Жамият
Эронлик режиссёр Ўзбекистонда Умар Хайём ҳақида фильм суратга олишни режалаштирмоқда
Канн халқаро кинофестивалида Ўзбекистон миллий павильони очилди. Мамлакат медиа маҳсулотларни суратга олиш учун кинокомпаниялар ва телеканалларни жалб қилишни кўзлаяпти. Келиб чиқиши Эрондан бўлган канадалик режиссёр Мустафо Кешвари Ўзбекистонда Умар Хайём ҳақида фильм суратга олишни режалаштирмоқда.
Собир Шукуров Давлат тилини ривожлантириш департаментига мудир бўлди
ЎзА раҳбарининг биринчи ўринбосари Собир Шукуров Вазирлар Маҳкамасининг Маънавият ва давлат тилини ривожлантириш масалалари департаменти мудири лавозимига тайинланди. 2019 йилда давлат тилини ривожлантириш мақсадида ташкил этилган департамент раҳбари лавозими ноябрдан бери вакант эди.
Хориждан қайтган мигрантлар учун Реинтеграция марказларини ташкил этиш режалаштирилмоқда
Жамоатчилик муҳокамасига қўйилган президент қарори лойиҳасига мувофиқ, туман ва шаҳар аҳоли бандлигига кўмаклашиш марказлари ҳузурида хориждан қайтиб келган меҳнат мигрантларининг Реинтеграцияси марказларини ташкил этиш таклиф этилмоқда. Марказлар мигрантларга иш топиш, ўз бизнесини бошлаш, субсудия ва имтиёзли кредитлар олишда кўмаклашади.
Депутат Twitter блокланиши сабаби юзасидан сўров юборди
Депутат Расул Кушербаев «Ўзкомназорат» га Twitter блокланишини асослантирилган ҳолда тушунтириб бериш ва тармоқдан чекловни олиб ташлаш чораларини кўриш масаласида сўров киритди. Унинг сўзларига кўра, бу каби чекловларнинг ижобий тарафидан салбий оқибатлари кўпроқ.
19 май куни Ўзбекистонда содир бўлган энг муҳим хабарлар дайжести
Ўзбекистонга олиб келинадиган футбол бўйича Жаҳон кубоги, маҳаллий бюджетлар очиқлиги талабларини бузган пойтахт ва 7 та ҳудуд ҳокимиятлари, Навоийда 1,4 млрд сўмга қиммат нархда сотиб олингани спорт анжомлари, Ўзбекистонда қуриладиган 2606 км бетон қопламали ички йўллар, логистика мамлакатда заиф нуқта эканлигини айтган Туризм ва маданий мерос вазири ва бошқалар — «Газета.uz»нинг 19 майдаги энг муҳим хабарлари дайжестида.
Ҳуқуқ ҳимоячилари «Аҳмадбой», Отабек Сатторий ва Фозилходжа Арифходжаев сақланаётган колонияларга борди
6,5 ва 7,5 йилга озодликдан маҳрум этилган блогерлар Отабек Сатторий ва Фозилходжа Арифходжаев Навоий вилоятидаги колонияларда сақланмоқда. Отабек қурилиш молларига нақш босаётган бўлса, Фозилходжа уста бўлиб ишлаяпти. Бу ерда шунингдек, «Аҳмадбой» номи билан танилган Аҳмаджон Турсунбоев ўз жазосини ўтамоқда. Омбудсман ва инсон ҳуқуқлари ҳимоячиларидан иборат ишчи гуруҳ маҳкумларни сақлаш шароитлари билан танишди.
«Логистика биз учун заиф нуқта». Азиз Абдуҳакимов туризмни ривожлантириш ҳақида
Туризм ва маданий мерос вазири Азиз Абдуҳакимов Ўзбекистон яқин вақт ичида тез-тез бориб туриладиган мамлакатлардан бирига айланиши, бироқ, ҳозирда «транспорт логистикасидек заиф нуқтаси» борлигини таъкидлади. У шунингдек, ШҲТга аъзо давлатлар доирасида ички туризмни ривожлантириш учун «Ягона туристик бренд» яратиш кераклигини айтди. Бундан ташқари, ШҲТ мамлакатлари доирасида туристик компаниялар ва сайёҳларга кешбэк тақдим этиш таклифи илгари сурилди.
Андижонда ўқитувчи ўқувчини калтаклагани юзасидан изоҳ берилди
Пахтаобод туманида мактаб ўқитувчисининг 10-синф ўқувчисини уришига ўқувчининг педагог кўрсатмасига қўпол равишда жавоб қайтаргани сабаб бўлгани аниқланди. Ҳолат Андижон вилоят ИИБ томонидан ўрганилмоқда.
Tashkent Opera Fest 2022 тадбири 29 майгача узайтирилади
Tashkent Opera Fest 2022 доирасида шаҳарнинг турли бурчакларида концертлар ва исталган инсон қатнашиши мумкин бўлган флешмоблар ўтказилади.
Андижонда ўз жонига қасд қилишга уринган 5 ўқувчи қутқариб қолинди
Андижон вилоятида 2022 йилнинг дастлабки уч ойида 10 нафар мактаб ўқувчиси ўз жонига қасд қилган. Улардан 5 нафарининг ҳаёти қутқариб қолинган.
Аномал иссиқ ва қуруқ кунлар сони ортиб бормоқда — Ўзгидромет
Ўзбекистонда сўнгги йилларда аномал иссиқ кунлар сони йилига меъёрдаги 15−30 кундан 25−40 кунгача кўпайди. Қурғоқчилик даври давомийлиги кўп йиллик ўртача 30−70 кундан 50−80 кунгача кўтарилди, дея хабар қилди Ўзгидромет.
Наманганда ақидапарастлик ғояларини тарғиб қилган шахс 4 йилга қамалди
Наманганлик 22 ёшли фуқаро Telegram тармоғи орқали ақидапарастлик ғояларини тарғиб қилишда гумонланади ва ҳуқуқ-тартибот идоралари унинг телефонини текшириш учун олиб қўяди. Бундан хавфсираган айбланувчи Фарғона орқали Қирғизистонга қочиб кетишга уринганида ушланди. У воқеа қандай бўлгани ва кимдан маслаҳат олиб турганини сўзлаб берди. Суд унга 4 йил муддатга озодликдан маҳрум қилиш жазосини тайинлади.
Ўзбекистонда 2606 км узунликда бетон қопламали ички йўллар қурилади
2022 йилда Қорақалпоғистон Республикаси, вилоятлар ва Тошкент шаҳрида жами 2606 км узунликда цемент-бетон қопламали ички йўллар қурилади. Йўл манзиллари жамоатчилик фикри ва таклифлари асосида шакллантирилади.
Навоийда спорт анжомлари 1,4 млрд сўмга қиммат нархда сотиб олингани аниқланди
Навоий вилояти ХТБ спорт анжомларини ҳақиқий баҳосидан 787,8 млн сўмга, вилоятнинг собиқ туризм ва спорт бош бошқармаси мансабдорлари эса 598,9 млн сўмга қимматроқ сотиб олгани аниқланди. Уларга нисбатан жиноят иши қўзғатилди.
18 май куни Ўзбекистонда содир бўлган энг муҳим хабарлар дайжести
Ўзбекистонда жорий этилаётган газ ва электр энергия учун «ижтимоий норма», ОТМга қабул учун давлат буюртмасини камайтириш таклиф этилаётгани, ойлик маоши ошириладиган тиббиёт ходимлари, Исроилдаги Ал-Ақсо масжиди кутубхонасидан олиб келинган ўзбек алломалари қўлёзмалари нусхалари ва бошқалар — «Газета.uz»нинг 18 майдаги энг муҳим хабарлари дайжестида.
Наманганда ўқув машинаси аварияга учради, бир киши ҳалок бўлди
Наманган вилоятида Lacetti ҳамда Cobalt ўқув машинаси тўқнашди. Lacetti ҳайдовчиси ҳодиса жойида ҳалок бўлди, Cobalt ҳайдовчиси эса касалхонага ётқизилди.
Ўзбекистонда газ ва электр энергия учун «ижтимоий норма» жорий этилади
Яқин кунларда энергетика соҳасини ислоҳ қилиш бўйича ҳужжат лойиҳаси жамоатчилик муҳокамасига қўйилади, дейилади Иқтисодий тараққиёт, Молия ва Энергетика вазирликлари қўшма баёнотида. 2021 йилни Ўзтрансгаз — 2,5 трлн сўм, Миллий электр тармоқлари — 2,1 трлн сўм зарар билан якунлаган, субсидиялаш сиёсати эса етарли самарани бермаяпти. Энергоресурслар бўйича қўшимча қувватларни яратиш учун эса 25 млрд доллар зарур. Шундан келиб чиқиб, энергоресурслар нархини эркинлаштириш ҳамда «ижтимоий норма» тизимини жорий этиш режалаштирилмоқда.
Ал-Ақсо масжиди кутубхонасидаги ўзбек алломалари қўлёзмаларининг нусхалари Ўзбекистонга олиб келинди
Ал-Ақсо масжиди кутубхонасида сақланаётган Имом ал-Бухорий ва Исо ат-Термизий муаллифлигидаги нодир қўлёзмаларнинг электрон нусхалари ҳамда Исроил давлат архиви сақловидаги Бухоро яҳудийлари уюшмасига тегишли ҳужжатлар тўплами нусхаси Ўзбекистонга олиб келинди.
Замонавий санъат марказини реконструкция қилиш лойиҳаси тақдим этилди
Ўзбекистон маданият ва санъатни ривожлантириш жамғармаси ҳамда Франциянинг Studio KO архитектура бюроси томонидан Замонавий санъат маркази биносини реконструкция қилиш ва Тошкентнинг тарихий маҳаллаларида иккита арт-резиденция яратиш лойиҳалари тақдимоти ўтказилди. Лойиҳаларни 2023 йилгача якунлаш режалаштирилган.
Жиззахда ўқувчи қизлар ўртасида рўй берган жанжал бўйича муносабат билдирилди
Жиззахда ўзаро ёзишмалар вақтида тортишиб қолган ўқувчи қизлар шаҳардаги ўқув марказларидан бирида учрашиб, жанжаллашишди. Ҳолат юзасидан терговга қадар текширув ҳаракатлари олиб борилмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг