Жамият
Ростовдаги чодирли лагерда вафот этган фуқаро юзасидан маълумот берилди
Россия оммавий ахборот воситалари Каменск-Шахтинскдаги мигрантлар учун мўлжалланган чодирли лагерда 33 ёшли ўзбекистонликнинг вафот этгани ҳақида маълум қилди. Унга бир томонлама пневмония ташхиси қўйилган. Ташқи ишлар вазирлиги ўлимни тасдиқлади, аммо фуқаронинг лагерда яшаганини рад этди.
Хорижликлар учун Россияда қолиш муддати яна узайтирилди
Пандемия сабабли ҳорижликлар ва Россия фуқаролигига эга бўлмаган шахслар учун мамлакатда қолиш муддати 15 декабргача узайтирилди. Ўзбекистон элчихонаси РФда ноқонуний яшаб келаётган фуқароларни мамлакатда бўлиб туришларини қонунийлаштиришга ва ишлаш учун рухсатномаларни расмийлаштиришга чақирди.
ИИВ машиналар жарима майдончасида ноқонуний ушлаб турганини яширмоқчи — депутатлар
Депутат Дониёр Ғаниев Ички ишлар вазирлиги эпидемияга қарши курашиш қоидалари бузилган тақдирда автомобилларни вақтинча ушлаб туришга рухсат бериш таклифи илгари сурилган қонун лойиҳасини тақдим этганини маълум қилди. Парламент аъзоси ИИВ бу орқали карантин пайтида автомобилларни жарима майдончаларига жойлаштириш ноқонуний эканлигини тан олганини тахмин қилди. ЙҲХББ маълумотларига кўра, карантин қоидалари бузилгани учун энг камида 155,8 мингта автомобиль жарима майдончаларига жойлаштирилган.
«Таълим тўғрисида"ги қонун президент томонидан имзоланди
Президент «Таълим тўғрисида"ги қонунга имзо чекди. Мазкур қонун билан 1997 йилда қабул қилинган «Таълим тўғрисида"ги ҳамда «Кадрлар тайёрлаш миллий дастури тўғрисида"ги қонунлар ўз кучини йўқотди.
Ўзбек имо-ишоралар тили пайдо бўлади (ми)?
23 сентябрь — Халқаро имо-ишоралар тили куни. Имо-ишоралар тилининг Ўзбекистондаги мақоми қандай ва карларнинг маълумот олиш ҳуқуқлари қай даражада ҳимояланган? Карлар ҳуқуқлари фаоли Маъмур Aҳлиддинов ва «Газета.uz» колумнисти Дилмурод Юсупов саволларга ойдинлик киритишга ҳаракат қилишди.
IMEI-кодларни рўйхатдан ўтказиш ўзбекистонликларга 13 млн долларга тушди
Мобиль қурилмаларнинг IMEI-кодларини пулли рўйхатга олишдан, ҳисоб-китобларга кўра, 135,5 млрд сўм тўпланди. Жами бўлиб 47 миллиондан зиёд код рўйхатга олинган. АКТ вазирлиги мобиль қурилмаларнинг расмий импорти ҳажми бир неча баробарга ўсганини маълум қилди.
Ўзбекистон вилоятларида қанча автомобиль рўйхатдан ўтказилган
Ўзбекистонда жисмоний шахсларга тегишли бўлган 2,5 млндан ортиқ автотранспорт воситалари мавжуд, шулардан 93% енгил автомобиллар. Энг кўп автотранспорт воситалари Тошкент шаҳрига, энг ками эса Сирдарё вилоятига тўғри келмоқда.
17 та метро бекатида биттадан чиқиш жойлари вақтинча ёпилади
Тошкент метросининг 17 та бекатида биттадан чиқиш вестибюллари «ишлаб чиқариш эҳтиёжлари сабабли» вақтинча ёпилади. Бу қанча вақтгача давом этиши ҳақида аниқ маълумот берилмаган.
Россиядан Ўзбекистон фуқароларни олиб келиш учун автобус карвони йўлга чиқди
Россиянинг Қозоғистон билан чегара олди ҳудуди Самара вилоятида тўпланиб қолган фуқароларни ватанга олиб келиш мақсадида махсус автобус қатнови ташкил этилди. 15 та автобусдан иборат илк карвон Самара вилоятига йўлга чиқди.
Ипотека кредитини ажратишнинг соддалаштирилган тизими жорий этилади
Ўзбекистонда ипотека кредитини ажратишнинг соддалаштирилган тизими жорий этилади. Бу борадаги тажриба Андижоннинг учта туманида амалга оширилмоқда.
COVID-19 бўйича расмий статистика қанчалик тўғри?
Ўзбекистонда коронавирус бўйича расмий статистика маълумотлари юзасидан саволлар бор. Daryo.uz нашрининг беморлар 2−3 кун ичида «тузалиб кетаётгани» тўғрисидаги мақоласидан кейин Соғлиқни сақлаш вазирлиги ҳудудлар бўйича батафсил статистикани эълон қилишни тўхтатди. Олдинроқ вафот этган коронавирус беморларининг жинси, ёши, исм-шарифининг бош ҳарфлари ва яшаш (даволаниш) жойлари бўйича маълумотларни очиқлаш ҳам тўхтатилган эди.
Самарқанд шаҳар бош имом-хатиби оламдан ўтди
Самарқанд шаҳар бош имом-хатиби Нуриддинхон Исломов 73 ёшида ҳаётдан кўз юмди.
Навоийда содир бўлган ЙТҲда икки нафар шахс вафот этди ва уч киши жароҳатланди
Навоий вилоятида Lacetti ҳайдовчисининг қарама-қарши йўлга чиқиб кетиб, Nexia автомобили билан тўқнашиши оқибатида икки киши ҳалок бўлган, яна уч киши тан жароҳатлари олган ва касалхонага ётқизилган.
ИИББ «ҳижоб кийган аёлларнинг ушланиши» воқеасига изоҳ берди
Ижтимоий тармоқларда ҳижоб кийган аёллар ИИББ томонидан ушланганлиги айтилган видео тарқалди. Тошкент шаҳар ИИББнинг изоҳлашича, ушбу фикрлар ҳақиқатдан йироқ ва рўмол ўраган аёлларга ҳеч қандай озор берилмаган. Айтилишича, ушбу фуқаролар жамоат жойида тиббий ниқобсиз бўлган ва инспекторлар томонидан профилактик суҳбатлар ўтказилган.
Президент ID-карталарни жорий этиш тўғрисидаги фармонни имзолади
2021 йил 1 январдан Ўзбекистонда шахсни идентификациялашнинг ягона механизмини жорий этиш бошланиб, 2030 йилгача паспортлар ID-карталарга алмаштирилади.
IMEI-кодларини рўйхатга олиш тартиблари ўзгарди
UZIMEI оператори IMEI-кодларини рўйхатга олиш тартиблари ўзгаргани ҳақида маълум қилди. Эндиликда абонент рақами маҳаллий мобил операторларидан ариза берувчи номига расмийлаштирилган бўлиши керак.
Шуҳрат Қаюмов вафот этди
Ўзбекистонда хизмат кўрсатган артист Шуҳрат Қаюмов 51 ёшида ҳаётдан кўз юмди.
Globus Relief хайрия ташкилоти Ўзбекистонга гуманитар ёрдам кўрсатди
Globus Relief хайрия ташкилоти (АҚШ) Ўзбекистонга коронавирусга курашишга кўмаклашиш мақсадида 800 минг долларлик тиббий препаратлар ва маҳсулотларни етказиб берди. Гуманитар ёрдам чекка ҳудудлардаги тиббиёт муассасаларига юборилади.
Қайси ҳолатларда эмлаш мумкин эмас
Коронавирусга қарши кураш штаб аъзоси Севара Убайдуллаева эмлаш мумкин бўлмаган ҳолатлар тўғрисида маълумот берди. Унга кўра, ОИТС касаллигининг турли босқичларида, вакцинанинг асосий воситасига аллергия бўлса ва болаларда баъзи неврологик касалликларни зўрайиб бориши даврида эмлашга рухсат берилмайди.
Ўзбекистон фуқаролигини олиш ёки ундан воз кечиш онлайн-режимга ўтказилади
Ўзбекистон фуқаролигига қабул қилиш ёки ундан чиқиш тўғрисида аризаларни онлайн тарзда қабул қилиш мақсадида «E-Fuqaro» маълумотлар базаси яратилган бўлиб, у октябрь ойида тўлиқ ишга туширилиши режалаштирилган.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг