Ўзбекистон президенти расмий ташриф билан Бухоро вилоятига боради. У ерда маҳаллалар ҳаёти, корхоналар фаолияти билан яқиндан танишади. Шунингдек, янги лойиҳаларни ишга тушириш, ҳудудни ривожлантириш масалалари муҳокамасида иштирок этади.
ДХХ ва Самарқанд вилояти ИИБ радиоактив ва заҳарли қурилмаларни 1 млн долларга сотмоқчи бўлган фуқароларни аниқлагани айтилмоқда. Улар қурилмани 200 минг долларга сотаётган пайтда қўлга олингани айтилмоқда.
Қизириқ туманидаги хўжаликда ўсувчанлигини йўқотмаган 4 туп катта ёшли чинор кесиб кетилди. Оқибатда ўсимлик дунёсига 216 млн сўм зарар етказилди. Ҳолат юзасидан жиноят иши қўзғатилиб, иш прокуратурага юборилди.
Бир кун аввал ёпилган Қамчиқ довони бўйлаб автотранспортлар ҳаракати тикланди. Ўтган кун давомида айрим ҳудудларда қор массалари эриши кузатилди. Бундан ташқари, қор кўчкиларини мажбурий тушириш ишлари амалга оширилди.
1999 йилнинг 16 февраль куни юз берган кетма-кет беш портлаш Тошкентни ларзага келтирган эди. Терактлар юз берган жойлар ўтган 24 йил ичида қанчалик ўзгарган? «Газета.uz» портлашлар юз берган кунда олинган фото ва видеоматериалларни 2023 йил февралидаги манзаралар билан таққослади.
Вилоятларда мажбуран ўрнатилаётган қуёш панеллари, Қозоғистон билан маҳбусларни алишишга келишган Ўзбекистон, Афғонистонда вайрон бўлган Навоий ёдгорлигининг тикланиши, автомобилга навбатлар йўқ бўлиши учун бироз сабр қилишни сўраган «Ўзавтосаноат» раиси ва бошқалар — «Газета.uz»нинг кун дайжестида.
Болаларда саратоннинг олдини олиш имкони борми? Ота-оналар уни бошқа касалликлардан қандай фарқлаши мумкин? Ўзбекистонда саратонга чалинган бемор болалар қандай даволанмоқда? «Газета.uz» шу каби саволлар билан Болалар миллий тиббиёт марказидаги онкогематолог Камол Искандаровга мурожаат қилди.
Тошкентдаги Талабалар шаҳарчасида 5 та автомобиль тўқнашди. Жабрланганлар йўқ.
Балиқчи тумани ҳудудидан оқиб ўтувчи Қорадарё чап қирғоғининг 30 метр қисми емирилгани аниқланди. Ҳолат бўйича вилоят ҳокимлиги ва ФВБ масъуллари иштирокида ишчи гуруҳ тузилди. Ҳозирда қатор техникалар ёрдамида тош босиш ва тупроқ, шағал тўкиш ишлари олиб борилмоқда.
Январь ойида фаолиятида жиддий камчиликларга йўл қўйгани учун ишдан олинган энергетика вазирининг собиқ ўринбосари Шерзод Ходжаев вазирликнинг қайта тикланувчи энергия манбалари бўйича лойиҳа офиси директори лавозимида ишини давом эттирмоқда.
Тошкентдаги Milavitsa ички кийимлар дўкони моделлар суратини витринага қайтариб, уларнинг бир қисмини алмаштирди. Суратлар интернетдаги танқид ва туман ҳокимлиги билан ўтказилган «тушунтириш суҳбати»дан сўнг олиб ташланганди. Ҳокимлик эса дўконни суратларни олиб ташлашга мажбурламаганини билдирди.
Ўзбекистонда IT бўйича President Tech Award танлови май ойидан бошлаб ўтказилади. Унда 30 ёшгача бўлган ўзбекистонликлар бешта асосий, чет эл фуқаролари ва фуқаролиги бўлмаганлар эса махсус йўналиш бўйича жамоавий иштирок этиши мумкин.
Амударё туманида Damas ва Lacetti ўртасида бўлган йўл транспорт ҳодисаси оқибатида Lacetti бошқарувидаги 28 ёшли йигит вафот етди. Damas ҳайдовчиси ва йўловчиси эса оғир тан жароҳати олиб, шифохонага ётқизилди.
Ўзбекистонлик сайёҳлар сони йил давомида икки бараварга кўпайиб, 5,16 млн кишига етди. Саёҳатлар учун энг машҳур йўналишлар Қирғизистон, Қозоғистон ва Тожикистон давлатлари бўлди.
Наманган туманидаги чўян қуйиш цехида содир бўлган портлаш оқибатида 2 киши ҳалок бўлди. Яна бир ишчи тан жароҳати олди. Ҳолат бўйича жиноят иши қўзғатилди.
Андижон ва Навоий вилоятларида аҳоли қуёш панеллари ўрнатишга мажбурланаётгани ҳақида хабарлар тарқалди. Ҳокимликлар жараён «фақат тавсия сифатида» ва «ҳеч бир мажбурловларсиз» кечаётганини билдирди. Иқтисодчи Отабек Бакировга кўра, «рационал ҳаракат онгли ва онгсиз равишда обрўсизлантирилмоқда».
Президент имзоланган қонун билан энди озодликдан маҳрум этишга ҳукм қилинган шахсларнинг жазони ижро этиш муассасаларида бажарадиган ҳар қандай иши, агар ушбу иш бажарилган давр учун жазони ижро этиш муассасаси томонидан ижтимоий солиқ тўланган бўлса, пенсия тайинлашда иш стажига қўшиб ҳисобланади.
Энергетика вазирлиги маҳаллий ҳокимликлар билан келишилган ҳолда ҳафта охиригача водий вилоятларидаги АГТКШлар фаолиятини босқичма-босқич тиклаш чоралари кўрилаётганини маълум қилди.
«Тошкент-Ўш» йўлининг Қамчиқ довонидан ўтувчи қисмида қор кўчкилари содир бўлди. Ҳозирда йўллар тозаланмоқда, йўловчилар учун иситиш пунктлари ташкил этилди. Фарғона водийсига қўшимча поезд қатнови йўлга қўйилди.
Қурилиш вазирлиги Тошкентдаги янги кўп қаватли турар жой биноларидан бирининг томида уй кўринишидаги ноқонуний қурилиш аниқлади. Унинг эгасига жарима солиниб, 15 кун ичида уни бузиш топширилди.
Қўшимча имкониятларга эга булиш учун сайтда рўйхатдан ўтинг