Спорт
«Бу Ўзбекистон ва Қозоғистон учун зўр жанг бўлади». Ҳасанбой Дўсматов — чорак финалдаги жанги олдидан
Париж Олимпиадасининг 1/8 финалига етиб келган боксчи Ҳасанбой Дўсматов 3 августда қозоғистонлик Сакен Бибоссиновга қарши рингга чиқади. 31 ёшли Дўсматов рақиби билан таниш экани, у билан рингда кўп тўқнаш келганини айтди. Ким кучли, яхши тайёргарлик кўрган бўлса, ўша ютади, деди спортчи.
«Унинг ўрнида бўлганимда мен ҳам йиғлардим». Диёра Келдиёрова — Ута Абэнинг мағлубиятдан кейинги реаксияси ҳақида
Дзюдо бўйича Олимпиада чемпиони Диёра Келдиёрова сўнгги 5 йил ичида илк бор мағлуб бўлган рақиби Ута Абэнинг ўрнида ўзи ҳам йиғлаган бўлишини айтди. Унинг сўзларига кўра, дзюдочилар Олимпиадага чиқиш ва ғалаба қозониш учун катта куч сарфлайди, эрталабдан кечгача машқ қилади, шахсий ҳаётини унутади.
«Биз бундан ҳам кўпига лойиқ эдик ва кучимиз етарди». Тимур Кападзе Олимпиададаги иштирок якунларини сарҳисоб қилди
Футбол бўйича Ўзбекистон олимпия терма жамоаси мураббийи Тимур Кападзе Олимпиададаги натижаларни сарҳисоб қилди. Унинг айтишича, жамоа рақибларини мағлуб этиши учун кучи етарди, аммо «қаердадир омад, қаердадир маҳорат, тажриба етишмади». Турнир катта тажриба берди ва жамоани кучлироқ қилди, деди у.
Париж-2024: 31 июль куни мусобақаларга киришадиган ўзбекистонликлар ва уларнинг рақиблари (рўйхат)
Париж Олимпиадасининг 5-кунида 6 нафар ўзбекистонлик спортчи медаль учун курашни бошлайди. Дзюдочи Гулноза Матниёзова ва Давлат Бобонов нимчорак финал учун беллашади. Абдумалик Халоков ва Асадхўжа Муйдинхўжаев бокс, Амирхон Садиков ва Зиёдахон Абдусатторова эса камондан отиш баҳсида қатнашади.
Ўзбекистон футболчилари Олимпиадада Доминикан билан дуранг ўйнади
Футбол бўйича Ўзбекистон олимпия терма жамоаси Париж Олимпиадасидаги сўнгги учрашувида Доминикан Республикаси билан дуранг ўйнади (видео, статистика).
Париж-2024: Бугун яна 4 нафар боксчи ўз юришини бошлайди
Париж Олимпиадасининг 4-кунида Ўзбекистон терма жамоаси 4 та спорт турида иштирок этади. Шарофиддин Болтабоев дзюдо, Анна Пракатен эса академик эшкак эшиш бўйича баҳсларга киришади. Шунингдек, 4 нафар боксчи ўз юришини бошлайди. Футболчилар эса Доминиканга қарши ўйнайди.
Париж Олимпиадасининг 3-куни: ўзбекистонлик 2 боксчи медаллар учун курашни давом эттиради
Олимпия ўйинларининг 3-кунида Баҳодир Жалолов ва Руслан Абдуллаев чорак финалга чиқди. Қиличбоз Зайнаб Дайибекова илк баҳсида енгилди. Дзюдочи Шукуржон Аминова ва Муроджон Йўлдошев эса 2-даврасида мусобақани тарк этди. Сузиш ва эшкак эшиш баҳсларида ҳам ўзбекистонликлар кейинги босқичга ўта олмади.
Диёра Келдиёрова ўзбекистонликлардан Ута Абэ манзилига негатив изоҳ ёзишни тўхтатишни сўради
Дзюдо бўйича Олимпиада чемпиони Диёра Келдиёрова ўзбекистонликлардан рақиби Ута Абэ ҳақида ҳақоратомуз фикрлар ёзишни тўхтатиш ва барчага ҳурмат кўрсатишни сўради. Аввалроқ 5 йил мағлубиятга учрамаган япониялик спортчи Келдиёровага ютқазганида, нега йиғлаб юборганини тушунтирганди.
«Ўзбекистондаги аёллар ҳаётини ўзгартириш менинг миссиям» — Диёра Келдиёрова Олимпиададаги ғалабаси ҳақида
Париж олимпиадаси чемпиони дзюдочи Диёра Келдиёрова ғалабадан сўнг ўз фикрлари билан ўртоқлашди. У олтин медали Ўзбекистонда аёл спортчиларга катта йўл очишига ишонч билдирди. Шу билан бирга, Ўзбекистондаги аёллар ҳаётини ўзгартириш унинг миссияси эканини таъкидлади.
Париж-2024: 29 июль куни ўзбекистонликларни қандай мусобақалар кутмоқда?
Душанба куни Париждаги Олимпия ўйинларида қиличбоз Зайнаб Дайибекова, дзюдочилар Муроджон Йўлдошев ва Шукуржон Аминова, академик эшкак эшувчи Шаҳзод Нурматов ва Собир Сафаралиев баҳсларга киришади. Боксчилар Руслан Абдуллаев ва Баҳодир Жалоловни ҳам жанглар кутмоқда.
Президент дзюдочи Диёра Келдиёровани Олимпиададаги ғалабаси билан табриклади
Президент Шавкат Мирзиёев дзюдочи Диёра Келдиёровага қўнғироқ қилиб, уни Париждаги Олимпия ўйинларида олтин медални қўлга киритгани билан табриклади. Спортчи ўзининг ғалабаси ҳақида фикр билдирди.
Париж-2024: Дзюдочи Диёра Келдиёрова Олимпиада чемпиони бўлди
Диёра Келдиёрова дзюдо бўйича Париж олимпиадасининг олтин медалини қўлга киритди. У терма жамоага илк медални тақдим этиш билан бирга ёзги олимпиада ўйинлари тарихида совриндор бўлган биринчи ўзбекистонлик аёл спортчи бўлди.
Париж-2024: «Финалдан анча олдинги финал». Дзюдочи Диёра Келдиёрова япониялик олимпиада чемпионини мағлуб этди
Париж олимпиадасининг дзюдо бўйича баҳсларида Диёра Келдиёрова амалдаги жаҳон ҳамда Токио Олимпиадаси чемпиони япониялик Ута Абэни мағлуб этди. 2019 йилдан бери жаҳон турнирларида енгилмаган Ута кўзда ёш билан мусобақани тарк этди. Диёра Келдиёрова эса яна бир рақибини енгиб, ярим финалга чиқди.
Футбол бўйича Ўзбекистон олимпия терма жамоаси мураббийи — Олимпиададан кетиш ҳақида
Ўзбекистон футбол бўйича Олимпиадани «бу қадар эрта» тарк этиш нияти йўқ эди, деди терма жамоа бош мураббийи Тимур Кападзе. Унинг сўзларига кўра, жамоа рақибларини мағлуб этиш учун етарли кучга эга эди, бироқ айрим эпизодларда хатоларга йўл қўйилди.
Ўзбекистон футболчилари Олимпиадада Мисрга мағлуб бўлди
Ўзбекистонлик футболчилар Олимпиададаги иккинчи ўйинни ҳам бой бериб, гуруҳда қолиб кетди. Мисрликларнинг 11-дақиқада урган голи эвазига ҳисоб 0:1 билан тугади. Терма жамоа 30 июль куни Доминикан Республикасига қарши ўйинга тушади.
Париж-2024: 27 июль куни ўзбекистонликларни қайси мусобақалар кутмоқда?
Шанба куни Париждаги Олимпия ўйинларида ўзбекистонликлар 4 та спорт тури бўйича баҳсларга киришади. Дзюдочилар Достон Рузиев ва Халимажон Қурбонова, велоспортчи Ольга Забелинская, боксчи Нигина Ўктамова илк иштирокини бошлайди. Ўзбекистонлик футболчилар эса Мисрга қарши ўйнайди.
Фото: Париж — Олимпия ўйинлари очилиши арафасида
Парижда 26 июль куни 2024 йилги ёзги Олимпиада расман очилади. Тўрт йилликнинг энг катта спорт тадбири арафасида Франция пойтахти Олимпия ранглари ва рамзлари билан тўлди. Шаҳарда хавфсизлик чоралари ҳам кучайтирилган. «Газета.uz» мухбири Евгений Сорочин Париждан олимпияолди фоторепортаж тайёрлади.
Тимур Кападзе Миср билан ўйиндан аввал фикрларини билдириб ўтди
Ўзбекистон ОТЖ бош мураббийи Тимур Кападзе Миср билан бўлиб ўтадиган ўйиндан аввал фикрларини билдириб ўтди. У бўлажак рақибнинг кучли томонлари ҳамда имкониятларини яхши билишларини ва олдинги ўйиндан керакли хулосалар чиқарилганини таъкидлади.
Париж-2024: Ўзбекистонлик камончилар 1/32 финал босқичига чиқди
25 июль куни Олимпия ўйинлари камондан отиш баҳсларининг 1-саралаш босқичи бошланди. Унда Зиёдахон Абдусатторова 649 очко тўплаб, 34-ўринни банд қилди. Амирхон Содиқов эса 674 очко билан 13-натижани қайд этди. Улар 31 июль куни 1/32 финал босқичидан медаллар учун курашни бошлайди.
Тимур Кападзе Олимпия шаҳарчасида муаммолар кўплиги ҳақида гапирди
Ўзбекистон олимпия терма жамоаси мураббийи Тимур Кападзе Франциядаги Олимпия шаҳарчасида муаммолар кўплиги ҳақида маълум қилди. «Олимпия шаҳарчасига келганимиздан бери ҳар куни қандайдир воқеалар содир бўлмоқда. Ҳали автобус келмайди, ҳали автобуслар йўлда адашиб қолмоқда», — дейди жамоа мураббийи.
Энг кўп ўқилган хабарлар | Сўнгги янгиликлар
- Зелимхон Ҳайдаров Теннис федерацияси раҳбарига ўринбосар бўлди
- Футбол: Ўзбекистон U-20 Осиё кубогида Эрондан учралган мағлубиятга қарамай, чорак финалга чиқди (видео, фото)
- Ўзбекистонлик шахматчилар биринчи Freestyle Chess Grand Slam Tour турнирида қанча даромад топди?
- Чемпионлар лигаси нимчорак финали: «Ливерпуль» «ПСЖ» билан, «Реал» «Атлетико» билан ўйнайди
Қўшимча имкониятлардан фойдаланиш учун сайтда рўйхатдан ўтинг