Яккасарой туманида қурилишда ишловчи 30 дан ортиқ фуқаро муштлашди. Суд уларнинг 28 нафарига 10 ва 15 суткадан маъмурий қамоқ жазосини тайинлади.
Зангиота туманида корхона раҳбари қишлоқ оилавий поликлиникаларини таъмирлашда, ҳужжатларга амалда бажарилмаган ишларни қўшиб ёзиш орқали 392,9 млн сўмни ўзлаштиргани айтилмоқда. Ҳолат бўйича тергов ҳаракатлари бошланди.
Тошкентдаги Республика болалар кутубхонаси реконструкциядан сўнг баҳор охиригача очилиши режа қилинмоқда. «Биз ҳамма учун очиқ бўлган замонавий, қулай ҳудуд яратяпмиз. Одамлар бу маконни ўзларига мослаштиришларини хоҳлаймиз», — дея таъкидлади Маданият ва санъатни ривожлантириш жамғармаси. Фото.
Эндиликда қуввати 2−15 МВт гача бўлган гидроагрегатлар Made in Uzbekistan миллий бренди асосида маҳаллийлаштириш доирасида Ўзбекистонда ишлаб чиқарилади.
Ўзбекистон ва Қозоғистонда хизмат кўрсатган артист Азим Муллахонов Муқимий номидаги Ўзбекистон давлат мусиқали театрига директор, Достон Ҳақбердиев эса бош режиссёр бўлди.
Тошкент вилояти Олмалиқ шаҳрида МЧЖ раҳбари кредит эвазига харид қилинган 2,3 млрд сўмлик қурилиш материалларини бошқа шахсларга сотиб юборганликда гумонланиб қўлга олинди. Ҳолат юзасидан жиноят иши қўзғатилиб, тергов ҳаракатлари ўтказилмоқда.
Шароф Рашидов туманида эр-хотин вафот этди, улар ис газидан заҳарланган бўлиши мумкин. Жиззах вилояти прокуратураси текширув ишларини олиб бормоқда.
Термиз давлат университети 4-курс талабаси ўзи амалиёт ўтаган банкда фуқаронинг карта маълумотларини ўзлаштириб, 75,7 млн сўмни ечиб олганликда гумонланмоқда. Ҳолат юзасидан жиноят иши очилди. Агар унинг айби тасдиқланса, 3−5 йилгача озодликдан маҳрум қилиниши мумкин.
Қарши туманида Cobalt пиёдалар ўтиш жойидан ўтаётган 33 ёшли аёлни уриб кетди. Пиёда вафот этди. Ҳудудда пиёдалар ўтиши учун ер ости йўли қурилган, лекин у ер қаровсиз ҳолатда. Аҳоли вакиллари ушбу туннелни яроқли ҳолатга келтириб берилишини сўрамоқда.
Жаҳон иқтисодий форуми ҳисоботига кўра, яқин бир йилда энергия инқирози, яшаш харажатларининг ўсиши, озиқ-овқат тақчиллиги, узоқ ва ўрта истиқболда эса табиий офатлар, иқлим, ресурслар инқирози ҳамда улар келтириб чиқарадиган ижтимоий-иқтисодий таназзул ва беқарорлик жиддий хавф туғдириши мумкин.
Бош прокурор матбуот котиби «Газета.uz»га маълум қилишича, блогер Абдуқодир Мўминовнинг тергов пайтида вафот этгани ҳақидаги хабарлар ҳақиқатга тўғри келмайди, «у тирик ва соғлом». Блогернинг собиқ адвокати ҳам терговчи билан гаплашгани ва Мўминовнинг соғ-саломатлигини тасдиқлади.
Чилонзор туманидаги 162-мактабда 11-синф ўқувчиси тенгдошини пичоқлади. Воқеага ўзаро келишмовчилик сабаб бўлган. Ҳолат бўйича жиноят иши қўзғатилди.
ДХХ тезкор тадбир ўтказиб, Қашқадарёда жами 99 гектар ерни ноқонуний сотмоқчи бўлган фермер хўжалиги раҳбарлари ва ходимини қўлга олди. Сирдарёда ҳам муқаддам судланган шахс боғ яратиш учун берилган ерни 30 минг долларга сотмоқчилиги маълум бўлди. Ҳозир ушбу шахсларга жиноят иши очилди.
Кўкдала туманида пахта ортилган юк автомобили ёниб кетди. Автомашинадаги юкнинг бир қисми ёнғиндан сақлаб қолинди. Ҳодиса оқибатида ҳалок бўлган ва жароҳат олганлар йўқ.
Ижтимоий ҳимоя, молия ва банк, тадбиркорлик, ташқи иқтисодий фаолият ҳамда божхона ишига оид 1 860 та қонунчилик ҳужжати коррупцияга қарши экспертизадан ўтказилди. Экспертизага кўра, 243 та ҳужжатда 350 та коррупциявий омил аниқланди.
Яшнобод туманидаги 151-мактаб яқинида маст ҳолда ўқувчининг қўлидан ушлаб, шубҳали ҳаракат қилган эркак 10 суткага қамалди. «Шошилиб югуриб кетаётганида тўхта, йиқилиб тушасан, деган маънода тўхтатгандим», — дейди у.
Сурияга юборилган инсонпарварлик ёрдами, бизнесдан кетган Алишер Усмонов, Ўзбекистон-Миср ўртасида имзоланган $1,6 млрдлик келишувлар, пойтахтда 7 та вилоят ҳокимликларига меҳмонхона учун ер ажртилиши, ер усти метроси остида қуриладиган автотураргоҳлар ва бошқалар — «Газета.uz»нинг кун дайжестида.
Абдулҳамид Чўлпон томонидан салкам бир аср аввал ёзилган «Тараққий» мақоласида ўз тарихига қизиқмайдиган, ўз тилини ҳурмат қилмайдиган, ўйинқароқроқ (ҳозирги кунларнинг баъзи фаоллари томонидан «маънавиятсиз», «маънавиятдан узоқ» дея таърифланиши мумкин бўлган) ёшлар тоифаси кўрсатилган.
22 ёшли йигит Qarshi city`даги кўп қаватли уйнинг 10-қаватидан ўзини ташлаб юбориб, жонига қасд қилди. Терговга қадар текширувда у 2019 йилда руҳий муаммолар сабабли даволангани, ўша даврда ҳам жонига қасд қилишга урингани аниқланди.
Ўзбекистон ҳарбийлари Ҳиндистонга етиб борди. У ерда 5 мартга қадар шартли террорчи гуруҳларни қидириш ва йўқ қилиш, тоғли ва ўрмонли ҳудудларда жанговар ҳаракатлар олиб бориш бўйича қўшма машғулотлар ўтказилади.
Қўшимча имкониятларга эга булиш учун сайтда рўйхатдан ўтинг