қонунни рад этдилар. Бу ҳал қилиш зарур бўлган тизимли муаммолар мавжудлиги билан боғлиқ бўлиб, улар ҳал қилинганидан кейин жавобгарлик чоралари ўрнатилиши лозим, дея маълум қилди сенатор Фарҳод Боқиев. У «турли салбий оқибатлар»га олиб келиши мумкин бўлган қатор омилларни санар экан, Қозон шаҳридаги мактабда содир бўлган отишмани мисол қилиб келтирди.
«Ўзкомназорат» Mail.ru Group, Twitter ва Tencent компанияларига серверларини Ўзбекистонга кўчириш бўйича кўрсатмалар берди
«ВКонтакте», Twitter ва WeChat ижтимоий тармоқлари ўзбекистонликларнинг шахсий маълумотларини қонунга зид равишда қайта ишламоқда, дея маълум қилди «Ўзкомназорат». Инспекция ижтимоий тармоқларга эгалик қилаётган Mail.ru Group, Twitter ва Tencent компанияларига «Шахсга доир маълумотлар тўғрисида"ги Қонуннинг 271-моддаси талабларига амал қилиш, яъни серверларини Ўзбекистонга жойлаштириш бўйича кўрсатма берди.
Сирдарёда даладан бутунлай ёниб кетган эркак жасади топилди
Сирдарё вилоятининг Мирзаобод туманида Тошкент шаҳрининг Учтепа туманида яшовчи фуқаронинг 100% куйиб кетган жасади топилди. Ҳолат юзасидан жиноят иши қўзғатилди.
Жамолиддин Узаков «Ўзбекконцерт» раҳбари этиб тайинланди
Жамолиддин Узаков «Ўзбекконцерт» давлат муассасасига раҳбар этиб тайинланди. Ушбу лавозимда 2020 йилнинг ноябрь ойидан бери Aнваржон Тожибоев ишлаётган эди.
Қамаши тумани собиқ ҳокими 57 ёшида вафот этди
Қамаши тумани собиқ ҳокими Рашид Муҳаммадиев 57 ёшида вафот этди.
29 май куни Ўзбекистонда содир бўлган энг муҳим хабарлар дайжести
Ўзбекистонда маданият ва санъат ходимлари куни белгиланиши, сенаторларнинг Сайлов кодексига ўзгартиш ва қўшимчалар киритишни маъқуллаши, Хоразмдаги иккит авария, ИИВнинг Aндижонда 5 ойлик келиннинг зўрлангани юзасидан расмий маълумоти — «Газета.uz»нинг 29 майдаги энг муҳим хабарлари дайжестида.
Сенат Ногиронлар ҳуқуқлари тўғрисидаги конвенцияни ратификация қилди
Сенат Ногиронлар ҳуқуқлари тўғрисидаги конвенцияни ратификация қилди. Шу билан Ўзбекистон ногиронлар учун инфратузилмаларни такомиллаштириш ҳамда уларнинг ҳуқуқларини кафолатлаш бўйича халқаро мажбуриятларни зиммасига олмоқда.
1 июндан интернет тезлиги «…гача» қўшимчасисиз кўрсатилади
«Ўзкомназорат» инспекцияси оператор ва провайдерларга 1 июндан бошлаб интернет тезлиги тарифларини «…гача» қўшимчасисиз кўрсатиш бўйича кўрсатма берди.
«Иложсизликдан ёлғон кўрсатма берган». ИИВ Андижонда 5 ойлик келиннинг зўрлангани юзасидан расмий маълумот берди
ИИВ Андижонда 5 ойлик келиннинг зўрлангани ҳолати бўйича тергов ҳаракатлари давомида аниқланган маълумотларни эълон қилди. Унга кўра, «аёл айрим шахслар мажбур қилгани учун иложсизликдан ёлғон кўрсатма берганини айтган». Суд тиббий экспертизаси эса жабрланувчи баданида зўрлик аломатлари йўқлигини аниқлаган. Жиноят ишининг олти нафар гумондорга тегишли қисми тугатилади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг