«сенат» тегли мақолалар
Сенат Конституциявий қонунни ва уни референдумга қўйишни маъқуллади
Олий Мажлис Сенати Конституциявий қонунни ва уни умумхалқ референдумига қўйишни маъқуллади. Қонун уч кун ичида матбуот ва бошқа ОАВларда эълон қилиниши кутилмоқда.
Қорақалпоғистонда сифатсиз озиқ-овқатлар тарқатилган мактаблар директорлари жаримага тортилди
Сенат қўмитаси Қорақалпоғистон ва Хоразм мактабларида ўқувчиларга бепул овқат бериш тизимини ўрганди. Ишлаб чиқариш муддати йўқ маҳсулотлар олингани, сифат назорати журнали юритилмагани аниқланди. Зарарланган озиқ-овқат тарқатилган Кегейлидаги мактаблар директорлари жаримага тортилди.
Ўзбекистонда ишлаб чиқарилмаган товарлар учун ҳам истеъмол кредити ажратилади
Сенат импорт қилинадиган товарларга истеъмол кредитлари тақдим этишга рухсат берувчи қонунни маъқуллади (ҳозир ушбу турдаги кредит фақат маҳаллий автомобиллар ва маиший техника учун берилади). Ҳужжат президент томонидан имзоланиши керак.
Педагоглар фаолиятига ноқонуний аралашганлар жаримага тортилади
Ўзбекистонда педагогларнинг ишига тўсқинлик қилганлик учун жавобгарлик кучайтирилади. Уларни такрор маъмурий меҳнатга жалб қилганлар БҲМнинг 150−200 бараваригача жарима ёки 3 йилгача ахлоқ тузатиш ишлари билан жазоланади.
Сенат «Рақобат тўғрисида»ги қонунни маъқуллади
Олий Мажлис сенаторлари томонидан «Рақобат тўғрисида»ги қонун маъқулланди. Сенаторларнинг фикрига кўра, мазкур қонуннинг қабул қилиниши рақобатга қарши ҳаракатларнинг камайишига, товарларнинг эркин ҳаракатланишига, иқтисодиётда давлат иштирокини қисқартиришга ҳуқуқий асос яратади.
Айдар-Арнасой кўллар тизимида сув сатҳи 2 метргача пасайган
Айдар-Арнасой кўллар тизимидаги сув сатҳи 2 метргача пасайиб, ҳажм 36,8 млрд метр кубга тушган. Оқибатда қирғоқ бўйлари 15−50 метрга чекиниб, туз қатлами ҳосил бўлган. Сенатга кўра, бу ўзгаришлар ноёб қушларнинг йўқолиб кетишига сабаб бўлиши мумкин.
Жаҳонгир Ортиқхўжаевнинг сенаторлик ваколати муддатидан аввал тугатилди
Марказий сайлов комиссияси Тошкент шаҳрининг собиқ ҳокими Жаҳонгир Ортиқхўжаевни Олий Мажлис Сенати аъзолари рўйхатидан чиқариш тўғрисида қарор қабул қилди.
Давлат хизматчиларининг даромадини декларациялаш тўғрисидаги қонун лойиҳаси атрофида нималар бўлмоқда?
Ўзбекистонда давлат хизматчиларининг даромадлари ва мол-мулкини декларациялаш тизими 2022 йил 1 январдан ишга тушиши керак эди, бироқ қонун ҳалигача қабул қилинмади. Ноябрда қонун лойиҳаси Вазирлар Маҳкамасига кўриб чиқиш учун берилган, лекин ҳукумат ҳужжатни ҳалигача парламентга тақдим этмади.
Ҳайдовчиларни тайёрлаш ва қайта тайёрлаш соҳасини лицензиялаш ИИВга ўтказилмоқда
Ҳайдовчиларни тайёрлаш ва қайта тайёрлаш соҳасини лицензиялаш Вазирлар Маҳкамаси ҳузуридаги Таълим сифатини назорат қилиш давлат инспекциясидан Ички ишлар вазирлигига ўтказилмоқда. Шунингдек, ушбу лицензия учун тўланадиган давлат божи БҲМнинг 10 баравари миқдорида белгиланмоқда.
Ўзбекистонда 21 ёшгача бўлган шахсларга тамаки ва спиртли ичимликлар сотиш тақиқланади
Сенат 21 ёшгача бўлган шахсларга тамаки маҳсулотлари, электрон сигареталар ва спиртли ичимликларни интернет ҳамда савдо автоматлар орқали сотишни тақиқловчи қонун лойиҳасини маъқуллади. Тақиқлар рўйхати сезиларли даражада кенгайтирилди.
Сенат «Ҳуқуқбузарликлар профилактикаси тўғрисида»ги қонунни рад этди
Сенаторлар ИИВ ишлаб чиққан «Ҳуқуқбузарликлар профилактикаси тўғрисида»ги қонунни рад этди. Улар бир қатор нормалар бошқа қонунларга мос келмаслигини, баъзан зид эканини айтди. «Қонуннинг бундай шаклда қабул қилиниши жиддий муаммоларни келтириб чиқариши мумкин», — деди Танзила Нарбаева.
Танзила Нарбаева тўртта вазирликка аёллар масаласи бўйича қатъий талаблар қўйди
Сенат раиси Танзила Нарбаева тўртта вазирлик, Хотин-қизлар қўмитаси ва Маҳалла агентлигига аёллар масаласи бўйича қатъий талаблар қўйди. У масъул раҳбарлардан зўравонлик қурбони бўлганлар, муҳожир аёллар ва жазони ўтаб қайтган аёлларга кўмак бериш бўйича алоҳида дастурлар ишлаб чиқишни сўради.
Сенат Қирғизистон билан имзоланган чегара шартномаларини маъқуллади
Сенаторлар ўзбек-қирғиз чегарасининг алоҳида участкалари тўғрисидаги шартномани ҳамда Андижон (Кампиробод) сув омборини биргаликда бошқариш тўғрисидаги битимни ратификация қилиш ҳақидаги қонунларни маъқуллади. Ушбу қонунлар парламент қуйи палатаси томонидан 14 ноябрь куни қабул қилинган эди.
Сенатда свет ва газ муаммоси кўтарилди: Давлат дастурида электр энергиясига доир банд бажарилмаган
Сенатор Маҳмуд Парпиевга кўра, Давлат дастурининг энергетика соҳасида рақобат муҳитини ривожлантиришга доир банди бажарилмаган, бу эса Ўзбекистондаги газ ва электр таъминоти билан боғлиқ аҳволга таъсир қилмоқда. Энергетика вазирлиги муаммони ҳал этиш учун қилинаётган ишлар ҳақида маълумот берди.
Сенатнинг навбатдаги ялпи мажлиси 18 ноябрь куни чақирилади
Сенатнинг ўттиз бешинчи ялпи мажлиси 18 ноябрь куни чақирилади. Унда Туркия ва Ўзбекистон ўртасида ҳарбий битимни ратификация қилиш ҳамда маҳкумлар ҳуқуқлари борасидаги қатор қонунлар кўриб чиқилади. Қолаверса, давлат бюджети ижроси юзасидан ҳукумат ҳисоботи эшитилади.
Маҳаллалар инфратузилмасини яхшилаш орқали 20 млн аҳоли учун қулай шарт-шароитлар яратилади — Танзила Нарбаева
Сенат Кенгашининг навбатдаги мажлисида маҳаллалар инфратузилмасини ривожлантириш бўйича тадбирларнинг ўз вақтида ва сифатли амалга ошириш муҳимлиги таъкидланди. «Мазкур вазифаларни амалга ошириш орқали ўрта ҳисобда 20 млн аҳоли учун янада қулай шарт-шароитлар яратилади», — деди Сенат раиси
Фуқаролар географик объектларга ном бериш ташаббуси билан чиқишлари мумкин бўлади
Сенат қонунчиликка аҳоли пунктларининг таркибий қисмларига жаҳон тарихида муҳим из қолдирган шахсларнинг номларини бериш имкониятини тақдим этувчи ўзгартишлар киритилишини маъқуллади. Бундан ташқари, эндиликда жойларни номлаш ёки қайта номлашда аҳолининг фикри ҳам инобатга олинади.
18 мингдан ортиқ стандартлар ихтиёрий тоифага ўтказилади
Сенат стандартлаштириш тўғрисидаги қонуннинг янги таҳририни маъқуллади. Унга кўра, «Давлат стандарти» тушунчаси «миллий стандарт»га ўзгартирилиб, қўлланилиши ихтиёрий бўлади. «Миллий стандартлаштириш тизимини такомиллаштирмай туриб, рақобатбардош иқтисодиётни барпо этиш мушкул», — деди Сенат раиси.
Сенат бир қатор қонунлар ва айримларига ўзгартишлар киритишни кўриб чиқади
Сенат 7 октябрдаги ялпи мажлисда кўчмас мулкка бўлган ҳуқуқларни давлат рўйхатидан ўтказишга оид ва янги таҳрирдаги стандартлаштириш тўғрисидаги қонунни кўриб чиқади. Қолаверса, Оролбўйи минтақаси бўйича ҳукуматга юборилган сўров натижаси ҳамда Фарғона вилояти ҳокимининг ҳисоботи муҳокама қилинади.
Сенатнинг навбатдаги ялпи мажлиси 13 сентябрь куни чақирилади
Сенатнинг 32-ялпи мажлиси 13 сентябрь куни чақирилади. Унда ташқи меҳнат миграцияси, пенсия таъминоти, электрон тижоратга оид қонунлар кўриб чиқилади. Қолаверса, давлат бюджетининг биринчи ярим йилликдаги ижроси юзасидан ВМ ҳисоботи ҳамда ташқи ишлар вазирининг ахбороти эшитилади.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг