Жамият
АҚШ 2023 йил учун грин карта беришни якунлади (Ўзбекистонда 3100 дона берилди)
АҚШ 2023 йилги грин карта дастурини муддатидан олдин якунлашини эълон қилди. Мавжуд бўлган барча 55 000 та виза бериб бўлинган. АҚШнинг Тошкентдаги элчихонасида 3100 дан ортиқ мурожаатчи билан суҳбат ўтказилган.
Фарғонада газ «заправка» 5 млрд сўмлик табиий газдан ноқонуний фойдалангани аниқланди
Олтиариқ туманидаги газ «заправка» 27 мингдан зиёд хонадоннинг бир ойлик истеъмолига тенг газдан ноқонуний фойдаланиб, 5 млрд сўмлик зарар етказгани аниқланди.
Самарқандда жамоат транспортида йўлкира нархлари ошмоқда
8 сентябрдан Самарқандда жамоат транспортида йўл ҳақи нақд ва банк картаси орқали тўлашда 2000 сўм, транспорт картаси билан эса 1600 сўмгача ошади. Бир транспортдан бошқасига ўтишда мослашувчан тарифлар жорий этилмоқда. Тошкентда бундай тарифларни жорий этиш баҳордан буён ваъда қилиб келинади.
Халқаро террорчилик ташкилотини тузган ўзбекистонлик эркак Сурияда ҳалок бўлди
«Катибат ул имом ал-Бухорий» халқаро террорчилик ташкилотига раҳбарлик қилган Ўзбекистон фуқароси Суриядаги жангларда ҳалок бўлди. У 2009−2010 йилларда Термиз шаҳрида «Жиҳодчилар жамоати»ни ҳам ташкил этганди.
Ўзбекистон тиббиётини ривожлантириш жамғармаси ташкил этилади
Соғлиқни сақлаш вазирлиги ҳузуридаги мавжуд тўртта жамғарма бирлаштирилиб, Тиббиётни ривожлантириш давлат мақсадли жамғармаси ташкил этилади.
Фарғонада 13 ёшли йигит қўшнисининг машинасига зарар етказгани учун калтакланди
Фурқат туманида 13 ёшли йигит машина шиналарига зиён етказгани учун қўшниси томонидан калтакланиб, бош, пешана, бўйин каби соҳаларидан жароҳат олди. Терговга қадар текширув олиб борилмоқда.
«Ўлим ҳолатига олиб келишини билмаганмиз». Судланувчи — «Док-1 Макс» сиропи лабораториядан ўтказилмагани ҳақида
«Док-1 Макс» иши бўйича судланувчи сироп лаборатория текширувларидан ўтказилмаганини тан олди. Унинг айтишича, 12 йиллик фаолияти давомида Дори воситалари экспертизаси давлат марказида бирор марта ҳам дорилар текширилмаган, Адлия вазирлиги ва бошқа ташкилотлар эса эътироз ҳам билдирмаган.
Интерпол қидирувидаги икки нафар эркак БААдан Ўзбекистонга экстрадиция қилинди
Катта миқдордаги фирибгарлик содир этгани учун халқаро қидирувга берилган икки нафар эркак Абу-Дабидан Тошкентга экстрадиция қилинди.
Ўзбекистон ва Исроил авиакомпаниялар сонига қўйилган чекловни бекор қилди
Ўзбекистон ва Исроил ҳаво қатновини амалга оширишда авиакомпаниялар сони бўйича чекловларни бекор қилди. Бу бўйича 1996 йилда кучга кирган ҳаво транспорти тўғрисидаги битимга ўзгартириш киритилди.
Ўзбекистонда «Аҳоли саломатлиги-2030» стратегияси ишлаб чиқилади
Ўзбекистонда халқаро ташкилотлар жалб қилинган ҳолда «Аҳоли саломатлиги — 2030» миллий стратегияси ишлаб чиқилади. ССВ ҳамда Саломатлик ва стратегик ривожланиш институти 2024−2026 йилларга мўлжалланган соғлом турмуш тарзини шакллантириш ва тўғри овқатланишни тарғиб қилиш дастурини тузади.
Тошкентда тўртта автобус йўналишлари ҳаракати қисқаради
Тошкент шаҳрида ҳаракатланувчи 16, 25, 117 ва 150-сонли автобус йўналишлари ҳаракати қисқартирилади. Қисқарган йўналишларда янги автобуслар ташкил этилган.
Йил бошидан бери 390 млрд сўмлик газ ва электрдан ноқонуний фойдаланилди
Саккиз ой давомида Ўзбекистонда 390,18 млрд сўмлик табиий газ ва электр энергиясидан ноқонуний фойдаланиш бўйича 6305 та ҳолат аниқланди. Энг кўп ҳолатлар Андижон, Самарқанд, Навоий ва Тошкент вилоятларида қайд этилди.
Ўзбекистонда тиббий суғуртани 2026 йил охиригача тўлиқ жорий этиш режалаштирилмоқда
Ўзбекистонда тиббий суғуртани 2026 йил охиригача тўлиқ жорий этиш режалаштирилмоқда. 2024 йилдан Давлат тиббий суғурта жамғармаси Соғлиқни сақлаш вазирлиги тизимига ўтказилади, 2027 йилдан эса мустақил жамғармага айланади.
Истанбулдаги отишма оқибатида Ўзбекистон фуқароси ҳалок бўлди
Туркиянинг Истанбул шаҳрида икки жиноий гуруҳ ўртасида қуролли отишма содир бўлди. Оқибатда воқеа жойига яқин ҳудудда ишлаётган самарқандлик шахс яраланиб, касалхонада вафот этди. Унинг жасадини Ўзбекистонга юбориш учун ёрдам кўрсатилди.
Саломатлик ва стратегик ривожланиш институти ташкил этилди
Президент фармони билан Аҳолининг соғлом турмуш тарзини қўллаб-қувватлаш ва жисмоний фаоллигини ошириш маркази Саломатлик ва стратегик ривожланиш институти этиб қайта ташкил қилинди.
Бухоро вилояти ишсизликни тўлиқ бартараф этмоқчи
2025 йил охиригача Бухоро вилоятини аҳолиси тўлиқ иш билан таъминланган ҳудудга айлантириш режалаштирилмоқда. Вилоятда 1 миллиондан ортиқ меҳнатга лаёқатли аҳоли истиқомат қилади. Расмий равишда 76 минг киши ишсиз ҳисобланади.
Украиналик болаларга ўзбекистонликлар номидан биринчи синф тўпламлари топширилди
Ўзбекистон жамоат ташкилотлари ва ишбилармонлари Украинага 2000 дона биринчи синф тўпламини жўнатди. Улар Харьков, Херсон, Николаев ва Запорожье вилоятларидаги етимлар ва кўчирилганларнинг болаларига топширилади.
6 сентябрь куни Ўзбекистонда содир бўлган энг муҳим воқеалар дайжести
Ёнғин-қутқарув спорти бўйича жаҳон чемпиони бўлган Ўзбекистон, тадбиркорлик кенгашининг янги таркиби, Тошкентдан Зоминга авиақатновлар, поезд билан тўқнашиб, вафот этган юк машинаси ҳайдовчиси, 45 гектардан 187,4 тонна пахта олган фермер учун Cobalt ва бошқалар — «Газета.uz»нинг кун дайжестида.
Фарғона вилоятида бир неча киши қалбаки ароқдан заҳарланди
Фарғона вилоятида 7 киши қалбаки ароқдан заҳарланди, улардан бири вафот этди. Сохта ароқ ишлаб чиқаришда гумон қилинган шахс қўлга олинди.
Блогер Нафосат Оллашукуровага нисбатан 3 йил озодликни чеклаш жазоси тайинланди
Суд блогер Шабнам (Нафосат) Оллашукуровага туҳмат ва ҳақорат тўғрисидаги моддалар асосида 3 йил муддатга озодликни чеклаш жазосини тайинлади. Унинг Хоразм вилоятидан ташқарига чиқиши, алоқа воситалари ва интернетдан фойдаланиши тақиқланди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг