«тошкент» тегли мақолалар
Фото: Тошкентда Ватан ҳимоячилари кунига бағишланган парад ўтказилди
Тошкентда Ўзбекистон Қуролли Кучлари ташкил этилганининг 30 йиллиги ва Ватан ҳимоячилари куни муносабати билан тантанали ҳарбий юриш бўлиб ўтди. Ҳарбий хизматчилардан иборат бўлинмалар «Туркистон» санъат саройидан — ҳарбий техникалар кўргазмаси бўлиб ўтаётган Халқлар дўстлиги майдонига қадар ҳаракатланди.
Тошкентда радар ўрнатиш мумкин бўлган 69 та ҳудуд аукционда 20,99 млрд сўмга сотилди
Тошкентдаги радар ва камералар ўрнатиш мумкин бўлган 69 та объект онлайн аукционда сотилди. Бошланғич баҳоси 306,45 млн сўм бўлган объектларнинг умумий нархи 68,5 баробарга ошиб, 20,99 млрд сўмга етган. Энг қиммат ҳудуд 750,06 млн сўм — бошланғич қийматидан 277,8 баробар қимматга сотилди.
Тошкентда ўт ўчириш мосламаси портлатилди, уч киши жароҳатланди
Пойтахтда Янги йилни нишонлаш вақтида номаълум шахслар ўт ўчириш мосламасини ёқиб юборишди. Натижада у портлаб кетган ва буни тасвирга тушираётган 3 киши жиддий тан жароҳатларини олган.
Тошкентда йўл-транспорт инфратузилмасини 2025 йилгача ривожлантириш концепцияси ишлаб чиқилди
Транспорт вазирлиги Тошкентда йўл-транспорт инфратузилмасини 2025 йилгача ривожлантириш концепциясини тасдиқлаш тўғрисидаги ҳукумат қарори лойиҳасини ишлаб чиқди. Концепция биринчи ўринда пиёдалар, кейинги ўринларда велотранспорт, шаҳар жамоат транспорти ва шахсий автотранспорт учун қулай инфратузилмани яратишни кўзда тутади.
Тошкентда қарийб 5 минг евролик сохта тангалар муомалага киритилгани аниқланди
Пойтахтнинг Миробод туманида 4940 евро миқдоридаги 2470 дона 2 евролик танга банк орқали алмаштирилгани, банк ходимлари эса уларни текширмасдан қабул қилиб олгани аниқланди. Қашқадарёда эса 2 бош қўй эвазига берилган пулларнинг 20 донаси сохта 100 минглик купюра эканлиги маълум бўлди.
Тошкентда автобус ёниб кетди
Учтепа туманида 125 йўналишда ҳаракатланаётган «Mercedes-Benz» автобуси ёниб кетди. ФВВ ёнғин-қутқарув экипажи воқеа жойига 6 дақиқада етиб боргани ва олов 4 дақиқада ўчирилганини маълум қилди.
Тошкентда мактабларда жой етишмаслигини биноларни ижарага бериш орқали ҳал қилиш режалаштирилмоқда
Прогнозларга кўра, 2025 йилда Тошкент мактабларида 550 минг ўқувчи таҳсил олади. Беш йил ичида шаҳарда 30 та мактаб қуриш режалаштирилмоқда, бироқ бу синфларда жой етишмаслиги муаммосини ҳал учун етарли эмас. Ҳоким Жаҳонгир Ортиқхўжаев давлат ҳар йили 20−30 тадан мактаб қура оладиган даражага етгунича вақтинчалик ечим сифатида бўш биноларни ишбилармонлардан ижарага олиш кўриб чиқилаётганини маълум қилди.
Энди Тошкентдан Андижонга пайшанба кунлари ҳам поезд қатнайди
«Тошкент-Андижон-Тошкент» йўналишида ҳар пайшанба кунлари қўшимча поезд қатнови йўлга қўйилади. Қатнов Тошкент марказий ҳамда Андижон темир йўл вокзалларидан амалга оширилади.
Тошкентда COVID-19`дан вафот этган тиббиёт ходимлари хотирасига хиёбон ташкил этилади
COVID-19`дан вафот этган тиббиёт ходимлари хотирасига Ғалаба боғида хиёбон ташкил этилади. Биринчи босқичда жами 61 та чинор, қайрағоч ва акация дарахтлари экилади.
Электр энергиядаги ўчишлар Тошкентда яна сув таъминоти узилишига сабаб бўлди
Пойтахтни сув билан таъминловчи «Қодирия» сув иншоотининг юқори кучланишли электр таъминотида носозлик юзага келиб, насос агрегатлари ўчиб қолган. Бунинг оқибатида шаҳарнинг айрим туманларида ичимлик суви таъминотида узилишлар кузатилмоқда.
Тошкент дунёнинг энг арзон шаҳарлари рўйхатида учинчи ўринни эгаллади
The Economist журнали рейтингида Тошкент Дамашқ ва Триполи билан дунёнинг энг арзон шаҳарлари учлигидан жой олди. Рейтингни тузишда 200 та товар ва хизматлар нархи Нью-Йорк билан солиштирилган.
Тошкентдаги автобусларда зўравонликка қарши кампания бошланди
Пойтахтдаги жамоат транспортларида тегажоғлик ва жинсий зўравонликка қарши кампания бошланди. Автобус салонларида баннерлар ва фавқулодда тўхтатиш тугмалари жорий қилинди. «Газета.uz» харассмент қурбонлари қандай ҳаракат қилиши лозимлиги, қолаверса, ҳайдовчи ва чиптачи ушбу ҳолатга қай тарзда муносабат билдириши кераклиги ҳамда хорижда зўравонликка қарши қандай кураш олиб борилаётганини ўрганди. Ўзбекистон қонунчилигида тегажоғлиқ учун жавобгарлик мавжуд эмас. Ҳуқуқбузарни «ҳақорат қилиш» моддаси билан жавобгарликка тортиш режалаштирилган.
Тошкентда Пиза университети филиали ташкил этилди
Ҳукумат қарори билан Тошкентда Италиянинг X асрлик тарихга Пиза университетининг филиали ташкил этилди. Филиалда таълим 2022/2023 ўқув йилидан кундузги шаклда контракт асосида амалга оширилади. Битирувчиларга эса университет дипломи берилади.
Ўзбекистоннинг бир қатор ҳудудларида ер қимирлаши кузатилди
Қирғизистонда кузатилган зилзила Ўзбекистон ҳудуларида ҳам сезилди. Жумладан, Хонободда 3−4 балл, Қўрғонтепада 3 балл, Жалақудуқда 3 балл, Пахтаободда 3 балл, Асакада, Норин, Марҳамат ва бошқа туманларда 2 баллик силкинишлар қайд этилди.
Ўзгидромет Тошкентда ифлос қор ёғгани сабабини тушунтирди
Чоршанба куни эрта тонгда пойтахтда ифлос қор ёғди. Ўзгидромет бунга 4 ноябрда Қозоғистон жанубида ва 16 ноябрда Бухоро вилоятида кузатилган қум бўронлари сабаб бўлганини маълум қилди. Шунингдек, бу инсон саломатлигига зиён етказмаслиги айтилмоқда.
Тошкентда ёшлар фестивали бошланмоқда. Тадбирлар рўйхати
Тошкентда ноябрь-декабрь ойларида «Тошкент ёшларни севади» шиори остида Ёшлар ойлиги ўтказилади. Тадбир доирасида спорт фестиваллари, интеллектуал лойиҳалар, маданият ва санъат, мода ва дизайн кўргазмалари, Poytaxt party концерт дастурлари ва бошқалар бўлиб ўтади. Тошкент шаҳар ҳокими Жахонгир Ортиқхўжаев «кўплаб сюрпризлар» борлигини маълум қилди.
8 синф ўқувчиси билан жинсий алоқа қилган жисмоний тарбия ўқитувчиси ва унинг шерикларига ҳукм ўқилди
Тошкентда 15 ёшли мактаб ўқувчиси билан жинсий яқинлик қилган жисмоний тарбия ўқитувчиси ва унинг икки нафар шериги ушбу жиноятни содир этганликда айбли деб топилди. Суд ўқитувчини 4 йилга, унинг шерикларини эса 2 йилга озодликдан маҳрум этди.
Тошкент ҳавосидаги чанг миқдори нормал кўрсаткичга қайтди
8 ноябрь соат 11:00 ҳолатига кўра, Тошкент шаҳрида ҳавонинг чанг билан ифлосланиши рухсат этилган максимал қийматдан ошмади, деб хабар берди «Ўзгидромет».
Тошкентда 13 йил олдин давлат эҳтиёжи учун бузилган уй-жойнинг зарари хануз қопланмаган
Тошкент шаҳрида давлат эҳтиёжи учун 13 йил олдин бузилган уйлар ўрнига уй-жой ёки компенсация пуллари бугунги кунга қадар тўлаб берилмаган. Депутат Расул Кушербаевнинг таъкидлашича, «бу ҳаракат давлатнинг ўз фуқароси олдида хусусий мулк дахлсизлигини таъминлаш мажбуриятини бажармаётганини кўрсатмоқда».
Тошкентнинг айрим туманларида ичимлик суви таъминоти тўхтатилди
«Қодирия» бош сув иншоотидаги носозлик туфайли пойтахтнинг айрим туманларида ичимлик суви таъминотида узилишлар кузатилмоқда. Жумладан, авария оқибатида Мирзо Улуғбек туманидаги иккита қозонхонага совуқ сув келиши тўхтаган ва туман аҳолиси таъминотсиз қолган.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг