Жамият
Сардоба тошқинидан жабрланган аҳоли учун қурилган уйлар нархи 855,4 млрд сўмни ташкил этди
Сардоба тошқинидан жабр кўрган 4790 нафар хонадон эгаларига 186,6 млрд сўм моддий ёрдам маблағлари пластик карталарга туширилган. Тошқин оқибатида уй-жойларига жиддий зарар етган фуқаролар учун шартнома бўйича 855,4 млрд сўмга тенг 2640 та хонадонли 86 та кўп қаватли турар жой қурилган.
Тошкентдаги мактабда компьютерларни ўғирлаган фуқароларга нисбатан жиноят иши қўзғатилди
Уч нафар фуқаро Тошкент шаҳрининг Бектемир туманидаги мактабда 17 та компьютерни ўғирлашда гумон қилиниб, ҳибсга олинди. Тергов маълумотларига кўра, улар пойтахтнинг бошқа мактабларидаги ўғирликларга ҳам алоқадор бўлганлар.
Судгача Гулжаҳон Йўлдошевани айбдорга чиқарган прокурор Бош прокуратурага ишга ўтди
Бахтиёр Иброҳимов Бош прокуратуранинг бошқарма бошлиғи ўринбосари лавозимига тайинланди. У бунга қадар Чирчиқ шаҳар прокурори сифатида ишлаган. Иброҳимов Тошкент вилояти бош инфекционисти Гулжаҳон Йўлдошеванинг иши судгача етиб бормасидан ОАВларда айбдор деган фикрни илгари сургани билан кўпчилликка таниш.
Февралдан бензин нархлари 110 сўмгача ошиши кутилмоқда
1 февралдан нефть маҳсулотларига солинадиган солиқ ставкаларининг ўзгариши натижасида бензин нархлари ҳам ошиши кутилмоқда. Аи-80 бензини ўртача 110 сўмгача, Аи-90 ва ундан юқори маркали бензин нархлари ўртача 60 сўмдан 90 сўмгача қимматлашиши мумкин.
Cotton Campaign Ўзбекистон пахта кластерлари билан ҳамкорликни йўлга қўйишни таклиф қилди
Cotton Campaign 2020 йилда мамлакатдаги пахта йиғим-теримларида мажбурий меҳнатга барҳам беришда «сезиларли ютуқлар» бўлганини қайд этиб, сўнгги 10 йилда илк бор мажбурий меҳнат ҳолатлари ҳужжатлаштирилмагани айтилди. Шунингдек, коалиция Ўзбекистон пахта кластерлари билан ҳамкорликни йўлга қўйишни таклиф қилди.
Қозоғистонда 2021 йил охиригича 6 млн аҳоли COVID-19 га қарши эмланиши режалаштирилмоқда
2021 йилнинг оҳиригача Қозоғистонда 6 млн аҳоли коронавирусга қарши эмланиши режалаштирилмоқда. Вакцинация жараёнларига фақат 18 ёшга тўлган фуқаролар ўтказилади. Бундан ташқари электрон вакцинация паспорти жорий этилиши кутилмоқда.
Фарғонада 3 яшар боласини 4000 долларга сотмоқчи бўлган аёлга нисбатан жиноят иши қўзғатилди
Фарғона вилоятида фуқаро таниши билан бирга ўзининг 3 яшар фарзандини 4000 АҚШ долларига сотаётгани аниқланди. Боланинг онаси бундан аввал ҳам шундай ҳолатни содир этгани маълум бўлган. Фуқароларга нисбатан жиноят иши қўзғатилди.
Ёшларга 1 гектардан ер ажратиш режалаштирилмоқда
Шавкат Мирзиёев бош вазир ўринбосари Шуҳрат Ғаниевга ёшларни қишлоқ хўжалигига жалб қилиш тартибини, ҳар 10 гектар экиладиган ернинг 1 гектарини ёшларга ажратишни буюрди. Президент буни «инқилобий қарор» деб атади.
Садир Жапаров Қирғизистон президенти сифатида иш бошлади
Қирғизистоннинг сайланган президенти Садир Жапаров давлат раҳбари лавозимида иш бошлади. У ўзининг инаугурация маросимидаги нутқида Марказий Осиё мамлакатлари билан ҳамкорликни кучайтиришга ваъда берди.
Тошкент вилоятида 2,5 яшар қизалоқ бош қисмига олинган жароҳатдан вафот этди
Тошкент вилоятида эркак 2,5 яшар қизалоқни тинчлантириш учун бошига уриб, тан жароҳати етказди. Ҳодиса оқибатида бола вафот этди.
Шавкат Мирзиёев талабалар уйларини кўпайтириш бўйича топшириқ берди
Ўзбекистондаги 129 та ОТМда 500 минг нафар талаба таҳсил олади, лекин улар етарлича ётоқхоналар билан таъминланмаган. Тошкентда 13 фоиз талабалар яшаш жойи билан қамраб олинган. Шавкат Мирзиёев талабалар турар жойлари сонини кўпайтиришни буюрди. «Битта хонада 4 киши бўлсин, плацкартага ўхшаб», — деди у.
Ўзбекистон коррупцияни қабул қилиш индексида 7 поғона кўтарилди
Transparency International халқаро ташкилотининг 2020 йил учун Коррупцияни қабул қилиш индексида Ўзбекистон 146-ўринни эгаллади. Бу 2019 йил кўрсаткичига қараганда 7 поғонага юқори. COVID-19 пандемияси коррупция авж олган ва авторитар раҳбарлар учун давлат харажатлари устидан назоратни енгиллаштириш ва фуқаролар эркинликларини чеклаш учун баҳона бўлди, дейилади ҳисоботда.
«Ватанпарвар» ташкилоти Мудофаа вазирлиги тизимига ўтказилади
Мудофаага кўмаклашувчи «Ватанпарвар» ташкилоти 210 та ҳудудий бўлинмаси билан биргаликда Мудофаа вазирлиги тизимига ўтказилади. Президент Шавкат Мирзиёев йиғилишда ёшларнинг ватанпарварлик туйғуларини тарбиялаш ва уларга касб-ҳунар ўргатиш вазифаларини бажармаётганлигини таъкидлади.
Ёшлар орасида расмий ишсизлик 17 фоиз — президент
Президент Шавкат Мирзиёев 18 миллион кишидан ортиқ бўлган 18−30 ёшлилар орасида расмий ишсизлик 17 фоиз ёки 844 минг нафарни ташкил этишини маълум қилди. Ёшлар муаммоларини ҳал этиш учун ҳудудларда сектор раҳбарлари масъул бўлади. 2021 йилда 500 минг нафар ёшлар касб-ҳунар ва тадбиркорликка ўқитилади.
1 февралдан нималар ўзгаради?
Ошаётган иш ҳақи ва акциз солиқлари, қоғоз кўринишидаги ойлик йўл чипталари сотувининг тўхтатилаётгани ва бошқалар — 1 февралдан Ўзбекистон қонунчилигида қандай ўзгаришлар бўлади?
Президент ўз ихтиёрига кўра маҳкумни ёки жазони ўтаб бўлган шахсни афв этиши мумкин бўлади
26 январь куни имзоланган фармон билан президентга ўз ташаббуси билан исталган маҳкумни ёки жазони ўтаб бўлган шахсни афв этиш ҳуқуқи берилди. Бунда афв этилаётган шахснинг илтимосномаси бўлиши талаб этилмайди.
Ўзбекистонда тизимли мажбурий ва болалар меҳнати йўқ — Танзила Нарбаева
Халқаро меҳнат ташкилотининг 2020 йилги «Учинчи томон мониторинги» натижаларига бағишланган давра суҳбати ўтказилди. Унда Ўзбекистонда ўтган йили тизимли мажбурий ва болалар меҳнати қайд этилмагани маълум қилинди. Бундан ташқари, ҳисобот давомида 46 та мажбурий меҳнат ҳолати аниқлангани, 42 нафар мансабдор жавобгарликка тортилгани айтилди.
Самарқандда «Spark» йўл четида турган аёлни уриб юборди
Самарқанд вилоятида «Spark» ва «Nexia-3» тўқнашув зарбидан йўлнинг четида турган пиёда уриб юборилди. Фуқаро тан жароҳати билан касалхонага ётқизилган.
Қаршида фуқарони пул эвазига Миллий гвардия тизимига ишга киритмоқчи бўлган шахс ушланди
Қаршида фуқарони пул эвазига Миллий гвардия тизимига ишга киритмоқчи бўлган шахс 4500 АҚШ долларини фирибгарлик йўли билан олмоқчи бўлганида ашёвий далил билан ушланди.
Тошкентда фуқаролардан 600 дан ортиқ совуқ қуроллар топилди
Тошкент шаҳрида ўтказилган текширувлар натижасида жамоат жойларида фуқаролардан 567 та пичок, бир қанча болта, кастет ва биталар топилди. Совуқ қуроллар ўқув даргоҳларидаги ўсмирларда борлиги ҳам аниқланди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг