Жамият
22 июнь куни Ўзбекистонда содир бўлган энг муҳим хабарлар дайжести
Жаримага тортилган Kun.uz ва Azon.uz нашрлари раҳбарияти, 50 ёшдан ошган фуқаролар ҳамда ОТМ профессор-ўқитувчиларини эмлаш бошланиши, коронавирус сабабли Ўзбекистон Aфғонистон билан чегарани ёпилиши, Навоийда тўрт нафар тилла қазувчи вафоти — «Газета.uz»нинг 22 июндаги энг муҳим хабарлари дайжестида.
Учтепада бошқа шахсга тегишли арматурани $35,7 мингга сотиб юборган шахс қўлга олинди
Учтепа туманида ўзнинг 50 тонна арматурасини бошқа бир фуқарога сотган шахсга нисбатан Жиноят кодексининг фирибгарликка оид моддаси билан жиноят иши қўзғатилди.
«Агробанк» вакиллари Visa-Humo кобейджинг картасининг афзалликлари ҳақида сўзлаб беришди
«Агробанк» АТБ кобейжинг картасини очган мижозлар Ўзбекистон ва дунёнинг 200 дан ортиқ мамлакатларида товар ҳамда хизматлар учун тўловларни амалга ошириш имкониятига эга бўладилар.
Ниқобсиз шахслар жамоат транспортлари салонига чиқарилмайди
Республика махсус комиссияси йўналишли автобус ва метрога ниқобсиз бўлган шахсларни транспорт воситалари салонига чиқармаслик бўйича қарорни қабул қилди. Темир йўл вокзаллари ва аэропортларда эса карантин чораларига риоя қилиниши қатъий назоратга олинади.
«Мақсад бизнинг овозимизни ўчириш бўлди» — Azon.uz раҳбарияти сайтдаги мақолалар учун жаримага тортилди
Azon.uz нашри раҳбарияти сайтда эълон қилинган диний мазмундаги мақолалар учун жаримага тортилди. Шунингдек, суд сайтдаги баъзи хорижий хабарларни «Ўзбекистоннинг бошқа давлатлар билан муносабатини бузиши мумкин» деб топган. Azon.uz бош муҳаррири «Газета.uz»га ушбу суд жараёнини «журналистик фаолиятга тажовуз» дея таърифлади. Унинг айтишича, Диний қўмита таҳририятга диний материалларни мустақил чиқариш учун оғзаки рухсат берган бўлган. Суд қароридан кейин нашр янгиликларни эълон қилишни тўхтатди.
Навоийда тўрт нафар тилла қазувчи вафот этди, уч киши шифохонага ётқизилди
Навоий вилоятида ноқонуний равишда тилла қумларини қазиб олиш билан шуғулланган тўрт киши «электродвижок»дан чиққан ёқилғи тутунидан заҳарланиб, вафот этган. Яна уч нафар фуқаро шифохонага ётқизилган.
Сурхондарёда тез ёрдам машинасини ўтказмаган ЙПХ ходимлари лавозимидан озод этилди
Сурхондарё вилоятида ўтказилган «Ёшлар фестивали» сабабли ЙПХ ходимлари йўлнинг ҳаракатланиш вақтинча чекланган қисмида чақирув бўйича манзилга кетаётган тез ёрдам машинасини ўтказмаган. Маълум бўлишича, 21 июн куни ушбу ходимлар лавозимидан озод этилган.
Қашқадарёда 2 нафар пиёда Nexia уриб юбориши натижасида ҳалок бўлди
Қашқадарё вилоятининг Ғузор туманида Nexia 2 нафар пиёдани уриб юборди. Пиёдалар олган тан жароҳатларидан воқеа жойида вафот этди.
Kun.uz раҳбари сайтдаги диний мавзуда эълон қилинган мақолалар учун жаримага тортилди
Сайтда эълон қилинган диний мазмундаги материаллар учун Kun.uz асосчиларидан бири ва раҳбари 12,2 млн сўм миқдорида жаримага тортилди. Суд қароридан кейин нашр янгиликларни эълон қилишни тўхтатди.
Коронавирус сабабли Ўзбекистон Афғонистон билан чегарани ёпди
Афғонистонда эпибемиологик вазиятнинг кескинлашаётганлиги сабабли ўзбек-афғон чегарасида фуқароларнинг ҳаракатланиши вақтинча тўхтатилади.
Қандай уйлар бошқарувчи компанияларга бириктирилади?
Ўзбекистоннинг 15 та ҳудудидаги 1227 та кўп қаватли уй, шу жумладан, Тошкентнинг Юнусобод туманидаги иккита мавзеда жойлашган уйлар бошқарувчи ташкилотларга бириктирилади. Улар очиқ танлов орқали танланади. Ҳужжатнинг айрим бандлари Уй-жой кодексига ва «Кўп қаватли уйларни бошқариш тўғрисида"ги қонунга зид бўлиши мумкин.
Aндижонда Spark ҳайдовчиси ЙПХ ходимини капот устида судраб кетди
Aндижонда Spark автомашинаси ҳайдовчиси ЙПХ ходимининг тўхташ ҳақидаги талабига бўйсунмади ва уни капот устида 50−60 метрча судраб кетди. Ҳуқуқбузарга нисбатан жиноят иши қўзғатилди.
21 июнь куни Ўзбекистонда содир бўлган энг муҳим хабарлар дайжести
Президентнинг ушбу ҳафтадаги иш графики, 19 ёшли қизнинг зўрланиши, давлат рўйхатидан ўтказилмаган партия, Тошкентда кореялик таэквондо мураббийи ватандоши томонидан пичоқланиши — «Газета.uz»нинг 21 июндаги энг муҳим хабарлари дайжестида.
Aqlvoy болалар телеканали мультфильмлардаги иккита саҳна бўйича изоҳ берди
Aqlvoy болалар телеканалида эфирга узатилган мультфильмларда итальян рассоми Сандро Боттичеллининг «Венеранинг туғилиши» картинаси ва малика Жинан ҳамда Оловудииннинг ўпишиш саҳналари ижтимоий тармоқлар фойдаланувчиларининг норозилигига сабаб бўлди. Канал ушбу ҳолатлар бўйича изоҳ берди.
Чирчиқ пединститути ўқитувчиси ОТМга киритиб қўйиш учун $6000 олаётганда ушланди
Тошкентда Чирчиқ давлат педагогика институти ўқитувчиси икки фуқародан ушбу ОТМ ёки ТошДПУга ўқишга киритиб қўйишга ваъда бериб, 6000 доллар олаётганда ушланди.
«Ўзэкспомарказ» МKК учта агрокўргазмада иштирок этишга таклиф этади
«Ўзэкспомарказ»нинг агрокўргазмалари Ўзбекистонда илк бор гибрид форматида ўтказилади.
Ҳафта давомида ўртача иссиқ об-ҳаво бўлиши кутилмоқда
Ушбу ҳафта давомида Ўзбекистонда ўртача иссиқ ҳаво бўлиши кутилмоқда. Кундузи ҳарорат +35 даражагача кўтарилади. Баъзи кунларда шамол кучайиши мумкин.
Самарқандда 19 ёшли қиз иш вақтида зўрланди
Самарқанддаги текстиль корхоналаридан бирида ишловчи 19 ёшли қиз тунги навбатчилик пайтида зўрланди. Вилоят прокуратураси томонидан жиноят иши қўзғатилиб, айбланувчига нисбатан сиртдан қамоқка олиш тарзидаги эҳтиёт чораси қўлланилди.
Тошкентдаги дорихоналарда ноқонуний сотилаётган 63 минг дона кучли таъсир қилувчи дорилар аниқланди
Пойтахтнинг Учтепа ва Чилонзор туманларидаги дорихоналарида кучли таъсир қилувчи моддаларни ноқонуний реализацияси билан боғлиқ 37 та ҳолат аниқланди. Шулардан жами 62 337 дона кучли таъсир қилувчи дори воситалари ноқонуний муомаладан олинди.
«Ушбу ёдгорликлар Тошкентга бетакрор шаҳар қиёфасини бахш этади». Саида Мирзиёева пойтахтдаги панноларни сақлаб қолишга чақирди
Саида Мирзиёева «Premier Hall» кинотеатрини таъмирлаш вақтида аниқланган рассом Альфред Мазитовнинг «Кокилли қиз» панноси атрофидаги муҳокамалар ортидан шаҳардаги барча мозаик панноларни сақлаб қолишга чақирди. «Айнан ушбу ёдгорликлар Тошкентга бетакрор шаҳар қиёфасини бахш этадиган ажойиб бир рамздир», — деди у. Шундан сўнг, бино эгаси панно реставрация қилинишини маълум қилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг