«иив» тегли мақолалар
Қорақалпоғистонда жазони ижро этиш хизматининг уч нафар ходими ЙТҲда вафот этди
Қорақалпоғистонда пайшанбадан жумага ўтар кечаси жазони ижро этиш хизматининг уч нафар ходими ЙТҲ оқибатида вафот этди. Улар видеоселектор йиғилишидан чиқиб, колонияга қайтаётган бўлган. Ҳолат юзасидан терговга қадар текширув ишлари олиб борилмоқда.
Андижонда 6 киши зўрлаганини айтган аёл туҳмат учун жавобгарликка тортилди
Андижон туманида 6 нафар эркак томонидан дала шийпонида зўрланганини айтган 20 ёшли келин туҳмат қилганликда айбдор деб топилди. Суд унга 2 йил-у 6 ой муддатга озодликни чеклаш жазосини тайинлади. Ноябрдаги жиноят иши аппеляцияда ҳам кўриб чиқилган ва ҳукм ўзгаришсиз қолдирилган.
Қорақалпоғистонда ИИВ ходими пора билан қўлга тушгани айтилмоқда
Қорақалпоғистонда ИИВ ходими тадбиркорнинг маҳсулотини ЙПХ масканлари орқали Хоразм вилояти ҳудудига ўтказиш эвазига пора олган вақтда ушлангани айтилмоқда. У шериклари билан ҳар бир юк ортилган транспорт воситасига 3,5 млн сўмдан сўраган. Уларга нисбатан Жиноят кодексининг фирибгарлик, жиноят содир этишга суиқасд қилиш ва пора бериш моддалари билан иш қўзғатилди.
Виза муддати тугаган Афғонистон фуқаролари Ўзбекистондан чиқариб юборилмайди
ИИВнинг маълум қилишича, виза муддати тугаган Афғонистон фуқаролари ўз юртиги қайтариб юборилмайди, чунки жисмоний шахслар учун чегаралар ҳозирча ёпиқ. Бундан ташқари, вазирлик республикада бўлиб туриш қоидаларини бузмаётган хорижликларнинг визалари қоидага кўра узайтирилишини қўшимча қилди.
2800 дан ортиқ ўқувчи сабабсиз дарс қолдиргани аниқланди — ХТВ
Ўзбекистоннинг 10 минга яқин мактабларида ўтказилган икки кунлик рейдларда 2832 нафар ўқувчи дарсларни сабабсиз қолдиргани маълум бўлди. ХТВ хабарига кўра, уларнинг 507 нафари интернет клубларда вақт ўтказаётгани, 338 нафари эса бозорда савдо-сотиқ, аравакашлик билан шуғулланаётгани аниқланган.
ИИВ Telegram`даги товламачилар ҳақида огоҳлантирди
Ўзбекистонда Telegram гуруҳлари ва каналлари орқали фуқароларнинг шахсий маълумотларини тўплаб, улардан пул ундириш мақсадида фойдаланиш ҳолатлари кузатилмоқда. ИИВ маълумотига кўра, уларнинг юритувчилари хориждан туриб фаолият олиб бормоқда ва ҳозирча ушбу каналларни блоклашнинг иложи йўқ. Вазирлик фуқаролардан шахсий маълумотларини ижтимоий тармоқларда қўймасликни ва бегона гуруҳларда тарқатмасликни сўради.
Метрода вояга етмаган қизга беҳаё ҳаракатлар қилган шахс ушланди
Тошкент шаҳрида метрода 13 ёшли қизга беҳаё ҳаракатлари учун қидирувда бўлган эркак қўлга олинди. Фуқаро илгари бир неча жиноятларни содир этганлиги учун судланган.
Тошкентда «Ҳизб ут-Таҳрир» аъзолари сифатида гумонланган шахслар қўлга олинди — ИИВ
Ички ишлар вазирлиги Тошкент шаҳрида «Ҳизб ут-Таҳрир» террористик ташкилоти аъзолари сифатида гумон қилинган шахслар қўлга олинганини маълум қилди. Ушбу шахслар муқаддам мазкур ташкилот сафида содир этган жинояти учун жазо муддатини ўтаб чиққан шахслар ҳисобланадилар. Ҳозирда тергов-суриштирув тадбирлари давом эттирилмоқда.
Фарғонада икки гуруҳ иштирокидаги жанжал жойидан пичоқ ва қиличлар топилди
Фарғонада йигирмага яқин йигитлар иштирокидаги жанжал орган ходимлари томонидан тўхтатилди. Воқеа жойидан пичоқлар, қиличлар ва гиёҳвандлик воситалари топилган. 8 нафар шахс процессуал тартибда ушланиб, 9 нафар шахслар 15 сутка маъмурий қамоқ жазосига тортилди.
Чинозда 10 нафар «жиҳодчи» қўлга олинди — ИИВ
ДХХ ва ИИВ томонидан Тошкент вилоятида ўтказилган тезкор тадбирда яширин фаолият олиб бораётган «жиҳодчилар» оқими аъзоларининг 10 нафари қўлга олинди. Улар «жиҳод» мақсадида Сурияга кетмоқчи бўлганлиги айтилмоқда.
Қорақалпоғистонда футбол учрашуви вақтида жанжал содир бўлди
Мўйноқ туманидаги «Орол» стадионида туманнинг «Мўйноқ сити» ва «Жайхун» жамоалари ўртасидаги ўйинда келишмовчилик келиб чиққан ва бош ҳакам қароридан норози бўлган айрим томошабинлар майдонга чиқиб кетган. Ҳолат юзасидан ички ишлар органлари суриштирув ишларини олиб бормоқда.
Намангандаги поликлиникада шифокор дўппосланиши юзасидан жиноят иши очилди
Наманган шаҳридаги оилавий поликлиникада фуқаро нотўғри ташхис қўйганликда шифокорни айблаб, у билан муштлашиб кетган. Шифокорнинг юз, бош ва қўл қисмига жароҳатлар етказилган. «Безорилик» моддаси билан жиноят иши қўзғатилди.
Карантин бошидан бери 1 млндан ортиқ ниқоб тақмаслик ҳолатлари аниқланган
Карантин тадбирлари бошлангандан бери Ўзбекистон бўйлаб 1 млн 184 мингдан ортиқ қоидабузарликлар аниқланган. Улардан 1 млндан ортиғида жарима белгиланган. Тиббий ниқоб тақмаганлик бўйича 1,1 млнтадан ортиқ қоидабузарлик ҳолатлари қайд этилган.
Андижонда ИИБ ходимлари фуқаронинг қўлини синдиргани рад этилди
Андижон шаҳар депутати Жаҳонгир Жиянов ИИБ ходимлари фуқаронинг қўлини синдиргани ҳақида хабар берди. Бош прокуратура Андижон шаҳар прокуратураси терговга қадар текширув ўтказаётганини маълум қилди. ИИВ матбуот котиби эса фуқарога ИИБ ходимлари томонидан жароҳат етказилганини рад этди. Хабар берилишича, фуқаро эрталаб тез тиббий ёрдам бўлимига ИИО ходимлари тан жароҳати етказганлиги бўйича мурожаат этган. Ҳозирда фуқаро жароҳатни қаерда олганлиги бўйича суриштирув ишлари амалга оширилмоқда.
«Маълумотларни тақдим этишни мақсадга мувофиқ эмас деб ҳисоблаймиз» — ИИВ
Ички ишлар вазирлиги Ўзбекистондаги зўравонликка қарши Nemolchi.uz лойиҳасига мамлакатда қийноққа солиш, жисмоний ва руҳий зўравонлик билан боғлиқ моддалар бўйича қўзғатилган жиноятлар сони тўғрисидаги маълумотни беришдан бош тортди. «Сўралган маълумотларни тақдим этишни мақсадга мувофиқ эмас деб ҳисоблаймиз», — дейилади ИИВ жавобида.
«Иложсизликдан ёлғон кўрсатма берган». ИИВ Андижонда 5 ойлик келиннинг зўрлангани юзасидан расмий маълумот берди
ИИВ Андижонда 5 ойлик келиннинг зўрлангани ҳолати бўйича тергов ҳаракатлари давомида аниқланган маълумотларни эълон қилди. Унга кўра, «аёл айрим шахслар мажбур қилгани учун иложсизликдан ёлғон кўрсатма берганини айтган». Суд тиббий экспертизаси эса жабрланувчи баданида зўрлик аломатлари йўқлигини аниқлаган. Жиноят ишининг олти нафар гумондорга тегишли қисми тугатилади.
«Ҳеч кимнинг бунга аралашишига ҳаққи йўқ». ИИВ «соқол» тадбири бўйича хабарни инкор этди
ИИВ матбуот котиби Шоҳрух Ғиёсов ички ишлар органлари «соқол» тадбирини ўтказаётгани ҳақидаги хабарларни рад этди. Интернетда ИИО ходимларига соқол қўйган фуқароларни аниқлаш ва уларни соқол олишдан олдин ва кейин суратга олиш бўйича кўрсатмалар айтилган аудиоёзув тарқалди.
Ички ишлар вазирига янги ўринбосарлар тайинланди
Азизбек Икрамов Ички ишлар вазирининг ўринбосари — кадрлар билан ишлаш департаменти бошлиғи лавозимига тайинланди. Миллий гвардия қўмондонининг биринчи ўринбосари Б.Абдуллаев ИИВ жамоат хавфсизлиги департаменти бошлиғи, вазир ўринбосари этиб тайинланди.
Самарқандда ўз уйида қиморхона очган шахсга жиноят иши очилди
Пайариқ туманида фуқаро ўз хонадонида қимор ва таваккалчиликка асосланган ўйин ташкил этгани аниқланди. Унга нисбатан Жиноят кодексининг 278-моддаси 1-қисми билан иш очилиб, у процессуал тартибда ушланди.
Ўзбекистонда Жамоат хавфсизлиги концепцияси қабул қилинади
Апрель охирига қадар Жамоат хавфсизлиги концепциясининг тасдиқланиши кутилмоқда. Ҳужжатда патруль-пост ва йўл-патруль хизматлари, ҳуқуқбузарликлар профилактикаси ва пробация хизматлари бўлинмаларининг ўзаро ҳамкорликда ишлаши бўйича янги механизмларни белгилаш кўзда тутилади.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг