Жамият
Ўзбекистонда ҳафта давомида ҳароратнинг юқори бўлиши кутилмоқда
Ўзбекистон ҳудудида ҳафта охиригача чилла даврига хос жуда иссиқ об-ҳаво кузатилади. Ҳарорат кундузи 37−40 даража, кечаси 21−24 даража атрофида бўлади. Республика шимоли, жануби ва чўл зонасида 42 даражагача кўтарилади.
Уйда тайёрлаймиз: Меренгали (безели) пишириқлар
Юмшоқ, енгил ва қарсилдоқ меренгали пишириқлар — Zira.uz танлови.
Қашқадарёда ЙТҲ оқибатида 2 киши вафот этди ва 6 киши жароҳатланди
Қашқадарё вилоятида Orlando енгил автомобили «Йўл беринг» йўл белгисига ва светофорнинг тақиқловчи чироғига амал қилмагани сабабли DAF юк автомашинаси билан тўқнашди. ЙТҲ оқибатида икки киши воқеа жойида вафот этди ва олти нафари эса олган тан жароҳатлари сабабли касалхонага ётқизилди.
Жарқўрғонда судьялар халқ олдида обрўсизлантирилди, суд ходими эса дўппосланди
Сурхондарё вилоятининг Жарқўрғон тумани ҳокими ва бошқалар судьяларни халқ олдида обрўсизлантирди. Суд ходими эса дўппосланиб, вақтинча сақлаш ҳибсхонасига қамаб қўйган. Ҳозирда Сурхондарё вилояти прокуратураси томонидан текшириш ишлари олиб борилмоқда.
Навоийда ўсмир 5 ёшли қизчани ўлдирганликда айбланмоқда
Навоий вилоятининг Навбаҳор туманида 16 ёшли ўсмир амаксининг 5 ёшли ўгай қизини ошхона пичоғи билан қасддан ўлдириб, унинг онасига тан жароҳати етказган. Аёл жонлантириш бўлимига ётқизилган.
Адлия вазири маслаҳатчиси коронавирус юқтирган бўлиши мумкинлигини маълум қилди
Адлия вазири маслаҳатчиси ва блогер Шаҳноза Соатова ўзини ва оила аъзоларини коронавирус юқтирган бўлиши мумкинлигини маълум қилди. У ярим кун СЭС эшиги олдида туриб, тест топширолмай қайтганини, тест бўлмаганлиги учун тез ёрдам ва поликлиника уни коронавирусга чалинганлигини тан олмаётганлигини айтган. Блогер соғлиқни сақлаш вазирлигидан ўзини ўзи даволаш бўйича йўриқномаларни чиқариб, тарқатишни талаб қилган.
Комил Алламжонов 12 кундан бери коронавирусдан даволанаётганини маълум қилди
Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов коронавирусга чалинганини маълум қилди. Алламжонов унда енгил формали коронавирус кечаётганини, уйдан туриб 12 кундан бери даволанаётганини ва ҳозирда ўзини яхши ҳис қилаётганини таъкидлаб ўтди.
1 августга қадар ҳар шанба ва якшанба кунлари автотранспорт воситаларининг ҳаракати тўлиқ тўхтатилади
Республика махсус комиссияси қарори билан 13 июлдан 1 августга қадар республика миқёсида ҳар шанба ва якшанба кунлари автотранспорт воситаларининг ҳаракати тўлиқ тўхтатилади. Дам олиш кунлари аҳолига «ўзини ўзи яккалаш» ҳаёт тарзига қатъий риоя этиш тавсия этилди.
ИИВ: 2020 йил биринчи ярмида 2388 та ЙТҲ содир этилган
Ўзбекистонда январь-июнь ойлари давомида 2388 та йўл транспорт ҳодисалари содир этилган. 2019 йил ушбу даврга нисбатан ЙТҲларнинг сони 7 фоизга камайган. Аксарият ЙТҲлар пиёдалар белгиланмаган жойдан кесиб ўтиши ва ҳайдовчилар томонидан белгиланган тезликка риоя қилмаслик сабабли юзага келган. Республика бўйлаб энг кўп ЙТҲ пойтахтда, Фарғона ва Тошкент вилоятларида қайд этилган.
Ўзбекистонда Facebook дан фойдаланишда яна носозликлар кузатилмоқда
Июль ойининг бошидан бери Ўзбекистонда яна Facebook га кириш билан боғлиқ муаммолар кузатилмоқда. Ушбу фонда VPN дастурларининг оммавийлиги яна ўсди. «Газета.uz» муаммо нимада эканлигини аниқлашга ҳаракат қилди.
Пойтахтда коронавирус билан касалланган бемор вафот этди
Тошкентда коронавирус аниқлаган 50 ёшли аёл вафот этди. Бу мамлакатда COVID-19 билан касалланган беморлар орасида қайд этилган 55-ўлим ҳолати.
Навоийда СЭС бошлиғи 510 млн сўмга яқин моддий бойликларини ўзлаштирганликда айбланмоқда
Навоий вилояти Санитария-эпидемиология осойишталик марказининг бош шифокори ҳибсга олинди. Марказ мансабдор ва моддий жавобгар шахслари қарийб 510 млн сўмлик товар моддий бойликларини ўзлаштириш ва талон-торож қилганликда айбланишмоқда. Мазкур ҳолат юзасидан Бош прокуратура жиноят ишини қўзғатди.
Афғонистонлик аёллар Ўзбекистонда қишлоқ хўжалигини ўрганишади
Афғонистонлик ёш хотин-қизлар Термиз шаҳридаги Афғонистон фуқароларини ўқитиш таълим марказида қишлоқ хўжалиги бўйича таҳсил оладилар. Лойиҳа доирасида Афғонистондан келган 50 нафар аёллар Қозоғистон ва Ўзбекистон университетларида ўқиши кўзда тутилган.
Дам олиш кунлари ҳарорат бироз пасайиши кутилмоқда
Шарқий Қозоғистондан кираётган бироз салқин ҳаво оқими Ўзбекистонда кундузги ҳароратнинг пасайишига олиб келди. Дам олиш кунлари ҳарорат сақланиб туради. Жума ва шанба кунлари пойтахтда ва Тошкент вилоятида, шунингдек, Фарғона водийсида момақалдироқ ва ёмғир ёғиши кузатилиши мумкин.
Мажбурий обуна ташкил этиш ва мажбурий меҳнатда айбланган ҳоким ўринбосари судда ютиб чиқди
Ўқитувчиларни мажбурий меҳнатга жалб қилишда айбланган ҳоким ўринбосари Бахтиёр Мамадалиев биринчи инстанция судида айбсиз деб топилди.
Қарийб 3750 нафар фуқаро Қозоғистон-Ўзбекистон чегарасини кесиб ўтди
Қозоғистон-Ўзбекистон чегарасида тўпланиб қолган 3746 нафар Ўзбекистон фуқаролари «Жибек жоли» — «Ғишт-Кўприк» назорат-ўтказиш пунктидан ўтказилиб мамлактга қайтган. ТИВ маълум қилишича, ҳозирда давлатлараро чегарани кесиб ўтишда муаммолар йўқ ва фуқароларнинг тўпланиб қолиши кузатилмаяпти.
«Ҳозирча биринчи синфлар учун онлайн таълимни жорий қилиш ҳақида гап йўқ» — Шерзод Шерматов
Халқ таълими вазири эпидемиологик вазият сентябргача яхшиланса, болалар мактабларда ўқишни бошлашини маълум қилди. Дарсларни телевидение орқали намойиш этиш эса тўхтамайди.
Қашқадарёда шифокор оилавий тадбир ва депутатлар билан учрашувда 30 кишига вирус юқтиргани маълум бўлди
Қашқадарёда вилояти ҳокими Зойир Мирзаев шифокор карантин талабларига риоя этмаган ҳолда қариндошиникида оилавий тадбирда ва депутатлар билан учрашувда иштирок этиб, 30 нафар фуқарога вирус юқтирганини маълум қилди. Шунингдек, ҳоким таксилар Республика махсус комиссияси талабларини бажармаса уларнинг фаолияти тўхталиши мумкинлигини ҳам билдириб ўтди.
Uzbekistan GTL заводи қурилишида 130 га яқин COVID-19 ҳолати аниқланди
Қашқадарё вилоятида Uzbekistan GTL заводи қурилиши иштирок этаётганлар орасида 130 га яқин коронавирус билан касалланиш ҳолатлари аниқланди.
«Сиртқи таълим 100 фоиз масофавий таълим шаклига ўтади» — Иномжон Мажидов
Ўзбекистонда сиртқи таълим 100 фоиз, кечкиси эса 50 фоиз масофавий таълим шаклига ўтади. Кундузги таълим борасида қандай йўл тутилиши карантин шароитидан келиб чиқиб белгиланади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг