Қашқадарёда 11 та археология мероси объектига 6 млрд сўмга яқин зарар етказилгани аниқланиб, жиноят иши қўзғатилди. Қолаверса, V-VIII асрларга оид объектларга 1 млрд 488 млн сўмлик зарар етказилгани маълум бўлди. Ҳолатлар бўйича 37 нафар шахс маъмурий жавобгарликка тортилди.
Ўзбекистонда кузнинг охирги кунлари об-ҳаво салқин ва ёмғирли бўлиши кутилмоқда. Ёғингарчилик душанбадан бошланади. 29−30 ноябрь кунлари ҳудудларда ёмғир кучайиб, қишнинг дастлабки кунларида қорга айланади. Ҳафта охирига келиб ҳаво ҳарорати кечаси -5 даражагача, кундузи +5 даражагача пасаяди.
28 ноябр куни Яккасарой, Шайхонтоҳур, Юнусобод ва Чилонзор туманларининг айрим ҳудудларида иссиқ сув таъминоти чекланмаган ҳолда иссиқлик таъминоти вақтинча тўхтатилади.
Касби туманида Nexia йўл четидаги каналга ағдарилди. Туман ФВБ ходимлари машинани махсус техника ёрдамида каналдан олиб чиқди.
Олий суд Нукус воқеалари иши бўйича судланувчилар, жумладан Даулетмурат Тажимуратов, Лолагул Қаллиханова, Азамат Турданов ва бошқаларга қўйилган айбловларни эълон қилди. Улар орасида Қорақалпоғистон ИИВ бўлим бошлиғи, университет ўқитувчиси ҳамда Нукус олимпия захиралари коллежи директори ҳам бор.
Хоразм вилояти Урганч шаҳрида эр-хотинга тегишли бўлган Malibu ва Hongqi Т55 машиналари ёниб кетди. Ҳозирда ёнғин сабаби ва зарари аниқланмоқда. Ҳодиса оқибатида тан жароҳат олганлар ва ҳалок бўлганлар йўқ.
Янгиариқда ИИБ ходими хизмат қуроли билан ўзини отиб ўлдирди. Бунга турмуш ўртоғининг фарзандларини олиб, отасининг уйига кетгани оқибатида келиб чиққан руҳий сиқилиш сабаб бўлгани айтилмоқда. Ҳолат юзасидан экспертиза ишлари тайинланиб, терговга қадар текширув олиб борилмоқда.
Ўзбекистонда коронавирус юқтирганларнинг кунлик сони яна ортиб, якшанба куни республикада 137 кишида (бир кун аввал 129 киши) коронавирус аниқланди. Касаллик юқтирганларнинг энг кўпи пойтахтда (81 киши).
Яқин фурсатларда Бухоро вилояти судида Нукус воқеалари бўйича 22 киши нисбатан суд муҳокамалари бошланади. Томонлар бирин-кетин суд залига кириб келмоқда, ОАВ вакиллари учун эса махсус матбуот маркази ташкил этилган. Ҳозирча айбланувчиларнинг адвокатлари ва прокуратура ходимлари етиб келишди.
Фарғонада аёл киши ўзига таниш бўлган 3 нафар қизни жанжал оқибатида пичоқлади. Унга нисбатан жиноят иши қўзғатилиб, тергов ҳаракатлари олиб борилмоқда.
Хитойда содир бўлган 5,2 баллик зилзила Ўзбекистон ҳудудларида ҳам сезилди. Фарғона водийсида унинг кучи 3 бални ташкил этди.
1−2 июль кунлари Нукусда содир бўлган воқеалар юзасидан очиқ суд душанба куни Бухорода бошланади. 22 киши, шу жумладан, Д. Тажимуратов, Л. Каллиханова, А. Турдановлар айбланувчи ҳисобланади. Айблов 11 та модда — безориликдан тортиб, конституциявий тузумга тажовуз қилиш доирасида эълон қилинди.
Тошкентлик ватандошимиз Камола Маҳмудова 25 йилдирки Ўзбекистонда яшамайди, аммо бу унинг саратонга чалинган болаларга ёрдам бериши ва Бухорода дарахт экишига тўсқинлик қилмайди. У «Хориждаги ўзбекистонликлар» лойиҳаси доирасида она юртига бўлган муҳаббати ҳақида сўзлаб берди.
Ўзбекистон Судьялар ассоциациясининг раиси этиб Убайдулла Мингбоев қайта сайланди.
Қорақалпоғистонда болалар учун сут кислотали бактерияларнинг маҳаллий штаммлари асосида янги турдаги сут маҳсулотларини ишлаб чиқариш йўлга қўйилмоқда. Лойиҳа 2021 йилда Инновацион ривожланиш вазирлиги маблағлари ҳисобидан молиялаштирилган.
Тармоқларда Фарғонада аёл киши ИИБ биноси олдида ўзини ёқиб юбормоқчи бўлгани ҳақидаги хабар тарқалди. Вилоят ИИБ аёлнинг қизи 4 нафар шахсга жинсий алоқа қилишга шароит яратиб бергани ва 2 нафар вояга етмаган қизни тутқунликда сақлаб, фоҳишаликка мажбурлаб келгани учун ушланганини маълум қилди.
Андижонда 3 кишининг ўлими, 38 кишининг жароҳатланишига сабаб бўлган йирик тўқнашувга йўл таъмирлаш корхонасининг ўзбошимчалиги сабаб бўлгани аниқланди. Корхона ЙҲХХ органлари билан келишмаган ҳолда йўлнинг бир томонида қарама-қарши ҳаракатни ташкил этган. Жиноят иши қўзғатилди.
Жорий йилнинг июль ойида Қорақалпоғистонда бўлиб ўтган воқеалар бўйича суд жараёнлари 28 ноябрь куни бошланади.
Сурхондарёдаги «Сариосиё» чегара божхона постидан ўтаётган франциялик фуқаронинг юклари орасидан 4 дона қуритилган кўкнори бошоғи аниқланди. Ҳозирда ҳолат бўйича терговга қадар текширув ҳаракатлари олиб борилмоқда.
Президент фармони билан шу вақтгача Навоий вилояти ҳокимининг ўринбосари бўлиб ишлаб келган Акмалжон Маҳмудалиев Сирдарё вилоятининг ҳокими вазифасини бажарувчи этиб тайинланди. Вилоятнинг аввалги ҳокими президент маслаҳатчиси лавозимига тайинланганди.
Қўшимча имкониятларга эга булиш учун сайтда рўйхатдан ўтинг