Жамият
«Кино давлатнинг бўйнида ўтирмаслиги керак» — Рашид Маликов
Кинорежиссёр ва «Ўзбеккино» бадиий кенгашининг аъзоси Рашид Маликов «Газета.uz»га берган интервьюсида кино соҳасида давлат-хусусий шериклигининг роли, кинематографиянинг асосий муаммолари ва кутилаётган ислоҳотлар, ўзбек кинематографиясининг энг кассабоп фильмлари, санъат ва бизнес ҳақидаги фикрлари билан ўртоқлашди.
Ўқитувчи ва тиббиёт ходимлари гриппга қарши эмланади
«Дори-дармон» Россиянинг гриппга қарши вакцина ишлаб чиқарувчилари билан ўқитувчи ва тиббиёт ходимлари учун 1 миллион дозадан ортиқ гриппга қарши вакцинани ҳарид қилиш бўйича шартнома имзолади. Ҳозирда 250 минг доза вакцина ҳудудларга етказиб берилди.
Ҳар бир аҳоли пункти тезкор интернетга уланиш имкониятига эга бўлади
2022 йил якунига қадар ҳар бир аҳоли пункти 10 Мбит/с дан кам бўлмаган маълумотларни узатиш тезлигидаги Интернет тармоғига уланиш имконияти билан таъминланади.
Ҳарбий тавсияномага эга абитуриентлар рўйхати қайта кўриб чиқилмоқда
Давлат тест маркази ҳарбий тавсияномаларга эга абитуриентлар рўйхати қайтадан кўриб чиқилишини маълум қилди. Аввалроқ тест натижаларидан норози бўлган ёшлар марказ биноси олдига йиғилган эди.
Мажбурий тўловларни онлайн режимда тўлаш имконияти яратилади
2021 йил 1 августдан давлат божлари, йиғимлар, жарималар ва бошқа мажбурий тўловларни онлайн режимда тўлаш имконияти яратилади.
Шофиркон тумани ҳокими халқдан узр сўради
Ҳоким Шукрулла Ҳакимов Шофиркон тумани кўрсаткичлари «қониқарсиз» деб баҳолангани сабабли халқдан узр сўради ва йил охиригача вазиятни тўғирлаб, келаси йил туманни «яхши» деб баҳоланувчи даражага олиб чиқишга ваъда берди. Daryo нашри унинг нутқи вақтида айрим тингловчиларнинг мудраётганига эътибор қаратди.
Паркент тумани ҳокимининг Captiva сотиб олиш тўғрисидаги қарори бекор қилинди
Коррупцияга қарши курашиш агентлиги Паркент тумани ҳокимлиги Captiva автомашинасини ҳокимнинг ўғли муассислар рўйхатида бўлган компаниядан сотиб олиб, давлат харидлари тўғрисидаги қонун талабларини бузганини маълум қилди. Автомобиль сотиб олиш тўғрисидаги қарор бекор қилинди. Тошкент вилояти прокуратураси терговга қадар текширув ўтказмоқда.
Ўзбекистон Қирғизистондан киришни чеклади (аниқлик киритилди)
6 октаябрдан бошлаб Бишкекдаги тартибсизликлар манзарасида Ўзбекистон Қирғизистондан киришга чекловлар қўйди, деб хабар қилмоқда Қирғизистон оммавий ахборот воситалари. Юк ташиш чекловларсиз амалга оширилмоқда. Ўзбекистон томони эса чекловлар йўқлигини эълон қилди.
Қирғизистондаги зилзила Ўзбекистоннинг учта ҳудудида сезилди
6 октябрь куни Қирғизистонда 4,5 магнитудалик зилзила содир бўлиб, унинг таъсири Наманган, Андижон ва Фарғона ҳудудларида ҳам сезилди.
«Сардоба иши» бўйича 17 нафар шахсга нисбатан жиноят иши қўзғатилган
«Сардоба иши» бўйича бугунги кунда 17 нафар шахсга нисбатан жиноят иши қўзғатилган. Айбланувчиларнинг 7 нафарига қамоққа олиш, 6 нафарига гаров, 4 нафарига муносиб хулқ-атворда бўлиш ҳақида тилхат эҳтиёт чораси қўлланилган.
Қашқадарёда ЙТҲ оқибатида уч киши ҳалок бўлди
Қашқадарё вилоятида Nexia автомашинасининг йўлдан чиқиб кетиб, ағдарилиши оқибатида уч киши ҳалок бўлди.
ДТМ биноси олдида натижалардан норози бўлган абитуриентлар тўпланишди
Кириш имтиҳонлари натижаларидан норози бўлган абитуриентлар Давлат тест маркази биноси олдида тўпланишди. Натижалар ҳисобланганда, уларнинг ҳарбий хизмат имтиёзлари ҳисобга олинмаган.
Ҳафта давомида ҳароратнинг пасайиши кутилмоқда
Яқин кунларда республикага Уралдан совуқ ҳаво оқими кириши кутилмоқда. Кундузи ҳаво ҳарорати 15−20 даражагача пасаяди. Тоғолди ва тоғли ҳудудларда айрим жойларга ёмғир ёғиши мумкин.
Наманганда банк ходимлари мажбурий пахта теримига жалб қилингани ўрганилмоқда (янгиланди)
Меҳнат вазирлиги Наманганда банк ходимларининг мажбурий меҳнатга жалб қилингани ҳақидаги хабарларни ўрганмоқда. Ижтимоий тармоқларда банк муассасаларининг 1400 дан зиёд ходимлари пахта теримига мажбурий жалб қилингани ҳақида хабар берилган эди.
Соғлиқни сақлаш бошқармалари бошлиқлари ҳокимлар билан келишилган ҳолда тайинланади
Соғлиқни сақлаш вазири ўринбосари — Республика шошилинч тиббий ёрдам илмий маркази бош директори лавозими тугатилиб, соғлиқни сақлаш вазири ўринбосари — Тошкент шаҳар соғлиқни сақлаш бош бошқармаси бошлиғи лавозими жорий этилди. Соғлиқни сақлаш бошқармалари раҳбари ҳокимлар билан келишилган ҳолда лавозимларига тайинланади.
6,5 млрд сўмга қурилган кўприкни таъмирлаш учун 9,6 млрд сўм ажратилади
Сурхондарё вилоятида 6,5 млрд сўмга қурилган ва бир ярим йилдан сўнг қулаб тушган кўприк 9,6 млрд сўмга таъмирланади. Кўприкнинг қулашига табиий офат сабабчи қилиб кўрсатилди.
Энг юқори балл тўплаган абитуриентлар «бюджет»га ўтказилди
ОТМларга кириш имтиҳонларида энг юқори балл тўплаган абитуриентлар «бюджет»га ўтказилди. Республика ва халқаро танловлар ғолиблари учун қўшимча грант ўринлари ажратилмоқда.
Самарқандда ЙТҲ да 3 киши вафот этди, яна 2 киши жароҳатланди
Самарқанд вилоятида Tacuma автомобили ҳайдовчиси йўл ўртасидаги бетон тўсиққа бориб урилиши оқибатида 3 нафар шахс вафот этди яна 2 нафари шифохонага ётқизилди.
«Қадр-қиммат ва ҳуқуқлар» дастурининг якунлари муҳокама қилинди
USAID, ХМТ ва Инсон ҳуқуқлари бўйича миллий марказ томонидан амалга оширилган «Қадр-қиммат ва ҳуқуқлар» дастури доирасида 1700 дан ортиқ одам савдоси жабрдийдалари Ўзбекистонга қайтиб келиб, реинтеграция ёрдамини олишди. Бундан ташқари, 95 мингдан ортиқ фуқарога одам савдоси хатарлари бўйича маслаҳатлар берилди.
Тошкентда янги тартиб бўйича иссиқлик таъминоти тарифлари белгиланди
Навбатдаги иситиш мавсумидан бошлаб иссиқлик таъминоти тўловининг янги тартиблари кучга киради. Тошкентдаги тариф иситиш даврида 1 кв. м иситилаётган майдон учун 142 сўмни ташкил этади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг