Жамият
Қаршида фуқаро «Микрокредитбанк» масъуллари билан 1,1 млрд кредит пулларини ўзлаштиргани айтилмоқда
Қарши туманида фуқаро «Микрокредитбанк» масъул ходимлари билан бошқа фуқаро номига корхона очиб, 1,9 млрд сўм кредит ажратиб бергани ва шундан 1,1 млрд сўмни маҳсулот хариди учун ўтказиш орқали талон-торож қилгани айтилмоқда. Ҳолат юзасидан жиноят иши қўзғатилди.
Ўзбек пахтаси тизимли болалар меҳнати ва мажбурий меҳнатдан ҳоли бўлди — ХМТ
Халқаро меҳнат ташкилоти Ўзбекистон 2021 йилги пахта етиштириш ҳамда йиғим-терим мавсумида болалар меҳнати ва мажбурий меҳнатга барҳам берганини маълум қилди. Хусусан, 2021 йилда теримчиларнинг 99 фоизи ихтиёрий, тахминан бир фоизи эса бевосита ёки билвосита мажбурлаш орқали ушбу жараёнга жалб этилганини маълум қилган. Теримчиларнинг учдан икки қисмини хотин-қизлар ташкил этади.
Ўзбекистон вакцина учун шприцларни қабул қилиб олди
Чоршанба куни COVAX дастури доирасида Ўзбекистонга Pfizer вакцинаси билан эмлашда ишлатиш учун 669 минг долларлик шприц ва уларни хавфсиз утилизация қилиш учун қутилар келтирилди.
Олий ва ўрта махсус таълим ходимлари учун кўкрак нишонлар таъсис этиш таклифи билдирилди
Олий ва ўрта махсус таълимда фидокорона меҳнат қилаётган, ташаббускор, соҳа ривожига муносиб ҳисса қўшган фуқароларни 2 турдаги кўкрак нишон билан тақдирлаш таклифи илгари сурилди. Мукофотлар 1 октябрь — Устоз ва мураббийлар куни байрами арафасида топшириш режалаштирилмоқда. Ғолибларга нишон билан бирга БҲМнинг 4 бараваригача пул мукофоти ҳам бериш кўзда тутилган.
Баҳорнинг илк кунида 95 кишида ковид аниқланди
Баҳорнинг биринчи кунида Ўзбекистонда 95 кишининг коронавирусга топширган тест таҳлили мусбат натижани кўрсатди. Яна 11 кишида пневмония аниқланди.
Тадбиркорларни текширишда энг кўп солиқ органлари қонун бузган — Бизнес-омбудсман
Бизнес-омбудсман 2021 йилда давлат органлари тадбиркорлар фаолиятини текширишда йўл қўйган ҳуқуқбузарликлар таҳлилини эълон қилди. Унга кўра, 1200 дан ортиқ ҳолатда энг кўп солиқ органлари (238 та), Агроинспекция (167 та) ва Экология қўмитаси (166 та) қонунбузилишига йўл қўйган. Қолаверса, Транспорт вазирлиги идораларининг мансабдорларига жиноят иши очиш бўйича прокуратура органларига 8 та таклиф киритилган.
1 март куни Ўзбекистонда содир бўлган энг муҳим хабарлар дайжести
Фавқулодда вазиятлар вазири бўлган Абдулла Қўлдошев, янги ташкил этилган Хотин-қизлар ва оила ишлари қўмитаси, маҳалла вазири в.б. лавозимига маъқулланган Турсинхан Худайбергенов, Ўзбекистоннинг 2021 йилдаги давлат қарзи қарийб 3 млрд долларга кўпайгани, янги ўқув йилидан бюджетдан тўлаб берилаётган 23 минг магистр қизнинг контракти ва бошқалар — «Газета.uz» нинг 1 мартдаги энг муҳим хабарлари дайжестида.
Молия вазирлиги ўқув маркази ўтказган қарийб 700 млн сўмлик тендерда ака-укага тегишли иккита фирма қатнашди
Молия вазирлиги қошидаги ўқув маркази «Молиячи маълумотномаси» бюллетенини чоп этиш учун қарийб 700 млн сўмлик тендер эълон қилди. Унда ака-укага тегишли иккита фирма қатнашган, холос. Молия вазирлиги «Газета.uz» тақдим этган маълумотларни ўрганиб чиқиб, улар тасдиғини топган тақдирда, тендер бекор қилинишини билдирди.
Эвакуация қилинган ўзбекистонликларнинг учинчи рейси Катовицедан учиб кетди
Украинадан эвакуация қилинган 253 нафар ўзбекистонлик чиққан учинчи махсус рейс Польшанинг Катовице шаҳридан Тошкентга қараб учиб кетди. Борт тахминан 20:45 да қўниши кутилмоқда.
Март ойида беқарор об-ҳаво бўлиши кутилмоқда
Март бошида ҳаво илиқ бўлади, 5 март кунидан эса об-ҳаво ёмонлаша бошлайди. Ой якунига қадар мартга хос беқарор об-ҳаво бўлиши кутилмоқда. Ўзгидромет баҳорнинг илк ойи қандай бўлиши, қайси йилларда март ойи энг иссиқ ва энг совуқ бўлиб ўтганини маълум қилди.
«Уйқусиз тўрт кун». Украинадан эвакуация қилинган ўзбекистонликлар таассуротлари
Uzbekistan Airways авиакомпаниясининг бортида Украинадан эвакуация қилинган Ўзбекистон фуқаролари бўлган биринчи самолёти 28 февраль куни Тошкент шаҳрига келиб қўнди. Самолёт Польшанинг Катовице шаҳридан 251 ўзбекистонликни олиб келди. «Газета.uz» мухбири махсус рейс фуқаролари ва учиб келиш залида уларни кутиб олаётган инсонлар билан мулоқот қилди.
ССВ ЮНИСEФ билан биргаликда $102,5 млнлик лойиҳаларни амалга оширади
Соғлиқни сақлаш вазирлиги ва ЮНИСЕФ ўртасида 2022−2025 йилларга мўлжалланган «Йўл харитаси» имзоланди. У тўртта асосий йўналишдан иборат вазифаларга жами 102,5 млн доллар ажратилади. Ҳамкорлик доирасида перинатал марказлардаги тиббиёт ходимларининг малакаси оширилади, болалар вирусларга қарши эмланади, шифохоналар замонавий ускуналар билан жиҳозланади, мактаб ўқувчилари саломатлиги билан боғлиқ миллий стратегия ишлаб чиқилади.
Қарийб икки ой ўтиб, кунлик COVID-19 ҳолатлари сони 100 тадан камайди
Душанба куни республика бўйича 96 кишида коронавирус аниқланди. Кун давомида бир бемор вафот этди, 12 кишида эса пневмония аниқланди.
Ерни расмийлаштириб бериш учун $200 минг сўраган давлат хизматчиси ушланди
Наманган вилоятида ерни расмийлаштириб бериш учун 200 минг доллар сўраган давлат хизматчиси қўлга олинди. Самарқанд вилоятида Миллия гвардия ходими 6 гектар ерни 157 минг долларга сотмоқчи бўлганлиги аниқланган. ДХХ бошқа ҳудудларда ҳам ноқонуний ер сотилиши ҳолатларини аниқлади.
Яна 258 нафар Украинадан эвакуация қилинган ўзбекистонликлар ватанга қайтарилди
1 март куни эрталаб Uzbekistan Airways`нинг иккинчи махсус рейси Украинадан эвакуация қилинган 258 нафар Ўзбекистон фуқаросини Польшадан олиб келди.
241 нафар ўзбекистонлик Украинадан Тошкентга етиб келди
28 февраль куни соат 23:00да Тошкент аэропортига Украинадан эвакуация қилинган ўзбекистонликларнинг биринчи рейси қўнди.
Катовице шаҳридан эвакуация парвозлари бепул — Транспорт вазирлиги
Транспорт вазирлиги ижтимоий тармоқларда Украинадан эвакуация қилинаётган Ўзбекистон фуқароларини мамлакатга олиб келиш учун ташкил этилаётган махсус авиарейслар учун чипталар сотилаётганлиги ҳақидаги маълумотни рад этди. Польшанинг Катовице шаҳридан махсус рейслар Ўзбекистон ҳукумати томонидан бепул ташкил этилаётгани айтилди.
Ўзбекистоннинг Украинадаги элчихонаси микроавтобусига снаряд парчаси келиб урилган
Ўзбекистоннинг Украинадаги элчиси Алишер Курманов элчихона микроавтобусининг олд ойна ва ён томонни кўрсатувчи ойналарига снаряд парчаси зарар етказганини маълум қилди. «Шрапнель тушган дейишди», — деди у.
«Велосипедда оёғим битта эканини унутаман». Бир спортчи ҳикояси
2010 йилда 11 ёшли Аброр Артиковни поезд уриб юборди. Боланинг оёғини сон қисмидан кесиб ташлашди. У янги реалликни қабул қилишга ҳаракат қиларди ва бир марта велосипедга миниб кўрди. Бир неча маротаба йиқилиб, кўкариб, мувозанатини маромига келтирди. Аброр учиб кетди. Кўп ўтмай у велоспорт бўйича мураббий билан танишиб, профессионал тарзда шуғуллана бошлади. Бу ҳикоя Ўзбекистон терма жамоаси параспортчиларидан бирининг енгилмас руҳияти ҳақида. Аброрнинг устози бу унга Париж-2024 Паралимпия ўйинлари шоҳсупасига кўтарилишига ёрдам беришига ишонади.
Украинадан эвакуация қилинган ўзбекистонликларнинг биринчи рейси Тошкентга учиб кетди
Uzbekistan Airways компаниясининг Украинадан эвакуация қилинган ўзбекистонликлар чиққан махсус борти Польшанинг Катовице шаҳридан Тошкентга қараб учиб кетди. Бугун яна битта махсус рейс амалга оширилиши режалаштирилган, иккинчи борт аллақачон Тошкентдан учиб кетди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг