Черногория ҳукумати инвестиция киритганлиги учун мамлакат фуқаролигини берган хорижликлар орасида Самарқандда туғилган аёл ҳам борлиги маълум бўлди. «Олтин паспортлар» 250 мингдан 450 минг еврогача Черногориядаги лойиҳага сармоя киритган ва ҳукумат жамғармасига 100 минг евро тўлаган инвесторларга берилади.
Бухоро вилояти Когон тумани ҳудудидан ўтувчи йўлда «Газ-24» автомашинасига ўрнатилган газ баллони ёрилиши натижасида икки нафар йўловчи вафот этди.
Ўзбекистонда диний ва сиёсий сабабларга кўра судланган 2000 нафардан зиёд маҳбус бор. АҚШнинг Диний эркинликлар бўйича халқаро комиссияси маълумотларига кўра, бу собиқ иттифоқ республикаларидаги барча диний маҳбуслар йиғиндисидан кўра кўпроқ ва дунёдаги энг юқори кўрсаткичлардан биридир. Комиссия Ўзбекистон ютуқларини қайд этди, лекин ушбу соҳа жиддий ислоҳотга муҳтож деб ҳисоблайди.
Янгиҳаёт тумани судида уч кунлик чақалоғини сотишга уринган аёлга 5 йил озодликдан маҳрум этиш жазоси тайинланди.
Алишер Қодировнинг мигрантлардан ҳам солиқ ундириш ҳақида таклифи, Tashkent City боғига кириш бепул бўлиши, Абдулазиз Камиловнинг Ўзбекистонда АҚШ ҳарбий базаларини жойлаштириш муҳокама қилинмаётганини маълум қилиши — «Газета.uz»нинг 14 октябрдаги энг муҳим хабарлари дайжестида.
Ўзбекистоннинг 10 минга яқин мактабларида ўтказилган икки кунлик рейдларда 2832 нафар ўқувчи дарсларни сабабсиз қолдиргани маълум бўлди. ХТВ хабарига кўра, уларнинг 507 нафари интернет клубларда вақт ўтказаётгани, 338 нафари эса бозорда савдо-сотиқ, аравакашлик билан шуғулланаётгани аниқланган.
Россияда қолиб кетган фуқароларни қайтариш мақсадида «Ўзбекистон темир йўллари» АЖ томонидан «Волжский-Тошкент» йўналишида 4 та махсус рейс йўлга қўйилади. Поездлар 22, 25, 29 октябрь ҳамда 1 ноябрь кунлари «Волжский-Тошкент» йўналишида ҳаракатини амалга оширади.
«Миллий тикланиш» партиясидан президентликка номзод Алишер Қодиров сайловчилар билан мулоқотда мигрантлардан ҳам солиқ ундириш таклифини билдирди. «Газета.uz» Twitter ва Telegram фойдаланувчиларининг ҳамда мигрантларнинг ушбу ҳолат юзасидан билдирган айрим фикр-мулоҳазаларини тақдим этади.
Самарқанд вилоятидаги қишлоқлардан бирида ҳайвонлар орасида Сибир яраси (куйдирги) касаллиги тарқалгани ҳақидаги маълумотлар тасдиқланмади. Давлат ветеринария қўмитаси лаборатория текширувлари натижаларига таяниб бу ҳақда маълум қилди.
Бухорода ходимни ишга сақлаб қолиш учун 300 минг сўм талаб қилган мактабгача таълим ташкилотининг мудираси қўлга олинди.
Қувасой шаҳрида эр-хотин 32,5 млн сўм қарздорликни ундиришга келган МИБ ходимларига қаршилик кўрсатиб, чақалоғининг устига бензин сепиб, ёқиб юбориш билан қўрқитди. Уларга нисбатан Жиноят кодексининг ҳокимият вакилига қаршилик кўрсатиш ва ҳақорат қилиш моддалари билан иш очилди.
Қизил китобга киритилган лочинларни 280 млн сўмга сотмоқчи бўлган шахс ва харидор қўлга тушди. Давлат божхона қўмитасининг маълум қилишича, «қушларнинг 6 нафари Қизил китобга Итолғи номи билан киритилган бўлиб, улар тобора йўқолиб бораётган тур ҳисобанади». Лочинлар вақтинча Тошкент ҳайвонот боғига топширилди.
«Миллий тикланиш» партиясидан президентликка номзод Алишер Қодиров сайловчилар билан мулоқотда мигрантлардан ҳам солиқ ундириш таклифини билдирди. «Келинглар энди яна ҳам ватанпарварроқ бўлайлик, мигрантлар ҳам ўзининг солиғини мамлакат тараққиёти учун тўласин», — деди у.
«Темир дафтар» ва «Аёллар дафтари» га кирган оилалар фарзандлари ҳамда «Ёшлар дафтари» даги ёшларга турмуш қураётганида ўз хонадонидан қўшимча уй-жой қуриш учун гаровсиз 30 млн сўмгача кредитлар берилади. Ҳукумат қарори билан кредит ажратишнинг тартиби белгилаб берилди.
Граффити, постерлар, мураллар, теглар, асфальтдаги расмлар — буларнинг барчаси стрит-арт, шаҳар кўчаларидаги санъат ҳисобланади. Баъзилар учун эса жамоат жойлари, метро ва ер ости йўлларидаги графиттилар ваҳшийлик ва безориликка ўхшайди. Тасвирлар асосан бирор муаммоли мавзуни кенг омма олдида тарғиб қилиш учун яширин тарзда чизилади. Стрит-арт қандай келиб чиққан, унинг йўналишлари, машҳур «кўча рассомлари» ҳақида «Газета.uz» сўз юритади.
Афғонистондан Америкагача — МСК қайси хорижий мамлакатларда ўзбекистонликлар учун сайлов участкалари ташкил этилишини маълум қилди. Таъкидланишича, хориждаги сайловчилар дипломатик ваколатхонларда тузилган участкаларда рўйхатга олинади ҳамда сайлов ўтказилиш жойи ва вақти ҳақида хабардор қилинади.
Tashkent City боғига кириш 14 октябрдан бепул бўлди. Автотранспорт воситалари кириши бундан мустасно.
Қашқадарёда 9 ойда содир бўлган 369 та ЙТҲ оқибатида 181 киши вафот этган. Шундан 31 нафари вояга етмаган болалар бўлган. Ҳудудлар кесимида энг кўп ЙТҲлар Қарши шаҳри ҳамда Чироқчи ва Қарши туманларида содир бўлган.
Самарқандда катта тезликда кетаётган Nexia ҳайдовчиси ухлаб қолиши натижасида автомашина йўлни ажратиб турувчи бетон тўсиққа урилиб, ағдарилиб кетган. Юзага келган ёнғин оқибатида машина салонида бўлган 2 йўловчи воқеа жойида вафот этган.
Қашқадарёлик фуқаро Гулистонда беш кунлик чақалоғини 5000 доллар эвазига сотаётган вақтида қўлга олинди.
Қўшимча имкониятларга эга булиш учун сайтда рўйхатдан ўтинг