«ақш» тегли мақолалар
АҚШ давлат котиби ёрдамчиси в.б. Ўзбекистонга келади
АҚШ давлат котиби ёрдамчиси вазифасини бажарувчи, Давлат департаментининг Халқаро жамоатчилик билан алоқалар бюроси раҳбари Элизабет Трюдо 3−6 октябрь кунлари Ўзбекистонга келади. У расмийлар ва нодавлат ташкилотлар вакиллари билан учрашади.
Ўзбекистон Россияга қарши санкцияларга риоя қилмоқчи — АҚШ элчиси
Ўзбекистон расмийлари Россияга қарши санкцияларга риоя қилиш истаги борлигини ва уларни четлаб ўтувчи давлатга айланиш ниятида эмаслигини тасдиқлади, деди АҚШнинг Тошкентдаги элчиси Дэниел Розенблюм. Унинг сўзларига кўра, мамлакат ҳукумати АҚШ билан санкциялар режими бўйича маслаҳатлашган.
АҚШ глобал озиқ-овқат инқирозига жавобан Ўзбекистонга $2 млн ажратади
АҚШ Ўзбекистондаги фермер ва ўғит ишлаб чиқарувчиларга ёрдам кўрсатиш учун USAID агентлиги орқали 2 млн доллар ажратади. Ёрдамнинг мақсади глобал озиқ-овқат инқирози шароитида мамлакатнинг озиқ-овқат хавфсизлигини таъминлаш бўйича саъй-ҳаракатларини қўллаб-қувватлашдан иборат.
Йирик ҳажмда ўғрилик қилганликда гумонланган ўзбекистонлик АҚШда ушланди
Ўта йирик ҳажмда ўғриликни содир этганликда гумонланиб, қидирувга берилган ўзбекистонлик фуқаро АҚШда ушланди. Америка томони уни мамлакатдан чиқариб юборди. АҚШ Иммиграция ва божхона назорати ходимлари гумондорни Тошкент аэропортида Ўзбекистон томонига топширди.
АҚШ Афғонистонда «Ал-Қоида» етакчисининг йўқ қилинганини эълон қилди
АҚШ президенти Жо Байден «Ал-Қоида» етакчиси Айман аз-Завоҳирий Афғонистон пойтахти Кобулда ўтказилган аксилтеррор операцияси чоғида ўлдирилганини маълум қилди. Шу билан бирга, унинг оила аъзолари жабрланмаган, тинч аҳоли орасида қурбонлар йўқ.
АҚШ Ўзбекистонни санкцияга тушган товарларни потенциал етказиб берувчилар рўйхатига киритди
АҚШ Молия вазирлиги Ўзбекистон ва бошқа бир қатор давлатларни Россия ва Беларусга санкцияга тушган товарлар етказилиши мумкин бўлган мамлакатлар рўйхатига киритди.
АҚШ Қорақалпоғистондаги воқеаларни очиқ тергов қилишга чақирди
АҚШ Давлат департаменти Нукусдаги воқеалар бўйича хавотирини ҳамда қурбонлар оилаларига ҳамдардлик билдирди. АҚШ Ўзбекистоннинг ҳудудий яхлитлигини қўллаб-қувватлашини таъкидлаб, ҳукуматни фундаментал инсоний ҳуқуқларни, жумладан тинч йиғилиш ва фикр билдириш эркинлигини ҳимоя қилишга чақирди.
АҚШ фуқаролари Регистон майдонида никоҳдан ўтишди
Душанба куни Самарқанддаги Регистон майдонида АҚШ фуқаролари Маршалл Маер ва Эбру Саннинг никоҳ маросими бўлиб ўтди. Улар ўзбек миллий таомларини севиб истеъмол қилиши ва саёҳат вақтида тарихий Самарқандни ёқтириб қолгани боис никоҳини шу ерда ўтказишга қарор қилганини маълум қилишди.
Ўзбекистон компанияси АҚШнинг иккинчи даражали санкцияларига тушди
АҚШ Давлат департаменти Россия корхоналарига қарши санкциялар режимини бузгани учун Ўзбекистоннинг Promcomplektlogistic компаниясига нисбатан чекловларни жорий қилди. У бошқа компаниялар қаторида «Россия ҳарбий-саноат комплексини қўллаб-қувватлаш» да гумон қилиниб, «қора рўйхат» га киритилган.
Фақат куч тилини тушунади, пропагандасини енгиш осон, ҳеч ким объектив маълумотга эга эмас — АҚШ дипломатининг СССР ҳақидаги телеграммаси
1946 йил АҚШ дипломати Жорж Кеннаннинг «Узун телеграммаси»да Совет Иттифоқи сиёсий тизимига берилган таъриф ҳали ҳам долзарб бўлиши мумкин. Советларнинг фақат куч тилини тушуниши, ташқи дунё ҳақида объектив маълумотга эга бўлмаган Сталин, енгиш осон бўлган пропаганда — ҳужжатдаги қизиқарли фикрлар.
«Ўзбекистон — минтақада етакчи, унинг хавфсизлиги — минтақа хавфсизлигидир» — АҚШ Марказий қўмондонлиги раҳбари
АҚШ Марказий қўмондонлиги раҳбари Майкл Курилла Ўзбекистонга ташрифини ҳар бир мамлакат тўқнашаётган хавф-хатарлар ва ҳамкорликни мустаҳкамлаш имкониятлари ҳақида суҳбатлашишни кўзда тутган «тинглаш сафари»нинг бир қисмига қиёслади. У махсус кучлар ўртасида ҳамкорликни кучайтиришни таклиф қилди.
АҚШ ҳаво йўли орқали мамлакатга кирувчилардан ПЗР-тест олишни бекор қилди
12 июндан АҚШга ҳаво йўли орқали кириб келувчи йўловчилардан мажбурий ПЗР-тести талаб қилинмайди. Байден маъмурияти мазкур тартибни халқаро саёҳатчилар АҚШга парвоз қилишдан бир кун олдин бекор қилди.
АҚШнинг Оклахома штатида шифохонада отишма содир бўлди, 5 киши вафот этди
АҚШнинг Оклахома штатида шифохона ҳудудида содир этилган отишма натижасида энг камида беш киши, жумладан ҳужум қилган шахс қурбон бўлди. Шу билан мамлакатда йил бошидан буён 233- оммавий отишма қайд этилди.
Техасда ўсмир йигит мактабда отишма содир этди (янгиланди)
АҚШнинг Техас штатида 18 ёшли ўсмир Сальвадор Рамос бошланғич мактабда отишма содир этди. Ҳодиса натижасида 19 нафар ўқувчи ва битта ўқитувчи ҳалок бўлди.
АҚШнинг Ўзбекистондаги элчиси лавозимига Жонатан Ҳеник номзоди таклиф этилди
Президент Жо Байден АҚШнинг Ўзбекистондаги элчиси лавозимига Жонатан Ҳеник номзодини илгари сурди. 2019 йилдан буён ушбу лавозимни Дэниел Розенблюм эгаллаб келмоқда.
Фарғонада пул эвазига АҚШ ёки Жанубий Кореяга ишга юбормоқчи бўлган шахс ушланди
Марғилонда фуқарони уч йил давомида алдаб, АҚШ ёки Жанубий Кореяга ишга жўнатишига ишонтириб, 12 700 доллар маблағини қўлга киритган шахс ушланди. У 500 долларни қайтариб, ўз айбига иқрор бўлгани айтилмоқда. Унга нисбатан жиноят иши қўзғатилди.
Самарқандда фуқарони учта давлат орқали АҚШга жўнатишни ваъда қилган шахс қўлга олинди
АҚШда яшовчи шериги билан Самарқандда яшовчи фуқарони 40 минг доллар эвазига Туркия ва Лотин Америкаси давлатлари орқали АҚШга юборишни ваъда қилган шахс қўлга олинди. Бундай ҳолатлар ҳудудда аввал ҳам қайд этилган эди.
«Ўзбекистон мувозанатли йўл тутишга мажбур». АҚШ элчиси Ўзбекистоннинг Украина можаросидаги позицияси ҳақида
АҚШ элчиси Дэниел Розенблюм Ўзбекистоннинг Украина можаросидаги позициясини тушунишини маълум қилди. «Россия билан ҳам, Украина билан ҳам чуқур тарихий ва муҳим ришталарга эга. Манфаатлар боис Ўзбекистон мувозанатли йўл тутишга мажбур… Ўзбекистон биронтасининг ёнини олмаяпти», — деди у.
АҚШ, Буюк Британия ва G7 давлатлари Россияга нисбатан янги санкциялар эълон қилди
6 апрель куни АҚШ, Буюк Британия ҳамда «Катта еттилик» мамлакатлари Россияга нисбатан янги санкцияларни эълон қилди. Унга кўра, «Сбербанк» ва Альфа-банк активлари музлатилади, Россияга инвестиция киритиш тақиқланади. Бундан ташқари, Россия бош вазири Михаил Мишустин, Дмитрий Медведев, Владимир Путиннинг қизлари, Сергей Лавровнинг турмуш ўртоғи ва қизи ҳам санкцияга тушган. Батафсил «Газета.uz» материалида.
АҚШнинг собиқ давлат котиби Мадлен Олбрайт вафот этди
АҚШ Давлат департаментини бошқарган биринчи аёл Мадлен Олбрайт 84 ёшида вафот этди.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг