Нигина Раҳимова «Ижтимоий фикр» Республика жамоатчилик фикрини ўрганиш маркази директори этиб сайланди.
Суд ишларини юритиш тартиби такомиллаштирилиши муносабати билан қатор қонунлар ва кодексларга ўзгартиришлар киритилди. Эндиликда судларда ишлар автоматлаштирилган тизимдан фойдаланган ҳолда тақсимланади.
«Mehribonlik Korpusi» (Mercy Corps) Халқаро нодавлат нотижорат ташкилотининг Ўзбекистондаги филиали давлат рўйхатидан ўтказилди.
Соғлиқни сақлаш вазири ҳукумат Ўзбекистонда коронавирус тарқалгани ҳақидаги хабарларни яшираётгани тўғрисидаги миш-мишларни рад этди. «Бу касалликни беркитишнинг иложи йўқ», деди у. Наврўз байрамини ўтказишни чеклаш ҳозирча кўриб чиқилаётгани йўқ. Халқаро эксперт Михаил Фаворов ҳам мамлакатда COVID-19 мавжуд эмаслигини тасдиқлади.
2019/2020 ўқув йилидан болаларни бошланғич таълимга мажбурий бепул 1 йиллик тайёрлаш тизими жорий этилади.
Нукусда Nexia йўлдан бурилаётган трактор омочига бориб урилди. Енгил автомобиль ҳайдовчиси ва йўловчиси ҳодиса жойида вафот этди.
Апрелда ўтказилиши режалаштирилган Tashkent Law Spring иккинчи юридик форуми дунёда коронавирус тарқалаётгани сабабли қолдирилди.
ID-карталарни расмийлаштирганлик учун давлат божи ставкаси базавий ҳисоблаш миқдорининг 89 фоизини (198,5 минг сўм) ташкил этади. 2023 йилдан 2030 йилгача паспортлар мажбурий тартибда алмаштирилади.
Жиззах вилоятидаги фермер хўжалиги ҳудудида сумка ичидан янги туғилган эгизак чақалоқлар жасади топиб олинди.
2020 йилда пробация хизматлари 3000 та электрон билагузукни татбиқ этади, 18 та жазони ижро этиш колонияларида 1833 дона видеокузатув мосламаси ва 36 комплект шахсий видеорегистраторлар ўрнатилади.
Ҳафта давомида қуруқ ва қуёшли об-ҳаво ҳукмронлик қилади. Кундузги ҳарорат +12…+15 даражагача чиқади.
UzAuto Motors бир қатор моделлар нархларини оширди: Spark ва Damas — 10−21 фоизга, Nexia — 15−19,4 фоизга, Cobalt — 10−14,7 фоизга, Lacetti — 3 фоизга қимматлашди.
Эрон-Туркманистон чегараси ёпилгани сабабли 11 нафар ўзбекистонлик ҳайдовчи «Лутфобод» (Эрон) чегара постида қолиб кетди. ТИВ вазият назорат остида эканини маълум қилди.
Паркент деҳқон бозорида йирик ёнғин келиб чиқди. Оловни бартараф этишга 11 та ўт ўчириш машинаси ва 10 дан ортиқ ёрдамчи техника жалб қилинди.
2021 йил 1 январдан бошлаб барча янги туғилган чақалоқларга, Ўзбекистон фуқароларига, фуқаролиги бўлмаган шахсларга ва Ўзбекистон ҳудудида доимий яшайдиган чет эл фуқароларига биометрик паспорт ўрнига 10 йил муддатга ID-карта берилади.
Президент Бош прокуратурага дарахтлар кесилиши масаласида ҳокимлар фаолиятини қатъий назорат қилиш ва жавобгарлик муқаррарлигини таъминлашни топширди.
Тошкентдаги 51-автобус йўналишида Хитойнинг Yutong электробусини синовдан ўтказиш бошланди. У бир марталик қувват билан 300 км дан зиёд масофани босиб ўта олади.
Вазирлар Маҳкамасида коронавирус эпидемиясининг Ўзбекистон туризмига таъсирлари муҳокама қилинди. Сайёҳлик операторларига солиқ таътиллари бериш ва ички йўналишларда авиақатновлар сонини ошириш таклиф қилинди.
Президент фармони билан Халқаро хотин-қизлар байрами муносабати билан жазо муддатини ўтаётган 83 нафар аёллар афв этилди.
Қўшимча имкониятларга эга булиш учун сайтда рўйхатдан ўтинг