Жаҳон
Иқтисодиёт бўйича Нобель мукофоти соҳиблари эълон қилинди
Иқтисодиёт бўйича 2021 йилги Нобель мукофоти америкалик иқтисодчиларга топширилди. Дэвид Кард «меҳнат иқтисодиётини ўрганишга», Жошуа Энгрист ва Гуидо Имбенс «сабаб-оқибат муносабатларини таҳлил қилишга» ҳисса қўшганликлари учун эътироф этилди.
Жаҳон янгиликлари дайжести
«Толибон»нинг ИДга қарши кенг кўламли ҳарбий операция ўтказаётгани, Ҳиндистоннинг сайёҳлик визаларини беришни бошлаши, Google’нинг иқлим ўзгаришини инкор этувчи контентни монетизация қилишни тақиқлагани ва бошқа янгиликлар — «Газета.uz»нинг жаҳон янгиликлари дайжестида.
Афғонистондаги масжид портлашида камида 100 киши ҳалок бўлди — «Толибон»
Афғонистоннинг Қундуз шаҳрида шиа масжиди портлатилди. «Толибон» вакиллари камида 100 киши портлаш натижасида ҳалок бўлганлигини таъкидламоқда. Ҳозирча ҳеч қайси террорчи гуруҳ ушбу теракт учун масъулиятни ўз бўйнига олгани йўқ.
Тинчлик бўйича Нобель мукофоти россиялик ва филиппинлик журналистларга берилди
2021 йилги тинчлик бўйича Нобель мукофоти россиялик журналист Дмитрий Муратов ва филиппинлик журналист Мария Рессага топширилади. Нобель қўмитаси уларнинг демократия ва тинчликнинг асосий шарти бўлмиш сўз эркинлигини ҳимоя қилишдаги саъй-ҳаракатларини эътироф этди.
Жаҳон янгиликлари дайжести
Финляндия, Дания ва Швециянинг 30 ёшгача бўлган аҳолини Moderna билан эмлашни тўхтатгани, Латвия соғлиқни сақлаш тизимида фавқулодда ҳолат эълон қилингани, Покистонда зилзила оқибатида 20 кишининг ҳалок бўлгани ва бошқа янгиликлар — «Газета.uz»нинг жаҳон янгиликлари дайжестида.
Адабиёт бўйича Нобель мукофоти Абдулразоқ Гурнага топширилади
Танзаниялик ёзувчи Абдулразоқ Гурна адабиёт йўналишида 2021 йилги Нобель мукофотининг соҳиби бўлди. У «колониализм оқибатлари ва қочқинлар тақдирига муросасиз ва раҳмдиллик билан киришгани» учун тақдирланган.
Электр ҳақини тўламаган Афғонистон собиқ ҳукумати амалдорларининг мол-мулки сотувга қўйилиши мумкин
Афғонистоннинг энергетика компанияси электр энергияси ҳақини тўламаган собиқ ҳукумат амалдорларининг мол-мулкини сотувга қўймоқчи. Мамлакат аҳолиси компаниянинг бу қарорини қўллаб-қувватлаётганлиги айтилмоқда. Маълумотга кўра, компанияга тўланиши керак бўлган электр энергиясидан қарзларнинг умумий миқдори 5,5 млн доллардан ортиқ.
ОАВ: Афғонистоннинг собиқ президенти Ашраф Ғани Ўзбекистон орқали қочган
Афғонистоннинг Hasht e Subh Daily газетаси мамлакатнинг собиқ президенти Ашраф Ғанининг қочиш тафсилотларини ёритди. Нашрнинг ёзишича, у ва унинг атрофидагилар аввал Ўзбекистонга бориб, Термиз аэропортида бир кундан кўпроқ қолишган, сўнгра Қозоғистон авиакомпанияси самолёти билан БААга учишган.
Жаҳон янгиликлари дайжести
Грузиянинг ўз рақамли валютасини жорий этишни режалаштираётгани, Aвстрияда ҳукмрон партия идораларида тинтувлар ўтказилгани, Хитойнинг 2025 йилга келиб Тайванни босиб олишга тўлиқ тайёр бўлиши ҳақидаги фикрлар ва бошқа янгиликлар — «Газета.uz»нинг жаҳон янгиликлари дайжестида.
Кимё бўйича Нобель мукофоти катализаторларнинг янги турини кашф қилган олимларга топширилди
Бенжамин Лист ва Дэвид Макмиллан молекулаларнинг янги ҳамда аниқ тузилишини — органокатализни кашф қилгани учун кимё бўйича Нобель мукофоти билан тақдирланди.
Европада энергия инқирози: газ нархининг кескин ўсиши сабаблари ва оқибатлари
Европада табиий газ нархлари ўтган йилнинг мос даврига нисбатан олти бараварга ўсди. 5 октябрь куни табиий газ фючерслари нархи минг куб метр учун қарийб 1200 долларга етди. Яқинлашаётган иситиш мавсумида газ танқислиги хавфи хонадонларни иситиш, электр энергияси таъминоти ва саноат ишлаб чиқаришга жиддий хавф туғдириши мумкин. Европа газ бозорида нахрларнинг рекорд даражада кўтарилишининг сабаблари ва бунинг оқибатлари ҳақида «Газета.uz» мақоласида.
«Биз сизни уялтириб қўймаймиз». Павел Дуров Telegram фойдаланувчилари сони 70 млн га кўпайгани ҳақида
Telegram мессенжери асосчиси Павел Дуров бир куннинг ўзида мессенжернинг фойдаланувчилари сони 70 млн га кўпайганини маълум қилди. У Шимолий ва Жанубий Америкадаги фойдаланувчилар оммавий равишда Telegram`га ўта бошлашганини таъкидлади. «Бошқалар сизга панд бераётган бир вақтда биз сизни уялтириб қўймаймиз», — дейди Дуров.
Жаҳон янгиликлари дайжести
Долларнинг жаҳон валютаси мақоми таҳдид остида бўлиши мумкинлиги, Facebook’даги узилишлар сабаби, дунё авиакомпанияларининг 2050 йилга келиб CО2 чиқиндиларини нолга етказиш мажбуриятини олишгани ва бошқа янгиликлар — «Газета.uz»нинг жаҳон янгиликлари дайжестида.
Физика бўйича Нобель мукофоти иқлимни моделлаштириш ва физик тизимларни ўрганган олимларга берилди
2021 йилги физика бўйича Нобель мукофоти Сюкуро Манабе, Клаус Ҳасселман ва Жоржио Паризига «мураккаб физик тизимлар ҳақидаги тушунчамизга қўшган ҳиссаси» учун берилди.
Афғонистон электр энергияси импорти бўйича қўшни давлатлардан 62 млн доллар қарздор
Афғонистоннинг энергетика компанияси Ўзбекистон, Тожикистон, Туркманистон ва Эрондан 51 млн доллар қарздор эканлиги маълум бўлди. Компания вакиллари БМТнинг Афғонистондаги ёрдам дастуридан қарзни тўлаш учун 90 млн доллар маблағ сўраб мурожаат қилишган.
Жаҳон янгиликлари дайжести
Жанубий Калифорнияда катта миқдордаги нефтнинг океанга тўкилгани, Финляндия президентининг бир кун давомида 16 ёшли қиз билан биргаликда ишлаши, Эрон ва Уммонга келган тўфон оқибатида 9 кишининг ҳалок бўлгани ва бошқа янгиликлар — «Газета.uz»нинг жаҳон янгиликлари дайжестида.
Россияда барча оммавий тадбирлар бекор қилинди
Россияда коронавирус билан касалланиш ҳолатларининг кескин кўпайиши оқибатида мамлакат бўйлаб барча оммавий тадбирлар бекор қилинди.
Тиббиёт бўйича Нобель мукофоти янги рецепторларни кашф қилган олимларга берилди
Тиббиёт соҳасидаги Нобель мукофоти «ҳарорат ва сезиш рецепторларини кашф қилган» олимлар Дэвид Жулиус ва Ардем Патапутянга топширилди.
«Pandora Papers» ошкор қилган офшор операциялари ва Ўзбекистонга алоқадор маълумотлар
Таниқли сиёсатчилар, давлат ва ҳукумат раҳбарлари, машҳур бойларнинг офшор операциялари ҳақида эълон қилинган «Pandora Papers» ҳужжатларида Ўзбекистонга миллионлаб инвестиция киритган ирланд компаниялари ҳамда Гулнора Каримовага пора берганликда гумон қилинадиган Telia компанияси вакиллари ҳақида ҳам сўз боради. Шунингдек, суриштирув доирасидаги ҳужжатларда Озарбайжон президенти Илҳом Алиевнинг оиласи, Украина президенти Владимир Зеленский, Иордания қироли, Буюк Британия собиқ бош вазири ва бошқа таниқли шахсларнинг офшор операциялари ҳақида маълумот келтирилган.
Михаил Саакашвили Грузияда қўлга олинди
Грузиянинг собиқ президенти Михаил Саакашвили Тбилисида қўлга олинди, унга нисбатан бир нечта жиноий иш қўзғатилган. Сиёсатчи ватанига муниципал сайловлар арафасига қайтганди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг