«иив» тегли мақолалар
ИИВ Sevimli телеканали тасвирчиси жанжал вақтида жароҳат олганини маълум қилди
ИИВ ички ишлар ходимлари калтаклагани айтилган Sevimli телеканалининг тасвирчиси стадионга киришга уринган оломоннинг жанжали вақтида жабрланганини маълум қилди. «Жамоат тартибини бузган фуқароларни аниқлаш бўйича ишлар олиб борилмоқда», — дейилади хабарда.
Sevimli телеканали журналистлари ИИО ходимлари томонидан калтакланганини маълум қилди
Sevimli телеканали Ўзбекистон-Ироқ ўйинини видеога олаётган тасвирчи бир гуруҳ ички ишлар органлари ходимлари томонидан калтакланганини хабар қилди. Ходимлар кейин узр сўрашган ва воқеа ҳақида хабар бермасликни талаб қилишган. Телеканал янгиликни ўчириб ташлади.
ИИВ калтакланганини таъкидлаган жуфтлик билан боғлиқ ҳолатга изоҳ берди
ИИВ матбуот котиби ИИБ ходимлари калтаклашганини айтган йигит ва қиз «гиёҳвандлик воситаларига алоқадорлик, шунингдек, профилактик назорат бузилиши» бўйича гумонланиб, текшириш учун бўлимга олиб борилганини маълум қилди.У «бошиданоқ фуқаролар ўзини ноўрин тутганини» айтиб, қисқа видеони эълон қилди.
Сирдарё ҲЭТКнинг икки ходими тадбиркордан $51 минг талаб қилгани айтилмоқда
Сирдарё ҳудудий электр тармоқлари корхонасининг икки ходими тадбиркордан электр энергияси линиясини улаб бериш эвазига 51 минг доллар талаб қилганликда гумонланмоқда. ДХХ уларни келишилган маблағдан 300 млн сўми ва 5 минг долларини олган вақтида ушлади. Уларга нисбатан жинояти иши қўзғатилди.
Самарқанд ва Наманганда ички ишлар ходимлари фуқароларни қасддан айбдор қилишга урингани айтилмоқда
Самарқанд ва Наманган вилоятларида ички ишлар ходимлари фуқароларни қасддан айбдор қилишга урингани айтилмоқда, бунинг исботи эса видео лавҳаларда акс этган. Самарқандда ички ишлар ходими аёл кишини прокуратура биносидан чиқаришга уринаётганида ўз қўли билан хизмат кийимидаги погонини юлиб ташлаган, бунинг учун эса суд аёлни айбдор деб топган. «Эзгулик» жамияти тергов ва суд иши қонунга зид олиб борилганини айтмоқда. Намангандаги ҳолатда эса ЙПХ ходими ҳайдовчи билан тортишиб, унга боши билан зарба берган, инспекторга нисбатан хизмат текшируви тайинланди.
Учта ҳудудда ер майдонини ноқонуний тарзда сотишга уринган шахслар ушланди
Ҳуқуқни муҳофаза қилувчи органлар ходимлари Қорақалпоғистонда 0,5 гектар ерни 47 минг долларга, Тошкентда 6 сотих майдонни 14 минг долларга ҳамда Бухорода 4 сотих ерни 9 мингга сотишга уринган шахсларни қўлга олди. Гумондорларга нисбатан жиноят иши қўзғатилди.
Хоразмда одамларни дўппослашда гумонланаётган гуруҳ қўлга олинди
Хоразм вилоятида одамларни уриб, дўппослаб келганликда гумонланаётган 3 нафар шахс қўлга олинди. Гумонланувчиларга тегишли автомашиналардан пичоқ ва темир бита топилган.
Тошкентда кузатилаётган шамол туфайли ҳайдовчилардан машиналарини дарахт тагида қолдирмаслик сўралди
ИИВ Йўл ҳаракати хавфсизлиги хизмати Тошкентда кузатилаётган кучли шамол сабабли ҳайдовчилардан автомобилларини дарахтлар тагида қолдирмасликни сўрамоқда. Ўзгидромет маълумотларига кўра, шамол тезлиги 18−23 м/с гача кучайиши мумкин.
ЙПХ ходими суратини унинг рухсатисиз тарқатишни тақиқлаш таклиф этилмоқда
ИИВ ЙПХ ходимининг фото ва видеосини унинг рухсатисиз тарқатишни тақиқлашга оид таклиф назарда тутилган Вазирлар Маҳкамаси қарори лойиҳасини эълон қилди. Жамоатчилик вакиллари эса бунга қарши муносабат билдирди, жумладан, Davletovuz ёзишича, «бу ёпиқликка, орқага ташланган қадам». Нурбек Алимов эса бу билан жамоатчилик назорати йўқолишини таъкидлади. Хушнудбек эса ВМнинг бундай чеклов ўрнатишга ваколати йўқлигини эслатиб ўтди.
2021 йилда ҳар учинчи қотиллик оилавий муаммолар туфайли содир этилган — ИИВ
Сенатнинг ялпи мажлисида ички ишлар вазири Пўлат Бобожонов 2021 йилда ҳар учинчи қотиллик (158 таси) ва оғир тан жароҳати етказиш жиноятларининг 190 таси оилавий муаммолар туфайли содир этилганини маълум қилди. Қолаверса, ўтган йили аниқланган жиноятларнинг 89 фоизи фош этилгани, қидирувдаги 4,6 мингдан ортиқ шахс эса ушлангани айтилди.
Самарқандда «Ҳизб ут-Таҳрир» тарафдорлигида гумонланаётган бир гуруҳ фуқаролар қўлга олинди
Самарқанд вилоятида «Ҳизб ут-Таҳрир» террористик ташкилоти ғоялари акс этган материалларни тарқатганликда гумонланган 9 нафар фуқаро ушланди. Улар Ўзбекистоннинг конституциявий тузумига тажовуз қилишда айбланмоқда.
ИИВ раҳбари ўринбосари қоидабузар ҳайдовчиларга балл бериш тизими нега 3 йил илгари жорий қилинмаганига изоҳ берди
12 ой давомида ҳайдовчининг қоидабузарлиги учун ҳисобланган жарима баллари 12 баллдан ошса, уни ҳайдовчилик ҳуқуқидан бир йилга маҳрум этиш режалаштирилмоқда. Шундан сўнг, ҳайдовчи қайта имтиҳон топшириб, гувоҳномани олиши мумкин бўлади. Аслида, мазкур тартиб 2018 йилдаёқ ишлаб чиқилган, бироқ жорий этилмаганди. ИИВ раҳбари ўринбосари Бекмурод Абдуллаев «У пайтда биз ҳали бунга тайёр бўлмагандирмиз, вақти энди келгандир», деб изоҳ берди.
Ички ишлар ходимларини видеога олиб, унинг рухсатисиз ижтимоий тармоқларга жойлаш тақиқланиши мумкин
Ички ишлар вазири ўринбосари Бекмурод Абдуллаев хизмат вазифасини бажараётган ходимларни видеога олгандан сўнг, унинг рухсатисиз ижтимоий тармоқларга жойлаганлик учун маъмурий жавобгарлик белгиланишини маълум қилди. ИИВ раҳбари матбуот котиби Шохруҳ Ғиёсов бу борада ҳужжат ҳали ишлаб чиқилмаганини айтди. Унинг қўшимча қилишича, «тўлиқ тақиқ бўлмаса-да, қандайдир чегаралар қўйилади». Бунга депутат Расул Кушербаев эътироз билдирди.
Сирдарёда икки фуқаро экстремистик ғояларни тарғиб қилганликда гумонланмоқда
Сирдарё вилоятида икки фуқаро ижтимоий тармоқларда экстремистик ва террорчилик материалларини тарқатганликда гумон қилинмоқда. Улардан бири Telegram`да виртуал гуруҳ очиб, ақидапарастликни тарғиб қилувчи аудио ва видео материалларни жойлаштиргани айтилмоқда. Ҳолат юзасидан жиноят иши қўзғатилди.
Ўзбекистон Vision Zero элементларини ҳаётга тадбиқ қилмоқчи
Ўзбекистон ҳаракат хавфсизлигини таъминлаш учун 10 дан ортиқ хорижий давлат тажрибаси, жумладан, Vision Zero стратегиясини ҳаётга тадбиқ этмоқчи. ИИВ раҳбари ўринбосари Бекмурод Абдуллаевнинг сўзларига кўра, ушбу тажриба Фарғона вилоятида яхши натижа берган. Эндиликда пиёдаларга йўлларни кесиб ўтиш учун шароит яратиш билан бирга қоида бузганларини жазолаш ҳам кўзда тутилмоқда. UNICEF ҳамкорлигида эса болалар учун видео ва китоб шаклида қўлланмалар ишлаб чиқилади.
Бир қатор туманларда ИИБ раҳбарлари ўзгарди
Қорақалпоғистон Республикасининг Беруний ва Кегейли туманларида ИИБ бошлиқлари ўзгарди. Шунингдек, Бухоро ва Навоий вилоятларининг бир қанча туман ИИБларида ҳам лавозим тайинловлари амалга оширилди.
Тошкентда эркак 81 ёшли аёлга куч ишлатиб, 1 млн сўм пулини ўзлаштиргани айтилмоқда
Мирзо Улуғбек туманида эркак 81 ёшли кекса аёлдан сув сўраб, шундан сўнг, уни синтетик мато билан бўғиб, хонадондаги 1 млн сўмни ўзлаштиргани айтилмоқда. Тергов ҳаракатлари натижасида бу ишни амалга оширганликда 50 ёшли эркак гумонланиб, ҳибсга олинган. Унга нисбатан жиноят иши қўзғатилди.
Ўзбекистонда ов қуролига эгалик қилишнинг энг кам ёшини 25 ёшгача ошириш таклиф этилди
Депутатлар ов қуролига эгалик қилишнинг минимал ёшини 21 ёшдан 25 ёшгача оширишни назарда тутувчи қонун лойиҳасини муҳокама қилмоқда. Ҳужжатда барча турдаги пневматик қуролга эгалик қилишни ички ишлар органларининг рухсатномаси орқали амалга ошириш ва фуқаро эгалик қилиши мумкин бўлган қуроллар сонини 3 дона билан чегаралаш таклифи ҳам илгари сурилмоқда.
«Энди пули ёки таниши борлар эмас, фақат билими борларгина рулга ўтиради, бундан бошқасига рози эмасмиз» — вазир ўринбосари
Ички ишлар вазири ўринбосари Бекмурод Абдуллаевнинг сўзларига кўра, ҳайдовчилик гувоҳномасини олиш учун имтиҳонлар инсон омилидан ҳоли, автоматлаштирилган тарзда ўтказилиши жараёндаги коррупцион ҳолатларга чек қўяди. «Имтиҳондан пул, таниш-билиш орқали билан ўтишнинг имкони бўлмагач, ҳамма ўз-ўзидан ўқишга мажбур бўлади, масъулиятсиз автомактаблар эса ёки ишини йиғиштиради, ёки сифатли таълим беришни бошлайди», — деди вазир ўринбосари.
Арзон квартира ҳақида эълон бериб, фуқаронинг пулини ўзлаштирганликда гумонланувчи шахс қўлга олинди
ИИВ Киберхавфсизлик маркази ходимлари ижтимоий тармоқлар ва olx.uz сайтида квартирани ижарага бераман деб, фуқаронинг пулини ўзлаштирганликда гумонланаётган шахсни қўлга олди. У квартира учун аванс тариқасида берилган 500 минг сўмни ўзлаштирганлиги айтилмоқда.
Энг кўп ўқилган хабарлар | Сўнгги янгиликлар
- Июль ойида об-ҳаво қандай бўлади?
- «Ваҳшийларча муносабат қилиб, укамни ўлдиришди» — ИИБ биносида вафот этгани айтилаётган эркакнинг акаси
- Ўзбекистонда тунги вақтда шовқин кўтарганлик учун жавобгарлик кучайтирилмоқда
- Учта туман ҳокими ўринбосарлари пора олишда гумонланиб ушланди
- «Бу адолатга киришни чеклайди». Адвокат — терговчилар ва ҳимоячилар имкониятларидаги тенгсизлик ҳақида
Қўшимча имкониятларга эга булиш учун сайтда рўйхатдан ўтинг