Президент Шавкат Мирзиёев бош вазир ўринбосарларига олис ҳудудларга ишга борадиган ёш мутахассисларга бошланғич ёрдам пули ва уй-жой ажратиш бўйича топшириқлар берди.
Шуҳрат Сатторов Халқ таълими вазирлиги ҳузуридаги Республика таълим маркази директори этиб тайинланди.
21 июнь куни Ўзбекистонда қисман қуёш тутилиши кузатилиши мумкин. Мазкур астрономик ҳодиса Тошкент вақти билан 10:01 да бошланади, максимум фазаси эса 11:24 да кузатилади.
Маданият вазири Озодбек Назарбеков Юнус Ражабий номидаги Ўзбек миллий мусиқа санъати институтига ректор этиб тайинланди. У маданият вазири лавозимида ҳам фаолиятини давом эттиради.
Афғонистон ҳудудида содир бўлган зилзила Ўзбекистон шаҳарларида ҳам сезилди. Бир кун ичида иккинчи марта ер ости силкинишлари қайд этилди.
Самарқанд вилоят ИИБ ЙҲХБ асоссиз жаримага тортилган оқдарёлик ҳайдовчи фойдасига 1,5 млн сўм маънавий зарарни тўлайдиган бўлди. Шунингдек, дастлаб тўланган давлат божи ва почта харажати ҳам ИИБ ЙҲХБдан ундириладиган бўлди.
Ўзбекистонда хизмат кўрсатган артист, Ёшлар симфоник оркестри бадиий раҳбари ва бош дирижёри Камолиддин Ўринбоев Давлат консерваторияси ректори этиб тайинланди.
Тиббиёт ходимларининг беморларга дори воситаларини тайинлашида фармацевтик ташкилотлардан манфаатдор бўлиш ҳолатларининг олди олинади. Шу мақсадда, тиббиёт ходимларининг касбий фаолиятига қатор чекловлар қўйилади.
Ўзбекистон ҳудудида кучсиз зилзила қайд этилди. Ер ости силкинишлари ўчоғи Тожикистонда жойлашган бўлиб, марказда магнитуда 5,5 ни ташкил этди.
Синоптиклар яқин кунларда ҳаво ҳарорати бир оз тушиб, +30…+35 даража атрофида бўлишини тахмин қилмоқда. Республиканинг тоғли ҳудудларида ёмғир ёғиши мумкин.
Олий Мажлис Қонунчилик палатаси депутати Расул Кушербаев Андижонда ИИБ ходимлари томонидан қийноққа олинган фуқаронинг ўлими юзасидан муносабат билдирар экан, ИИВ раҳбариятининг истеъфо вақти келганини таъкидлаб ўтди.
«Юксалиш» умуммиллий ҳаракати Андижонда ички ишлар ходимлари томонидан содир этилган ҳолат юзасидан тергов ҳаракатларини аудио ва видео қайд этиш тизимлари орқали олиб бориш тизимини йўлга қўйиш мақсадга мувофиқлигини ва ички ишлар тизимини тубдан ислоҳ қилиш лозимлигини таъкидлаб ўтишди.
«Адолат» ва ЎзЛиДеп партиялари сиёсий кенгаши раислари ҳамда Экологик партиянинг аъзоси Андижонда ички ишлар ходимлари томонидан ҳибсга олиниб, қийноққа солиниши оқибатида вафот этган фуқаро билан боғлиқ ҳодисани қоралаб, ички ишлар тизимида тубдан ислоҳотлар амалга оширилиши лозимлигини ва қонун устуворлигини таъминлаш кераклигини таъкидлашди.
Олий Мажлиснинг инсон ҳуқуқлари бўйича вакили Улуғбек Мухаммадиев Андижонда ички ишлар органлари ходимлари томонидан содир этилган қийноқ ҳолатини уят деб таърифлади. Омбудсман ягона тергов қилувчи органнинг ташкил қилинишида зарурат борлигини, лекин бу қийноқлар ва шахсни ҳуқуқларини бузилиши масаласига тўлиқ ечим эмаслигини таъкидлаб ўтди. Бунинг учун ИИВ тизимини тубдан ислоҳ қилиш керак, дея таъкидлади Улуғбек Мухаммадиев «Газета.uz»га берган интервьюсида.
Маъмурий суд ногиронлиги бўлган укаси учун дори олишга чиққан ҳайдовчини айбсиз деб топди. У автомашинасида стикерсиз ҳаракатлангани учун 4,5 млн сўм миқдорида жаримага тортилган, транспорт воситаси эса жарима майдончасига қўйилган эди.
Наманганлик эркак хотини ва уч қизини болта билан уриб тан жароҳатлари етказиб, сўнгра ўзини ёқиб юборди. Турмуш ўртоғи ва беш ойлик қизи оламдан ўтди.
Гулнора Каримованинг Франциядан қайтарилган 10 млн долларлик активлари Париж марказидаги уйини сотишдан келиб тушгани маълум қилинди. Ушбу маблағнинг қайси мақсадларда сарфланишига ҳам қисман аниқлик киритилди.
Андижон вилояти кичик саноат зоналарини бошқариш ягона дирекцияси ходими уй қуриш ва тадбиркорлик билан шуғулланиш учун ер ажратиш эвазига фуқаролардан пул олаётганда ушланди.
Асакада Кореяга ўқишга юбориш ҳамда виза олиб бериш эвазига фуқаролардан 20,3 минг доллар ва 8 млн сўм олган ўқув маркази фаолиятига чек қўйилди.
Дунё бўйлаб олимлар, шифокорлар, ишлаб чиқарувчилар ва ҳомийлар COVID-19 вакцинасини яратиш устида иш олиб боришмоқда. Жаҳон соғлиқни сақлаш ташкилоти ушбу жараён иштирокчилари фаолиятини мувофиқлаштирмоқда. Янги коронавирусга қарши ишлаб чиқарилаётган вакциналар, уларни ким ишлаб чиқараётгани ва ким биринчилардан бўлиб эмланиши мумкинлиги ҳақида «Газета.uz» мақоласида.
Қўшимча имкониятларга эга булиш учун сайтда рўйхатдан ўтинг