«президент фармони» тегли мақолалар
Ўзбекистонда Очиқлик индекси жорий этилади
Президент фармони билан Очиқлик индекси жорий этилади. Унга кўра, 8 та индекатор бўйича энг юқори балл тўплаган ташкилотлар рағбатлантирилади, салбий кўрсаткич қайд этганлар эса жавобгарликка тортилади. Қолаверса, очиқликни таъминлаш борасида Антикоррупция агентлигига қўшимча ваколатлар берилмоқда.
Кичик бизнесга кредитларни тўлашда ёрдам берилади
Тадбиркорликни қўллаб-қувватлаш давлат жамғармаси томонидан кичик бизнес субъектларига кредитлар ва лизинг шартномалари бўйича фоизларнинг бир қисмини тўлаш учун компенсациялар ҳамда кредитлар бўйича кафолатлар берилади.
Сейсмик заиф кўп қаватли уйлар ўрнига янгилари қурилади
Президент фармони билан 1 октябрдан республикадаги кўп квартирали уй-жойлар зилзилабардошлик бўйича хатловдан ўтказилиб, улар натижаларига кўра сейсмик заиф ва авария аломатлари аниқланган уйлар ўрнига янгилари қурилади. Шунингдек, 2023 йилдан бошлаб 9 ва ундан юқори қаватли янги қурилаётган биноларда вибродинамик ускуна ёки махсус асбоб-ускуналар ёрдамида синов ва текширув ўтказиб борилади.
Доривор ўсимликларни етиштирувчиларга кредит ва солиқ имтиёзлари берилди
Президент фармони билан доривор ўсимликларни ишлаб чиқариш ва қайта ишлаш билан шуғулланувчи оилавий тадбиркорлар ва кичик бизнес субъектлари учун солиқ ва кредит имтиёзлари берилди. Беш йилда 36 минг гектарда доривор ўсимликларнинг янги плантациялари яратилади. Ўзбекистонда ишлаб чиқарилмайдиган ускуналар эса 2025 йилгача божхона божидан озод қилинди, ҚҚСни кечиктириб тўлашга рухсат этилиб, ташиш харажатларининг 50 фоизгача қисми қопланиши белгиланди.
Тиббиёт ходимларининг ойлик маоши оширилади
Президент фармони билан 1 июндан бошлаб давлат тиббиёт муассасаларидаги тиббиёт, фармацевтика ва бошқа ходимларининг ойлик лавозим маошлари оширилади. Бир қанча устамалар ҳам жорий этилади. 1 сентябрдан бошлаб тиббий-профилактика муассасалари ходимлари илмий даража учун маошининг 30 фоизидан 60 фоизигача қўшимча ойлик олади.
Хусусий тиббиёт муассасаларининг лицензия олиш тартиби соддалаштирилади
Президент фармони билан хусусий тиббиёт муассасаларининг лицензия олиш тартиби соддалаштирилади. Қолаверса, хорижлик шифокорларга Ўзбекистонда фаолиятини амалга ошириш тасдиқномаси учун йиғим 6 бараварга камайтирилади, 1 ойга келган шифокорлардан эса тасдиқнома талаб этилмайди. Қолаверса, даволаниш мақсадида келган хорижликлар туристик йиғимдан озод этилади.
Тошкент жамоат транспортига хусусий сектор жалб этилади
Президент 1 августга қадар Тошкент жамоат транспортига хусусий секторни жалб этиш юзасидан таклифлар ишлаб чиқишга кўрсатма берди. Шунга қарамасдан, йил охиригача «Тошкент шаҳри мисолида» Нукус шаҳри ва барча вилоятлар марказларида жамоат транспорти инфратузилмасини ривожлантириш стратегиясини ишлаб чиқиб, жорий этиш режалаштирилмоқда.
Давлат корхоналари устидан янада кўпроқ назорат ўрнатилади — президент фармони
Давлат корхоналарининг квазифискал харажатлари яхшироқ назорат қилинади, давлат корхоналарига уларнинг фаолиятига мос келмайдиган янги кўчмас мулк объектларини сотиб олиш ва қуриш тақиқланади. Президентнинг янги фармони билан давлат корхоналари учун бошқа тақиқ ва чекловлар ҳам жорий этилмоқда.
Президент 63 нафар маҳкумни афв этди
Президент фармони билан озодликдан маҳрум этиш жазосини ўтаётган, қилмишига пушаймон бўлган ва тузалиш йўлига ўтган 63 нафар шахс афв этилди. Уларнинг икки нафари 60 ёшдан ошган шахслар ҳисобланади.
УЖК хизматлар ҳақини тўлаш бўйича имтиёзлар ўрнига ойлик компенсация тўловлари жорий этилади
Президент фармони билан 1 мартдан бошлаб уй-жой коммунал хизматлар ҳақини тўлаш бўйича имтиёзлар ўрнига ойлик компенсация пул тўловлари тўлаб борилади. Қолаверса, ижтимоий нафақа олувчи ўзгалар парваришига муҳтож ёлғиз шахсларга компенсация жорий қилинади. 100 ёшдан ошган фуқароларга эса ҳар ойда қўшимча тўлов белгиланмоқда.
Келгуси 5 йилга мўлжалланган Тараққиёт стратегияси тасдиқланди
Президент фармони билан 2022−2026 йилларга мўлжалланган Янги Ўзбекистоннинг тараққиёт стратегияси тасдиқланди. Унга кўра, 2026 йилгача эҳтиёжманд аҳоли ижтимоий нафақа ва моддий ёрдам билан тўлиқ қамраб олинади. Қолаверса, 2023 йилдан ҚҚС 12 фоизгача туширилади.
5 йилда мактабгача таълим қамровини 80 фоизга етказиш кутилмоқда
Тараққиёт стратегияси лойиҳасига кўра, келгуси 5 йилда мактабгача таълимдаги қамров даражасини 62 фоиздан 80 фоизга етказиш режалаштирилмоқда. 2026 йилга келиб эса 6 ёшли болаларни 100 фоиз мактабгача тайёрлов тизими билан қамраб олиш кутилмоқда. Бунинг учун эса 7 мингдан ортиқ нодавлат муассасаларни қуриш, 160 мингдан кўпроқ кадрлар малакасини ошириш мақсад қилинган.
Янги йил арафасида ўзбекистонликлар 5 кун дам олади
Президент фармони билан 2022 йилда қўшимча дам олиш кунлари белгиланди. Унга кўра, иш ҳафтасидан қатъий назар барча ходимлар Янги йил байрами муносабати билан 5 кун дам олади.
Конституция куни арафасида 182 нафар маҳкум афв этилди
Президент фармони билан Конституция куни арафасида билиб-билмай жиноят содир этган, қилмишига чин дилдан пушаймон бўлиб, тузалиш йўлига қатъий ўтган 182 нафар маҳкум афв этилди. Уларнинг 6 нафарини чет эл фуқаролари, 6 нафарини 60 ёшдан ошганлар, 9 нафарини аёллар ва 25 нафарини тақиқланган ташкилотларга алоқадор бўлганлар ташкил этди.
Ҳоким ёрдамчиларининг маоши улар ишлайдиган маҳалладаги хонадонлар сонига қараб белгиланади
Президент фармонига биноан, ҳоким ёрдамчиларининг ойлик иш ҳақи миқдори улар бириктирилган маҳалладаги хонадонлар сонига мутаносиб равишда белгиланади. Шунингдек, ҳукумат бир ой муддатда ҳоким ёрдамчилари фаолиятини қўллаб-қувватлаш жамғармаси тўғрисидаги низомни тасдиқлайди.
Ўзбекистон ХТТБ ва ХМКнинг устав капиталидаги жами 104,7 млн долларлик қўшимча акцияларига обуна бўлмоқда
Президент қарорига кўра, Халқаро тикланиш ва тараққиёт вазирлиги (ХТТБ) ҳамда Халқаро молия корпорацияси (ХМК) устав капиталидаги қўшимча акциларига обуна бўлади. Учта вазирликнинг ХТТБ ва ХМКнинг устав капиталидаги мос равишда 91,92 млн долларлик 762 дона ва 12,78 млн долларлик 12 781 дона акцияларни харид қилиш бўйича таклифи маъқулланган.
Миллий гвардиянинг қонун ва тартибни ҳимоя қилиш ваколатлари кенгайтирилди
Эндиликда Миллий гвардия оммавий тадбирларни ўтказишда, шунингдек, жамоат жойларида жамоат тартибини мустақил равишда таъминлайди. Бундан ташқари, Миллий гвардия жамоат тартибини сақлаш соҳасида содир этиладиган маъмурий ҳуқуқбузарликлар тўғрисидаги ишларни кўриб чиқиш ҳуқуқини олиши мумкин.
Энди пахта кластерлари билан тузилган битим суд орқали бекор қилинади
Президент фармони билан пахта-тўқимачилик кластерлари фаолияти тартибга солинмоқда. Эндиликда кластерлар махсус комиссия хулосаси асосида Ҳукумат қарори билан ташкил қилинади ва 30 йилга битим тузилади. Томонлардан бири қарши бўлса, мажбуриятлар ўз вақтида бажарилмаса ёки кластерга аъзо фермерларнинг 66 фоизи мурожаат қилсагина битим бекор қилинади.
Нормат Турсунов Навоий вилояти ҳокими вазифасини бажарувчи этиб тайинланди (янгиланди)
Навоий вилояти ҳокими Қобул Турсунов соғлиги даволаниш талаб этилганлиги сабабли, ўз аризасига мувофиқ вазифасидан озод этилди. Тошкент шаҳар давлат солиқ бошқармаси бошлиғи сифатида фаолият юритиб келган Нормат Турсунов вилоят ҳокими вазифасини бажарувчи этиб тайинланди.
1 ноябрдан мингта хонадонли МФЙлар ходимлари маоши 35 фоизга оширилади — президент фармони
Президент фармони билан 1 ноябрдан ҳудудида хонадонлар сони мингта ва ундан ортиқ бўлган МФЙ ходимлари ойлик маоши 35 фоизга оширилади. Фуқароларнинг ўзини ўзи бошқариш органлари ходимларини рағбатлантириш жамғармаси ташкил этилади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Ўзбекистонликлар 8 март муносабати билан неча кун дам олади?
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
Қўшимча имкониятлардан фойдаланиш учун сайтда рўйхатдан ўтинг