«терроризм» тегли мақолалар
Жиззахда халқаро террорчилик ташкилотларининг материалларини тарқатиб келган йигитга ҳукм ўқилди
Шароф Рашидов туманида 27 ёшли йигит халқаро террорчилик ташкилотларининг материалларини тарқатиб ва молиявий қўллаб-қувватлаб келгани аниқланди. Суд ҳукми билан у 8 йил 1 ой муддатга озодликдан маҳрум этилди.
Президент Ўзбекистонга ташриф буюрган БМТ Терроризмга қарши кураш бошқармаси раҳбарини қабул қилди
Президент ва БМТ Терроризмга қарши кураш бошқармаси раҳбари Тошкентда ёшларни экстремизм ва терроризм ғоялари таъсиридан ҳимоя қилиш бўйича қўшма чора-тадбирлар, шунингдек, ёш мутахассисларнинг ташкилот институтларида стажировка ўташини ташкил этиш масалаларини муҳокама қилди.
«Крокус»даги теракт тожик халқи имижига жиддий зарба бўлди — Эмомали Раҳмон
Тожикистон президенти Эмомали Раҳмон Россия президенти билан учрашувда «Крокус»даги теракт тожик халқи имижига жиддий зарба бўлганини билдирди. Раҳмон терроризмнинг миллати ва дини йўқлигини, бу глобал муаммо эканини таъкидлади.
Исроилнинг Тошкентдаги элчихонасига ўт қўймоқчи бўлган талаба 5 йилга қамалди
ЎзДЖТУнинг 19 ёшли талабаси Исроилнинг Тошкентдаги элчихонаси биносига керосин шишасини улоқтириб, ўт қўймоқчи бўлди. Суд уни 5 йилга озодликдан маҳрум қилди.
Туркиядаги ўзбекистонликлар тармоқлардаги экстремистик контентлардан огоҳлантирилди
Март ойида Туркияда ўзбекистонлик фуқаро ИШИДга алоқадорликда гумонланиб, қўлга олинганди. Бироқ айблов тасдиқланмагач, у қўйиб юборилди. Туркиядаги бош консулхона ижтимоий тармоқлардаги экстремистик каналларга кирмаслик, мутаассиблик руҳидаги нашида ва маърузаларни сақламасликни тавсия қилди.
Тошкентда 2022 йилда теракт уюштирмоқчи бўлганлар 10 йилдан 15 йилгача қамалгани маълум бўлди
2022 йилда Тошкент шаҳрида теракт содир этмоқчи бўлган жиноий гуруҳнинг 4 аъзоси ушланиб, 10 йилдан 15 йилгача қамалган. Улар халқаро террорчилик ташкилотининг ўзбекистонлик вакили билан танишиб, Исроилнинг Ўзбекистондаги элчихонаси, шунингдек, аэропортда теракт қилмоқчи бўлган.
Суриядаги террорчилар сафида жанг қилиб жароҳатланган ўзбекистонлик йигит 6 йилга қамалди
24 ёшли жиззахлик йигит Суриядаги террорчилар сафида жанг қилиб, жиддий жароҳатлангани ортидан Ўзбекистонга депорт қилинганди. Унга 6 йил муддатга озодликдан маҳрум қилиш жазоси тайинланди.
«Жиҳодчилар» оқими аъзоси бўлган фуқаро 6,5 йилга қамалди
«Жиҳодчилар» диний-экстремистик оқимига алоқадорлиги учун тўққиз йил қидирувда бўлган фуқаро 6,5 йилга озодликдан маҳрум этилди. У март ойида Туркия полицияси томонидан қўлга олиниб, Ўзбекистонга экстрадиция қилинганди.
Ўзбекистонлик эркак Жанубий Кореядаги террор ташкилотни молиялаштиришда гумонланмоқда
Жанубий Кореяда 29 ёшли ўзбекистонлик эркак «Имом ал-Бухорий катибаси» террорчилик ташкилоти билан алоқа ўрнатиб, уни молиялаштириб келганликда гумон қилинмоқда. ИИВ тергов ҳаракатларини олиб бормоқда.
Германияда етти нафар марказий осиёлик терроризмда гумонланиб ҳибсга олинди
Германияда Марказий Осиё давлатларининг етти нафар фуқароси террорчилик гуруҳи тузишда гумонланиб қўлга олинди. Нидерландияда ҳам терактлар тайёрлашда гумон қилинаётган Тожикистон ва Қирғизистоннинг яна икки фуқароси ушланган.
Афғонистонда ҳам, минтақада ҳам террорчилик таҳдиди кучаймоқда — БМТ ҳисоботи
БМТ ҳисоботида айтилишича, «Толибон» бир қатор террористик гуруҳлар билан алоқада ва терроризм таҳдиди Афғонистонда ҳам, минтақада ҳам кучаймоқда. «Толибон» раҳбарияти ичида ҳам келишмовчиликлар бор. «Толибон» бу ҳисоботни «асоссиз ва нохолис» деб атади.
Сурияда жанговар тайёргарликдан ўтган икки ўзбекистонлик қўлга олинди
ИИВ «халқаро террорчилик ташкилотлари таъсирида» 2021 йили Сурияга бориб, у ерда жанговар тайёргарликдан ўтган икки фуқаро қўлга олиниб, Ўзбекистонга қайтарилганини маълум қилди. Ҳолат юзасидан жиноят иши қўзғатилган, улар «Ўзбекистонга қарши ўта оғир жиноятларни содир этганликда» айбланмоқда.
Хоразмда террористик ташкилот сафига қўшилмоқчи бўлган 23 ёшли аёл ушланди
Хоразмда Суриядаги террористик ташкилот сафига қўшилмоқчи бўлган 23 ёшли аёл ушланди. У ўзининг танишларига диний даъватлар қилиб, қўпорувчилик акс этган видеороликларни тарқатиб келгани айтилмоқда. Аёлга нисбатан жиноят иши қўзғатилиб, ҳибсга олинди.
Марказий Осиё давлатлари минтақадаги таҳдидларга қарши биргаликда курашмоқда — Ўзбекистон ТИВ
Душанбеда чегара хавфсизлиги ва чегара назорати соҳасида ҳамкорликка бағишланган конференция ўтказилди. Унда Ўзбекистон ташқи ишлар вазири Владимир Норов Марказий Осиё давлатлари ўртасидаги яқин муносабатлар минтақадаги умумий таҳдидларга қарши биргаликда курашиш имконини беришини таъкидлади.
АҚШ Афғонистонда «Ал-Қоида» етакчисининг йўқ қилинганини эълон қилди
АҚШ президенти Жо Байден «Ал-Қоида» етакчиси Айман аз-Завоҳирий Афғонистон пойтахти Кобулда ўтказилган аксилтеррор операцияси чоғида ўлдирилганини маълум қилди. Шу билан бирга, унинг оила аъзолари жабрланмаган, тинч аҳоли орасида қурбонлар йўқ.
Йил бошидан буён 250 нафар экстремистик гуруҳ аъзолари аниқланди
Ўзбекистонда йил бошидан буён Суриядаги «Ислом давлати» ва «Тавхид ва жиҳод катибаси» террорчилик ташкилотларга алоқадор 4 та яширин, 10 та «виртуал» гуруҳ ҳамда 250 нафар экстремистик гуруҳ аъзолари аниқланиб, улар фаолиятига чек қўйилди.
Ўзбекистон Афғонистондаги террорчилик ҳаракатларини қоралади
Ўзбекистон ТИВ Афғонистоннинг Кобул, Мозори-Шариф ва Қундуз шаҳарларида содир этилган террорчилик ҳаракатларини қоралаб баёнот берди. Ўзбекистон томони ҳалок бўлганларнинг оила аъзолари ва яқинларига ҳамдардлик билдирди.
ИШИД аъзоси эканлиги гумон қилинаётган фуқаро Ўзбекистонга олиб келинди
ДХХ ИШИД сафида жанговор ҳаракатларда иштирок этганликда гумонланаётган фуқарони Ўзбекистонга олиб келди. Унинг ҳали ҳам «жиҳод» қилиш борасидаги қарашларидан воз кечмагани айтилмоқда.
Бош прокуратура Деновдаги портлаш бўйича теракт версиясини рад этди
Бош прокуратура матбуот котиби Деновдаги портлаш бўйича теракт версиясини рад этди. Дастлабки маълумотларга кўра, портлашга тахминан бино ичида бир неча соат давомида газ сизиб чиқиши сабаб бўлган. Чақнаш оқибатида 65 та уй зарар кўргани, 6 та хонадон яшаш учун хавфли ҳолатга келиб қолгани айтилмоқда. Вилоят ҳокими Тўра Боболов етказилган зарар давлат томонидан тўлиқ қоплаб берилишига ишонтирмоқда.
4 йил ичида 62 нафар Ўзбекистон фуқароси терроризмни молиялаштирганлик учун судланган — Олий суд
2016 — 2020 йиллар ҳамда 2021 йилнинг 1-ярми давомида 62 нафар Ўзбекистон фуқароси терроризмни молиялаштириш учун судланган. Уларнинг аксарияти террористик ташкилот, уларнинг вакиллари ёки унга алоқадор шахсларга пул маблағларини тақдим этиш ёки уларнинг ҳисоб рақамларига пул кўчириш билан шуғулланган.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг