ЮНИСЕФ кўмагида Қорақалпоғистондаги 15 мактабнинг санитария-гигиена шароитларини яхшилашга 3,5 миллион доллар ажратилади. Ушбу мактабларда ўғил ва қиз болалар учун замонавий ҳожатхоналар ва ювиниш хоналари, мактабларни чиқиндилардан тозалаш шароити барпо этилади.
Наманганда MAN юк автомашинаси чорраҳада Nexia билан тўқнашди. Олти киши вафот этди, улардан уч нафари вояга етмаганлар.
Ўзбекистонда йил бошидан бери ис газидан заҳарланиш ва газ чақнаши оқибатида 106 нафар фуқаро вафот этган. Президент ФВВнинг Ёнғин хавфсизлиги бошқармаси фаолиятини тубдан қайта кўриб чиқиш бўйича топшириқ берди.
Президент Шавкат Мирзиёев байрамдан олдин гўшт, шакар, гуруч, ўсимлик ёғи нархини оширишга йўл қўймасликни буюрди. Бош вазирга ушбу маҳсулотлар захирасини тўлдириш топшириғи берилди.
Quacquarelli Symonds халқаро агентлиги томонидан Ривожланаётган Европа ва Марказий Осиё давлатлари бўйича 2021 йил учун энг кучли университетлар рейтингига Ўзбекистоннинг тўртта университети — Тошкент ирригация ва қишлоқ хўжалигини механизациялаштириш муҳандислари институти киритилди.
Бугунги кунда газ таъминотида суткасига 20 миллион метр куб танқислик мавжуд, дея таъкидлади президент. Шавкат Мирзиёев газ экспортини қисқартириш бўйича топшириқ бериб, бунинг ҳисобига, кунига 7−8 миллион метр куб газ қўшимча равишда аҳоли эҳтиёжи учун йўналтирилишини айтди.
Қиш мавсумида узлуксиз электр таъминоти учун қўшимча равишда 10−12 миллион киловатт-соат ишлаб чиқариш зарур, деди президент бўлиб ўтаёган йиғилишда. Давлат раҳбари 10 кун ичида етишмаётган электр энергиясини ишлаб чиқаришни йўлга қўйиш бўйича буйруқ берди.
17 декабрь куни Оскар-2020 мукофотига номзод этиб кўрсатилган режиссёр Ёлқин Тўйчиевнинг «Фариданинг икки минг қўшиғи» бадиий фильми намойиш этилади. Шунингдек, 23 декабрь куни режиссёр Аюб Шаҳобиддиновнинг «Рангсиз тушлар» бадиий фильмининг ҳам катта премьераси бўлиб ўтиши режалаштирилган.
Ғузор туманининг собиқ ҳокими Саъдулла Бобоқулов ва Қашқадарё ҳокимлиги ҳоким судьяга босим ўтказгани учун ишдан бўшатилганини рад этди. Саъдулла Бобоқулов судья можарога сабаб бўлган деҳқон бозори раисининг ўғли билан бирга ўқигани ва бир квартирада яшаганини айтди.
Тошкент шаҳар ҳокимлиги томонидан «Тошкент шаҳар сув таъминоти» МЧЖнинг ҳозирги кунда амалда бўлган тарифини ошириш таклиф қилинмоқда. Қайд этилишича, «Тошкент шаҳар сув таъминоти» МЧЖ 2019 йилда молиявий иқтисодий фаолиятдан 58,8 млрд сўм, ҳамда 2020 йил 8 ойлигида 21,3 млрд сўм зарар кўрган.
Куннинг ёруғ вақтида барча автомототранспорт воситаларининг яқинни ёритувчи чироғини ёқиб юриш тартиби 1 январдан кучга киради. Ушбу тартибни бекор қилиш бўйича бир гуруҳ депутатлар томонидан Вазирлар Маҳкамасига ҳамда Ички ишлар вазирлигига сўров хати киритилгани маълум қилинди.
Ҳукумат қарори лойиҳасига кўра, давлат органлари жамоатчилик кенгашлари таркибига камида бир нафар журналист ва/ёки блогернинг киритилиши белгиланмоқда. Шунингдек,танқидий материалларга бир кун ичида жавоб берилади, ҳар бир раҳбар ижтимоий тармоқларда ўз саҳифаларини очади.
Янги Chevrolet Tracker’нинг биринчи партияси Ўзбекистонга жўнатилди. Янги кроссовер 2019 йилда тақдим этилган бўлиб, шу вақтга қадар фақат Хитой ва Бразилияда сотилаётган эди.
Ўзбекистон 2025 йил IV ёшлар Осиё ўйинларига мезбонлик қилиши муносабати билан Отабек Умаров Осиё Олимпия Кенгашининг вице-президенти этиб сайланди. «Тошкентда ўтадиган 2025 йилги ёшлар Осиё ўйинларини ўтказиш Янги Ўзбекистон учун жаҳон ҳамжамияти олдидаги жиддий синовлардан бири», — дея таъкидлади Отабек Умаров.
Олий таълим муассасалари талабалари, академик лицей ва касб-ҳунар мактаблари ўқувчилари учун 2020 йил 28 декабрдан 2021 йил 10 январгача қишки таътил этиб белгиланди.
Глобал миқёсда 387 нафар журналист ўз касбий вазифаларини бажаргани учун қамоқда қолмоқда. Уларнинг 61 фоизи атиги бешта давлатда ҳибсга олинган. Пандемияни ёритгани учун қамалган журналистларнинг 14 нафари ҳамон панжара ортида қолмоқда.
14 декабрь куни Фарғона вилоят судида Сўх воқеалари юзасидан суд жараёнида 5 нафар судланувчи сўроқ қилинди. Улар тергов жараёнида қийноққа солинганлигини, баъзилари эса тўполонларда қатнашмаганлигини таъкидлади. Б.Шодиев тергов пайтида бошига қоп кийгизиб, белдан пастки қисмига уришганини айтди. Судланувчи Ш. Олимов айблов варақасига қўл қўйиб бермаса, «подвалга тушасан» деб қўрқитишганини таъкидлади.
Матбуот анжуманида ички ишлар вазири ўринбосари Рустам Хатамов UZB, ZDF ва бошқа рақамли давлат идоралари автомобиллари ҳам жаримага тортилишини маълум қилди. У шунингдек, ЙПХ ходимлари вазирлик ва давлат идораларига тегишли автомашиналарда қоида бузилганида нега тўхтатилмаслигига ҳам ойдинлик киритди.
15 декабрь куни бўлиб ўтган матбуот анжуманида ИИВ матбуот хизмати раҳбари Шоҳрух Ғиёсов ИИВ ходимларини ишига халақит бермаган ҳолда хоҳлаган жойда тасвирга олиш мумкинлигини айтиб ўтди.
«Ziyouz.com» портали асосчиси, журналист Давронбек Тожиалиевнинг хабар беришича, у Истанбулга киритилмай, Ўзбекистонга депортация қилинган. Журналистнинг ёзишича, бунга қадар у Туркияга 5 маротаба борган ва ҳеч бирида бу каби муаммо кузатилмаган.
Қўшимча имкониятларга эга булиш учун сайтда рўйхатдан ўтинг