«толибон» тегли мақолалар
Путин «Толибон»ни террористик ташкилотлар рўйхатидан чиқариш бўйича қонун имзолади
Россия президенти Владимир Путин 2003 йилдан бери тақиқда бўлган «Толибон» ҳаракатини террорчи ташкилотлар рўйхатидан чиқаришга рухсат берувчи қонунни имзолади.
«Толибон»нинг қочқинлар бўйича вазири портлашда ҳалок бўлди
«Толибон» ҳукуматининг қочқинлар ишлари бўйича вазири в.б. Ҳалил Раҳмон Ҳаққоний ва яна олти киши Кобулда содир бўлган портлашда ҳалок бўлди. «Толибон» ҳукумати матбуот котиби Ҳаққоний «Исломга даъво қиладиган хорижийлар» томонидан ўлдирилганини билдирди.
Россия Думаси «Толибон»га қўйилган тақиқни бекор қилиш лойиҳасини биринчи ўқишда қабул қилди
Россия Давлат думаси «Толибон»ни террорчи ташкилотлар рўйхатидан чиқариш имконини берувчи қонун лойиҳасини биринчи ўқишда қабул қилди. Аввалроқ ҳукумат мазкур қонун лойиҳасига ижобий шарҳ тайёрлаганди.
«Толибон» ҳукумати даврида 250 дан ортиқ ҳолатда журналистлар ҳибсга олинди — БМТ
БМТнинг Афғонистондаги миссияси «Толибон» уч йил аввал ҳокимиятни қўлга олганидан буён журналистларни ўзбошимчалик билан 256 марта ҳибсга олганини маълум қилди. Шунингдек, у ердаги расмийларни оммавий ахборот воситаларини ҳимоя қилишга чақирди.
«Афғон халқининг ҳам Амударё сувидан фойдаланишга ҳаққи бор» — президентнинг махсус вакили
Исматулла Иргашевга кўра, Афғонистон ҳам Амударё сувидан фойдаланишга ҳақли. Аммо бу борада бир қанча масалалар мавжуд. «Биз яқин қўшнимиз бўлмиш афғон халқи билан буларнинг ечимини албатта, топамиз» — деди у. Яқинда Тошкентда Қўштепа каналини қуриш бўйича ишчи гуруҳи мажлиси ўтказилиши кутилмоқда.
Қирғизистон «Толибон»ни тақиқланган ташкилотлар рўйхатидан чиқарди
Қирғизистон ТИВ «минтақавий барқарорликни мустаҳкамлаш ва мулоқотни давом эттириш» мақсадида «Толибон»ни тақиқланган ташкилотлар рўйхатидан чиқарди. Мамлакат Афғонистонда ҳамда бутун минтақада тинч муҳитни таъминлаш бўйича саъй-ҳаракатларни қўллаб-қувватлаш тарафдорилигини билдирди.
«Толибон» афғон аёлларига жамоат жойларига юзи очиқ ҳолда чиқишни расман тақиқлади
Толибон Афғонистонда аёлларга «васвасага тушмаслик ва бошқаларни ҳам васвасага солмаслик» учун юзлари очиқ ҳолда саҳнада кўринишни, шунингдек, жамоат жойларига чиқишни расман тақиқлади. Тақиқлар Иллатлар ва фазилатлар тўғрисидаги қонунларнинг биринчи декларациясига киритилди.
ЕИ давлатлари Афғонистонда элчихоналар очиш имкониятини кўриб чиқмоқда — Bloomberg
Бир қатор ЕИ давлатлари Афғонистонда 2021 йилда Толибон ҳокимият тепасига келганидан кейин ёпилган элчихоналарини қайта очиш имкониятини кўриб чиқмоқда, деб ёзди Bloomberg.
Германия афғонларни Ўзбекистон орқали депортация қилиш бўйича музокаралар олиб бормоқда — Bloomberg
Германия ҳукумати Ўзбекистон билан Германиядан афғон қочқинларини депортация қилиш имконини берувчи келишувни тузиш бўйича музокаралар олиб бормоқда, деб ёзмоқда Bloomberg. Бундай келишув Берлинга «Толибон» билан бевосита келишувлардан тийилиш имконини беради.
Қозоғистон «Толибон»ни террорчилар рўйхатидан чиқарди
Қозоғистон президенти Қосим-Жомарт Тоқаев мамлакат «замонавий Афғонистон билан савдо-иқтисодий ҳамкорликни ривожлантириш муҳимлиги ва бу режим узоқ муддатли омил эканини англаган ҳолда» «Толибон»ни террорчилар рўйхатидан чиқарганини айтди.
Қозоғистонда «Толибон» тақиқланган ташкилотлар рўйхатидан чиқарилди
Қозоғистон ҳукумати «Толибон»ни тақиқланган ташкилотлар рўйхатидан чиқаришга қарор қилди.
БМТ: Афғонистонда кўкнори етиштириш 95 фоизгача камайди
БМТ ҳисоб-китобларига кўра, Афғонистонда кўкнори етиштириш «Толибон» тақиқидан кейин 95 фоизгача камайди. Кўплаб афғон фермерлари буғдой етиштиришга ўтган.
Ўзбекистон йил охиригача Қўштепа канали юзасидан Афғонистонга ҳукумат делегациясини юборади
«Толибон» қураётган Қўштепа канали қурилиши юзасидан Ўзбекистон ҳукумати делегацияси тузилмоқда ва у музокаралар ўтказиш учун йил охиригача Афғонистонга юборилади, дея маълум қилди «Газета.uz» билан суҳбатда делегация аъзоси, Сурхондарё вилояти ҳокими Улуғбек Қосимов.
БМТ махсус элчиси Гаага судини «Толибон»нинг аёлларга қарши жиноятларини тергов қилишга чақирди
БМТнинг глобал таълим бўйича махсус элчиси Гордон Браун Гаагадаги Халқаро жиноий судни Афғонистонда аёллар ва қизларга нисбатан дискриминация учун «Толибон»ни жавобгарликка тортишга чақирди.
АҚШ «Толибон»ни инсон ҳуқуқларини ҳурмат қилишга чақирди
АҚШ «Толибон» ҳаракатини «инсон ҳуқуқлари билан боғлиқ вазиятнинг ёмонлашишига олиб келувчи сиёсатини, айниқса, аёлларга нисбатан қайта кўриб чиқишга» чақирди. «Толибон», ўз навбатида, Афғонистон Марказий банкининг музлатилган активларини қайтаришни сўради.
Афғонистонда аёллар гўзаллик салонлари фаолияти тақиқланди
«Толибон» ҳаракати Афғонистондаги аёллар гўзаллик салонларини ёпишга буйруқ берди. Аввалроқ мамлакатда аёлларга ўқиш тақиқланган, ҳижоб ўраш эса шарт этиб белгиланганди.
«Ўзбекистон канал қурилишига ёрдам беради» — сув хўжалиги вазири «Толибон» қураётган канал ҳақида (видео)
Ўзбекистон сув хўжалиги вазири «Газета.uz» мухбирининг «Толибон» Амударёдан сув олиш учун қураётган Қўштепа канали ҳақидаги саволига жавоб берди. Унга кўра, Ўзбекистон бу масалада «Толибон»га ёрдам кўрсатади. «Бу канал икки халқни уриштирадиган эмас, бирлаштирадиган дўстлик канали бўлади», — деди у.
Афғонистонда ҳам, минтақада ҳам террорчилик таҳдиди кучаймоқда — БМТ ҳисоботи
БМТ ҳисоботида айтилишича, «Толибон» бир қатор террористик гуруҳлар билан алоқада ва терроризм таҳдиди Афғонистонда ҳам, минтақада ҳам кучаймоқда. «Толибон» раҳбарияти ичида ҳам келишмовчиликлар бор. «Толибон» бу ҳисоботни «асоссиз ва нохолис» деб атади.
Эрон-Афғонистон чегарасида отишма юз берди, қурбонлар бор
Эрон-Афғонистон чегарасида содир бўлган отишмада камида 3 киши ҳалок бўлди. Мамлакатлар ўртасидаги зиддият Ҳилманд дарёси сувидан фойдаланишдаги низо сабабли кескинлашган.
«Толибон» аёлларга ишлаш ва ўқиш имкониятини қайта тақдим этмоқчи
Афғонистон муваққат ҳукумати ТИВ яқин орада аёллар ва қизларга «ислом формати, афғон анъаналари ва шариат қонунлари асосида» ўқиш ва ишлаш имконияти қайтарилишини маълум қилди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг