Жамият
«Каховка ГЭСи портлатилиши сув омборларимизга кўпроқ эътибор бериш кераклигини кўрсатди» — сув вазири
Украинадаги «Каховка» ГЭСи портлатилиши Ўзбекистондаги сув омборларига ҳам кўпроқ эътибор қаратиш кераклигини кўрсатди, деди сув хўжалиги вазири Шавкат Хамраев. Унинг сўзларига кўра, шартли равишда «Чорвоқ» ГЭСи портлатилган ва зудлик билан чоралар кўриш бўйича ўқув машғулоти ўтказилган. Видео.
Тошкентда июль ва август ойларида иссиқ сув вақтинча ўчирилади. Рўйхат
Тошкентдаги иссиқлик марказларида таъмирлаш ишлари амалга оширилиши сабабли айрим туманларда июль-август ойларида иссиқ сув бўлмайди. Рўйхат.
Чинозда 11 гектар сомонпоя қолдиқларини ёқиб юборган фермер жаримага тортилди
Тошкент вилоятида ғалладан бўшаган 11,6 гектар майдондаги сомонпоя қолдиқлари ёқилгани сабаб дала четидаги дарахтлар шикастланди. Тупроқ унумдорлигига 24,6 млн сўм, ўсимлик дунёсига 16,8 млн сўм зарар етди. Фермер жаримага тортилди. Экология вазирлиги сомонпоя қолдиқларини ёқмасликка чақирмоқда.
Ўзбекистонда чиройли авторақамлар рўйхати ва нархи янгиланди
Ҳукумат қарори билан чиройли авторақамлар рўйхати ва нархи янгиланди. 1 июлдан аукцион савдолари орқали сотилиши белгиланмаган, ҳарфлари бир хил комбинацияда бўлган 680 жуфт давлат рақами бошланғич нархда аукцион савдоларига қўйилади.
Аквапаркдаги раққосалардан ОИТС ва ОИВ учун таҳлил олинмаган — ИИВ
Самарқандда аквапаркдаги раққосалардан ОИТС ва ОИВ учун қон таҳлиллари олиниб, улар билан суҳбат уюштирилгани айтилганди. ИИВ ҳолатни рад этиб, буни «шошма-шошарлик билан тайёрланган маълумот» деб атади ва вилоят ИИБ ходимларининг ҳаракатлари бўйича хизмат текшируви тайинланганини билдирди.
Нодиржон Холбўтаев Давлат тилини ривожлантириш департаменти мудири бўлди
«Ёшлик» журнали бош муҳаррири, Президент маслаҳатчиси ўринбосари, Ёзувчилар уюшмаси раиси биринчи ўринбосари каби лавозимларда ишлаган Нодиржон Холбўтаев Давлат тилини ривожлантириш департаментига мудир этиб тайинланди.
Коронавирусга чалинганлар билан ишлаётган шифокорларга бериладиган устама миқдори камайди
Президент фармонига кўра, коронавирусга чалинган беморлар билан ишлаётган шифокор ва бошқа ходимларга ишлаган даври учун бериладиган махсус устама тўлови 200 фоиздан 50 фоизга туширилди.
Наркологик касалликка чалинган шахсни мажбурий даволаш зарурияти наркология диспансерида аниқланади
Қонунчиликка наркологик касалликка чалинган шахсни мажбурий даволаш заруриятини аниқлаш билан боғлиқ барча клиник текширувлар наркология диспансерининг ўзида, зарур ҳолларда эса тегишли мутахассислар мавжуд бўлган бошқа тиббиёт муассасаларида ҳам ўтказилиши ҳақидаги норма киритилмоқда.
Тошкент метросида 5 ойда 70 миллионга яқин йўловчи ташилди
2023 йилнинг беш ойи давомида Тошкент метрополитени 68,5 миллион йўловчи ташди. Энг кўп йўловчи оқими — 15,8 млн нафар йўловчи май ойида қайд этилди.
МИБ томонидан қўлланиладиган жарима миқдори ундирилиши белгиланган суммадан ошмаслиги белгиланмоқда
Маъмурий жавобгарлик тўғрисидаги кодексига қўлланиладиган жариманинг миқдори ижро ҳужжатида ундирилиши белгиланган суммадан юқори бўлиши мумкин эмаслиги ҳақида норма киритилмоқда. «150 минг сўм қарзни тўламаганлик учун 300 минг сўм жарима солиш — бу адолатдан эмас», — деди Сенат раиси.
Ўзбекистон БААнинг сунъий ёмғир ҳосил қилиш тажрибасини ўрганади
Ташқи ишлар вазири Бахтиёр Саидов БААга ташрифи чоғида ёмғир ҳосил қилиш технологияси билан танишди ва Жаҳон метеорология ташкилоти президенти Абдуллоҳ Ал Мандус билан ушбу тажрибани Ўзбекистонда, айниқса, Оролбўйи минтақасида жорий этиш истиқболларини муҳокама қилди.
Қашқадарёда ободонлаштириш ишчиси каналга тушиб кетиб, ҳалок бўлди
Қарши шаҳрида 35 ёшли Ободонлаштириш бошқармаси ишчиси каналга тушиб кетиб, ҳалок бўлди. Марҳум танасида тан жароҳати аниқланмаган, унинг ўлими сабабларини аниқлаш бўйича терговга қадар текширув олиб борилмоқда.
Термизда чанг-ғубор ҳодисаси кузатилди, ниқоб ва кўзойнак тақиш тавсия этилмоқда
Пайшанба куни Термизда чанг-ғубор ҳодисаси кузатилди. Соат 9:00 да ҳаводаги майда ПМ10 зарралари максимал рухсат этилган концентрациядан 14 баробар ошиб кетди. Соат 12:00 га келиб, бу кўрсаткич 9 га тушди. Аҳолига очиқ ҳавода бўлмаслик, ташқарида ниқоб ва кўзойнак тақиш тавсия этилди.
Миср Ўзбекистонга гепатит С`га қарши дорининг навбатдаги партиясини етказиб берди
Мисрдан гепатит С касаллигига қарши «Даклатасвир» дорисининг 12 минг донадан ортиқ партияси Ўзбекистонга келтирилди. Бу етказилаётган препаратларнинг 8-партиясидир. Икки давлат ўртасида жами 4,8 млн долларлик 800 минг дона дорини Ўзбекистонга бепул етказиб бериш бўйича келишув тузилган.
Ёшлар куни муносабати билан Ўзбекистоннинг 16 шаҳрида Yangi Nafas мусобақаси ўтказилади
25 июнь куни Ўзбекистон бўйлаб Ёшлар куни ва Olympic Day муносабати билан Yangi Nafas югуриш мусобақаси ўтказилади. Шунингдек, илк бор Қозоғистон, Қирғизистон ва Тожикистондан югурувчилар қатнашади.
Самарқандда аквапаркдаги раққосалар тиббий кўрикдан ўтказилиб, улар билан суҳбатлашилди
Самарқанд вилоятидаги аквапаркда сузиш кийимида рақс тушаётган қизлар акс этган видео тарқалди. ИИБ ташкилотчи оммавий тадбирлар ўтказиш қоидаларини бузгани, унга нисбатан ҳужжатлар расмийлаштирилганини маълум қилди. Раққосалар ОИВ инфекциясига текширилиб, суҳбатдан ўтказилди.
Уолтер Айзексоннинг яна бир асари ўзбек тилига ўгирилиб чоп этилди
Уолтер Айзексоннинг Нобель мукофотини олган олим ҳақидаги «Код Бузар. Женнифер Даудна, ген таҳрирлаш ва инсоният келажаги» китоби ўзбек тилида чоп этилди.
Тошкентнинг 4 та туманидаги айрим кўчаларда чироқ вақтинча ўчирилди
Куз-қиш мавсумига тайёргарлик кўриш ишлари доирасида Олмазор (соат 14:00 гача), Юнусобод, Яшнобод ва Мирзо Улуғбек туманлари (соат 16:00 гача)нинг айрим кўчаларида элeктр таъминоти тўхтатилди.
Югуриш мусобақалари сабабли пойтахтнинг айрим кўчалари вақтинча ёпилади
Ёшлар куни муносабати билан оммавий югуриш мусобақалари ҳамда Халқаро олимпия кунига бағишланган Olympic day мусобақаси ўтказилади. Шу сабабли пойтахтдаги айрим кўчаларда 23 июндан 25 июнгача автомобиллар ҳаракати чекланади.
Енгил атлетикачи Андрей Куликов Орол денгизининг қуриган туби бўйлаб 42 км масофага югурди
Енгил атлетикачи Андрей Куликов Орол денгизининг қуриган туби бўйлаб марафон масофасини 4 соату 9 дақиқада босиб ўтди. Бундай югуриш биринчи марта бўлиб ўтди. «Орол денгизи экологик фожиасининг ҳалокатли кўламини чинакам ҳис қилиш учун бу ерга ташриф буюриш керак», — деди у.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг