«қорақалпоғистон» тегли мақолалар
Қорақалпоғистонда Маданиятни қўллаб-қувватлаш жамғармаси тузилади
Қорақалпоғистонда маданият ва санъат соҳаси вакиллари ва ижодкорларни қўллаб-қувватлаш, гастроль сафарларини молиялаштириш каби ишлар учун Маданиятни қўллаб-қувватлаш жамғармаси тузилади. Унга Ўзбекистон Маданият ва туризм вазирлиги 2023 йил учун ажратилган пуллардан 20 млрд сўм йўналтиради.
Қорақалпоғистонлик ёшларга давлат грантида ўқиш учун қўшимча 3000 та ўрин ажратилади
Шавкат Мирзиёев фармони билан Қорақалпоғистонда доимий яшайдиган ҳамда умумий ўрта, ўрта махсус ва профессионал таълим ташкилотларини тамомлаган ёшлар учун 2023/2024 ўқув йилида давлат гранти асосида қўшимча 3000 та ўрин ажратилади.
Қорақалпоғистонда Labo ва Lacetti тўқнашиши оқибатида 2 киши ҳалок бўлди
Қорақалпоғистонда Lacetti қарама-қарши йўналишига чиқиб кетиб, Labo билан тўқнашди. Оқибатида 2 киши ҳалок бўлди, яна 2 киши шифохонага ётқизилди.
Қорақалпоғистондаги айрим тадбиркорларга солиқ имтиёзлари берилади
Қорақалпоғистондаги устав фондида давлат улуши 50 фоиздан кўп бўлмаган тадбиркорларга 2028 йил 1 январгача фойда солиғи, айланмадан олинадиган солиқ, юридик шахсларнинг мол-мулкига солинадиган солиқ ва юридик шахслардан олинадиган ер солиғи бўйича имтиёзлар берилади.
Human Rights Watch Даулетмурат Тажимуратовни озод қилишга чақирди
Human Rights Watch ташкилоти Даулетмурат Тажимуратовни озод қилишга чақирди. Ташкилот судни «одил судлов меъёрларига жавоб бермаган» деб ҳисоблаб, Тажимуратовнинг қийноқлар ҳақидаги даъволари бўйича самарали тергов ўтказилмаганини таъкидламоқда.
«Бу адолатсиз ва ноқонуний қарор» — Даулетмурат Тажимуратовнинг адвокати
Адвокат Сергей Майоров Даулетмурат Тажимуратов бўйича апелляция суди қарорини «адолатсиз» ва «ноқонуний» деб атади. Унинг сўзларига кўра, ҳукм ўзгартирилишига ўзи ҳам, мижози ҳам ишонмаган. Суд бошқа барча айбланувчилар учун жазони енгиллаштирди.
Нукус иши бўйича 8 нафар судланувчи қамоқдан чиқарилди, Тажимуратовга нисбатан ҳукм ўзгартирилмади
Апелляция суди Қорақалпоғистон воқеалари юзасидан жиноят иши бўйича 8 нафар айбланувчининг жазосини озодликни чеклаш билан алмаштирди, 6 нафар судланувчининг муддати қисқартирилди, Даулетмурат Тажимуратовнинг муддати ўзгаришсиз қолди. Суд прокуратуранинг 4 кишига нисбатан протестини рад этди.
Нукус иши бўйича суд: экспертларнинг сўроқ қилиниши ва Тажимуратовнинг қийноқлар ҳақидаги баёнотини текшириш натижалари
Қорақалпоғистон воқеалари бўйича апелляцияда айбланувчилар, асосий судланувчи Даулетмурат Тажимуратов кўрсатма берди, экспертлар сўроқлари давом этди. Суд, шунингдек, Тажимуратовнинг қийноқлар ҳақидаги иддаоларини текшириш натижаларини ҳам эълон қилди.
Қорақалпоғистонда Cobalt юк машинаси билан тўқнашиши оқибатида 2 киши ҳалок бўлди
Ғузор-Бухоро-Нукус-Бейнеу автомобиль йўлида юқори тезликда ҳаракатланган Cobalt юк машинасига бориб урилди. Оқибатда енгил машина йўловчиларидан бири воқеа жойида, иккинчиси эса шифохонада вафот этди.
Қорақалпоғистонда сув танқислиги туфайли шоли майдонларини қисқартириш режалаштирилмоқда
Қорақалпоғистонда сув танқислиги туфайли шоли майдонларини қисқартириш режалаштирилмоқда. Натижада бозорга мазкур маҳсулотнинг энг катта миқдорда етказиб турган ҳудудда гуруч етиштириш прогнози 2,5 баробарга — 147,2 минг тоннадан 60 минг тоннага қисқаради.
Суд Бош прокуратурадан Тажимуратовнинг қийноқлар ҳақидаги баёнотини текширишни сўради
Қорақалпоғистон воқеалари бўйича апелляция судида асосий фигурант Даулетмурат Тажимуратов суддан Хоразм ҳуқуқ-тартибот идораларидан «Нукусда Ички ишлар вазирлигида қийноқлар бўлганми ёки йўқ?» саволига жавоб олишни сўради. Суд Бош прокуратурага ички экспертиза ўтказиш учун хат юборди.
Нукус воқеалари бўйича апелляцияда экспертлар сўроқ қилинди (+фото)
Нукус воқеалари бўйича апелляцияни кўриб чиқаётган суд Даулетмурат Тажимуратовнинг адвокати Сергей Майоров илтимосига кўра экспертларни сўроққа таклиф қилди. Ҳимоячи уларнинг жавобларига қўшилмаслигини айтди. У судда қўйилган 1−2 июль воқеаларига оид видеони «журналистлик ҳиссиётли хабар» деб атади.
Қорақалпоғистон мактабларида егулик ичидан таблетка чиққани ҳақидаги хабарлар уюштирилгани маълум қилинди
Апрель ойида Қорақалпоғистонда ўқувчиларга бепул бериладиган егуликлар ичидан таблетка чиққани ҳақидаги хабарлар тарқалганди. Қорақалпоғистон прокуратураси бу каби хабарлар кейтеринг фирмаларининг рақобатчилари томонидан қасддан тарқатилганини маълум қилди.
Нукус воқеалари бўйича айбланувчилар жазони енгиллаштиришни сўради
Нукус воқеалари бўйича апеллация иши жараёнида судланувчилар ва адвокатлар жазони енгиллатишни, марҳум Шамшетовни эса оқлашни сўради. Прокуратура шартли равишда ҳукм қилинган 4 нафар судланувчига нисбатан жазони кучайтиришни сўради. Биринчи куни Тажимуратов ва Найипов ўртасида можаро келиб чиқди.
Ўзбекистондаги 58 та болалар боғчасида «Меҳрибонлик корпуси» кўмагида китоб бурчаклари ташкил этилди
«Меҳрибонлик корпуси» ва МакГоверн-Доул дастури томонидан Сурхондарё ва Қорақалпоғистондаги 58 давлат мактабгача таълим ташкилотларида китоб бурчаклари очилди. Ушбу муассасаларга тўрт тилда салкам 5800 та китоб ҳадя қилинган.
Қорақалпоғистонда ўқувчиларга берилаётган егулик ичидан таблетка чиққани айтилмоқда. Бу биринчи марта эмас
Элликқалъа туманидаги 5-мактабда ўқувчиларга берилаётган озиқ овқат маҳсулотлари ичидан таблетка чиққанидан норози ота-оналарнинг хабари тармоқларда тарқалди. Ҳолат СЭС назоратига олинди. Аввалроқ, Хўжайли ҳамда Кегейли туманидаги мактаблардан бирида ҳам егулик ичидан турли буюмлар чиққанди.
Қорақалпоғистонда мактаб ўқувчиларига берилган егулик ичидан қум чиқди
Хўжайли туманидаги 41-мактабда ўқувчиларга берилган шоколад ичидан қум, кекс ичидан эса қизлар сочига тақадиган восита чиқди. Болаларга берилган «Стел» шоколади ташқи кўринишидан «Степ» шоколадига жуда ўхшаш ва у контрафакт маҳсулот бўлиши мумкин. Қорақалпоғистон ХТВ ҳолат ўрганилаётганини билдирди.
Қорақалпоғистонда канал қирғоғи емирилиши сабаб 8 гектар далани сув босди
Элликқалъа туманида каналдан сув чиқиши оқибатида 8 гектар далани сув босган. Ўрганишлар давомида мазкур ҳудуддаги фермер каналга ноқонуний сув олиш трубасини ўрнатган ва ўша трубалар қўйилган қисимдан сув сизиб чиққан. Натижада, канал қирғоғи емирилиб сув чиққан. Ҳолат бўйича ўрганиш бошланган.
Ишга тушган корхоналар, концерт томошаси, сумалак ковлаш. Президентнинг Қорақалпоғистонга ташрифи
Шавкат Мирзиёев Қорақалпоғистонга ташрифи чоғида янги корхоналарнинг ишга туширилишида иштирок этди, республикани ривожлантириш бўйича янги ташаббусларни эълон қилди, миллатлараро тотувликка бағишланган тадбирда иштирок этди, маҳаллада бўлиб, ифторлик қилди ва сумалак пишириш жараёнида қатнашди.
Қорақалпоғистондаги ҳар бир маҳаллага қўшимча 500 млн сўмдан ажратилади
Шавкат Мирзиёев Қорақалпоғистонда аҳоли фаровонлигини ошириш бўйича 3 та ташаббусни илгари сурди. Унга кўра, 452 та маҳалланинг ҳар бирига 500 млн сўмдан қўшимча маблағ ажратилади, 38 минг одамнинг кадастри тўлиқ қилиб берилади. Шунингдек, йил охиригача 4 мингта уй-жой қурилади.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг