«дхх» тегли мақолалар
Фото: Ўзбекистонда илк бор МДҲ давлатларининг «Шарқ-Аксилтеррор» машғулотлари ўтказилди
Ўзбекистонда илк бор «Шарқ-Аксилтеррор» қўшма антитеррор машғулотлари ўтказилди. Иштирокчилар гаровга олинганларни озод қилиш ва муҳим инфратузилма объектларида шартли террорчиларни зарарсизлантириш сценарийларини ишлаб чиқди, бунда авиация ва учувчисиз аппаратлардан фойдаланилди.
ДХХ 3 та вилоятда ноқонуний ер савдоси ҳолатларига чек қўйди
Ўрта Чирчиқда фуқаро ободонлаштириш учун ажратилган 2 га ерни 560 минг долларга сотмоқчи бўлганда ушланди. Бошқа ҳолатда Фарғонада туман ҳокимлигининг ери 410 минг долларга сотилишининг олди олинди. ДХХ жами 5 та ҳолатда ноқонуний ер савдосини тўхтатиб қолди.
Тошкент ва Жиззах вилоятларида ҳоким ёрдамчилари пора билан ушланди
Ўрта Чирчиқ ва Ғаллаорол туманларидаги маҳаллаларда ҳоким ёрдамчиси бўлиб ишловчи икки нафар шахс пора билан ушланди. Бири ижарага ер олиб бериш учун фуқародан 15 минг доллар сўраган, бошқаси — шифохонага ишга киритиб қўйиш учун 1200 доллар. Уларга нисбатан жиноят ишлари қўзғатилди.
Тошкентда ўзини «Ўзбекфильм» масъули деб таништириб, 20 минг доллар олган шахс ушланди
Тошкентда ўзини «Ўзбекфильм» масъули дея таништирган шахс маҳкума аёл ҳаётига бағишланган сериал суратга олиш эвазига фирибгарлик йўли билан 20 минг доллар олганда ушланди. Тошкент вилоятида эса чет тили бўйича сохта сертификат олиб бермоқчи бўлган консалтинг фирма раҳбари $3500 устида қўлга олинди.
Андижонда ноқонуний дори воситалари савдоси билан шуғулланганлар 5 ва 3 йилга қамалди
Андижон вилоятида умумий қиймати 1,6 млрд сўмлик дори воситаларининг ноқонуний савдоси билан шуғулланган икки шахсга ҳукм ўқилди. Улардан бири 5 йилга, иккинчи эса 3 йилга озодликдан маҳрум қилинди.
ДХХ республиканинг 3 та ҳудудида гиёҳвандлик воситалари айланмаси билан шуғулланган шахсларни ушлади
Фарғона, Хоразм ва Тошкентда гиёҳвандлик воситаларининг ноқонуний айланмаси билан шуғулланган шахслар қўлга олинди. Улардан 15 килограммдан ортиқ тақиқланган моддалар мусодара қилинди.
Тошкентда «аптека наркотиклари»нинг салкам 3 млн долларлик йирик партияси мусодара қилинди
Тошкентда ИИВ ва ДХХ ходимлари «закладка» усули орқали ноқонуний тарқатиш учун тайёрланаётган 42 кг дан ортиқ «аптека наркотиклари»ни тўхтатиб қолди. Уларнинг умумий чакана нархи 35,7 млрд сўмни (деярли 3 млн доллар) ташкил қилди.
Ҳудудларда фуқароларни пул эвазига ўқишга киритиб қўймоқчи бўлган шахслар ушланди
Давлат хавфсизлик хизмати Фарғона ва Қорақалпоғистонда фуқароларни пул эвазига ўқишга киритиб қўймоқчи бўлган шахсларни қўлга олди. Яна бир ҳолатда эса инглиз тили бўйича сертификат олиб бермоқчи бўлган киши ушланди.
ДХХ 4 та вилоятда коррупция ва фирибгарликда гумонланаётганларни ушлади
Тошкент вилоятида газ таъминоти бош муҳандиси (8500$), Хоразмда ДУК мутахассиси (3500$) ва Савдо-саноат палатаси бўлими ходими, Қашқадарёда тиббиёт бирлашмаси бошлиғи в.б. (1500$), Самарқандда МЧЖ мутахассиси (1100$) ҳамда божхона пости бошлиғи (200$) коррупция ва фирибгарликда гумонланиб ушланди.
Тошкент ва Наманганда Қирғизистондан олиб ўтилган кучли таъсир қилувчи дори воситалари мусодара қилинди
Тошкент ва Наманган шаҳарларида Қирғизистондан контрабанда йўли билан олиб келинган кучли таъсир қилувчи дори воситалари сақлаган ва савдоси билан шуғулланган шахслар қўлга олинди. Дори воситалари эса мусодара қилинди.
Фуқароларни АҚШга жўнатишни ваъда қилган бир неча киши қўлга олинди
Давлат хавфсизлик хизмати фуқароларни Тошкентда 334 млн сўм, Чинозда 42 минг доллар, Самарқанд вилоятида эса 19 минг доллар эвазига АҚШга жўнатмоқчи бўлган шахсларни қўлга олди.
ДХХ тўртта вилоятда наркотик ҳамда кучли таъсир қилувчи дориларни сотишга уринганларни қўлга олди
ДХХ Сирдарё, Фарғона, Хоразм ва Андижон вилоятларида турли гиёҳвандлик ва «Регапен» каби кучли таъсир қилувчи дориларнинг ноқонуний айланмасига чек қўйди. Наркотик моддалар ва дориларнинг аксарияти Қирғиз Республикасидан айланма йўллар орқали олиб келинган (фото, видео).
Бекободда ферма мансабдорлари 1 млрд сўмдан ортиқ кредит пулини талон-торож қилгани айтилмоқда
Тошкент вилоятида ферма мансабдорлари чорва моллари импорти учун банкдан 1 млрд 680 млн сўм кредит, давлат жамғармасидан эса 116 млн сўм субсидия олган. Улар банкка кўрсатилган бизнес режага амал қилмай, молларни сотиб юборган ва кредитни ўзлаштирган. Ферма ва банк мансабдорлари тергов қилинмоқда.
ДХХ фуқароларни пора эвазига ўқишга киритиб қўйишга уринганларни қўлга олди
Давлат хавфсизлик хизмати Тошкент шаҳри, Қашқадарё, Хоразм ва Тошкент вилоятларида фуқароларни пора эвазига ўқишга киритиб қўйишга уринган шахсларни қўлга олди. Уларга нисбатан жиноят ишлари қўзғатилди.
ДХХ 3 та вилоятда коррупцияда гумонланаётганларни қўлга олди
Гулистонда электр корхонаси муҳандиси қарздорликни ҳисобдан чиқариш эвазига пора олишда гумонланиб ушланди. Қибрайда хусусий корхона раҳбари тендерда ютиб бериш эвазига тадбиркордан 4 млрд сўм талаб қилгани, Навоий вилоятида киберхавфсизлик бўлинмаси ходими фуқародан 600 доллар олгани айтилмоқда.
Ҳудудларда пора олишда гумонланган прокурорлар ва ФВБ ходими қўлга олинди
Сирдарё ва Сурхондарё вилоятлари ҳамда Тошкент шаҳрида прокурорлар ва ФВБ ходими пора олишда гумонланиб қўлга олинди. Уларга нисбатан жиноят иши қўзғатилиб, тегишли тартибда қамоққа олинди.
Ўзбекистоннинг Қозоғистон билан чегарасида туннель аниқланди, 1 млрд сўмлик дорилар олиб қўйилди
Тошкент вилоятининг Қозоғистон билан чегара ҳудудида яширин туннель аниқланиб, жиноий гуруҳ аъзоларидан Ҳиндистонда чиқарилган 1 млрд сўмлик дори воситалари олиб қўйилди. Узунлиги 310 метр бўлган туннелда ҳаво вентиляцияси, ёритиш тизими, юк арава ва арқонлар борлиги аниқланди (+ видео).
Учта туман ҳокими ўринбосарлари пора олишда гумонланиб ушланди
ДХХ Тахиатош, Бўстон ва Бўка туманлари ҳокимлари ўринбосарларини пора олишда гумонлаб қўлга олди. Хусусан, Тахиатош ҳокими ўринбосари фуқарога ҳокимлик балансидаги бузилишга тушган уйни фуқарога расмийлаштириб бериш эвазига 35 млн сўм талаб қилган.
Сурхондарё ва Фарғонада Тожикистондан олиб келинган қарийб 26 кг гиёҳвандлик воситалари мусодара қилинди
ДХХ Сурхондарё ва Фарғона вилоятларида Тожикистондан салкам 26 килограмм гиёҳвандлик моддасини олиб келган шахслар аниқланди. Уларга нисбатан жиноят ишлари қўзғатилиб, қамоқ эҳтиёт чораси қўлланилди.
ДХХ тўғрисидаги қонунга унинг фаолиятида қонунларга риоя этилишини назорат қилиш масалалари бўйича ўзгартиришлар киритилмоқда
Давлат хавфсизлик хизмати фаолиятини ташкил этишнинг усуллари, шакллари ва махсус воситалари тўғрисидаги маълумотлар унинг фаолиятида қонунларнинг аниқ ва бир хилда ижро этилиши устидан назоратни амалга оширувчи прокуратура назорати предметидан чиқариб ташланиши режалаштирилмоқда.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг