Жамият
Telegram`даги гуруҳга нашида юборган 21 ёшли йигит 3 йилга қамалди
YouTube`даги нашидани Telegram-гуруҳга юборган 21 ёшли йигит 3 йил муддатга озодликдан маҳрум этилди. Дин ишлари бўйича қўмита нашидада ақидапарастлик ғоялари борлигини маълум қилган.
Шавкат Мирзиёев Иккинчи жаҳон уруши қатнашчилари ҳолидан хабар олди. Фото
Ўзбекистон президенти Тошкент шаҳридаги санаторийга бориб, Иккинчи жаҳон уруши қатнашчилари билан суҳбатлашди. Уруш қатнашчиларига бу йил 18 млн сўмдан пул мукофоти берилади.
«Сўз эркинлиги бу — масъулият ҳам дегани» — президент
Шавкат Мирзиёев халқ овози ва фикрини кенг жамоатчиликка, давлат идоралари эътиборига олиб чиқаётган энг таъсирчан куч, бу — ОАВ ва журналистлар эканини таъкидлади. Шунингдек у ахборот маконида ҳаққонийлик ва холислик бош мезон эканини унутмаслик зарурлигини айтди.
Иш ҳақи, пенсия, нафақа ва стипендиялар миқдори мунтазам ошириб борилади — президент
Президент иш ҳақи, пенсия, нафақа ва стипендиялар миқдори мунтазам ошириб борилишини билдирди. Бунинг учун бюджетдан ҳар йили қўшимча 30−40 трлн сўм ажратиш керак бўлади. Шунингдек, давлат раҳбари ҳар йили юзлаб янги боғчалар, мактаб ва шифохоналар қуриш лозимлигини таъкидлади.
Ҳафта давомида ҳарорат 38 даражагача исийди
Ўзбекистонда кунлар ҳафта давомида исиб боради, қуруқ об-ҳаво бўлади. Ҳарорат кечалари +13…+18, кундузи жануб ва чўл ҳудудларда +36…+38 даражагача етади. Чанг-тўзонлар кузатилиши эҳтимоли бор.
«Янгиланган Конституциямизнинг чинакам муаллифи халқимиз бўлди» — Шавкат Мирзиёев
Президент референдум якунларига бағишланган учрашув ўтказиб, референдум давомида умумхалқ муҳокамаларида фаол ва муносиб иштирок этган миллионлаб юртдошларни эътироф этди. «Янгиланган Конституциямизнинг чинакам муаллифи халқимиз бўлди, деб айтишга барча асосларимиз бор», — деди Шавкат Мирзиёев.
Адлия вазирлигининг туҳмат қилишда гумонланган собиқ ходими тергов ҳибсхонасидан озод этилди
Адлия вазирлигининг собиқ ходими туҳмат қилишда гумонланиб, ҳибсга олинганди. Унинг аёли тергов тугаган бўлса-да, эри озодликка чиқмагани сабабли бош прокурорга мурожаат қилган. Суд ажримига кўра, 3 ойга яқин ҳибсда ўтирган фуқаро қўйиб юборилди.
Тошкентда фирибгарлик ва пора беришда гумонланган прокуратура ходимлари қўлга олинди
Бош прокуратура бошқарма катта прокурори ва Учтепа тумани прокуратураси терговчисига нисбатан жиноят иши қўзғатилиб, қўлга олинганини маълум қилди. Улар фирибгарлик ҳамда пора беришда гумонланмоқда.
Омбудсман вакиллари тергов ҳибсхонасидаги Даулетмурат Тажимуратов билан учрашди
Омбудсман ва жамоатчилик гуруҳлари вакиллари 1-сонли тергов ҳибсхонаси («Тоштурма»)да бўлиб, Нукус воқеалари юзасидан жиноят иши бўйича судланганлар, жумладан, Даулетмурат Тажимуратов билан учрашди. Судда у омбудсманни танқид қилганди.
«Менинг йўлим» лойиҳаси ғолиблари эълон қилинди
«Менинг йўлим» лойиҳасининг 2023 йилги мавсумига овоз бериш якунланди. Жами 517 та лойиҳа ғолиб деб топилди, энди уларга 412 млрд сўмдан ортиқ маблағ йўналтирилади. Жойларда фуқаролар байрам қилишни бошлаб юборди.
Тошкент вилоятида зилзила содир бўлди
Душанба тонгида Тошкент вилоятининг Бўстонлиқ туманида 3,2 магнитудали зилзила қайд этилди.
Байроқ рангидаги тасма таққан йигитга маъмурий иш қўзғатиш тўғрисидаги қарор бекор қилинди
Бош прокуратура аралашуви билан байроқ рангидаги тасма таққан қамашилик йигитга нисбатан маъмурий ҳуқуқбузарлик тўғрисида иш қўзғатиш ҳақидаги қарор бекор қилинди. Шунингдек, мазкур қарорнинг ноқонуний экани маълум қилинди.
Ўзбекистонда 174 нафар Иккинчи жаҳон уруши ва фронт орти қатнашчилари яшаши маълум қилинди
Мудофаа вазирлиги Ўзбекистонда 174 нафар Иккинчи жаҳон уруши ва фронт орти қатнашчилари яшашини маълум қилди. Энг кўп уруш ва фронт орти қатнашчилари Тошкент шаҳри (55 нафар), Тошкент (26 нафар) ва Фарғона (19 нафар) вилоятларида умр кечирмоқда. Уларнинг энг ёши — 78, энг улуғи — 112 ёшда.
9 май куни Тошкентда мушакбозлик ўтказилади
9 май оқшомида Тошкентдаги «Янги Ўзбекистон» истироҳат боғи ҳудудида Хотира ва қадрлаш кунига бағишланган байрамона мушакбозлик ташкил этилади.
Бир хонага жамланган бир асрлик тарих — Ўзгидромет музейига саёҳат
Бундан 102 йил аввал Ўзбекистонда гидрометерология хизмати ташкил этилган эди. Хизматнинг 75 йиллик юбилейида — 1996 йилнинг 7 май куни Ўзгидромет музейи очилган. «Газета.uz» 400 га яқин экспонати билан Ўзгидрометнинг бир асрдан кўпроқ давом этган фаолиятини кўрсатиб берувчи музей билан таништиради.
Омбудсман қийноққа солинган тадбиркорлар билан якка тартибда холи суҳбатлар ўтказди
Омбудсман ва унинг ҳузуридаги жамоатчилик гуруҳлари вакиллари қийноққа солинган тадбиркорлар Дилшод Тўрахўжаев ва Ҳасанбой Абдунабиев сақланаётган «Тоштурма»да бўлди. Ўтказилган холи суҳбатларда улар руҳий ва жисмоний қийноқларга солинганини тасдиқлаб, бунга асосли далиллар борлигини айтишган.
Қашқадарёда Ўзбекистон байроғи рангидаги тасма таққан йигит қўлга олинди
Қамаши туманидаги бозорда ИИО ходимлари Ўзбекистон байроғи рангидаги тасма таққан йигитни қўлга олди. У тасмани ечишдан бош тортди, шундан сўнг йигит билан профилактик суҳбат ўтказилиб, судга тақдим этиш учун ҳужжатлар расмийлаштирилди.
Наманганда эркак ўзи ва собиқ хотинини пичоқлаши оқибатида аёл вафот этди
Тўрақўрғон туманида яшовчи 26 ёшли фуқаро 23 ёшли собиқ хотинини пичоқлаб ўлдирди. Шундан сўнг ўзига ҳам пичоқ урган эркак шифохонага олиб кетилди. Бош прокуратура улар 2022 йилда ажрашгани, аммо мажбуран бирга яшаб келганини билдирди. Тергов ҳаракатлари олиб борилмоқда.
Фарғонада эркак мушукни отиб, буғуни эса бўғизлаб ўлдиргани назоратга олинди
Фарғона туманида эркак «жўжаларни еб кетаётгани учун» мушукни пневматик ов қуроли билан отиб ўлдиргани аниқланди. Шунингдек, буғуни бўғизлаб ўлдиргани акс этган сурат тарқалди. Туман ИИБ томонидан унинг қуроли олиб қўйилиб, иш бўйича ҳужжатлар ҳуқуқ-тартибот органларига тақдим этилди.
Қашқадарё ва Жиззахда қор ёғди: меваларни совуқ урган бўлиши мумкин
Шанба куни Қашқадарё ва Жиззах вилоятлари бўйлаб қор ёғиши кузатилмоқда. Хоразм маркази Урганчда эса 1 сутка давомида 23.7 мм ёмғир ёғиб ўтган. «Қор ва ҳароратнинг нолгача пасайиши мева ва гулларни совуқ уришига олиб келган бўлиши мумкин», — деб ёзмоқда Ўзгидромет ходими Эркин Абдулахатов.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг