«президент» тегли мақолалар
Президент Самарқандда Хитой, Ҳиндистон ва Қатар молия вазирлари билан учрашди
Шавкат Мирзиёев Самарқанддаги ОИИБ йиғилиши доирасида Хитой, Ҳиндистон ва Қатар молия вазирлари билан учрашди. Уларда стратегик шериклик муносабатларини мустаҳкамлаш, ҳукуматлараро комиссия йиғилишлари ва қўшма бизнес форумлари ўтказиш масалалари муҳокама қилинди.
Ўзбекистон ОИИБ билан кейинги 3 йилда яна 4 млрд долларлик лойиҳалар дастурини амалга оширишга келишди
Шавкат Мирзиёев келгуси уч йилда Ўзбекистонда Осиё инфратузилмавий инвестициялар банки билан яна 4 млрд долларлик лойиҳалар дастурини амалга ошириш бўйича келишувга эришилганини маълум қилди.
Касб-ҳунар мактаблари ва коллежлар негизида 600 та техникум ташкил этилади, уларнинг 14 тасида Британиянинг BTEC дастури жорий этилади
Ўзбекистонда барча коллеж ва касб-ҳунар мактаблари техникумларга айлантирилади, биноларнинг бир қисми мактаблар учун берилади. Техникумлар қисман академик мустақилликка эга бўлади ва пуллик хизматлар кўрсата олади. Улардан 14 тасида Британиянинг BTEC дастури жорий этилади.
Президент ҳокимларга йил якунигача камида 10 тадан ҳудуднинг мастер режасини ишлаб чиқишни топширди
Шавкат Мирзиёев аксарият вилоятларда туман ва шаҳарларнинг мастер режаларини тайёрлаш ишлари ортда қолаётганини танқид қилди ва вилоят ҳокимларига йил охиригача камида 10 тадан ҳудуднинг мастер режасини ишлаб чиқишни буюрди.
Президент Лос-Анжелес-2028 Олимпиадасига тайёргарлик режалари билан танишди
Президент спорт соҳасидаги ишлар ва режалар билан танишди. Лос-Анжелес-2028 Олимпиадасида енгил атлетика ва сув спорти каби йўналишларда натижаларни яхшилаш, Олимпия шаҳарчасида хоккей мажмуаси қуриш, маҳаллаларда селекция ишларини кенгайтириш кўзда тутилган.
Шавкат Мирзиёев янги элчиларни қабул қилди
Шавкат Мирзиёев Ҳиндистон, Корея Республикаси, Мўғулистон, Германия, Исроил ва Европа Иттифоқи элчиларидан ишонч ёрлиқларини қабул қилди.
«Асосий мақсадимиз қишлоқ хўжалигини илмий асосланган ҳолда ривожлантириш» — президент
Президент қишлоқ хўжалигидаги режаларга оид тақдимотда уруғ импортида рақобат муҳитини яратиш, пахта етиштириш агротехникасини ривожлантириш кераклигини айтди. «Асосий мақсадимиз қишлоқ хўжалигини илмий асосланган, БМТнинг энг яхши тажрибаларини татбиқ қилган ҳолда ривожлантириш», — таъкидлади у.
Президент Туркия ташқи ва ички ишлар вазирлари ҳамда разведка хизмати раҳбарини қабул қилди
Шавкат Мирзиёев Туркия ТИВ, ИИВ ва разведка хизмати раҳбарларидан иборат делегация билан учрашди. Томонлар сиёсий мулоқотни чуқурлаштириш, таҳдид ва хатарларга қарши курашиш бўйича ҳамкорликни кучайтириш ва қўшма тадбирлар ўтказиш масалаларини муҳокама қилди.
Камбағалликни қисқартириш масалалари билан шуғулланувчи комиссия тузилади
Ўзбекистонда бош вазир ўринбосари бошчилигида камбағалликни қисқартириш масалалари билан шуғулланувчи комиссия тузилади. У туманлардаги раҳбарлар фаолиятига баҳо беради ва ҳар ой президентга ахборот киритади. Комиссиянинг вилоят ва туман бўлимларига ҳокимлар бошчилик қилади.
ОТМларга киришда «бюджет» баллининг 80 фоизини тўплаган камбағал оила фарзандларига қўшимча грант ажратилади
Энди камбағал оилаларда камида 1 нафар олий маълумотли киши бўлиши учун шароит яратилади. Бунинг учун, хусусан, ОТМларга киришда грант баллининг 80 фоизини тўплаган камбағал оила фарзандларига қўшимча грант ажратилади. Ўзлаштириш кўрсаткичи 80 фоиздан баландлар эса фоизсиз таълим кредити олади.
Камбағалликни фақат пул тарқатиш билан ҳал қилиб бўлмайди — президент
Камбағал оилаларнинг ишга лаёқатли аъзоларида билим ва кўникма кам, бола парвариши туфайли эса аёлларнинг 43 фоизи ишга бора олмайди. Президент камбағалликни фақат пул тарқатиш билан ҳал қилиб бўлмаслигини айтди ва муаммо сабаби ҳар хил экан, ечимлари ҳам алоҳида бўлиши кераклигини таъкидлади.
Президент Янги Ўзбекистон кўчасидаги қурилиш ишларини бориб кўрди
Президент Янги Ўзбекистон кўчасидаги қурилиш лойиҳаларини бориб кўрди. Кўчада миллий руҳдаги замонавий уйлар, меҳмонхона, савдо ва хизмат кўрсатиш мажмуалари қурилади. Фавворалар, йўлакчалар, сайилгоҳ бўлади. Давлат раҳбари кўчада экология, сифат ва маданият уйғунлашиши кераклигини таъкидлади.
Мактабларнинг бўш ерларида ДХШ асосида боғча қуришга рухсат бериш режалаштирилмоқда
Президентга олиб кирилган тақдимотга кўра, мактабгача таълим қамровини кенгайтириш учун мактабларнинг бўш ерларида ДХШ асосида боғча қуришга рухсат бериш, «Боланинг ривожланиш харитаси»ни юритиш, шунингдек, олимпиада ғолиблари мукофотларини даромад солиғидан озод этиш режалаштирилмоқда.
Шавкат Мирзиёев «Тошкент-Шарқий» аэропорти қурилишини яна бориб кўрди. У келаси йил очилиши мумкин
Президент қарийб 7 йилдан бери қайта қурилаётган «Тошкент-Шарқий» аэропорти қурилиши билан танишди. У терминалларнинг ташқи кўриниши ва интерьери, инфратузилмаси бўйича кўрсатмалар берди. Манбаларга кўра, аэропорт келгуси йилда очилиши мумкин. Фото.
Президент Паралимпия чемпионлари Асила Мирзаёрова ва Қудратиллохон Маъруфхўжаевга қўнғироқ қилди
Шавкат Мирзиёев Паралимпия ўйинлари ғолиблари Асила Мирзаёрова ва Қудратиллохон Маъруфхўжаев билан телефон орқали гаплашиб, уларни табриклади. Президент Маъруфхўжаевга «ярим тунда олиб келган олтин медали учун» раҳмат айтди (видео).
Президент Жамоат хавфсизлиги университетида бўлди
Шавкат Мирзиёев Тошкентдаги Жамоат хавфсизлиги университетини бориб кўрди. Бу ерда бир нечта ўқув муассасаларини бирлаштирган ҳарбий таълим тизими яратилган. Президент офицерлар билан суҳбатлашиб, ўқув дастурини бугунги хавф-хатарларга мослаштириб бориш бўйича кўрсатмалар берди.
Шавкат Мирзиёев Самарқандда Имом Бухорий мажмуасини бориб кўрди
Президент Самарқандга ташриф буюриб, янгидан қурилаётган Имом Бухорий мажмуасини кўздан кечирди. У мутасаддиларга табаррук зиёратгоҳларни тиклаш, уларнинг тарихи ва мазмунини тўғри талқин қилиб етказиш бўйича кўрсатмалар берди.
Камбағаллик даражасини 3 йил ичида 7 фоизга тушириш кўзда тутилмоқда. Чора-тадбирлар режаси
Камбағалликни қисқартириш ва ижтимоий ҳимоя тизими қайта кўриб чиқилади. Ҳар йили 50 та маҳалла танлаб олиниб, камбағаллик ва ишсизликдан холи ҳудудга айлантирилади. Шунингдек, бу ҳоким ёрдамчиларининг асосий вазифасига айланади. Эҳтиёжмандларни ишга олган тадбиркорларга солиқ имтиёзлари берилади.
Шавкат Мирзиёев Остонага етиб борди. Уни Қозоғистон президенти кутиб олди
Шавкат Мирзиёев давлат ташрифи билан Қозоғистон пойтахти Остонага етиб борди. Уни аэропортда президент Қосим-Жомарт Тоқаев кутиб олди. Раҳбарлар 8 август куни Олий давлатлараро кенгаш мажлисини ўтказади.
Ўзбекистон поездлари паркини янгилашга 231 млн доллар сарфламоқчи
Президентга темирйўл соҳасидаги режалар тақдимот қилинди. Жумладан, йўловчи вагонлар ишлаб чиқаришга 50 млн доллар, локомативлар олиб келиш ва электровозларни модернизация қилишга 181 млн доллар ажратиш режалаштирилмоқда. Соҳада хизматлар сифати ва экспортини ошириш кўзда тутилган.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг