«украинадаги уруш» тегли мақолалар
Россия Украинанинг Покровск шаҳрини олишга яқин — Economist
Россия қўшинлари Украинанинг Донецк вилоятидаги Покровск шаҳрини — бошқа йирик шаҳарларга йўл очадиган муҳим стратегик мақсадни қўлга киритишга яқин турибди, деб ёзади Economist. Расмийлар маҳаллий аҳолини эвакуация қилишни бошлади.
Украина Россиянинг Курск вилоятида ҳарбий комендатура ташкил этилганини эълон қилди
Украина Қуролли кучлари бош қўмондони Россиянинг Украина армияси назорати остига ўтган Курск вилояти ҳудудида «тартибни сақлаш ва аҳоли эҳтиёжларни қондириш мақсадида» ҳарбий комендатура ташкил этилганини маълум қилди.
Россия йил охирида янги сафарбарлик амалга ошириши мумкин — Bloomberg
Россия ҳукумати оғир йўқотишлар фонида аскарлар етишмаслиги сабабли жорий йилнинг охирларидаёқ янги сафарбарлик ўтказиши мумкин, деб ёзди Bloomberg. Армияга қўшилганлик учун бонусларни ошириш ёрдам бермаяпти.
Украина илк F-16 қирувчи самолётларини қабул қилиб олди
Украина президенти Американинг F-16 қирувчи самолётлари биринчи партиясини олганини тасдиқлади. Киевга уларни олиш учун икки йилдан кўпроқ вақт керак бўлди. 2024 йил охиригача мамлакатга 20 та шундай самолёт келиши кутилмоқда.
БМТ Бош ассамблеяси Россиядан Запорожье АЭСдан қўшинларини олиб чиқишни талаб қилди
БМТ Бош ассамблеяси Украина атом иншоотлари хавфсизлиги бўйича резолюцияни қабул қилди. Унда Россиядан Запорожье АЭСдан қўшинларини зудлик билан олиб чиқиб кетиш ва уни тўлиқ Украина ҳукумати назоратига қайтариш талаб этилади.
Украина ноябрга қадар Россия иштирокидаги иккинчи тинчлик саммитини ўтказмоқчи — Bloomberg
Украина ҳукумати Дональд Трампнинг Оқ уйга қайтишидан хавотирланиб, Россияни иккинчи тинчлик саммитига таклиф қилмоқчи ва уни ноябрь ойида бўлиб ўтадиган АҚШдаги президентлик сайловлари олдидан ўтказмоқчи, деб ёзмоқда Bloomberg.
Дания, Нидерландия ва АҚШ Украинага F-16 қирувчиларини топшириш жараёнини бошлади
Дания ва Нидерландия АҚШ кўмагида Украинага F-16 қирувчи самолётларини жўнатиш жараёнини бошлади. Киев шу йилнинг ёзида улардан фойдаланишни бошлаши кутилмоқда.
Россия Украинага ялпи ҳужумлар уюштирди, Киевдаги болалар шифохонасига зарар етди
Россиянинг Украина шаҳарларига уюштирилган кенг кўламли ракета ҳужуми оқибатида камида 20 киши ҳалок бўлди, 65 дан ортиқ киши жароҳатланди. Киевда мамлакатдаги энг йирик болалар шифохонасига жиддий зарар етди.
НАТО Украинага ёрдам миссиясини яратади — NYT
НАТО ҳозирча Украинага аъзоликни таклиф қилмайди, бироқ мамлакатга ҳарбий ёрдам етказиб бериш, украиналик аскарларни тайёрлаш ва икки томонлама хавфсизлик келишувлари реализациясини мувофиқлаштирувчи миссия тузади.
Россия Украинадаги урушга Россия фуқаролигига эга 10 мингга яқин муҳожирни юборган
Россия ҳукумати Россия фуқаролигини олган 30 мингдан ортиқ одамни «овлаб», ҳарбий рўйхатга олган ва уларнинг 10 мингга яқини аллақачон Украинадаги урушга жўнатилган, деди Россия Тергов қўмитаси раҳбари Александр Бастрикин.
Швейцарияда Украина бўйича тинчлик саммити бўлиб ўтади. У ҳақда нималар маълум?
Шу ҳафта охирида Бюргенштокда Украина ва Швейцария ташкилотчилигидаги тинчлик саммити бўлиб ўтади. Мақсад — Украинанинг Россия билан урушни тугатиш учун «тинчлик формуласи»ни глобал қўллаб-қувватлаш. «Газета.uz» анжуман ва унинг иштирокчилари ҳақида нималар маълумлиги ҳақида ёзади.
Россиянинг Харьковдаги ҳужуми «боши берк кўчага кириб қолди» — Bloomberg
Россиянинг Харьков вилоятида янги фронт очишга уриниши «боши берк кўчага кирди» ва Украинага қурол-яроғ етказиб бериш қайта тикланиши фонида «Россия ютуғи учун ойналар ёпилиб бормоқда», — деб ёзмоқда Bloomberg нашри.
Россия Украина энергетика тизимининг ярмидан кўпини ишдан чиқарди — FT
Россия 2022 йилда босқин бошланганидан бери Украина электр станцияларининг ярмидан кўпини ишдан чиқарди ёки эгаллади ва бу орқали мамлакат энергия ишлаб чиқариш қуввати 20 ГВт дан пастга тушиб кетди, деб ёзди Financial Times.
Украинадаги уруш давомида 210 мингга яқин бино вайрон бўлди — NYT
Украинадаги икки йиллик уруш давомида 210 мингга яқин турли бино, жумладан, 900 дан ортиқ мактаб, касалхона ва черковлар шикастланган ёки вайрон бўлган, дейилади New York Times таҳлилида. Ҳарбий ҳаракатлардан энг кўп жабр кўрган шаҳарлар Мариуполь, Харьков, Ирпень, Рубежное ва Марьинка бўлди.
АҚШнинг манфаатлари Украина ва Исроилникидан фарқ қилади — NYT
АҚШ Украина ва Исроилни «қанча керак бўлса, шунча» қўллаб-қувватлашга ваъда берган, бироқ улар аралашган можаролар кескин нуқтага етгани сабабли уч давлатнинг миллий манфаатлари бир-биридан фарқ қилмоқда, деб ёзмоқда New York Times.
Путин Украинадаги урушни ҳозирги фронт чизиғи бўйлаб тугатишга тайёр, лекин у жанг қилишга ҳам қарши эмас — Reuters
Россия президенти Владимир Путин ҳозирги фронт чизиғини сақлаб қолувчи сулҳ тузиш орқали Украинадаги урушни тўхтатишга тайёр, деб ёзди Reuters. Агар Украина ва Ғарб бунга рози бўлмаса, Путин урушни давом эттиришга ҳам тайёр.
Украина Россиянинг Харьков вилоятидаги ҳужумини барқарорлаштиришга муваффақ бўлди
Украина қўшинлари Харьков вилоятининг шимолида Россия армиясининг ҳужуми билан боғлиқ вазиятни барқарорлаштирди, деди Украина президенти Владимир Зеленский. Россия президенти Владимир Путин «бугунги кунда» Россиянинг Харьковни олиш режаси йўқлигини маълум қилди.
Яқин ойлар Украинадаги урушда ҳал қилувчи бўлиши мумкин — NYT
Оқ уй Россия Украинадаги уруш траекториясини ўзгартириш учун куч олаётганидан хавотирда. Улар яқин ойлар томонлар учун ҳал қилувчи бўлиши мумкинлигини кутмоқда, деб ёзди New York Times.
Россия Харьков вилоятига янги ҳужум бошлади. Нималар маълум?
Украина Мудофаа вазирлиги Россия қўшинлари Харьков вилояти шимолида мудофаа чизиғини ёриб ўтишга уринганини маълум қилди. Вазирликка кўра, барча ҳужумлар қайтарилган, аммо жанглар давом этмоқда. Чегарадаги қишлоқларда маҳаллий аҳолини эвакуация қилиш бошланди.
Россия зарбаси оқибатида Харьковда телеминоранинг бир қисми қулаб тушди
Россия ҳарбийлари Украинанинг Харьков шаҳридаги телеминорага ракета ҳужуми уюштирди. Видеотасвирлардан телеминоранинг юқори қисми қандай қулаб тушганини кўриш мумкин.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг