Жамият
Янги йилни оила даврасида кутиб олиш тавсия этилди
Республика махсус комиссиясининг қарори билан фуқароларга янги 2021 йил байрами тадбирларини оила даврасида ўтказиш тавсия этилмоқда. Шунингдек, вазирлик, давлат идора ва ташкилотларига корпоратив байрам тадбирлари ташкил этиш тақиқланди. «Президент арчаси» байрами фақат меҳрибонлик уйлари тарбияланувчилари учун ўтказилади.
Пойтахтдаги ДХМлар ходимлари 10 ой ярим ойликка ишлагани маълум бўлди
Тошкент шаҳрида жойлашган 11 та Давлат хизматлари марказлари ходимлари 10 ой давомида ярим ставка ойлик маошга тўлиқ иш режимида фаолият юритгани маълум бўлди. Мазкур ҳолат бўйича ДХА Тошкент шаҳар бошқармаси бошлиғи Санжар Абдуллаев: «Тўғри, тўлиқ ставкада эмас. Лекин, ярим ставка дегани у мажбурий эмас, ишлаганига албатта ҳақ тўланган. Қонунга зид равишда меҳнат олиб бормаган», — дея тушунтириш берди.
Интернат-мактаб тарбияланувчиси калтакланганлиги юзасидан жиноят иши очилди
Вояга етмаган мактаб-интернати тарбияланувчисига тан жароҳатлари етказган шахсларга нисбатан жиноят иши қўзғатилди. Бола ҳуқуқлари бўйича Омбудсман ҳолатни назорат остига олинганлигини ва зўравонлар жазоланишини таъкидлади.
«Президент бир йилда бир келиб, кўриб кетгани билан натижа бўлиб қолмайди» — Шавкат Мирзиёев
Президент Урганч шаҳридаги йиғилишда ҳар бир ҳоким, иқтисодий комплекс раҳбарлари ҳудуддаги муаммолар бўйича тизимли ишлаши кераклигини таъкидлади. «Президент бир йилда бир келиб, кўриб кетгани билан натижа бўлиб қолмайди», деди у. Шавкат Мирзиёев «маҳалла раиси — ислоҳотчи» тамойили асосида ижтимоий муаммоларни ҳал қилиш бўйича янги тизим жорий этилишини таъкидлади.
Тошкeнтда автобус ҳайдовчилари яна пойга уюштиришди
Тошкeнтда 38 ва 58-автобус ҳайдовчилари Шота Руставeли кўчасида пойга уюштиришди. Ҳайдовчиларнинг шахси аниқланиб, уларга 1 115 000 минг миқдорида жарима белгиланди.
Мактабларда қишки таътил 25 декабрдан бошланади
Халқ таълими вазирлиги қишқи таътил бошланғич синфлар учун 25 декабрь, юқори синфлар учун 26 декабрдан бошланишини маълум қилди. Қолаверса, таътилларни ўзгартириш бўйича таклифлар юзасидан ҳам муносабат билдирилди. Айтилишича, мактабларни иситишдан кўра, совутишга кўпроқ электр энергия ресурслари талаб этилади.
Юнусобод туманида аёл кишининг мурдаси топилди
Тошкентнинг Юнусобод туманида аёл кишининг мурдаси қотиллик аломатлари билан топилди. Ҳозирда тезкор тергов ҳаракатлари олиб борилмоқда.
Пойтахт автобус бекатлари дўконларсиз бўлади
Тошкентдаги автобус бекатларини ягона концепция асосида янгилаш режалаштирилмоқда. Бекатларда электрон табло, WI-FI, кузатув камераси, замонавий дизайндаги ўриндиқлар, мобил қурилмалар қувватлаш манбалари, пандуслар ўрнатилиши кўзда тутилган. Бекатларда дўконлар бўлмаслиги ҳам маълум қилинди.
Бухоро прокурори Жасур Фозилов мурожаати юзасидан Бош прокуратура баёнот берди
Бухоро шаҳар прокурори Жасур Фозилов Шавкат Мирзиёев ва президент администрацияси раҳбарига видеомурожаат билан чиқиб, бош прокурорга алоқадар жиноятларни фош этмоқчилиги, унинг Mega Bukhara савдо мажмуаси қурилишига бевосита алоқадорлигини таъкидлади. Шунингдек, мазкур объект қурилишига кетган ҳаражат 1 трлн сўмга етиши ва халқнинг ёнидан қопланаётганини айтди. Бош прокуратура ҳолат бўйича баёнот билан чиқди.
Россиядан ўзбекистонликларни олиб келиш учун қўшимча поезд қатновлари амалга оширилади
Россияда қолиб кетган Ўзбекистон фуқароларини мамлакатга олиб келиш мақсадида 14, 21 ва 28 декабрь кунлари Москвадан Тошкентга махсус поездлар қатнови йўлга қўйилади.
Нималарни олдиндан тайёрлаб қўйиш мумкин
Zira.uz дан олдиндан тайёрлаб, музлатиб қўйса бўладиган егуликлар жамланмаси.
Ёшлар иттифоқидан пулини ололмаётган тадбиркор очлик эълон қилмоқчи
Ижтимоий тармоқларда тадбиркорнинг Ёшлар иттифоқи учун Жиззахда 14 млрд сўмдан кўпроққа бино қургани ва шу пулнинг 9 млрд сўмини олмагани ҳақидаги хабарлар тарқалди. У шунингдек, 15 декабрь куни иттифоқ марказий кенгаши биноси олдида очлик эълон қилишини айтди. Ёшлар иттифоқи ушбу ҳолат юзасидан муносабат билдириб, қарздорлик 5,6 млрд сўм эканини қайд этди.
16 ёшга тўлганлар ID-карта олаётганда солиқ тўловчилар ва жамғариб бориладиган пенсия рўйхатига ҳам киритилади
16 ёшга тўлган фуқароларга ID-карта бериш уларни солиқ тўловчилар рўйхатига киритиш ҳамда жамғариб бориладиган пенсия тизимида ҳисобга қўйиш билан бир вақтнинг ўзида амалга оширилиши режалаштирилмоқда.
Навоийда 13 мингдан ортиқ ёввойи ҳайвонлар ноқонуний овланишига имконият яратилгани аниқланди
Навоий вилоятида ов мавсумида мумкин бўлган квотадан ташқари 13 минг бошдан ортиқ ёввойи ҳайвонлар ноқонуний овланишига имконият яратилгани аниқланди. Ўтган йили 1 707 ҳолатда ноқонуний ов амалга оширилиб, вақтида чоралар кўрилмаганлиги ҳам маълум бўлди.
Йил бошидан 80 нафар ўзбекистонлик ис гази ва газ чақнашидан вафот этган
Йил бошидан бери ис газидан захарланиб 61 нафар фуқаро, газ чақнаши оқибатида эса 19 нафар фуқаро вафот этганлиги қайд этилди.
Дам олиш кунлари ҳаво ҳарорати деярли ўзгармайди
Дам олиш кунлари юқори циклонли булутли массив аста-секин Ўзбекистоннинг қолган ҳудудларига силжийди. Шу кунларда ҳаво ҳарорати деярли ўзгармайди, кечалари 2−7 даража совуқ, кундуз кунлари 0−5 дарада илиқ атрофида, баъзи жойларда 2 даража совуққача бўлади.
Ўзбекистонда интернет фойдаланувчилари сони 22,1 миллиондан ошди
Ўзбекистонда интернет хизматидан фойдаланувчилар сони — 22,1 миллиондан ошди. Шундан мобил интернет фойдаланувчилари сони — 19 миллионни ташкил этмоқда. Мамлакат бўйича аҳоли пунктларининг мобил алоқа билан қамраб олиниши даражаси 97 фоизни, мобил интернет қамрови эса 87 фоизни ташкил этди. Декабрь ойи бошида мактабларнинг 70% ва соғлиқни сақлаш муассасаларининг 78% интернетга уланган.
Давлат ташкилотлари томонидан айрим маълумотномаларни сўраш бекор қилиниши мумкин
2021 йил 1 апрелдан давлат ва хўжалик бошқарув органлари, маҳаллий ҳокимиятлар томонидан судланганлик, манзил-маълумот ахбороти, фуқаронинг номида шахсий уй-жой борлиги ёки йўқлиги, солиқ қарзи бор ёки йўқлиги, никоҳ ёки ажрашганлик ва бошқа фактларни тасдиқловчи маълумотномаларни сўрашни бекор қилиш таклиф қилинмоқда.
«Кампиртепа» қалъаси деворининг бузилганлиги бўйича Бош прокуратура текширув ўтказади
Сурхондарё вилоятидаги «Кампиртепа» қалъаси девори қулаганидан сўнг, академик Э.В.Ртвеладзе бундай бузилишлар ўтган йили ҳам бўлганлиги ва бу атайлаб қилинганлигини таъкидлади. Ушбу ҳолат юзасидан Бош прокуратура текширув ўтказиши режалаштирилмоқда.
Хусусий корхона томонидан Тош ҳовли саройи девори бузилганлиги аниқланди
Хива шаҳрида жойлашган Тош ҳовли саройининг девори «Сургут нефть строй» пудратчи хусусий корхонаси томонидан бузилганлиги аниқланди. Ушбу лойиҳа Илмий-эксперт кенгашига киритилмаганлиги ва саройда лойиҳасиз таъмирлаш-тиклаш ишлари олиб борилганлиги маълум бўлди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг